ဓာတုဆေးဝါးနဲ့ ကြာရှည်ခံပစ္စည်းများ လုံးဝမပါဝင်တဲ့ အိမ်တွင်းလုပ် သဘာဝပဲပြားစစ်စစ်

အိမ်လုပ် သဘာဝပဲပြားစစ်စစ်

ပဲပြားတွေကို ဈေးမှာ အလွယ်တကူဝယ်လို့တော့ရပေမယ့် ပဲပြားတစ်ခါမှ မလုပ်ဖူးဘူး၊ ကိုယ်တိုင်ကိုယ်ကျ မိမိအိမ်မှာ လုပ်ကြည့်ချင်တဲ့ အိမ်ရှင်မများအတွက် သဘာဝပဲပြားစစ်စစ် ရရှိဖို့အတွက် ဘယ်လိုလုပ်ရမလဲဆိုတဲ့ နည်းလမ်းလေးကို ဗဟုသုတအနေနဲ့ ဝေမျှပေးလိုက်ရပါမယ်။

ပါဝင်ပစ္စည်းများ-

ပဲပိစပ် ၆၀၀ ဂရမ်

ရေ ၅ လီတာနှင့် ၂၅၀ မီလီလီတာ

ဆန်ရှာလကာရည် စားပွဲတင်ဇွန်း ၃ ဇွန်း

ပြုလုပ်နည်း အဆင့်ဆင့်-

၁။ ပဲပိစပ်ကို စင်ကြယ်အောင် ရေဆေးပြီးနောက် ရေထဲတွင် တစ်ညခန့်စိမ်ထားရပါမယ်။ မနက်မိုးလင်းမှ ရေ ၅ လီတာဖြင့် ဖျော်စက်ထဲထည့်ကာ ဖျော်ပေးလိုက်ပါ။ တစ်ခါဖျော်လျှင် ပဲပိစပ် ၂၀၀ ဂရမ်၊ ရေ ၁ လီတာဖြင့် ဖျော်ပါ။ ကျန်ရှိတဲ့ရေကိုတော့ အရည်ညှစ်ဖို့ချန်ထားရပါမယ်။

၂။ ဒန်အိုးတစ်လုံး၊ ဆန်ခါနှင့် အဝတ်အစအသန့်တစ်ခုတို့ကို အဆင်သင့်ပြင်ထားပါ။ ဒန်အိုးပေါ်တွင် ဆန်ခါတင်ထားပါ။ ထို့နောက် အဝတ်စအသန့်တစ်ခု ခံထားပါ။ ရရှိလာတဲ့ ပဲပိစပ်အရည်များကို ထိုအဝတ်စသန့်သန့်ထဲသို့ လောင်းထည့်ပါ။ အဝတ်စကို ပိတ်လှောင်ပြီးနောက် အရည်ညှစ်လိုက်ပါ။ တစ်ခါအရည်ညှစ်ပြီးသွားတဲ့အခါ ပဲအနှစ်များ ကျန်ခဲ့ပါလိမ့်မယ်။ စောစောက ကျန်ရှိနေသော ရေ ၃ လီတာကို ထိုပဲအနှစ်ပေါ်သို့ လောင်းချကာ ထပ်ညှစ်ပေးလိုက်ပါ။

၃။ နောက်ဆုံးမှာတော့ ဒန်အိုးထဲတွင် ပဲနို့များ ရရှိလာပါလိမ့်မယ်။ ထိုပဲနို့ကို ပွက်ပွက်ဆူလာအောင် အပူပေးလိုက်ပါ။ အပူရှိန်ကြောင့် အမြှုပ်ထလာသော ပူစီပေါင်းများကို ဇွန်းဖြင့် ခပ်ထုတ်လိုက်ပါ။ အိုးမတူးဖို့ရန်အတွက် မကြာခဏမွှေပေးဖို့လည်း လိုအပ်ပါတယ်။ ပွက်ပွက်ဆူလာပြီဆိုရင်တော့ မီးပိတ်လိုက်ပါ။ ၂ မိနစ်၊ ၃ မိနစ်ခန့် အအေးခံလိုက်ပါ။ ဒါဆိုရင်တော့ အပူချိန်က ၈၀ ဒီဂရီစင်တီဂရိတ်၊ ၉၀ ဒီဂရီစင်တီဂရိတ်အထိ လျော့ကျသွားပါလိမ့်မယ်။

