[Zawgyi version]
မ်က္မွန္ မတပ္ရေအာင္ ေဆာင္ရန္ / ေရွာင္ရန္မ်ား
ယေန႔ တိုးတက္လာတဲ့ ေခတ္စနစ္ႏွင့္ နည္းပညာမ်ား ေနာက္ကိုအမီလိုက္ရင္း ကြၽန္မတို႔ရဲ႕ ကေလးေတြ၊ လူငယ္ မ်ိဳးဆက္သစ္ေလးေတြဟာ မ်က္မွန္ေလးေတြ ကိုယ္စီနဲ႔ ျဖစ္လာၾကပါတယ္။ အဲဒီေတာ့ မိဘေတြ အေနနဲ႔ေရာ မ်က္မွန္တပ္ဆင္ ေနရသူမ်ားေရာ၊ မ်က္မွန္ မတပ္ရေသး သူမ်ားေရာ သိထားသင့္တဲ့ မ်က္မွန္တပ္ရျခင္းႏွင့္ သိမွတ္ ဖြယ္ရာမ်ားကို မ်က္စိ အထူးကုဆရာဝန္ႀကီး ေဒါက္တာ ေဒၚနီလာသိန္းႏွင့္ ဒီတစ္ပတ္မွာ ေတြ႕ဆုံေမးျမန္းၿပီး ေဖာ္ျပေပးလိုက္ပါတယ္။
ေမး။ ။ အခုေနာက္ပိုင္း လူငယ္ေတြ၊ ကေလးေတြမွာ မ်က္မွန္ တပ္ရတာ မ်ားလာတာကို ေတြ႕ရပါတယ္။ အဲဒါ ဘယ္လို အေၾကာင္းရင္းေတြေၾကာင့္ပါလဲရွင့္။
ေျဖ ။ ။မ်က္မွန္ပါဝါနဲ႔ ပတ္သက္လို႔ ေျပာရရင္ နံပါတ္တစ္က မ်ိဳး႐ိုးဗီဇ ေခၚတာေပါ့။ မိဘက အေပါင္းအႏုတ္ ပါဝါေတြ တပ္ရရင္ ေမြးလာတဲ့ သား သမီးေတြကလည္း အႏုတ္ ပါဝါေတြ တပ္ရတယ္။ ဒါေပမဲ့ ဒီေန႔ေခတ္ အေနအထားအရေတာ့ ကေလးေတြက လမ္းမွာ အေဝးကို ၾကည့္ရတဲ့ အေလ့အထ တအားနည္းသြားတယ္။ သူတို႔က ဘာေတြၾကည့္လဲဆိုေတာ့ ကြန္ပ်ဴတာ ၾကည့္တယ္။လက္(ပ္)ေတာ့ ၾကည့္တယ္။ ဂိမ္းေတြ ေဆာ့တယ္။ သူတို႔ရဲ႕ ဖုန္းေသးေသးေလးေတြထဲကေန အင္တာနက္ေတြ ၾကည့္တယ္။ ဂိမ္းေတြေဆာ့တယ္။ အဲဒီေတာ့ သူတို႔က အနီးကိုပဲ အရမ္း ၾကည့္ေနတဲ့ အခါက်ေတာ့ တျဖည္းျဖည္းနဲ႔ အေဝးကို မႈန္လာၾကတယ္။ဂ်ပန္တို႔ စင္ကာပူ တို႔မွာဆိုရင္ သူတို႔ႏိုင္ငံမွာရွိတဲ့ လူငယ္ အားလုံးရဲ႕ ၇ဝ ရာခိုင္ႏႈန္းက မ်က္မွန္ တပ္ထားၾကတယ္။ ဘာေၾကာင့္လဲ ဆိုေတာ့ သူတို႔က တိုက္နံရံအတြင္းမွာပဲ အျမင္အာ႐ုံက ရွိၾကတယ္။ အေဝးကို ၾကည့္တာ အားနည္းတယ္။ သူတို႔သည္ ဘာလုပ္ေနၾကလဲဆိုေတာ့ တစ္ေန႔လုံး ကြန္ပ်ဴတာေရွ႕မ်ားမွာပဲ ေနၾကတယ္။၂၄ နာရီ အင္တာနက္ ၾကည့္ေနတယ္။ ဂိမ္းေဆာ့တယ္။ ကြန္ပ်ဴတာ ၾကည့္တယ္။ ဒီတီဗီလို ဖန္သားျပင္ကိုပဲ ၾကည့္ေနတဲ့ အခါက်ေတာ့ တျဖည္းျဖည္းနဲ႔ အေဝးမႈန္သြားၾကတယ္။ေနာက္တစ္ခုက မ်က္မွန္တပ္သင့္ရဲ႕သားနဲ႔ ကေလးကိုေတာ့ မ်က္မွန္ မတပ္ခ်င္ဘူး။ မတပ္ပါရေစနဲ႔ ဆရာမရယ္ ဆိုၿပီးေတာ့ ျငင္းဆိုၿပီးေတာ့ မတပ္ဘဲ ထားတဲ့အခါမွာ ၾကာလာ ေတာ့ အဲဒီကေလးက ပါဝါေတြ ထပ္တက္လာၿပီးေတာ့ အဲဒီ ကေလးေတြက မ်က္မွန္ေလးေတြနဲ႔ ျဖစ္သြားတယ္။ႏိုင္ငံတစ္ႏိုင္ငံရဲ႕ ေခတ္စနစ္ေတြ တိုးတက္လာတာနဲ႔အမွ် မ်က္မွန္တပ္ရတဲ့ ကေလးေတြက မ်ားလာမွာပဲ။ အစ္မတို႔ ကေလးေတြကို ဂိမ္းမေဆာ့ပါနဲ႔လို႔ တားလို႔ မရဘူး။ ဒါ မိဘတိုင္း ရင္ဆိုင္ရတဲ့ ျပႆနာပဲ။ ေခတ္စနစ္ရဲ႕အသီးအပြင့္ ေတြျဖစ္တဲ့အတြက္ တားလို႔လည္း မရဘူး။ တားရင္လည္း သူတို႔က တျခားကေလးေတြနဲ႔ ယွဥ္ရင္ က်န္ခဲ့မွာေလ။ အဲဒါေတြအတြက္ကေတာ့ အစ္မတို႔ ပညာေပးရမွာေပါ့။
ေမး။ ။ မ်က္မွန္ကတပ္ၿပီးရင္ အခ်ိန္ တစ္ခုၾကာသြားရင္ ခြၽတ္လို႔ရပါသလား။ ဒါမွမဟုတ္ တစ္သက္လုံး တပ္သြားရမွာပဲလား။
ေျဖ ။ ။ မ်က္မွန္ရဲ႕ သေဘာ သဘာဝအရေတာ့ အႏုတ္ ပါဝါတပ္ထားတဲ့ အေဝးမႈန္ မ်က္စိဆိုရင္ေတာ့ တပ္ထားၿပီးရင္ ပါဝါက တိုးဖို႔ပဲ ရွိတယ္။ ကေလးေတြ ရဲ႕ အသက္ ၁၈ ႏွစ္ ၂ဝ ႏွစ္ ေယာက်္ား ေလး၊ မိန္းကေလး စတာေတြေပၚမူ တည္ၿပီးေတာ့ အသက္ ၁၈ ႏွစ္၊ ၂ဝ ထိေအာင္ ပါဝါက တက္လာမွာျဖစ္တဲ့ အတြက္ေၾကာင့္ ပါဝါကို ေလွ်ာ့ခ်လို႔ မရ ဘူး။ ဒါေၾကာင့္ အစ္မတို႔က သူတို႔ ရဲ႕ ေနထိုင္ စားေသာက္မႈပုံစံမွာက ငယ္ငယ္တည္းက အသီးအႏွံ မ်ားမ်ား စားရမယ္။ အစာအုပ္စု သုံးခုမွာပါတဲ့ အစာေတြကို စားရမယ္။ သတၱဳဓာတ္ မ်ားမ်ားပါတဲ့ အစားအစာေတြကို စားမယ္ ဆိုရင္ေတာ့ ပါဝါကို ေရွ႕ဆက္ မတိုးလာေအာင္ ထိန္းႏိုင္တာပဲ ရွိတယ္။
ေမး။ ။ တခ်ိဳ႕ မ်က္မွန္တပ္ၿပီးေတာ့ ေဆးေသာက္ၿပီး မ်က္မွန္ကြၽတ္သြား ၾကတယ္ေျပာတယ္။ အဲလိုမ်ိဳး ေဆး စားၿပီးေတာ့ေရာ မ်က္မွန္ခြၽတ္ႏိုင္ပါသလား။
