*** ခရမ်းချဉ်သီးအကြောင်းသိကောင်းစရာ ***
===============================
ခရမ်းချဉ်သီးကို ဟင်းသီးဟင်းရွက်ဟု ထင်ကောင်းထင်ကြပါလိမ့်မယ်။ တကယ်တော့
ခရမ်းချဉ်သီးကို ဟင်းသီးဟင်းရွက်အုပ်စု မဟုတ်ဘဲ သစ်သီးဝလံအုပ်စုအဖြစ်
ရုက္ခဗေဒနည်းအရ အမျိုးအစားသတ်မှတ်ထားကြပါတယ်။ သူရှင်သန်ပေါက်ရောက်ရာ ဇစ်မြစ်က
တောင်အမေရိကတိုက်ဖြစ်ပြီး၊ ယနေ့ ကမ္ဘာသုံးသီးနှံအဖြစ် တွင်ကျယ်စွာ
စားသုံးနေကြပါတယ်။ ကမ္ဘာပေါ်တွင် ခရမ်းချဉ်သီးမျိုးစိပ်ပေါင်း တစ်ဒါဇင်ခန်
့ရှိပြီး၊ မြန်မာပြည်တွင်တော့ ယေဘုယျအားဖြင့် “ပုံမှန်
အနီရောင်ခရမ်းချဉ်သီး”နှင့် “
ဝါနီရောင်ကိုင်းခရမ်းချဉ်သီး” ဟူ၍ ၂-မျိုးရှိပါတယ်။ ကိုင်းခရမ်းချဉ်သီးသည်
အခွံပါးကာ၊ အရည်ရွှမ်းပြီး၊ အချဉ်ဓာတ်ကဲသော ကြောင့် ဟင်းလျာများ
ချက်ပြုတ်ရာတွင် အသုံးပြုလေ့ရှိကြပြီး၊ ပုံမှန်အနီရောင် ခရမ်းချဉ်သီးကိုတော့
အနှစ်ထူလို့  အသုပ်၊ ဖျော်ရည် များအဖြစ် စားသုံးကြပါတယ်။ မြန်မာပြည်၏
မီးဖိုချောင် ဈေးကွက်တွင် အိမ်ရှင်မများ အတွက်မရှိမဖြစ် ဟင်းခတ်
အသီးအနှံဖြစ်ပါတယ်။
*ခရမ်းချဉ်သီးနှင့်ကျန်းမာရေး။*
USDA National Nutrient data base မှ ဆေးသုတေသီများ၏ လေ့လာချက်စမ်းသပ်ချက်အရ၊
အပူပေး မချက်ပြုတ်ရသေး သော ၁၀၀-ဂရမ် အလေးချိန်ရှိ ခရမ်းချဉ်သီးထဲတွင် ခွန်အား (
၁၈) ကယ်လိုရီ၊ ကစီဓာတ် (၃.၉) ဂရမ်၊ ပရိုတင်း (၀.၉) ဂရမ်၊ အဆီဓာတ် (၀.၂) ဂရမ်၊
ကိုလက်စထရော (၀) ဂရမ်၊ ချေဖျက်လွယ်သောအမျှင်ဓာတ် (၁.၂) ဂရမ်၊ ဖောလိပ် (၁၅) µဂရမ်၊
နီအာစင် (0.594) မီလီဂရမ်၊ Pyridoxine (၀.၀၈၀) မီလီဂရမ်၊ သီအာမင် (၀.၀၃၇)
မီလီဂရမ်၊
ဗီတာမင်အေ (၈၃၃) IU၊ ဗီတာမင်စီ (၁၃) မီလီဂရမ်၊ ဗိုက်တာမင်အီး (၀.၅၄) မီလီဂရမ်၊
ဗီတာမင်ကေ (7.9) µg၊ ဆိုဒီယမ် (၅.၀) မီလီဂရမ်၊ ပိုတက်စီယမ် (၂၃၇) မီလီဂရမ်၊
ကယ်စီယမ် (၁၀.၀) မီလီဂရမ်၊ သံဓာတ် (၀.၃) မီလီဂရမ်၊ မဂနီစီယမ် (၁၁) မီလီဂရမ်၊
မဂနီးစ် (၀.၁၅) မီလီဂရမ်၊ ဖော့စဖရက်စ် (၂၄) မီလီဂရမ်၊ ဇင့် (၀.၁၇) မီလီဂရမ်၊
ကယ်ရိုတင်း-ß (၄၄၉) µဂရမ်၊ ကယ်ရိုတင်း-α (၁၀၁) µဂရမ်၊ လူတိန်း (၁၂၃)