၄။ ပန်းကန်လုံးတစ်လုံးထဲတွင် ဆန်ရှာလကာရည် စားပွဲတင်ဇွန်း ၃ ဇွန်းကို ရေ ၂၅၀ မီလီလီတာဖြင့် ရောနှောလိုက်ပါ။ ထို့နောက် အလယ်အလတ်ဆိုဒ် ဇွန်းအသုံးပြုပြီး ထိုရှာလကာရည်ကို ပဲနို့ထဲတွင် တစ်ဇွန်းချင်းစီ ထည့်ကာ ဖြည်းဖြည်းချင်းစီ မွှေပေးပါ။ ထိုကဲ့သို့မွှေရာတွင် ဇွန်းကို အပေါ်ယံတွင် တင်ထားရုံသာတင်ထားပြီး ဖြည်းညှင်းစွာ မွှေပေးရမှာဖြစ်ပါတယ်။ ထိုအဆင့်ပြုလုပ်ရာတွင် စိတ်ရှည်ရှည်ထားပြီး မွှေပေးဖို့တော့လိုပါတယ်။

၅။ တဖြည်းဖြည်းနဲ့ ပဲနို့အရည်ကနေ အဖတ်အဖြစ်သို့ ပြောင်းသွားတာကို တွေ့ရပါလိမ့်မယ်။ ထိုအချိန်တွင် အဖုံးပါသောလေးထောင့်ပုံးနှင့် စောစောကအဝတ်စကို အသင့်ပြင်ထားပါ။ ထိုဘူးထဲသို့ အဝတ်စထည့်ထားပါ။ ထို့နောက် ပဲနို့အနှစ်များကို ဆန်ခါဖြင့် ခပ်ယူပြီး ထိုဘူးထဲသို့ ပြောင်းထည့်လိုက်ပါ။

၆။ ထို့နောက် ပဲနှစ်များကို အဝတ်စဖြင့် လုံအောင် ပိတ်လှောင်ထားပြီးနောက် အရည်များထွက်သွားအောင် လက်ဖြင့် အသာအယာဖိချလိုက်ပါ။ ပြီးမှ ဘူးအဖုံးပိတ်ကာ ထပ်ဖိချလိုက်ပါ။ ဘူးအပေါ်မှ အလေးတုံးတစ်တုံး ထပ်တင်ထားပေးလိုက်ပါ။

၇။ ပဲပြားပျော့ပျော့လေး လိုချင်တယ်ဆိုရင်တော့ ၁၀ မိနစ်ခန့် ဖိထားရုံနဲ့ လုံလောက်ပါတယ်။ တင်းတင်းရင်းရင်းရှိတဲ့ ပဲပြားတုံးလေး လိုချင်တယ်ဆိုရင်တော့ တစ်နာရီခန့် စောင့်ဖို့လိုအပ်ပါတယ်။

၈။ သတ်မှတ်ချိန်ပြည့်သွားပါက ပဲပြားတုံးကို ရေအေးထဲတွင် အနည်းဆုံး မိနစ် ၃၀ ခန့် စိမ်ထားပေးရပါမယ်။ ဒါမှ ပဲပြားထဲက အချဉ်ဓာတ်နဲ့ အခါးဓာတ်များ ပျောက်သွားမှာဖြစ်ပါတယ်။

ကဲ… ဒါဆိုရင်တော့ ဓာတုဆေးဝါးနဲ့ ကြာရှည်ခံပစ္စည်းများ လုံးဝမပါဝင်တဲ့ အိမ်တွင်းလုပ် သဘာဝပဲပြားစစ်စစ်လေး ရရှိသွားပါပြီ။

Credit-My Food Myanmar

(Zawgyi)

