ရေမွှေး ဝယ်လိုက်တိုင်း အနံ့က ကြာရှည်မခံတဲ့အပြင် ကိုယ့်ရဲ့ချွေးနံ့ကို control မလုပ်ပေးနိုင်လို့ စိတ်ကသိ ကအောက် ဖြစ်ရတဲ့ အခိုက်အတန့်မျိုး ကြုံတွေ့ဖူးလား။ ဒါဆိုရင်တော့ သင့်ရဲ့ ကိုယ်ရ နံ့နဲ့ ကိုက်ညီတဲ့ ရေမွှေးအနံ့ကို သေချာမရွေးချယ်တတ်တာရယ်၊ ရေမွှေးကြာရှည်ခံအောင် ဘယ်လိုနည်းလမ်း အသုံးပြုရတယ်ဆိုတဲ့ လျှို့ဝှက်ချက် တွေကို မသိသေးလို့ပါ။ ဒီတော့… ရေမွှေးဝယ်တော့မယ်ဆိုရင် အခုဖော်ပြပေးမယ့် နည်းလမ်းလေးအတိုင်း သေချာ ဆန်းစစ်ပြီးမှ ရွေးဝယ်ဖို့ တိုက်တွန်းပါရစေ။

ပထမဦးဆုံးအချက်အနေနဲ့ ရေမွှေးဝယ်တော့မယ်ဆိုရင် တစ်ယောက်ထဲ မသွားပါနဲ့။ ကိုယ်ရဲ့ အနံ့ကို ကိုယ်တိုင် သတိမထားမိပေမယ့် ဘေးလူကတော့ ကိုယ့်ရဲ့ ကိုယ်သင်းရနံ့ကဘယ်လို ဆိုတာကို သိကြပါတယ်။ ရေမွှေး မဆွတ်ထားရင် ကိုယ့်ရဲ့ ကိုယ်ရနံ့က ဘယ်လိုဖြစ်နေလဲ ဆိုတာကို ရင်းနှီးတဲ့ သူငယ်ချင်း၊ မိသားစုကို အရင်ဆုံး မေးမြန်းပါ။ လူတစ်ယောက်နဲ့ တစ်ယောက် က ခန္ဓာကိုယ် အနံ့အသက်ချင်း မတူညီကြပါဘူး။ ဒီတော့… ခန္ဓာကိုယ်အနံ့အသက် သိပ်မကောင်းတဲ့ သူတွေက ကိုယ့်ရဲ့ အနံ့ကို control လုပ်ပေးနိုင်မယ့် ရေမွှေးရနံ့ကို ရွေးချယ်သင့်ပါတယ်။ ဒီလိုရွေးချယ်တဲ့အခါမှာ body lotion နဲ့ အရင်ဦးဆုံး စမ်းသပ်နိုင်ပါတယ်။ ကိုယ်နဲ့ သင့်တော်တဲ့ body lotion အနံ့နဲ့ ခပ်ဆင်ဆင်၊ ထပ်တူကျတဲ့ ရနံ့မျိုး ရေမွှေးကို ရွေးချယ်ဝယ်ယူတာက အလွယ်ကူဆုံး နည်းလမ်းတစ်ရပ်ပါပဲ။

ရေမွှေးဝယ်တော့မယ်ဆိုရင် လူအများစု ပြုလုပ်တတ်ကြတာက ရေမွှေးတစ်ပုလင်းပြီး တစ်ပုလင်း အနံ့ ရှူရှိုက်ကြည့်ကြတော့တာပါပဲ။ အနံ့ရောသွားတဲ့အခါမှာ ရေမွှေးဆိုင်ကလည်း ကော်ဖီစေ့ကို ပြန်ရှူခိုင်းလေ့ရှိပါတယ်။ ဒါဟာ မှားယွင်းတဲ့ အယူအဆပါလို့ ရေမွှေးထုတ်လုပ်ရေး ကျွမ်းကျင် ပညာရှင် တွေက ဆိုထားပါတယ်။ ရေမွှေးဝယ်တော့မယ်ဆိုရင် အနံ့သုံးမျိုး ထပ်ပိုပြီးတော့ မစမ်း သပ်သင့်ပါဘူး။ အနံ့ ၃မျိုးထက်ပိုပြီး ရှူရှိုက်မိတဲ့အခါ ကော်ဖီစေ့ကို ဘယ်လောက်ပဲ ရှူရှူ၊ ရေမွှေး ရဲ့ ပကတိအနံ့ကို သေချာမရနိုင်တော့ပါဘူး။

ရေမွှေးရနံ့ကို ရွေးချယ်တဲ့အခါမှာလည်း ရေမွှေးပုလင်းဖုံးဝကိုရှူရှိုက်ကြည့်တာ၊ ကဒ်ကိုရှူရှိုက် ကြည့်တာထက် သင့်ရဲ့ လက်ကောက်ဝတ်နေရာကို အနည်းငယ်ဆွတ်လိုက်ပါ။ ဆွတ်ထားတဲ့ ရေမွှေးကို မိနစ် ၂၀၊ နာရီဝက်လောက်ထိ ထားပြီး နဂိုရေမွှေးအနံ့အတိုင်း ရနေသေးလား ဆိုတာ ကို ပြန်လည်စမ်းသပ်ပါ။ တကယ်လို့ ရေမွှေးရနံ့က မရှိတော့ဘူးဆိုရင်တော့ အဲ့ဒီရေမွှေးက သင့်ရဲ့ ကိုယ်ခန္ဓာအနံ့ကို control မလုပ်ပေးနိုင်လို့ပါ။ ဒီလိုဆိုရင်တော့ အနံ့နည်းနည်း စူးရှတဲ့ ရေမွှေးကို ရွေးချယ်ဝယ်ယူလိုက်ပါ။

နောက်တစ်ချက်အနေနဲ့ ရေမွှေးက ကိုယ့်ရဲ့ ချွေးနံ့၊ ကိုယ်ခန္ဓာအနံ့ကို cover လုပ်ပေးနိုင်ပေမယ့် တစ်နေကုန်မခံ၊ ကြာရှည်မခံတာမျိုး ဖြစ်နေတယ်ဆိုရင်တော့ ရေမွှေးဆွတ်တဲ့ နည်းလမ်း မှား ယွင်းနေ လို့ပါ။ ရေမွှေးဆွတ်တဲ့အခါမှာ လည်ပင်းသွေးကြော၊ လက်ကောက်ဝတ်သွေးကြော နေရာတွေကို ဆွတ်တာက အနံ့ကြာရှည်ခံစေပါတယ်။ ဒါ့ကြောင့် အကျီၤတွေကို ရေမွှေးဆွတ်မယ့် အစား သွေးကြောရှိတဲ့ အရေပြားပေါ် ဆွတ်တာက ရေမွှေးအနံ့ ကြာရှည်ခံစေမယ့် အကောင်းဆုံး နည်းလမ်း တစ်ရပ်ပါပဲ။

Credit- Original Uploader