µဂရမ်၊ Lycopene
(၂၅၇၃) µဂရမ် စသည်ဖြင့် ဗီတာမင် နှင့် သတ္တုဓာတ်တို့ အမြောက်အများ
ပါရှိကြပါတယ်။ ခရမ်းချဉ်သီးကို အပူပေး ချက်ပြုတ် ပြီးနောက်မှာတော့
၎င်းအသီးထဲတွင်ပါရှိသော ဓာတ်များပြောင်းလဲသွားကာ ကျန်းမာရေးအတွက်
ပိုမိုအာနိသင်ရှိလာတယ်လို့  ဆိုပါတယ်။
၁။ သခွားသီး နှင့် ပန်းသီး တို့ ရောဖျော်စပ်ထားသော ခရမ်းချဉ်သီးဖျော်ရည်ကို
သောက်သုံးပေးခြင်းဖြင့် ကိုလက်စထရောများကို ကျစေခြင်း၊
ခေါင်းကိုက်ပျောက်ခြင်း၊ ၀မ်းတစ်လုံးကောင်းခြင်း …စသည်ဖြင့်
ကောင်းကျိုးပြုပါတယ်။
၂။ ခရမ်းချဉ်သီးကို မုန်လာဥနီ နှင့် ပန်းသီးတို့ ဖြင့်ရောစပ်ကာ ဖျော်ရည်အဖြစ်
မှန်မှန်သောက်သုံးပါက၊ အသားအရေကို စိုပြည် ၀င်းလက်စေပါတယ်။ ဒါ့ပြင်
ခံတွင်းအနံ့ ဆိုး ထွက်ခြင်းကိုလည်း တားဆီးပေးနိုင်ပါတယ်။
၃။ ဆေးသုတေသနပြုချက်များအရ၊ ခရမ်းချဉ်သီးကို အစေ့ဖယ်၍စားခြင်းက ကျောက်ကပ်နှင်
့ဆီးအိမ်ကျောက်တည်ခြင်း အလားအလာကို လျော့ချပေးနိုင်ကြောင်း၊ တစ်ပတ်အတွင်း
ခရမ်းချဉ်သီး ခုနစ်ကြိမ် စားသုံးသူသည် ဆီးကျိတ်ကင်ဆာ ဖြစ်နှုန်း ကို ၅၀
ရာခိုင်နှုန်းထိ လျော့ချပေးနိုင်ကြောင်း၊ တစ်ပတ်လျှင် ဆယ်ကြိမ်အထက်စားသုံးသူသည်
ဆီးကျိတ်ကင်ဆာမှ လုံးဝ လွတ်ကင်း နိုင်ကြောင်း ဆေးသုတေသီများက အကြံပြုထားပါတယ်။
၎။ ပိုတက်စီယမ် ကြွယ်ဝစွာပါရှိသဖြင့် သွေးတိုးရောဂါ မဖြစ်စေနိုင်ပါ။
၅။ အမြင်အာရုံ ဖွံ့ ဖြိုးတိုးတက်စေရန်အတွက် ဗီတာမင်အေ၊ Lutein နှင့် Zeaxanthin
ဓာတ်တို့  ကြွယ်ဝသော ခရမ်းချဉ်သီး က အားထားလောက်ပေ၏။ မျက်စေ့အရောင်မွဲခြင်း၊
ကြက်မျက်သင့်ခြင်း၊ ခရမ်းလွန်ရောင်ခြည်သင့်ခြင်း၊ အသက်ကြီး၍ အမြင် အာရုံချို
့ယွင်းပြီးတိမ်စွဲခြင်း စသောမျက်စေ့ရောဂါ အမျိုးမျိုးတို့ ကို
ကာကွယ်ပေးနိုင်ပါတယ်။ ကွန်ပြူတာ အသုံးများ၍ မျက်စိ ထိခိုက်ခြင်းအတွက်
ခရမ်းချဉ်သီးက အမြင်ြကည်လင် ကောင်းမွန်စေနိုင်ကြောင်း
သုတေသီများကအကြံပြုထားပါတယ်။
၆။ ဆေးလိပ်သောက်သူများအတွက် ခရမ်းချဉ်သီးကအကောင်းဆုံးဆေးတစ်ခွက်ပါဘဲ။
