မြန်မာနိုင်ငံ၏ ဆောင်းခိုငှက်မျိုးစိတ်သစ်ဖြစ်လာမည့် ဒေါင်းလန်းခြေထောက်
ငှက်မျိုးစိတ်သစ် တွေ့ရှိ
=======================
=======================
မြန်မာနိုင်ငံ၏ ဆောင်းခိုငှက်မျိုးစိတ်သစ်ဖြစ်လာမည့် ဒေါင်းလန်းခြေထောက်ငှက်
မျိုးစိတ်သစ် တွေ့ရှိမှတ်တမ်းတင်နိုင်ခဲ့ကြောင်း သိရသည်။
ထိုငှက်များသည် ယခင်က မြန်မာနိုင်ငံတွင် လာရောက်ဆောင်းခိုလေ့မရှိဘဲ ၂၀၁၇
ခုနှစ်မှ စတင်ဝင်ရောက်လာခြင်းဖြစ်ပြီး အကောင်ရေ နည်းပါးနေသေးကြောင်း
သားငှက်ထိန်းသိမ်းရေးအဖွဲ့ ( မြန်မာနိုင်ငံအစီအစဉ်) မှ ငှက်ကျွမ်းကျင်ပညာရှင်
ဦးသက်ဇော်နိုင်၏ ပြောကြားချက်အရ သိရသည်။
“ဒီငှက်မျိုးက အရင်က မြန်မာနိုင်ငံကို တစ်ခါမှ မလာဖူးဘူး။ မနှစ်ကမှ စတွေ့တာ
ပေါ့။ ၂၀၁၇ ခုနှစ်က အင်းလေးမှာ နှစ်ကောင်၊ တောင်သမန်အင်းမှာ နှစ်ကောင်၊
၂၀၁၈ ခုနှစ်မှာတော့ တောင်သမန်အင်းမှာ ငါးကောင်နဲ့ မိုးယွန်းကြီးအင်းမှာ
တစ်ကောင်လား၊ နှစ်ကောင်လား မသိဘူး။ တွေ့တဲ့အကောင်ရေက တော်တော်
နည်းပါတယ်။ ၁၀ ဂဏန်းမပြည့်ဘူး။ အရင်က လာလေ့လာထမရှိဘဲ အခုမှ
ဘာလို့ဝင်လာသလဲဆိုတာ ပြောရတော့ခက်ပါတယ်။ ဆောင်းခိုငှက်တွေက ဒီလိုပဲ
တစ်ခါတလေ ဆောင်းခိုတဲ့နေရာ နိုင်ငံပြောင်းတတ်ကြတယ်။ အခုလည်း ဒါမြန်
မာနိုင်ငံကို ပထမဆုံးဝင်လာတဲ့ ဆောင်းခိုငှက်မျိုးစိတ်သစ်ပေါ့။ ၂၀၁၉ ခုနှစ်မှာ
အခုလို ထပ်ဝင်လာမယ်။ နောက်နှစ်တွေလည်း ဆက်ဝင်လာမယ်ဆိုရင်
မြန်မာနိုင်ငံရဲ့ဆောင်းခိုငှက်မျိုးစိတ်သစ်အဖြစ် အတည်ပြုနိုင်တော့မှာပေါ့” ဟု
ဦးသက်ဇော်နိုင်က ဆိုသည်။
ယခုတွေ့ရှိသော ဆောင်းခိုငှက်မျိုးစိတ်သစ် ဒေါင်းလန်းခြေထောက်ငှက်မျိုးစိတ်
(Whiteheaded stilt) သည် စူမားတြားကျွန်း တောင်ပိုင်း၊ ဂျာဗား၊ သြစတြေးလျ၊
နယူးဇီလန်နှင့် ပါပူအာနယူးဂီနီတို့တွင် နေထိုင်ကျက်စားကြောင်း သိရသည်။
ထိုငှက်နှင့် ပုံစံတူသော ဒေါင်းလန်းခြေထောက်ငှက်မျိုးစိတ်တစ်မျိုး မြန်မာနိုင်င
ံတွင် နေထိုင်ကျက်စားကြောင်း သိရသည်။
မြန်မာနိုင်ငံတွင် ပုံမှန်လာရောက်ဆောင်းခိုလေ့ရှိသော ငှက်မျိုးစိတ် ကုန်းနေ၊ ရေ
နေ ငှက်မျိုးစိတ်ပေါင်း ပျမ်းမျှ ၃၀၀ ကျော် ၄၀၀ နီးပါးရှိကြောင်း သိရသည်။
writer: မဖေငြိမ်း
April 25, 2018
==============