ေျဖ ။ ။ ေဆးစားၿပီးေတာ့ မ်က္မွန္ ကြၽတ္တယ္လို႔ မရွိႏိုင္ပါဘူး။
ေမး။ ။ မိဘေတြ အေနနဲ႔ေရာ ကိုယ့္သား သမီးေတြ မ်က္မွန္ မတပ္ရေအာင္ ထိန္းကြပ္ေပးလို႔ ရတဲ့ေဆာင္ရန္၊ ေရွာင္ရန္ ေတြလည္း ေျပာျပေပးပါဦးရွင့္။
ေျဖ ။ ။သူတို႔ တစ္ေန႔တာ လႈပ္ရွားေနတဲ့ ေဆာင္ရန္ ေရွာင္ရန္ေပါ့။ အဲဒါက စာဖတ္တဲ့ အခါမွာ အိပ္မဖတ္ရဘူး။ အေမွာင္ထဲမွာ မဖတ္ရဘူး။ ျခင္ေထာင္ထဲမွာ ေမွာက္ မဖတ္ရဘူး။ ကားစီးရင္း၊ ရထားစီးရင္း မဖတ္ရဘူး။ တီဗီၾကည့္ ရင္ မ်က္စိနဲ႔ တစ္တန္းတည္း ထားၾကည့္ရမယ္။ တီဗီကို အေမွာင္ထဲမွာ ထားမၾကည့္ရဘူး။ အလင္းေနာက္ခံ ထားၾကည့္ရမယ္ ဆိုတာေလးနဲ႔ သူတို႔ရဲ႕ ေဆာင္ရန္ ေရွာင္ရန္ေလးေတြကို မိဘေတြက အနီးကပ္ ျပဳျပင္ေပးႏိုင္မယ္ဆိုရင္ေတာ့ ေကာင္းသြားမွာပါ။
Credit – ျမတ္စုၿငိမ္း
Popular Myanmar News Journal
[Unicode version]
မျက်မှန် မတပ်ရအောင် ဆောင်ရန် / ရှောင်ရန်များ
ယနေ့ တိုးတက်လာတဲ့ ခေတ်စနစ်နှင့် နည်းပညာများ နောက်ကိုအမီလိုက်ရင်း ကျွန်မတို့ရဲ့ ကလေးတွေ၊ လူငယ် မျိုးဆက်သစ်လေးတွေဟာ မျက်မှန်လေးတွေ ကိုယ်စီနဲ့ ဖြစ်လာကြပါတယ်။ အဲဒီတော့ မိဘတွေ အနေနဲ့ရော မျက်မှန်တပ်ဆင် နေရသူများရော၊ မျက်မှန် မတပ်ရသေး သူများရော သိထားသင့်တဲ့ မျက်မှန်တပ်ရခြင်းနှင့် သိမှတ် ဖွယ်ရာများကို မျက်စိ အထူးကုဆရာဝန်ကြီး ဒေါက်တာ ဒေါ်နီလာသိန်းနှင့် ဒီတစ်ပတ်မှာ တွေ့ဆုံမေးမြန်းပြီး ဖော်ပြပေးလိုက်ပါတယ်။
မေး။ ။ အခုနောက်ပိုင်း လူငယ်တွေ၊ ကလေးတွေမှာ မျက်မှန် တပ်ရတာ များလာတာကို တွေ့ရပါတယ်။ အဲဒါ ဘယ်လို အကြောင်းရင်းတွေကြောင့်ပါလဲရှင့်။