အသီးထဲတွင်ပါရှိသော Chrologenic နှင့် Coumaric အက်ဆစ်များသည်
ဆေးလိပ်သောက်ပြီး နီကိုတင်းဓာတ် ရှုရှိုက်မှုကြောင့် အဆုတ် ထိခိုက်
ပျက်စီးမှုပြသနာ ဘေးဘယာများကို ကာကွယ်ပေးနိုင်ပါတယ်။
၇။ အမျှင်ဓာတ်ကြွယ်ဝသော ခရမ်းချဉ်သီးကိုစားသုံးခြင်းဖြင့်
အစာချေစံနစ်ကိုကောင်းမွန်စေပြီး ၀မ်းချုပ်ခြင်းမှကာ ကွယ်ပေး၏။
ခရမ်းချဉ်သီးစားခြင်းကြောင့် ၀မ်းလျှောခြင်းလည်း မဖြစ်စေနိုင်ပါ။
အူအတက်ရောင်ခြင်းကို သက်သာစေနိုင်ပါတယ်။
၈။ ကိုယ်ခံစွမ်းအားကို ကောင်းမွန်စေပြီး၊ ခန္ဓာကိုယ်ကို ဘေးဥပါသ်ပေးသော free
radicals များကို ကောင်းစွာ နှိမ်နှင်းပေးနိုင် ပါတယ်။
၉။ ခရမ်းချဉ်သီးထဲတွင် riboflavin အမြောက်အများပါရှိခြင်းကြောင့်
ခေါင်းတစ်ခြမ်းကိုက်ခြင်းကို သက်သာစေနိုင်၏။
၁၀။ Beta-carotene ဓာတ်တို့ စုဝေးရာ ခရမ်းချဉ်သီးကို စားသုံးပေးခြင်းဖြင့်
အမြစ်တွယ်နေသော ပန်းနာရင်ကျပ် ရောဂါကို ကာကွယ်ပေးနိုင်ပါတယ်။
၁၁။ လူတစ်ယောက်၏ တစ်နေ့ တာခရိုမီယမ်ဓာတ်လိုအပ်ချက်ပမဏ၏ ၇.၅%ကို
ခရမ်းချဉ်သီးတစ်ခွက်စာမှရရှိနိုင်ပြီး၊ ထိုဓာတ် က ဆီးချိုမဖြစ်အောင်
ထိန်းညှိပေးနိုင်ပါတယ်။
၁၂။ သြစတြေးလျနိုင်ငံတွင်
ဆီးချိုရောဂါနှင့်စပ်ဆက်သည့်နှလုံးရောဂါဝေဒနာသည် ၂၀-ဦးကို
ခရမ်းချဉ်သီးဖျော်ရည် ၂၅၀-မီလီလီတာ နှုန်းဖြင့်နေ့ စဉ်တိုက်ကျွေးခဲ့ရာ၊
၃-ပတ်အကြာမှာတော့
နှလုံးရောဂါ သက်သာလာသည်ကို သိသိသာသာ မြင်တွေ့  ရတယ်လို့ ဆိုပါတယ်။
၁၃။ လူတစ်ယောက်၏ တစ်နေ့ တာ ဗီတာမင်ကေ လိုအပ်ချက်ပမာဏ၏ ၁၇.၈% ကို ခရမ်းချဉ်သီး
တစ်ခွက်စာမှ ရရှိနိုင်၏။ ဗီတာမင်ကေဓာတ်မြင့်မားစွာပါရှိခြင်းကြောင့်
အရိုးတစ်ရှုးထဲရှိ ကယ်လ်စီယမ်မော်လီကျူးတို့ ကို အားဖြစ်စေလို့ အရိုးကို
ကျန်းမာ ကြံ့ခိုင်စေနိုင်၏။ အသီးထဲရှိ ကယ်လ်ဆီယမ်ဓာတ်က မီးယပ်သွေးဆုံးပြီး
အမျိုးသမီးများ အရိုးပါးခြင်း၊ အရိုးကျွတ်ဆတ်ခြင်းမှ ကာ ကွယ်ပေးနိုင်ပါတယ်။
အနီရောင်ခရမ်းချဉ်သီးထဲတွင် ပါရှိသော ဗီတာမင်အေသည် အစိမ်းရောင်ခရမ်းချဉ်သီးထက်
၎-ဆမျှပိုမို ပါရှိပါလို့  အရိုး နှင့် သွားများကို ခိုင်မာစေပါတယ်။
