ဝိတ်တက်အောင်ဆိုပြီး အသားတွေ အများကြီးစား မိနေပြီလား ????
အခုနောက်ပိုင်း ကျန်းမာရေး နှင့်ပတ်သက်ပြီး လူတော်တော်များများ ဂရုပြုလာတာ ကိုတွေ့မိပါတယ်။ အခု ဆို ရန်ကုန် မန္တလေး မော်လမြိုင်တို့လို မြို့ကြီးမပြောနဲ့ တခြား နယ်မျို့လေးတွေ မှာ ပါ Gym တွေရှိလာကြပါတယ်။ ဒါကိုကြည့်ခြင်း အားဖြင့် လူတွေ ကျန်းမာရေး အမြင် ပိုမြင်လာတယ်ဆိုတာ သိနိုင်ပါတယ်။ ဒါပေမယ့် ဝမ်းနည်းစရာ ကောင်းတာကတော့ ကျန်းမာရေး အတွက် ကိုယ်လက်လှုပ်ရှား အားကစား က အရေးကြီးသလို မိမိ စားနေတဲ့ စားသောက်တဲ့ ပုံစံ ကလည်း ကျန်းမရရေး နဲ့ အများကြီး နှီးနှော ဆက်နွယ်နေတာကို တော့ သိပ်ဂရုမပြုမိကြပြန်ပါဘူး။
အထူးသဖြင့် အခုခေတ်က လည်း six pack ရအောင် လုပ်တဲ့ ခေတ်ဆိုတော့ protein အငားဓါတ်တွေ များများ စား တဲ့ အပြင် protein supplement တွေ သောက်လာကြပါတယ်။ တချို့တချို့သော Gym ကစားနေတဲ့ သူတွေ တော်တော်ကြီး လွဲမှားစွာ အသားတွေ စားတာ၊ protein supplement တွေ သောက်တာကို စိတ်မကောင်းဖွယ်တွေ့ရပါတယ်။
တကယ်တော့ protein supplement ဆိုတာ သောက်တော့မယ်လို့ ဆုံးဖြတ်ပြီးရင် အာပာာရ ကို ကျွမ်းကျင်ပိုင်နိုင်တဲ့ သူနဲ့ အရင်ဆုံး သေချာဆွေးနွေး တိုင်ပင်ပြီးမှ သောက်ရမှာပါ။ အာပာာရပညာရှင် နဲ့ တွေ့ပြီး မိမိ လတ်တလော ရှိနေတဲ့ အလေးချိန်၊ ရှိသင့်တဲ့ အလေးချိန်၊ လတ်တလော ခံစားနေရတဲ့ ရောဂါ ဝေဒနာ စတာတွေ ကို သေချာ အရင် တိုင်ပင်သင့်ပါတယ်။
သုံးစွဲသူများလာတာနှင့် အမျှ supplement တွေကလည်း အမျိုးအစားတော်တော် လေးများလာပါတယ်။ ဒါပေမယ့် များသောအား ဖြင့် သူတို့ အခြေ ခံ ပြီး ထည့်ထားတာ ကတော့ protein အသားဓါတ်ပါပဲ။ အသားဓါတ်ကို နည်းမျိုးစုံ ပုံပြောင်းပြီး ထုတ်ထားတာ လို့ အလွယ်ပြောရင် မမှားပါဘူး။
အမျိုးအစား များလာတာနှင့် အမျှ ဘာတွေ ဖြစ်လာနိုင်လဲ ဆိုတော့ အများသိတဲ့ အတိုင်း ပိုက်ဆံတော့တော်တော်လေးကုန်ပါတယ်။ ဒါကတော့ သောက်နေတဲ့ သူတိုင်း သတိထားမိမှာပါ။ ဘာကြောင့်လဲ ဆိုတော့ တစ်ဗူး တစ်ဗူး ဈေးက နည်းမှ မနည်းတာပဲ။ နောက် တစ်ခု အနေနဲ့ ကျန်းမာရေး အမြင် ဘက်က ကြည့်ရင်တော့ အသားဓါတ် protein တွေက လိုအပ်တဲ့ ပမာဏ ထက် အဆများစွာပိုပြီးစား မိနေကြပါတယ်။ ဘာကြောင့်လဲ ဆိုတော့ အားလုံး နီးပါးသော အများ အခေါ် pre work out နှင့် post work out သောက်နေကြတာတွေ က protein ကိုပဲ အဓိက အခြေခံပြီး နည်းမျိုးစုံ ပုံစံမျိုးစုံ နာမည်မျိုးစုံ နဲ့ ထုတ်ထားတဲ့ အတွက်ကြောင့်ပါ။