ဖြေ ။ ။မျက်မှန်ပါဝါနဲ့ ပတ်သက်လို့ ပြောရရင် နံပါတ်တစ်က မျိုးရိုးဗီဇ ခေါ်တာပေါ့။ မိဘက အပေါင်းအနုတ် ပါဝါတွေ တပ်ရရင် မွေးလာတဲ့ သားသမီးတွေကလည်း အနုတ် ပါဝါတွေ တပ်ရတယ်။ ဒါပေမဲ့ ဒီနေ့ခေတ် အနေအထားအရတော့ ကလေးတွေက လမ်းမှာ အဝေးကို ကြည့်ရတဲ့ အလေ့အထ တအားနည်းသွားတယ်။ သူတို့က ဘာတွေကြည့်လဲဆိုတော့ ကွန်ပျူတာ ကြည့်တယ်။ လက်(ပ်)တော့ ကြည့်တယ်။ ဂိမ်းတွေ ဆော့တယ်။ သူတို့ရဲ့ ဖုန်းသေးသေးလေးတွေထဲကနေ အင်တာနက်တွေ ကြည့်တယ်။ ဂိမ်းတွေဆော့တယ်။ အဲဒီတော့ သူတို့က အနီးကိုပဲ အရမ်း ကြည့်နေတဲ့ အခါကျတော့ တဖြည်းဖြည်းနဲ့ အဝေးကို မှုန်လာကြတယ်။ ဂျပန်တို့ စင်ကာပူ တို့မှာဆိုရင် သူတို့နိုင်ငံမှာရှိတဲ့ လူငယ် အားလုံးရဲ့ ၇ဝ ရာခိုင်နှုန်းက မျက်မှန် တပ်ထားကြတယ်။ ဘာကြောင့်လဲ ဆိုတော့ သူတို့က တိုက်နံရံအတွင်းမှာပဲ အမြင်အာရုံက ရှိကြတယ်။ အဝေးကို ကြည့်တာ အားနည်းတယ်။ သူတို့သည် ဘာလုပ်နေကြလဲဆိုတော့ တစ်နေ့လုံး ကွန်ပျူတာရှေ့များမှာပဲ နေကြတယ်။၂၄ နာရီ အင်တာနက် ကြည့်နေတယ်။ ဂိမ်းဆော့တယ်။ ကွန်ပျူတာ ကြည့်တယ်။ ဒီတီဗီလို ဖန်သားပြင်ကိုပဲ ကြည့်နေတဲ့ အခါကျတော့ တဖြည်းဖြည်းနဲ့ အဝေးမှုန်သွားကြတယ်။ နောက်တစ်ခုက မျက်မှန်တပ်သင့်ရဲ့သားနဲ့ ကလေးကိုတော့ မျက်မှန်မတပ်ချင်ဘူး။ မတပ်ပါရစေနဲ့ ဆရာမရယ် ဆိုပြီးတော့ ငြင်းဆိုပြီးတော့ မတပ်ဘဲ ထားတဲ့အခါမှာ ကြာလာတော့ အဲဒီကလေးက ပါဝါတွေ ထပ်တက်လာပြီးတော့ အဲဒီကလေးတွေက မျက်မှန်လေးတွေနဲ့ ဖြစ်သွားတယ်။ နိုင်ငံတစ်နိုင်ငံရဲ့ ခေတ်စနစ်တွေ တိုးတက်လာတာနဲ့အမျှ မျက်မှန်တပ်ရတဲ့ ကလေးတွေက များလာမှာပဲ။ အစ်မတို့ ကလေးတွေကို ဂိမ်းမဆော့ပါနဲ့လို့ တားလို့ မရဘူး။ ဒါ မိဘတိုင်း ရင်ဆိုင်ရတဲ့ ပြဿနာပဲ။ ခေတ်စနစ်ရဲ့အသီးအပွင့် တွေဖြစ်တဲ့အတွက် တားလို့လည်း မရဘူး။ တားရင်လည်း သူတို့က တခြားကလေးတွေနဲ့ ယှဉ်ရင် ကျန်ခဲ့မှာလေ။ အဲဒါတွေအတွက်ကတော့ အစ်မတို့ ပညာပေးရမှာပေါ့။