၁၄။ သွေးခဲပြီး၊ သွေးကြောပိတ်ဆို့ ခြင်းတို့ မဖြစ်လာစေဘို့ ၊
ခရမ်းချဉ်သီးဖျော်ရည်တို့ ကို သောက်သုံးပေးသင့်ပါတယ်။
၁၅။ ခရမ်းချဉ်သီးထဲရှိ ဗီတာမင်ဘီနှင့် ပိုတက်စီယမ်ဓာတ်များသည်
သွေးပေါင်ချိန်နှင့် ကိုလက်စထရောများကို ထိန်းညှိပေးနိုင်လို
့နှလုံးရုတ်တရက်လေရိုက်ခြင်း၊ လေဖြတ်ခြင်းများကို ကာကွယ်ပေးပါတယ်။
လူတစ်ယောက်၏ တစ်နေ့ တာ ပိုတက်စီယမ် လိုအပ်ချက်ပမာဏ၏ ၁၀% ကို ခရမ်းချဉ်သီး
တစ်ခွက်စာမှ ရရှိနိုင်ပါသည်။ Boston ရှိ Brigham and Women’s Hospital မှ
ဆေးသုတေသန မှတ်တမ်းများအရ၊ သက်လတ်ပိုင်းနှင့်သက်ကြီးပိုင်း အမျိုးသမီးဦးရေ
၄၀၀၀၀ ကို ခရမ်းချဉ်သီး (သို့ မဟုတ်) ခရမ်းချဉ်သီးပါသောအစားအစာများကို ၇-နှစ်ခန်
့ စွဲစားစေခဲ့ရာ၊ ခရမ်းချဉ်သီးစားသုံးသော အမျိုးသမီးများသည် နှလုံးသွေးကြော
ကျဉ်းရောဂါ နှင့် နှလုံးရောဂါဝဒေနာ ဖြစ်နိုင်ချေအလားအလာ ၂၉% နဲပါးကြောင်း
လေ့လာတွေ့ ရှိရပါတယ်။
၁၆။ ဖရဲသီး၊ စတော်ဘယ်ရီ၊ မုန်လာဥနီ စသည့် အသီးအနှံများကဲ့သို့ ပင်
အသီးကိုအနီရောင်ဆိုးပေးသည့် Pcoumaslic အက်ဆစ်နှင့် Chlorogenic
အက်ဆစ်တို့ ၏ ဓာတ်ပေါင်းစုဖြစ်သော
Lycopene ဓာတ်သည်လည်း ခရမ်းချဉ်သီးထဲတွင်ပါရှိ၏။ ခရမ်းချဉ်သီး
အရောင်ရင့်လေ Lycopene
ဓာတ်များလေပါဘဲ။ ထိုဓာတ်မှာ ကင်ဆာဆဲလ်များ ပျံ့ ပွားလာမှုအတွက် ထိန်းချုပ်ပေး
နိုင်သော အစွမ်းထက်မြက်သည့် ဓာတ်တိုးဆန့် ကျင်ပစ္စည်းပါရှိသည့်အတွက်ကြောင့်
အထူးသဖြင့် လည်ချောင်းကင်ဆာ၊ အစာအိမ်ကင်ဆာ၊ ရင်သားကင်ဆာ၊ ခံတွင်းကင်ဆာ၊
လည်မျိုကင်ဆာ၊ စအိုကင်ဆာ၊ မုန့် ချိုအိတ်ကင်ဆာ စသည့် ကင်ဆာ ရောဂါတို့ ကို
ကာကွယ်ပေးနိုင်ကြောင်း နိုင်ငံတကာ သုတေသနစာတမ်းများတွင်
ရေးသားဖော်ပြထားကြပါတယ်။ ထို့ ပြင် အူလမ်းကြောင်း ကင်ဆာ၊ အူမကြီးကင်ဆာ၊
သားအိမ်ခေါင်းကင်ဆာ နှင့် သားအိမ်ကင်ဆာ တို့ ဖြစ်စေမည့် အမြုတေများကို
တားဆီးပယ်ဖျက် ပေးနိုင်ပါတယ်တဲ့။ အပူပေးချက်ပြုတ်ထားသော
ခရမ်းချဉ်သီးဟင်းလျာများကို ပုံမှန်စားသုံးသော အမျိုးသား များသည်
သုက်ရည်ဂလင်းကင်ဆာဖြစ်နိုင်ချေ ၁၉% ထိလျော့နဲကြောင်း၊
