Category: ဗဟုတုသ

တချို့ဆေးတွေကို အစာနဲ့ တွဲသောက်ရလေ့ရှိတာ ဘာကြောင့်လဲ?

==================
==================

တချို့ဆေးတွေဟာ အစာနဲ့ခြားပြီး သောက်ရပေမယ့် တချို့ဆေးတွေကိုတော့ အစာနဲ့တွဲပြီး သောက်ခိုင်းတာ၊ အစာစားပြီးမှ သောက်ခိုင်းတာမျိုး ရှိပါတယ်။ ဒီလိုဖြစ်ရတဲ့ အကြောင်းရင်းတွေကတော့ –

1. ပျို့အန်ချင်စိတ် နည်းစေရန်

ပျို့အန်ချင်စိတ်ကို ဖြစ်စေတတ်တဲ Allopurinol ဂေါက်ရောဂါဆေး၊ bromocriptine နို့ခမ်းဆေးနဲ့ madopar ဆိုတဲ့ ဆေးတွေကို အစာစားပြီးမှ သောက်ခြင်းဖြင့် ပျို့အန်ချင်စိတ်ကို နည်းစေပါတယ်။

2. အစာအိမ် ထိခိုက်မှု နည်းစေရန်

တချို့ဆေးတွေဟာ အစာအိမ်ကို ထိခိုက်စေတတ်ပြီး အစာနဲ့ တွဲစားခြင်းဖြင့် မထိခိုက်စေအောင် ကာကွယ်နိုင်ပါတယ်။ Aspirin နဲ့ NSAID အကိုက်အခဲပျောက်ဆေးတွေ၊ စတီးရွိုက်ဆေးတွေကို ပေါင်မုန့်၊ နို့ စသည်ဖြင့် အစာ တစ်ခုခုနဲ့ တွဲစားသင့်ပါတယ်။

3. ရင်ပူခြင်း နည်းစေရန်

အစာအိမ်ထဲ အစာတွေ ရောက်လာတဲ့အခါ အက်ဆစ်ဓာတ်တွေ ထွက်ပြီး ဒီအက်ဆစ်တွေ အပေါ်ကို လျှံတက်တဲ့အခါ ရင်ပူတတ်ပါတယ်။ ဒီလိုရင်ပူခြင်းမဖြစ်အောင် Antacid ဆေးတွေက ကာကွယ်ပေးတာကြောင့် ဒီဆေးတွေကို အစာနဲ့တွဲပြီး သို့မဟုတ် အစာ စားပြီးချိန်တွေမှာ သောက်ပေးသင့်ပါတယ်။

4. ဆေးတွေ အစာနဲ့ မပါသွားစေရန်

လျှာမှာ ခရုသင်း ပေါက်တာတွေ၊ မှိုစွဲတာတွေအတွက် ပေးတဲ့ ပလုတ်ကျင်းဆေးတွေ၊ မှိုသတ်ဆေးအရည်တွေကို အစာ စားပြီးမှ လိမ်းပေးခြင်းဖြင့် အစာနဲ့ ပါမသွားအောင် ကာကွယ်ပေးနိုင်ပါတယ်။

5. ဆေးကို သွေးထဲ ကောင်းကောင်းစုပ်နိုင်ရန်

HIV အတွက်ပေးတဲ့ ritonavir, saquinavir, nelfinavir စတဲ့ ဆေးတွေကို စုပ်ယူဖို့ အစာရှိဖို့ လိုအပ်တာကြောင့် အစာ စားပြီးမှ သောက်ပေးရပါမယ်။

6. အစာ စားပြီးချိန် ခန္ဓာကိုယ်ရဲ့ လုပ်ငန်းဆောင်တာတွေကို အထောက်အကူဖြစ်စေရန်

ဆီးချိုရောဂါအတွက် သောက်တဲ့ဆေးတွေကို အစာ စားပြီးချိန်မှာ သွေးတွင်းအချိုဓာတ်ကို မတက်အောင်၊ မကျအောင် ထိန်းပေးနိုင်စေရန်အတွက် အစာနဲ့ တွဲသောက်ပေးရသလို နာတာရှည် မုန့်ချိုအိတ် ရောင်နေသူတွေမှာလည်း အစာချေဖို့ လိုအပ်တဲ့အင်ဇိုင်းဆေးတွေကို အစာနဲ့ တွဲသောက်ပေးရပါမယ်။