Protein အစားများရင် ဘာတွေ ဖြစ်တတ်လဲ ဆိုတော့ ကျောက်ကပ်ပျက်စီး နိုင်ပါတယ်။ အသားဓါတ် protein ရဲ့ နောက်ဆုံးစွန့်ပစ် ပစ္စည်း ပာာ Urea (ယူရီးယား) လို့ခေါ်တဲ့ ဓါတ်ပစ္စည်း တစ်မျိုးပါ။ ureaို ကျွန်တော်တို့ ကျောက်ကပ် က urine (ဆီး) ထဲ မှာ စွန့်ထုတ်ပေးပါတယ်။ အသားဓါတ် တွေ အများကြီးစားရင် စွန့်ပစ် ပစ္စည်းဖြစ်တဲ့ Urea ကလည်း အဆမတန် များလာပါတယ်။ ဒါကို အစမှာတော့ ခန္ဓာကိုယ် ရဲ့ ဇီဝကမ္မ ဖြစ်စဉ် အရ အဆမတန်များလာတဲ့ urea ကို ဆီးကနေ စွန့်ထုတ်ပေးပါတယ်။ နောက်ပိုင်းမှာတော့ ကျောက်ကပ်ရဲ့ လုပ်နိုင်စွမ်း (Renal Function) တဖြည်းဖြည်း ကျလာပြီး နောက်ဆုံးမှာ တော့ ကျောက်ကပ် အလုပ်မလုပ် (Renal Failure) နိုင်တဲ့ အဆင့် ထိ ရောက်သွားနိုင်ပါတယ်။
သွေးတွင်းမှာ ယူရီးယား များလာရင် ဘာတွေ ဖြစ်တတ်လဲ
1. အသားအရေယားယံ လာခြင်း
2. ကြွက်သားတွေ နာလာခြင်း
3. အစားအသောက် ပျက်ခြင်း
4. အော့အန်ခြင်း
5. မူးဝေခြင်း
6. ဝိတ်မချဘဲ ဝိတ်ကျလာခြင်း
7. အမြင် အာရုံ ဝေဝါးလာခြင်း
8. စိတ် ကစဥ့်ကလျား ဖြစ်ခြင်း
9. အရင်ကထက် ပိုမောလာခြင်း၊ ရေဆာလာခြင်း
စတာတွေ ဖြစ်တတ်ပါတယ်။
ဒါဆို protein(အသားဓါတ်) ကို ဘယ်လောက် စားလို့ရလဲ????
မိမိရဲ့ ကိုယ် အလေးချိန် (ကီလိုဂရမ်) ကို နှစ် နှင့် မြှောက်ပြီး ထွက်လာတဲ့ အဖြေ ကို gram တပ်လိုက်တဲ့ ပမာဏ ထက်ပို မစားသင့်ပါဘူး။
ဥပမာ – အလေးချိန် ၆၀ ကီလိုဂရမ် ရှိတဲ့သူဆိုပါစို့၊ ၆၀*၂ = ၁၂၀ ဂရမ် ထက် ပိုပြီး အသားဓါတ် ကိုဂပိုပြီးမစားသင့်ပါဘူး။
ဒါက Gym ကို အပြင်းအထန် ကစားပြီး six pack ထွက်အောင် ကြိုးစားနေတဲ့ သူတွေ အတွက်ပါ။
သာမန်လူတွေ အတွက်ကတော့ တစ်နေ့ကို အသားဓါတ် ပမာဏ ပာာ မိမိရဲ့ ကိုယ်အလေးချိန် ကို 0.8 မှ 1.2 နဲ့ မြှောက်ပြီး ထွက်လာတဲ့ ပမာဏ ထက် ပိုပြီး မစားသင့်ပါဘူး။
ဥပမာ – အလေးချိန် ၆၀ ကီလိုဂရမ် ရှိတဲ့ သာမန် လူတစ်ယောက် အတွက် ဆိုရင် အသားဓါတ် ပမာဏ 60*0.8 = 48 gram မှ 60*1.2= 72 gram အတွင်းသာ စားသင့်ပါတယ်။
Supplement တွေ မှာတော့ အမှုန့်တစ်ခွက်ထည့်ရင် protein ပမာဏ ဘယ်လောက် ဂရမ် ပါလဲဆိုတာ ကတော့ ဘူးပေါ်၊ အိတ်ပေါ် မှာ ရေးထားပါတယ်။ ဒါပေမဲ့ supplement တစ်ခုတည်း ကနေ ပရိုးဓါတ် ရတာမပာုတ်ပါဘူး။ ကျွန်တော်တို့ နေ့စဉ်စားနေတဲ့ အသား၊ ငါး၊ ဥအမျိုးမျိုး ကနေလည်း protein ဓါတ်တွေ ရပါသေးတယ်။