အမျိူးသားများမျိုးဆက်ပြန့် ပွားခြင်းကို အထောက် အပံ့ပေးနိုင်ကြောင်း
ဆေးဂျာနယ်များတွင် ဖော်ပြထားပါတယ်။ ခရမ်းချဉ်သီးအနှစ် ပါရှိသောအစာ (သို
့မဟုတ်)ခရမ်းချဉ်သီးကို တစ်ပတ် နှစ်ကြိမ်လောက် စားပေးရုံမျှဖြင့်
ဆီးအိမ်ကင်ဆာ
ဖြစ်နိုင်ခြေ ၂၅ ရာခိုင်နှုန်းထိ လျော့ကျနိုင်ပါတယ်။
၁၇။ ခရမ်းချဉ်သီးသည် Lycopene ဓာတ်အစွမ်းကြောင့် နေရောင်ခြည်အောက်တွင်
တော်တော်နှင့် နေလောင်ကျွမ်း မသွားနိုင် ပါဘူး။ Lycopene က အရေပြား
အပ်ိမ့်ထွက်ခြင်း၊ အရေပြား အရောင်ပြောင်းလဲခြင်းနှင့် အရေပြား
မြစ်ပွားနာဖြစ်ခြင်းတို့မှ ကာကွယ်နိုင်သော အစွမ်းထက်သည့် ဓာတ်တိုးဆန်
့ကျင်ပစ္စည်း တစ်မျိုးဖြစ်ပါတယ်။ ဒါ့ပြင် နေရောင်ခြည်ထဲတွင်ပါလာသော
ခရမ်းလွန်ရောင်ခြည်ဒဏ်မှလည်း ကာကွယ်ပေးနိုင်၏။ Manchester and Newcastle
Universities တွင် လေ့လာစမ်းစစ်ချက် အရ၊ လက်ဘက်ရည်ဇွန်း ၅-ဇွန်း စာပမာဏရှိသော
ခရမ်းချဉ်သီးအနှစ်ကို နေ့ စဉ် စားသုံးပေးခြင်းဖြင့် အသားအရည် နေလောင်ခြင်းမှ
၃၃% ကျော်မျှ ကာကွယ်ပေးနိုင်ပြီး၊ အသားအရေကို သိပ်သည်းစေနိုင်သည်ဟု ဆိုပါတယ်။
၁၈။ ခရမ်းချဉ်သီးထဲတွင် ကယ်လိုရီနှင့် အဆီဓာတပါဝင်မှု လွန်စွာနဲပါးခြင်း၊
ကိုလက်စထရောလုံးဝမပါရှိခြင်း၊ အလွယ်တကူ ချေဖျက်လွယ်သောအမျှင်ဓာတ်
လုံလောက်စွာပါရှိခြင်းတို့ ကြောင့် ခန္ဓာကိုယ်ထဲရှိ
ကိုလက်စထရောပမာဏကိုကျစေပြီး၊ သွေးထဲ ရှိသကြား ပမာဏကိုလည်း
ထိန်းချုပ်ပေးနိုင်၏။ ခရမ်းချဉ်သီးထဲတွင် အစာစားချင်စိတ်ကို
ချုပ်တည်းထားနိုင်သည့် Ghrelin ဟော်မုန်း ပါရှိသဖြင့်၊ ဗိုက်ပြည့်စေပြီး
သွားရေစာစားချင်စိတ်ကို ချိုးနှိမ်ပေးပါတယ်။ အသက် ၁၈ နှစ်နှင့် ၃၅ နှစ်ကြား
အမျိုးသမီး များကို လေ့လာမှုအရ ခရမ်းချဉ်သီး ညှပ်ထားသော
ပေါင်မုန့်စားသူများသည်၊ ခရမ်းချဉ်သီး မပါသောပေါင်မုန့်စား သူတွေထက်
စိတ်ကျေနပ်မှုပိုရကာ နောက်ထပ်အစာစားချင်စိတ်လျော့နည်းသွားကြောင်း
လေ့လာတွေ့ရှိရပါတယ်။ ဒါ့ကြောင့် ခရမ်းချဉ်သီးကို ကိုယ်ခန္ဓာ
သွယ်လျလှပစေဖို့အတွက် စားပေးသင့်ပါတယ်တဲ့။