ဆေးကို ဘယ်အချိန်မှာ သောက်သင့်သလဲ မသေမချာ မရေမရာ ဖြစ်နေခဲ့ရင် ဆရာဝန် သို့မဟုတ် ဆေးဝါးပညာရှင်တွေကို မေးမြန်းနိုင်ပါတယ်။

Dr. Mya Phoo Ngon

===========

DrMyanmar

ရေသောက်ခြင်းရဲ့ အကျိုးကျေးဇူးကြီး ၁၀ ပါး

=======================
=======================

ရေအကျိုးဆယ်ပါးလို့ ပြောကြတယ်။ ရေအသက် တမနက်လို့ ပြောကြတယ်။ ယမကာလုလင်တွေကတော့ ရေမရောရင် အသေစောတယ် ပြောကြတယ်။ ဒါပေမယ့် ရေကို ဘာကြောင့်သောက်သင့်တာလဲ။ ရေသောက်တော့ ဘာဖြစ်လဲ၊ ရေမသောက်တော့ ဘာဖြစ်မလဲ။

လူတယောက်ဟာ အသက်ရှင်ဖို့ လေကိုလိုအပ်သလို၊ နေရောင်ခြည်ကို လိုအပ်သလိုပါပဲ။ ရေကိုလည်း လိုအပ်ပါတယ်။ လူ့ခန္ဓာကိုယ်ရဲ့ ၆၀ ရာခိုင်နှုန်း (တနည်းပြောရင် ၃ ပုံ ၁ ပုံလောက်) ဟာ ရေနဲ့တည်ဆောက်ထားတယ်။ အချိန်တိုင်းမှာ နေ့တိုင်းမှာ လူတယောက်ရဲ့ ခန္ဓာအိမ်မှာ ရေတွေဝင်လာတယ်။ ရေတွေထွက်သွားတယ်။ သက်ရှိ ဆဲလ်ကလပ်စည်းမှန်သမျှ သူ့အလုပ်သူလုပ် ရှင်သန်နေနုိုင်ဖို့ ရေက တာဝန်ယူတယ်။

နေ့စဉ် ၈ အောင်စဖန်ခွက်နဲ့ ၈ ခါလောက် (၁ လီတာပုလင်း ၂ လုံးစာ) ရေသောက်ဖို့လိုပါတယ်။ ဒါပေမယ့် တချို့ ပညာရှင်တွေကတော့ ရေခွက်၊ ရေပုလင်းကို ကိုယ့်နားမှာ အမြဲထားပြီး နည်းနည်းစီ ခနခန တစွတ်စွတ် သောက်ပေးနေဖို့ လိုတယ်လို့ အကြံပြုပါတယ်။

၁။ နေကောင်းထုိုင်သာ ကျန်းမာရွှင်လန်းဆေး

ရေဝဝလင်လင် သောက်ထားတဲ့သူက ပိုပြီး နေသာထုိုင်သာရှိတယ်။ ပုံမှန်လူတယောက်ဟာ ရေမရှိရင် နေလို့မရပါဘူး။ အထူးသဖြင့် ပူလောင်ပြင်းထန်တဲ့ ရာသီဥတုမှာဆိုရင် ၃ ရက် ၄ ရက်ထက်ပိုပြီး ရေမသောက်ဘဲ မနေနိုင်ပါဘူး။

ရေဘူးနဲ့ ဖိနပ်မပါရင် နွေခါမှသိသလို အပူတောမှာ ဖြတ်သန်းလာတဲ့နောက်မှာ အားကစားလုပ်ပြီး သွေးပူချွေးထွက် မောပန်းနေတဲ့အခါ ပိုသိသာပါတယ်။ တကိုယ်လုံးမှာရှိတဲ့ ရေတွေထဲက ၂ ရာခိုင်နှုန်းလောက် လျော့သွားပြီဆိုရင် ရေဓာတ်ခန်းခြောက်မှု (Dehydration) ကို စတင်ခံစားရပါပြီ။ ဒါပေမယ့် အားကစားသမားလောကမှတော့ (၆-၁၀) ရာခိုင်နှုန်းထိ ချွေးထွက်ရင်း ရေဆုံးရှုံးရတာတွေ ဖြစ်တတ်တယ်။

ဒီထက် ရေဓာတ်ဆုံးရှုံးလာရင် မလှုပ်မရှားချင်ဖြစ်လာမယ်။ မောပန်းနွမ်းနယ်လာမယ်။ စိတ်ရောကိုယ်ပါ လှုပ်ရှားရခက်လာမယ်။ ကြွက်တက်ရောဂါ ခံစားရနိုင်တယ်။ ခန္ဓာကိုယ်ကြွက်သားတွေဟာလည်း ရေဓာတ်က ၈၀ ရာခိုင်နှုန်း ပါဝင်နေလို့ပါပဲ။