အိမ္လုပ္ သဘာဝပဲျပားစစ္စစ္

ပဲျပားေတြကို ေဈးမွာ အလြယ္တကူဝယ္လို႔ေတာ့ရေပမယ့္ ပဲျပားတစ္ခါမွ မလုပ္ဖူးဘူး၊ ကိုယ္တိုင္ကိုယ္က် မိမိအိမ္မွာ လုပ္ၾကည့္ခ်င္တဲ့ အိမ္ရွင္မမ်ားအတြက္ သဘာဝပဲျပားစစ္စစ္ ရရွိဖို႔အတြက္ ဘယ္လိုလုပ္ရမလဲဆိုတဲ့ နည္းလမ္းေလးကို ဗဟုသုတအေနနဲ႔ ေဝမွ်ေပးလိုက္ရပါမယ္။

ပါဝင္ပစၥည္းမ်ား-

ပဲပိစပ္ ၆၀၀ ဂရမ္

ေရ ၅ လီတာႏွင့္ ၂၅၀ မီလီလီတာ

ဆန္ရွာလကာရည္ စားပြဲတင္ဇြန္း ၃ ဇြန္း

ျပဳလုပ္နည္း အဆင့္ဆင့္-

၁။ ပဲပိစပ္ကို စင္ၾကယ္ေအာင္ ေရေဆးၿပီးေနာက္ ေရထဲတြင္ တစ္ညခန႔္စိမ္ထားရပါမယ္။ မနက္မိုးလင္းမွ ေရ ၅ လီတာျဖင့္ ေဖ်ာ္စက္ထဲထည့္ကာ ေဖ်ာ္ေပးလိုက္ပါ။ တစ္ခါေဖ်ာ္လွ်င္ ပဲပိစပ္ ၂၀၀ ဂရမ္၊ ေရ ၁ လီတာျဖင့္ ေဖ်ာ္ပါ။ က်န္ရွိတဲ့ေရကိုေတာ့ အရည္ညႇစ္ဖို႔ခ်န္ထားရပါမယ္။

၂။ ဒန္အိုးတစ္လုံး၊ ဆန္ခါႏွင့္ အဝတ္အစအသန႔္တစ္ခုတို႔ကို အဆင္သင့္ျပင္ထားပါ။ ဒန္အိုးေပၚတြင္ ဆန္ခါတင္ထားပါ။ ထို႔ေနာက္ အဝတ္စအသန႔္တစ္ခု ခံထားပါ။ ရရွိလာတဲ့ ပဲပိစပ္အရည္မ်ားကို ထိုအဝတ္စသန႔္သန႔္ထဲသို႔ ေလာင္းထည့္ပါ။ အဝတ္စကို ပိတ္ေလွာင္ၿပီးေနာက္ အရည္ညႇစ္လိုက္ပါ။ တစ္ခါအရည္ညႇစ္ၿပီးသြားတဲ့အခါ ပဲအႏွစ္မ်ား က်န္ခဲ့ပါလိမ့္မယ္။ ေစာေစာက က်န္ရွိေနေသာ ေရ ၃ လီတာကို ထိုပဲအႏွစ္ေပၚသို႔ ေလာင္းခ်ကာ ထပ္ညႇစ္ေပးလိုက္ပါ။

၃။ ေနာက္ဆုံးမွာေတာ့ ဒန္အိုးထဲတြင္ ပဲႏို႔မ်ား ရရွိလာပါလိမ့္မယ္။ ထိုပဲႏို႔ကို ပြက္ပြက္ဆူလာေအာင္ အပူေပးလိုက္ပါ။ အပူရွိန္ေၾကာင့္ အျမႇဳပ္ထလာေသာ ပူစီေပါင္းမ်ားကို ဇြန္းျဖင့္ ခပ္ထုတ္လိုက္ပါ။ အိုးမတူးဖို႔ရန္အတြက္ မၾကာခဏေမႊေပးဖို႔လည္း လိုအပ္ပါတယ္။ ပြက္ပြက္ဆူလာၿပီဆိုရင္ေတာ့ မီးပိတ္လိုက္ပါ။ ၂ မိနစ္၊ ၃ မိနစ္ခန႔္ အေအးခံလိုက္ပါ။ ဒါဆိုရင္ေတာ့ အပူခ်ိန္က ၈၀ ဒီဂရီစင္တီဂရိတ္၊ ၉၀ ဒီဂရီစင္တီဂရိတ္အထိ ေလ်ာ့က်သြားပါလိမ့္မယ္။