*ခရမ်းချဉ်သီးနှင့်အလှအပရေးရာများ။*
ခရမ်းချဉ်သီးသည် ကျန်းမာရေးအတွက်
ဆေးစွမ်းထက်မြက်ရုံသာမက၊ ပျိုပျိုမေတို့  အလှအပရေးရာများအတွက် အဖော်မွန်
ကောင်းလေးပါ။ *(၁) မျက်နှာသန့်စင်စေရန်။ *ညအိပ်ရာမဝင်ခင်မှာ ခရမ်းချဉ်သီး ကို
လှီးပြီး မျက်နှာ နှင့် လည်ပင်းအနှံ့ ပွတ်ပေးပါ။ ဆယ့်ငါးမိနစ်ခန့်ထားပြီးနောက်
ရေအေးအေးဖြင့် ပြန်ဆေးပေးပါ။ နေ့ စဉ် နံက်တစ်ကြိမ်၊ ညတစ်ကြိမ်
လုပ်ပေးခြင်းဖြင့် မျက်နှာကိုသန့်စင်ဝင်းပစေပြီး၊ အရွယ်တင်နုပျိုလာစေပါမည်။ *(၂)
လှတစ်မျက် နှာပိုင်ဆိုင်စေရန်။ *ခရမ်းချဉ်သီးကို သူ
့ချည်းသက်သက်စားပေးရုံသာမက၊ ခရမ်းချဉ်သီးပါသော အစားအစာများကို မှန်မှန်
စားပေးခြင်းဖြင့် ပါးနုသွေး၊ နီမြန်းစေပြီး၊ အသားရည်ကို
ရွှန်းစိုဝင်းလဲ့စေပါမယ်။ *(၃) ၀က်ခြံပေါက်သူများ။ **နည်း(၁) -* ခရမ်းချဉ်သီး က
အသားအရေကို သန့်စင်စေသလို၊ ရောင်ကိုင်မှုလည်း ကျစေသည့်အတွက် ၀က်ခြံပြဿနာများကို
ကောင်းစွာ ဖြေရှင်းပေး နိုင်၏။ ခရမ်းချဉ်သီးကို ပါးပါးလှီးပြီး ၀က်ခြံတွေပေါ်
ကပ်ပေးပြီးနောက်၊ ၁၅- မိနစ်ကြာတွင် ရေဆေးခြင်းဖြင့်၊ မျက်နှာအပူဓာတ် လျော့ကာ၊
ဝက်ခြံပျောက်ပြီး၊ အမာရွတ်လဲ မကျန်တော့ဘဲ အသားအရေ
ကောင်းမွန်လာပါလိမ့်မယ်။ *နည်း(၂)
-* ပျားရည်နှင့် ခရမ်းချဉ်သီးတို့ သည် အဆီပြန်သောအသားအရည်အတွက် အလွန်ဆေးဖက်၏်။
ပျားရည်လက်ဖက်ရည်ဇွန်း (၁)ဇွန်းနှင့် ခရမ်း ချဉ်သီးမှည့်မှည့် အလတ်စားအရွယ်
တစ်လုံးကိုယူပြီး ရောစပ်ချေမွပါ။ ထိုအရောအနှောတို့ ကို မျက်လုံးမှလွဲပြီး
မျက်နှာပြင်အနှံ့  လိမ်းကျံပေးပါ။ လိမ်းပြီး အသားထဲ စိမ့်ဝင်သွားစေရန် အတွက်
၁၅ မိနစ်ကြာမှ ရေဖြင့် ပြန်ဆေးပေးရပါမယ်။ ထိုနည်း အတိုင်း ၂-ပတ်ခန့် 
လုပ်ရုံဖြင့် ထူးခြားမှုကိုခံစားရမှာပါ။ *(၄) အဆီပြန်အသားအရေ
ပိုင်ရှင်များအတွက်မျက်နှာပေါင်းတင်နည်း။** *အင်မတန် ရိုးရှင်းလွယ်ကူသော
နည်းလေးပါ။ ခရမ်းချဉ်သီး ကို စိပ်၍အလယ်သားကိုဖယ်ပြီး၊ ထိုအလယ်သား (အရည်)နဲ့
မျက်နှာပြင်ကို သုတ်လိမ်းလိုက်ပြီးနောက် ၊ ၁၀-မိနစ်ခန့်  အကြာ ရေအေးအေးဖြင့်