၂။ ခေါင်းရှင်းကြည်လင်စေတဲ့ သဘာဝဆေး

ဦးနှောက်တည်ဆောက်ပုံမှာ ရေက အများစုပါဝင်နေတဲ့အတွက် ရေမရှိရင် ခေါင်းမရှင်းပါဘူး။ စဉ်းစားပုံတွေ၊ အာရုံစူးစိုက်မှုတွေ၊ နိုးကြားတက်ကြွမှုတွေ အားလုံးအတွက် ရေဓာတ်မခန်းခြောက်ဖို့ လိုပါတယ်။ အားအင်ပြည့်ဝ လန်းဆန်းနေဖို့ ရေအဝသောက်ထားဖို့ လိုပါတယ်။ ရေဝနေတာ၊ ရေငတ်နေတာ၊ ရေဆာနေတာတွေဟာ လူ့ဦးနှောက်ကို အကြီးအကျယ် သက်ရောက်စေပါတယ်။

လေ့လာချက်တွေအရ ဆိုရင်တော့ ကိုယ်အလေးချိန်ရဲ့ ၁-၃ ရာခိုင်နှုန်းလောက် ရေဓာတ်ခန်းခြောက်ရင်တောင် ဦးနှောက်လုပ်ငန်းတချို့ ထိခိုက်နိုင်ပါတယ်။ စိတ်အာရုံ မစိုက်နိုင်တော့ဘူး။ မှတ်ဉာဏ်လျော့နည်းလာတယ်။ ခေါင်းကိုက်လာတယ်။ စိတ်လှုပ်ရှားလာတယ်။ အားအင်ကုန်ခန်းလာမယ်။ ဦးနှောက်စွမ်းဆောင်ရည်လည်း ကျဆင်းလာမယ်။

ခေါင်းကိုက်ရောဂါရှိရင် ရေမှန်မှန်သောက်ဖို့ လိုပါတယ်။ ခန္ဓာအိမ်မှာ ရေခန်းနေတဲ့အခါ ခေါင်းကိုက်တာတွေ၊ ခေါင်းတခြမ်းကိုက်တာတွေ၊ ခေါင်းမကြည်လင်တာတွေ ဖြစ်တတ်တဲ့အကြောင်း လေ့လာတွေ့ရှိချက်တွေ အတော်များများ ရှိပါတယ်။ တခြားရောဂါတခုခုကြောင့် ခေါင်းကိုက်နေတာ မဟုတ်ခဲ့ရင်တော့ ရေမှန်မှန်သောက်တာက ခေါင်းကိုက်ပြေစေပါတယ်။

၃။ သဘာဝ အဆိပ်ဖြေဆေး

ရေမှန်မှန်သောက်နေရင် ရေက ကိုယ်တွင်းအဆိပ်အတောက်တွေကို ရှင်းလင်းဖယ်ရှားပေးတယ်။ ရေဟာ ချောဆီအဖြစ်လည်း ဆောင်ရွက်ပေးတယ်။ သယ်ယူပို့ဆောင်ဖို့လည်း ကူညီတယ်။ ခန္ဓာကိုယ်ရဲ့ အပူချိန်ကို ထိန်းသိမ်းပေးဖို့ ချွေးထွက်တယ်။ လိုအပ်တဲ့အခါ ရေငွေ့ပျံတယ်။ အညစ်အကြေးတွေ စွန့်ထုတ် စီးဆင်းပေးတယ်။ ကိုယ်တွင်းမှာ မလိုအပ်တဲ့ အဆိပ်အတောက်တွေ၊ ဓာတုပစ္စည်းတွေကို ချွေးကတဆင့်၊ ဆီးကတဆင့် စစ်ယူလွှင့်ပစ်ပေးတဲ့ အလုပ်မှာလည်း ရေဓာတ်ရှိနေဖို့ အရေးကြီးပါတယ်။

ရေဓာတ်မခန်းခြောက်ရင် ခန္ဓာကိုယ်ထဲမှာ မလိုလားအပ်တဲ့ ဓာတုပစ္စည်းတွေ စုပုံဖြစ်ထွန်းမလာအောင် တားဆီးနိုင်ပါတယ်။ မကောင်းတဲ့ ဘက်တီးရီးယားတွေကို ဖယ်ရှားသန့်စင်ပေးနေတဲ့ ပြန်ရည်ကြောစနစ်တွေ ပိုပြီးအလုပ်ဖြစ်အောင်လည်း ရေက အကူအညီပေးပါတယ်။