ဘယ်အသားတွေ မှာ အသားဓါတ် ဘယ်လောက် gram တွေပါနေလဲဆိုတာတော့ သိဖို့လိုပါသေးတယ်။
အခု ဖော်ပြထားတဲ့ အသားဓါတ် ပမာဏ တွေ က အသား ၁၀၀ ဂရမ် (6ကျပ်သား) (လက်နှစ်လုံး အရွယ် သုံးတုံး) မှာ ပါတဲ့ ပမာဏတွေ ဖြစ်ပါတယ်။
1. ကြက်သား – 20 gram
2. ဝက်သား – 24 gram
3. အမဲသား – 24 gram
4. ဆိတ်သား – 33 gram
5. ဘဲသား – 19 gram
6. ကြက်ဥ တစ်လုံး – 6 gram
7. ဆော်လမွန်ငါး – 21 gram
8. ငါးသေတ္တာ – 21 gram
9. တူနာငါး – 24 gram
10. ငါးကြင်း – 16 gram
11. ငါးခူ – 15 gram
12. တီလားဗီယား – 20 gram
13. ကကတစ်ငါး – 20 gram
14. နွားနို့ (240 ml) – 8 gram
ဒါဆို Gym တွေမှာ ဝိတ်တက်အောင် (Weight Gain) ကစားနေတဲ့ သူတွေ အာပာာရ ပြည့်ပြည့် ဝဝ မျှမျှတတ စားတတ် စေဖို့ ကစီဓါတ်၊ အသားဓါတ်၊ အဆီဓါတ် တွေ ထဲ က ဘယ်လို အစားအစာ မျိုးတွေ စားသင့်လဲ ဆိုတာ ဖော်ပြပေးလိုက်ပါတယ်။
Carbohydrate များတဲ့ အစားအစာ အုပ်စု
(၁) ကန်စွန်းဥ
(၂) Chocolate Milk Shake
(၃) နာနတ်သီး၊ ဘယ်ရီသီး၊ ငှက်ပျောသီး၊ ကီဝီသီး
(၄) ထမင်း
(၅) Oatmeal
(၆) အာလူး
(၇) အီတလီခေါက်ဆွဲ
(၈) အစိမ်းရောင် အသီးအရွက်များ
Protein (အသားဓါတ်) ကြွယ်ဝတဲ့ အစားအစာအုပ်စု (Muscle Build အတွက် အဓိက စားသင့်ပါသည်)
(၁) ကြက်ဥ (ကြက်ဥစားမယ် ဆို အနှစ်ပါစားရင် တစ်နေ့ နှစ်လုံး ထက်မပိုသင့်ပါ။ အကာပဲစားမယ်ဆိုရင် များများ စားနိုင်ပါတယ်။)
(၂) ဒိန်ချဉ် (အဆီထုတ်ပြီး)
(၃) ဒိန်ခဲ
(၄) ဆော်လမွန် ငါး
(၅) ကြက်သား (ဝက်သား၊အမဲသား နှင့် ဆိတ်သားတို့ ကတော့ အဆီဓါတ် နှင့် ကိုလက်စထရော (Cholesterol) များတဲ့ အတွက် များများမစားသင့်ပါ)
(၆)တူနာငါး
Fat (အဆီဓါတ်) ကြွယ်ဝ တဲ့ အစားအစာများ (ကျန်းမာရေး အတွက် အကျိုးရှိမယ့် အဆီဓါတ် ကြွယ်ဝတဲ့ အစားအစာများ) (Cholesterol ကျစေပါသည်။)
(၁) ထောပတ်သီး
(၂) Nuts
(၃) မြေပဲ ထောပတ်
(၄) သစ်သီးခြောက်
ဒါကြောင့် muscle တက်ချင်တယ် ဆိုပြီး အစားအသောက်တွေ ကို ရွေးချယ်စားသောက်တဲ့ နေရာမှာ မှန်ကန်တဲ့ရွေးချယ်မှု့ ဖြစ်ဖို့ အများကြီးလိုအပ်ပါတယ်။ အရွေးမှား ရင် ကျောက်ကပ်ပျက်စီး တဲ့အထိ ဖြစ်တတ်တဲ့ အတွက် စနစ်တကျ ရွေးချယ်စားသောက် တတ်ဖို့က အဓိက သော့ချက်တစ်ခုဖြစ်ပါတယ်။
လေးစားစွာဖြင့်
ဒေါက်တာ ညီညီကျော်
ထမင်းစားရမှာ ကြောက်နေသူများ (သို့)