သန့် စင်ဆေးကြောပေးပါ။ တချို့  အသားအရည်များသည် ပေါင်းတင်ပြီးနောက် တခဏမျှ
အဆီပြန်သက်သာလာသော်လဲ၊ အနည်းငယ် မဲသွားတတ်လို့  မကြောက်ပါနှင့်။ နောက်တစ်
ရက်ခန့် အကြာတွင် မူလအရောင်အတိုင်း ပြန်ဖြစ်သွားပါလိမ့်မယ်။ ဤနည်းအတိုင်း
၂-ပတ် တစ်ကြိမ် လုပ်ပေးခြင်းဖြင့် အဆီ မပြန်တော့ဘဲ၊ ၀က်ခြံများလဲ
မပေါက်စေတော့ပါ။ *(၅) အသားအရေ ခြောက်သူများအတွက်မျက်နှာပေါင်းတင်နည်း။ *ခြောက်သွေ
့ သောအသားအရေပိုင်ဆိုင်သူများနှင့် ဆောင်းရာသီတွင်အသားခြောက်ခြင်းအတွက်
ရေဓာတ်ဖြည့်ပေးတဲ့ အကောင်းဆုံးမျက်နှာ ပေါင်းတင်နည်းဖြစ်ပါသည်။ သကြား
လက်ဖက်ရည် ဇွန်း (၁)ဇွန်းလိုပါတယ်။ ကန့်လန့်ဖြတ်ပုံစံ မထူမပါးလှီးဖြတ်ထားသော
ခရမ်းချဉ်သီး မှည့်မှည့်အကွင်းပြားလေးကို သကြားနှင့်လူးပြီး မျက်နှာပေါ်အနှံ့
ခရမ်းချဉ်သီးအရည် ကုန်သည်အထိ ညင်သာစွာ သုတ်လိမ်းပါ။ ၁၀ မိနစ်ခန့် အကြာမှာတော့
ရေအေးအေးဖြင့် ဆေးကြောသန့်စင်ပေးရပါမယ်။ ယခုနည်းအတိုင်း တစ်ပတ်လျှင်
၃-ကြိမ်မျှ ပေါင်းတင်ပေးနိုင်ပါတယ်။ *(၆) ဆံသားအလှအပ။** *ခရမ်းချဉ်သီးထဲတွင်
ဗိုက်တာမင်အေ မြင့်မားစွာပါရှိလို့  ဆံသားကို ကောင်းကျိုးပြုပါတယ်။
ခေါင်းကဆံပင် အနံ့ ဆိုးခြင်းနှင့် ဦးရေပြားပေါ်တွင် ဒက်ပေါက်ခြင်းတို
့အတွက် ခရမ်းချဉ်သီး
အရည်ဖြင့် ခေါင်းကိုလိမ်းပြီး၊ မိနစ်ငါးဆယ်ခန့် အကြာတွင်၊
ရေနဲ့ပြန်လျှော်ပေးခြင်းဖြင့် ရနံ့ ဆိုးနှင့် ဒက်များပျောက်ပြီး ဆံသားကို
သန်စွမ်း နက်မှောင် လာပါလိမ့်မယ်။
*မှတ်သားရန်။*(၁) ခရမ်းချဉ်ဝယ်ယူသောအခါမှာ၊ အနီရဲရဲ နှင့် အလုံးတင်းတင်းတို
့ကိုရွေးချယ်ပါ။ အနီရောင်ရဲလေ ကျန်းမာရေးကို ကောင်းကျိုးပြုသော betacarotene နှင့်
ဓာတ်ကြွယ်ဝလေပါဘဲ။ အရောင်ဖျော့သော အသီးများသည် အခန်း တွင်းအပူချိန်မှာ ထားပါက၊
သုံးရက် မှ တစ်ပတ်အတွင်း ရင့်မှည့် လာတတ်ကြ၏။ စိမ်းရာမှနီလာသော အသီးမျိုးထက်၊
အပင်ပေါ်တွင် အနီရောင်သီးကိုသာ ခူးဆွတ်ရောင်းချသည့်အသီးမျိုးကိုသာ ၀ယ်ပါ။
ပျော့ပြဲနူးအိနေသော အသီးမျိုး ကိုရှောင်ပါ။ (၂) ခရမ်းချဉ် သီး