၎။ ဝမ်းချုပ်ရောဂါ သက်သာဆေး

ဝမ်းချုပ်တယ်၊ ဝမ်းမမှန်ဘူးဆိုတာ အဖြစ်များတဲ့ ရောဂါတမျိုးပေါ့။ ဝမ်းချုပ်တယ်ဆိုတာ နောက်ဆက်တွဲရောဂါတွေ အများကြီးပဲ ခံစားရတတ်ပါတယ်။ ဝမ်းချုပ်တာရဲ့ နောက်ဆက်တွဲ လိပ်ခေါင်းရောဂါကအစ သွေးတိုး ဆီးချိုရောဂါတွေအထိ ရေများများသောက်တဲ့ အလေ့အကျင့်ရှိရင် ဖြေရှင်းလို့ ရနိုင်ပါတယ်။

မြန်မာစကားမှာ ဝမ်းတလုံးကောင်း ခေါင်းမခဲဆိုတဲ့ အဆိုရှိတယ်။ ဝမ်းမီးမညက်ရင် ဝမ်းမီးမကောင်းရင် နောက်ဆက်တွဲတွေ ရင်ဆိုင်ရတတ်တယ်။ ရေမှန်မှန်သောက်တဲ့သူက အစာကြေတယ်။ အစာကြေချက်ရလွယ်ကူတော့ အာဟာရပိုဖြစ်တယ်။ စွန့်ပစ်ရမယ့် အညစ်အကြေးတွေလည်း ပြေပြေလည်လည် အပြင်ထွက်သွားနိုင်အောင် ရေက ကူညီတယ်။ ဆီးမှန် ဝမ်းမှန်ဖြစ်အောင် ထူးထူးခြားခြား ဘာဆေးမှ မလိုပါဘူး။ ရေမှန်မှန်သောက်ရင် အိုကေပါတယ်။

၅။ သွေးသားစိုပြည် နဂိုရေ သဘာဝဆေး

အရေပြားတွေ တွန့်ခေါက် အိုမင်းရင့်ရော်တာတွေ စောစောစီးစီး မဖြစ်ချင်ရင် သွေးသားစိုပြည် အရေပြားတွေ လန်းဆန်းတေက်ပြောင်နေဖုို့ ရေမှန်မှန်သောက်နေရပါတယ်။ ရေမှန်မှန်မသောက်ရင် စောစောစီးစီး အိုမင်းရင့်ရော်နေလိမ့်မယ်။ အရွယ်မတိုင်ခင်မှာ အရေပြားတွေ ကြေမွတွန့်လိပ်လို့ သိပ်စိတ်ညစ်နေရလိမ့်မယ်။ အိုမင်းရင့်ရော်မှုကို တားဆီးနိုင်တဲ့ အကောင်းဆုံးဆေးတခွက်ဟာ ရေတခွက်ဖြစ်နေတယ်ဆိုတာ အံ့သြစရာ ဖြစ်နေနိုင်ပါတယ်။

၆။ ဆီးပြွန် ဆီးကျောက်တည် ဆီးချုပ်သက်သာတဲ့ သဘာဝဆေး

သွေးထဲမှာ ရေပါဝင်မှု နည်းလာတဲ့အခါ စွန့်ပစ်တဲ့ဆီးမှာ အရောင်တွေ ရင့်လာတယ်။ ပြစ်ခဲလာတယ်။ အနည်တွေများလာမယ်။ စွန့်ပစ်ရမယ့် အမှိုက်တွေ အနှစ်တွေ ပြစ်ခဲလာမယ်။ ဆီးအိမ်မှာ ဆီးပြွန်မှာ ကျောက်ကပ်မှာ အခဲလေးတွေ ကျောက်တည်နိုင်ဖို့ အလားအလာ ပိုများလာမယ်။

ဆီးသွားတိုင်း နာကျင်ကိုက်ခဲလောက်အောင် ခံစားရတာတွေ ဖြစ်လာနိုင်မယ်။ ရေများများသောက် ရေမှန်မှန်သောက်နေတတ်တဲ့ လူတယောက်ဟာ ဆီးနဲ့ ဆက်စပ်ရောဂါတွေ၊ ကျောက်ကပ်ရောဂါ၊ ဆီးပြွန်ရောဂါတွေ၊ ကျောက်ကပ်မှာ ကျောက်တည်တာတွေ ဆီးပြွန်လမ်းကြောင်း ရောဂါကူးစက်မှုတွေ ဖြစ်ဖို့ အလားအလာ နည်းပါတယ်။