၄။ ပန္းကန္လုံးတစ္လုံးထဲတြင္ ဆန္ရွာလကာရည္ စားပြဲတင္ဇြန္း ၃ ဇြန္းကို ေရ ၂၅၀ မီလီလီတာျဖင့္ ေရာေႏွာလိုက္ပါ။ ထို႔ေနာက္ အလယ္အလတ္ဆိုဒ္ ဇြန္းအသုံးျပဳၿပီး ထိုရွာလကာရည္ကို ပဲႏို႔ထဲတြင္ တစ္ဇြန္းခ်င္းစီ ထည့္ကာ ျဖည္းျဖည္းခ်င္းစီ ေမႊေပးပါ။ ထိုကဲ့သို႔ေမႊရာတြင္ ဇြန္းကို အေပၚယံတြင္ တင္ထား႐ုံသာတင္ထားၿပီး ျဖည္းညႇင္းစြာ ေမႊေပးရမွာျဖစ္ပါတယ္။ ထိုအဆင့္ျပဳလုပ္ရာတြင္ စိတ္ရွည္ရွည္ထားၿပီး ေမႊေပးဖို႔ေတာ့လိုပါတယ္။

၅။ တျဖည္းျဖည္းနဲ႔ ပဲႏို႔အရည္ကေန အဖတ္အျဖစ္သို႔ ေျပာင္းသြားတာကို ေတြ႕ရပါလိမ့္မယ္။ ထိုအခ်ိန္တြင္ အဖုံးပါေသာေလးေထာင့္ပုံးႏွင့္ ေစာေစာကအဝတ္စကို အသင့္ျပင္ထားပါ။ ထိုဘူးထဲသို႔ အဝတ္စထည့္ထားပါ။ ထို႔ေနာက္ ပဲႏို႔အႏွစ္မ်ားကို ဆန္ခါျဖင့္ ခပ္ယူၿပီး ထိုဘူးထဲသို႔ ေျပာင္းထည့္လိုက္ပါ။

၆။ ထို႔ေနာက္ ပဲႏွစ္မ်ားကို အဝတ္စျဖင့္ လုံေအာင္ ပိတ္ေလွာင္ထားၿပီးေနာက္ အရည္မ်ားထြက္သြားေအာင္ လက္ျဖင့္ အသာအယာဖိခ်လိုက္ပါ။ ၿပီးမွ ဘူးအဖုံးပိတ္ကာ ထပ္ဖိခ်လိုက္ပါ။ ဘူးအေပၚမွ အေလးတုံးတစ္တုံး ထပ္တင္ထားေပးလိုက္ပါ။

၇။ ပဲျပားေပ်ာ့ေပ်ာ့ေလး လိုခ်င္တယ္ဆိုရင္ေတာ့ ၁၀ မိနစ္ခန႔္ ဖိထား႐ုံနဲ႔ လုံေလာက္ပါတယ္။ တင္းတင္းရင္းရင္းရွိတဲ့ ပဲျပားတုံးေလး လိုခ်င္တယ္ဆိုရင္ေတာ့ တစ္နာရီခန႔္ ေစာင့္ဖို႔လိုအပ္ပါတယ္။

၈။ သတ္မွတ္ခ်ိန္ျပည့္သြားပါက ပဲျပားတုံးကို ေရေအးထဲတြင္ အနည္းဆုံး မိနစ္ ၃၀ ခန႔္ စိမ္ထားေပးရပါမယ္။ ဒါမွ ပဲျပားထဲက အခ်ဥ္ဓာတ္နဲ႔ အခါးဓာတ္မ်ား ေပ်ာက္သြားမွာျဖစ္ပါတယ္။

ကဲ… ဒါဆိုရင္ေတာ့ ဓာတုေဆးဝါးနဲ႔ ၾကာရွည္ခံပစၥည္းမ်ား လုံးဝမပါဝင္တဲ့ အိမ္တြင္းလုပ္ သဘာဝပဲျပားစစ္စစ္ေလး ရရွိသြားပါၿပီ။

Credit-My Food Myanmar