မေး။ ။ မျက်မှန်ကတပ်ပြီးရင် အချိန် တစ်ခုကြာသွားရင် ချွတ်လို့ရပါသလား။ ဒါမှမဟုတ် တစ်သက်လုံး တပ်သွားရမှာပဲလား။
ဖြေ ။ ။ မျက်မှန်ရဲ့ သဘော သဘာဝအရတော့ အနုတ် ပါဝါတပ်ထားတဲ့ အဝေးမှုန် မျက်စိဆိုရင်တော့ တပ်ထားပြီးရင် ပါဝါက တိုးဖို့ပဲ ရှိတယ်။ ကလေးတွေ ရဲ့ အသက် ၁၈ နှစ် ၂ဝ နှစ် ယောကျ်ားလေး၊ မိန်းကလေး စတာတွေပေါ်မူ တည်ပြီးတော့ အသက် ၁၈ နှစ်၊ ၂ဝ ထိအောင် ပါဝါက တက်လာမှာဖြစ်တဲ့ အတွက်ကြောင့် ပါဝါကို လျှော့ချလို့ မရဘူး။ ဒါကြောင့် အစ်မတို့က သူတို့ ရဲ့ နေထိုင် စားသောက်မှုပုံစံမှာက ငယ်ငယ်တည်းက အသီးအနှံ များများ စားရမယ်။ အစာအုပ်စု သုံးခုမှာပါတဲ့ အစာတွေကို စားရမယ်။ သတ္တုဓာတ် များများပါတဲ့ အစားအစာတွေကို စားမယ် ဆိုရင်တော့ ပါဝါကို ရှေ့ဆက် မတိုးလာအောင် ထိန်းနိုင်တာပဲ ရှိတယ်။
မေး။ ။ တချို့ မျက်မှန်တပ်ပြီးတော့ ဆေးသောက်ပြီး မျက်မှန်ကျွတ်သွား ကြတယ်ပြောတယ်။ အဲလိုမျိုး ဆေး စားပြီးတော့ရော မျက်မှန်ချွတ်နိုင်ပါသလား။
ဖြေ ။ ။ ဆေးစားပြီးတော့ မျက်မှန် ကျွတ်တယ်လို့ မရှိနိုင်ပါဘူး။
မေး။ ။ မိဘတွေ အနေနဲ့ရော ကိုယ့်သား သမီးတွေ မျက်မှန် မတပ်ရအောင် ထိန်းကွပ်ပေးလို့ ရတဲ့ဆောင်ရန်၊ ရှောင်ရန် တွေလည်း ပြောပြပေးပါဦးရှင့်။
ဖြေ ။ ။သူတို့ တစ်နေ့တာ လှုပ်ရှားနေတဲ့ ဆောင်ရန် ရှောင်ရန်ပေါ့။ အဲဒါက စာဖတ်တဲ့ အခါမှာ အိပ်မဖတ်ရဘူး။ အမှောင်ထဲမှာ မဖတ်ရဘူး။ ခြင်ထောင်ထဲမှာ မှောက် မဖတ်ရဘူး။ ကားစီးရင်း၊ ရထားစီးရင်း မဖတ်ရဘူး။ တီဗီကြည့်ရင် မျက်စိနဲ့ တစ်တန်းတည်း ထားကြည့်ရမယ်။ တီဗီကို အမှောင်ထဲမှာ ထားမကြည့်ရဘူး။ အလင်းနောက်ခံ ထားကြည့်ရမယ် ဆိုတာလေးနဲ့ သူတို့ရဲ့ ဆောင်ရန် ရှောင်ရန်လေးတွေကို မိဘတွေက အနီးကပ် ပြုပြင်ပေးနိုင်မယ်ဆိုရင်တော့ ကောင်းသွားမှာပါ။
Credit –
မြတ်စုငြိမ်း
Popular Myanmar News Journal