၇။ အရက်နာကျတာ သက်သာတဲ့ဆေး

ဒါကတော့ ယမကာလုလင်တွေနဲ့ ပိုဆိုင်မှာပေါ့။ ညက များသွားတယ်။ မနက်ကျ ခေါင်းခဲတယ်။ အိပ်ယာထပြီးတော့လည်း မျက်နှာမသာမယာနဲ့ အလုပ်သွားရမယ်။ အရက် ဘီယာ သောက်ထားရင် ဆီးစွန့်တာ ပိုများတယ်။ ရေဓာတ် ပိုဆုံးရှုံးတတ်တယ်။ အရက်နာကျတာရဲ့ အဓိကအပြစ်က ရေဓာတ်ခန်းတာ တခုတည်းကြောင့် မဟုတ်ပေမယ့် အာခေါင်ခြောက်မယ်။ ခေါင်းကိုက်မယ်။ ပင်ပန်းနွမ်းနယ်နေမယ်။ ရေငတ်မယ် ဆိုတာတွေ နောက်ဆက်တွဲ ပါလာတာ တွေ့ရမှာပေါ့။ မနက်မနက်မှာ အရက်နာကျတာ မဖြစ်ချင်ရင် ဘာအရက်ပဲသောက်သောက် ရေတခွက်ခြားစီလောက် ရေနဲ့ တလှည့်စီ နားနားသောက်မယ်။ အိပ်ယာဝင်မှာ ရေအဝသောက်အိပ်မယ်ဆိုရင် နောက်တနေ့မနက်မှာ အရက်နာကျတာ (Hangover) ဖြစ်တာ သက်သာနေပါလိမ့်မယ်။

၈။ ကိုယ်အလေးချိန်ကျပြီး ကိုယ်ခံအား ပဋိဇီဝစနစ်ကို မြှင့်တင်ပေးတဲ့ သဘာဝဆေး

အဝလွန်နေရင် အလေးချိန်ချချင်ရင် သွေးထဲရောက်နေတဲ့ အဆီအခဲတွေကို ဖယ်ရှားချင်တယ်ဆိုရင်လည်း ရေသောက်ရတာပါပဲ။ ကိုယ်အလေးချိန်လျော့ဖို့ အစားအသောက်လျော့ဖို့ အစာမစားခင် နာရီဝက်လောက်ကတည်းက ရေတခွက်လောက် ကြိုသောက်ထားတာမျိုးက အဆာပြေမယ်။ ခံတွင်းလိုက်မယ်။ ဗိုက်ကားတဲ့ထိ မဆန့်မပြဲ အငမ်းမရ မစားဖြစ်တော့ဘူး။ ဇီဝဖြစ်စဉ်တွေ သွက်လက်လာဖို့ အစာကြေဖို့ သွေးလေမှန်ဖို့ ပိုအဆင်ပြေမယ်။

မကြာခဏ ရေတွေ အငမ်းမရ သောက်သောက်နေလေ့ရှိတဲ့ သူတယောက်ဟာ ဖျားနာဖို့ ခဲယဉ်းပါတယ်။ ကိုယ်ခန္ဓာထဲမှာ ကိုယ်ခံအားစနစ်ကို မြှင့်တင်ကူညီပေးတတ်တဲ့အတွက် အအေးပတ်တာကစလို့ နှလုံးရောဂါတွေ၊ ကင်ဆာတွေအထိ ရောဂါမဖြစ်ရအောင် မဖြစ်ခင်ကတည်းက ကြိုတင်ခုခံကာကွယ်နိုင်တယ်။ ခန္ဓာကိုယ်အနှံ့အပြားက ဆဲလ်ကလပ်စည်းတွေဟာ ရေဓာတ်ပြည့်ဝနေမယ်ဆိုရင် အောက်ဆီဂျင် ဝဝလင်လင် ရနေမယ်။ ကာဗွန်ဒိုင်အောက်ဆိုက်တွေ စွန့်ပစ်နိုင်မယ်။ တော်ရုံတန်ရုံ ရောဂါကူးစက်မှု အလားအလာ နည်းပါးမယ်။

၉။ အကြောတွေ ကြွက်သားတွေ အားကောင်းဆေး

အဆစ်အမြစ်ဒဏ်ရာတွေ၊ အကြောကပ် အကြောညပ်တာတွေ သက်သာတယ်။ ရေဓာတ်ပြည့်ဝနေတဲ့အခါ အဆစ်အမြစ်တွေမှာ၊ ကြွက်သားတွေမှာ ပိုပြီး ပျော့ပြောင်းနိုင်စွမ်း ရှိနေတယ်။