အခွံနံရံနှင့်ကပ်နေသောအတွင်းသားနေရာတွင် lycopene ဓာတ်ပါရှိသဖြင့် အခွံကိုလဲ
စားပေးသင့်ပါတယ်။ (၃) ခရမ်းချဉ်သီးကို သံလွင်ဆီဖြင့် ချက်ပြုတ်ပါက၊
lycopeneဓာတ်က ကင်ဆာရောဂါများအတွက် ပိုမိုဆေးစွမ်းထက်စေ၏။
(၄) ဓာတ်မြေသြဇာ နှင့် ပိုသတ်ဆေး အန္တာရာယ်မှ ကင်းဝေးစေရန်အတွက် organic
သီးများကိုသာ
ရွေးချယ်ပါ။
*သတိပြုရန်။ *(၁) အစားအစာများသည် ကျန်းမာရေးအတွက်ဆေးဘက်ဝင်သည်မှန်သော်လဲ၊
လွန်ကျူးစွာစားသုံးခြင်းကိုတော့ ရှောင်ရှားရပါမည်။ ခရမ်းချဉ်သီးလဲ ထို
့နည်း၎င်းပါဘဲ။ Linus Pauling Institute မှ ဆေးမှတ်တမ်းများအရ၊ မချက်ပြုတ်ရသေး
သော ခရမ်းချဉ်သီးအစိမ်းထဲတွင် ဗီတာမင်စီထက် အမြောက်အများပါရှိသော်လဲဘဲ၊
အပူပေးချက်ပြုတ်ပြီးနောက် ဗီတာမင်စီ အာနိသင်အနဲငယ်လျော့သွားသည်ဟုဆို၏။ အကယ်၍
လူတစ်ဦးသည် တစ်နေ့ လျှင် ခရမ်းချဉ်သီးအစိမ်း ၁၂ လုံးကျော် စား
သောက်မိပါလျှင်၊ အစာအိမ်ထဲတွင် အစာချေဖျက်သောအက်ဆစ် အထွက်များလာပြီး
အစာအိမ်ကို ရောင်ရမ်းစေနိုင်ခြင်း၊ အော့အန်ခြင်း၊ ဦးခေါင်းကိုက်စေခြင်း နှင့်
ကျောက်ကပ် ကျောက်တည် ခြင်း တို့ ဖြစ်စေနိုင်၏။ *(**၂**) *အကြော/အဆစ်ရောင်
သူများ၊ ဂေါက်ရောဂါ နှင့် လေးဘက်နာ ရောဂါသည်များသည် ခရမ်းချဉ်သီး နှင့်
လုံးဝမတည့်ပါ။ အကယ်၍ မဖြစ်မနေ စားလို ပါက အသီးထဲရှိအစေ့ကို
ကုန်စင်အောင်ဖယ်ပြီးမှသာ အနည်းငယ်စားပါ။
++++++++++++++++++++++++++++++++++++
အနီရဲရဲခရမ်းချဉ်သီးလေးများ၏ သူမတူအောင်ဆေးစွမ်းထက်မြက်ပုံကို
အထက်ပါအတိုင်းသိရှိရပါပြီ။ တိုးတက် ခေတ်မှီသော ယနေ့ ကမ္ဘာတွင်
ဆေးပညာဗဟုသုတကြွယ်ဝကာ ကျန်းမာရေးလိုက်စားသူ လူသားတိုင်း၊ ခရမ်းချဉ်သီး ကို
ဆေးဝါးအထောက် အကူပြု သီးနှံတစ်မျိုးအဖြစ် စားသုံးလျှက်ရှိပါသည်။ ထို့ ကြောင့်
မိမိလက်တစ်ကမ်းတွင် အလွယ်တကလှမ်းယူနိုင်သော တန်ဘိုးနည်း
ခရမ်းချဉ်သီးလေးများကို လက်မနှေးဘဲ စားသုံးကြစေလိုပါကြောင်း
တိုက်တွန်းလိုက်ရပါသည်။
*ဘာသာပြန်သူ** (**ပေါက်ပေါက်*** ရေးသားမျှဝေသသည်)*
*မှီငြမ်း** (health benefits of tomatoes)*