လှုပ်ရှားပွတ်တိုက်နေတဲ့ စက်ပစ္စည်းတွေနဲ့ ကားတစင်းမှာ အင်ဂျင်ဝိုင် လိုအပ်သလိုပါပဲ၊ ခန္ဓာကိုယ် အဆစ်အမြစ်တွေ လှုပ်ရှားနေရတဲ့ ကြွက်သားတွေ၊ အကြောတွေမှာ ရေဓာတ်ပြည့်ဝနေတဲ့အခါ၊ ခြောက်ကပ်မနေတဲ့အခါမှာ ဒဏ်ရာအနာတရဖြစ်ဖို့ အလားအလာ ပိုနည်းလာတယ်။

၁၀။ ငွေကုန်ကြေးကျမရှိတဲ့ သဘာဝဆေး

နောက်ဆုံးနဲ့ အရေးအကြီးဆုံးကတော့ ရေသောက်တာက ကုန်ကျစားရိတ် အနည်းဆုံးဖြစ်မယ်။ သက်သာတယ်။ ခေတ်ပေါ်ဖျော်ရည်မျိုးစုံနဲ့ ဈေးကြီးတဲ့ အချိုရည်တွေ၊ သကြားဓာတ်များလွန်းတဲ့ အချိုရည်တွေ၊ အဝလွန်စေမယ့် အချိုရေတွေ ဝယ်သောက်နေတာထက် ဈေးသက်သာတယ်။ နိုင်ငံခြားက တင်သွင်းယူရတဲ့ အချိုရည်တွေ သောက်နေတာထက် ငွေကုန်ကြေးကျနည်းမယ်။ ပိုက်ဆံစုမိမယ်။

==============

DVB TV News

ရာသီစာ သရက်သီးက ဒီလိုလေး အကျိုးကျေးဇူးတွေ ပေးပါတယ်

==================
==================

အသီးမှာ သရက်၊ အသားမှာ ဝက်၊ အရွက်မှာလက်ဖက်ပါတဲ့။ စားအကောင်းဆုံးအစားအစားတွေကို ရည်ညွှန်းပြောဆိုထားတဲ့ ပြောစကားလေးတစ်ခုပေါ့။ ဘယ်အသီးတွေ ဘယ်လောက်ပဲကောင်းပါတယ်ပြောပြော ရှေးလူကြီးတွေကတော့ အသီးတွေထဲမှာ သရက်သီးကအကောင်းဆုံးလို့ဆိုထားပါတယ်။ သရက်သီးက အနံ့အရသာရော အရောင်အဆင်းပါပြည့်စုံတဲ့အသီးတစ်မျိုးပါ။ သရက်သီးအရသာကိုပဲ လူတွေက သိထားကြပြီး သရက်သီးကဘယ်လိုမျိုးအကျိုးအာနိသင်တွေရနိုင်လဲဆိုတာကိုတော့ သိသူရှားပါတယ်။

သရက်ပင်က လွန်ခဲ့တဲ့နှစ်ပေါင်း ၄,၀၀၀ကျော်ကတည်းက ကမ္ဘာမြေပေါ်မှာရှင်သန်ခဲ့တာဖြစ်ပြီး ဟိမဝန္တာဒေသက သရက်ပင်ရဲ့ မိခင်ဒေသပါ။ သရက်သီးအမျိုးပေါင်း ၁,၀၀၀ ကျော်ရှိတာဖြစ်ပြီး တစ်မျိုးနဲ့တစ်မျိုး အရသာချင်းမတူကြပါဘူး။ အရသာမတူကြပေမယ့် ခန္ဓာကိုယ်ကို အကျိုးပြုတာချင်းကတော့ အတူတူပါပဲ။ သရက်သီးကို အစိမ်းတို့စားတာ၊ သုပ်စားတာ၊ ဆားရည်စိမ်စားတာမျိုးရှိသလို ငံပြာရည်ငရုတ်သီးမှုန့်နဲ့နယ်စားတာ၊ ငရုတ်သီးမှုန့်၊ဆားတို့နဲ့လုပ်ထားတဲ့ အရသာမှုန့်နဲ့တို့စားတာလို့လည်းရပါတယ်။ အမှည့်ခံပြီးစားတာမျိုးလည်းရှိပါတယ်။ သရက်သီးမှည့် ဖျော်ရည်ကလည်း ရင်အေးစေတဲ့ ဖျော်ရည်တစ်မျိုးပါ။ ဘယ်လိုပဲစားစားသရက်သီးက ခံတွင်းတွေ့တာတော့အမှန်ပါ။
သရက်သီးကနေရရှိနိုင်မယ့် အာဟာရဓာတ် တွေက

ခန္ဓာကိုယ်အတွက်အကျိုးပြုတဲ့ သရက်သီး တစ်ပန်းကန်စာမှာ

ကယ်လ်လိုရီက ၁၀၅ ရာခိုင်နှုန်း၊
ကိုယ်ခံအားကို ကောင်းမွန်စေနိုင်တဲ့ ဗီတာမင် C က ၇၆ ရာခိုင်နှုန်း၊
ဓာတ်တိုးဆန့်ကျင် ပစ္စည်းတစ်ခုဖြစ်သလို အမြင်အာရုံကိုကောင်းမွန်စေနိုင်တဲ့ ဗီတာမင် A က ၂၅ ရာခိုင်နှုန်း၊
ဦးနှောက်တွင်း ဟော်မုန်းထုတ်လွှတ်မှုကို ကောင်းမွန်စေပြီး နှလုံးရောဂါကို ကာကွယ်ပေးနိုင်တဲ့ ဗီတာမင် B က ၁၁ ရာခိုင်နှုန်း၊
အစာအိမ်အူလမ်းကြောင်းကို ကျန်းမာစေနိုင်တဲ့ အမျှင်ဓာတ်က ၉ ရာခိုင်နှုန်း
သွေးနီဥဆဲလ်တွေ ဖြစ်ပေါ်မှုကို အထောက်အကူပြုပေးနိုင်တဲ့ copper က ၉ ရာခိုင်နှုန်း၊
ကိုယ်တွင်းက အငန်ဓာတ်ပမာဏကိုထိန်းညှိပေးနိုင်တဲ့ ပိုတက်ဆီယမ်ဓာတ်က ၇ရာခိုင်နှုန်း၊
မဂ္ဂနီဆီယမ်က ၄ ရာခိုင်နှုန်းပါဝင်ပါတယ်။
သရက်သီးစားသုံးပေးမှုကနေရရှိမယ့် အကျိုးကျေးဇူးတွေက

သရက်သီးမှာ ဓာတ်တိုးဆန့်ကျင်အာနိသင်တွေပါဝင်နေတာကြောင့် အူမကြီးကင်ဆာ၊ ရင်သားကင်ဆာ၊ သွေးကင်ဆာ နဲ့ ဆီးကျိတ်ကင်ဆာ တွေမဖြစ်အောင်ကာကွယ်ပေးပါတယ်။ နောက်တစ်ချက်က သရက်သီးဟာ အမျှင်ဓာတ်ကြွယ်ဝတဲ့အသီးဖြစ်တာကြောင့် သွေးတွင်းကိုလက်စထရောပမာဏ ကျဆင်းအောင်လည်းလုပ်ဆောင်ပေးပါသေးတယ်။

အသားအရေလှချင်သူတွေအနေနဲ့လည်း သရက်သီးစားသုံးပေးသင့်ပါတယ်။ သရက်သီးက အသားအရေကို ချောမွေ့စေပြီး ဝက်ခြံတွေကို သက်သာစေနိုင်ပါတယ်။ သရက်သီးကို စားပေးရုံတင်မဟုတ်ဘဲ မျက်နှာပေါ်မှာ ပေါင်းတင်ဖို့အတွက်လည်း အသုံးပြုလို့ရပါတယ်။ မျက်နှာပေါ်က ချွေးပေါက်တွေကိုလည်း ပွင့်စေပါတယ်။ နောက်ထပ်တစ်ချက်က နေ့စဉ် ကွန်ပျူတာတွေ၊ ဖုန်းတွေသုံးနေတဲ့သူတွေအနေနဲ့ အမြင်အာရုံကောင်းမွန်စေပြီး ကြက်မျက်သင့်တာနဲ့ မျက်လုံးခြောက်သွေ့တာတွေကို ဘိုင့်ဘိုင်လို့နှုတ်ဆက်နိုင်စေဖို့အတွက် သရက်သီးမှည့်လေးစားပေးပါ။

နောက်တစ်ခုပြောပြချင်တာကတော့ သရက်ရွက်အကြောင်းပါ။ သရက်ရွက်ရဲ့ အမွှေးနံ့က ခပ်သင်းသင်းလေးရှိပြီး အရွက်နုလေးတွေကို တို့စားကြတာမျိုးလည်းရှိပါတယ်။ သရက်ကရွက်ကို ရေနွေးဆူဆူထဲထည့်ပြုတ်ပြီး ပြုတ်ရည်ကို တစ်ညသိပ် အရွက်ကိုစစ်ပြီး အရည်ကိုသုံးဆောင်ပေးမယ်ဆိုရင်လည်း သွေးတွင်းသကြားဓာတ်ကို ကျဆင်းစေတယ်လို့ ဆိုပါတယ်။

သရက်သီးမှာ အမျှင်ဓာတ်ကြွယ်ဝစွာပါဝင်တဲ့အတွက် အစာကြေချက်မှုကို ကောင်းမွန်စေတဲ့အသီးတစ်မျိုးပါ။ ဒါတွေတင်လားဆိုတော့ မဟုတ်ပါဘူး။ သရက်သီးအစိမ်းကိုဖျော်သောက်ပေးမယ်ဆိုရင်လည်း ရာသီဥတုပူပြင်းမှုကြောင့် ခန္ဓာကိုယ်မှာဖြစ်လာနိုင်တဲ့ အပူလျှပ်တာလိုမျိုး ဝေဒနာတွေမဖြစ်အောင်ကာကွယ်ပေးပါတယ်။

နောက်ဆုံးတစ်ချက်အနေနဲ့ကတော့ သရက်သီးမှာ ဗီတာမင် C၊ ဗီတာမင် A နဲ့ carotenoids ၂၅ မျိုးအထိပါဝင်တာကြောင့် ကိုယ်ခံအားကိုကောင်းမွန်စေပြီး အမြဲကျန်းမာနေစေမှာ အသေအချာပါ။ လတ်တလောမှာလှိုင်လှိုင်ပေါနေတဲ့ သရက်သီးကို အရသာရှိရှိလေးစားသုံးရင်း အပေါ်မှာပြောခဲ့တဲ့ အာဟာရဓာတ်တွေနဲ့ကျန်းမာရေးအကျိုးကျေးဇူးတွေကို လက်မလွှတ်တမ်းရယူလိုက်ပါ။

===========

ရေးသားသူ Aye Thi Mon
ဆေးပညာပိုင်းဆိုင်ရာတည်းဖြတ်သူ Dr. Kaung Thar.

ရေခဲတုံးလေးတွေသုံးပြီး လှအောင်နေကြမယ်

==================
==================

ရေခဲကို တော်တော်များများကတော့ ဒဏ်ရာအနာတရ ဖြစ်တဲ့အခါ ယောင်ရမ်းတာတွေ မရှိစေဖို့ ကပ်ကြသလို အအေးထဲ ထည့်ဖျော်ကြတာလည်း ရှိပါတယ်။ တကယ်တော့ ရေခဲကို အလှအပအတွက် သုံးပေးလို့ ရပါသေးတယ်။ ရေခဲမှာ ပါဝင်တဲ့ အစွမ်းသတ္တိတွေဟာ မျက်နှာလေး လှပဖို့အတွက် အထောက်အကူ ပြုပါတယ်။ ဒါဆိုရင်တော့ ရေခဲက မျက်နှာလေးလှဖို့ ဘာတွေ အသုံးဝင်မလဲဆိုတာ ကြည့်ကြည့်လိုက်ရအောင်နော်။

မျက်ကွင်းညိုခြင်း

မျက်ကွင်းညိုခြင်း ဖြစ်ရခြင်းဟာ သွေးလည်ပတ်စီးဆင်းမှုမှာ ပြဿနာရှိတာကြောင့် ဖြစ်ပါတယ်။ ဒီလို မျက်ကွင်းညိုတာတွေအတွက်လည်း ကောင်းမွန်တဲ့ skin careတွေ သုံးလို့ ရသလို ရေခဲတုံးလေးတွေ ကပ်ပေးတာမျိုးလည်း လုပ်လို့ရပါသေးတယ်။ ရေခဲအတုံးသေးလေးတွေ ပြုလုပ်တဲ့အခါမှာ ရေခဲပြုလုပ်မယ့် ရေထဲကို နွားနို့လေး နည်းနည်းလောက်ထည့်ပေးပါ။ နွားနို့နည်းနည်းပါဝင်တဲ့ ရေခဲတုံးလေး ရပြီဆိုရင်တော့ ရေခဲတုံးကို ပလတ်စတစ် ဒါမှမဟုတ် အဝတ်စတစ်မျိုးမျိုးလေးနဲ့ ထုပ်ပြီး မျက်ကွင်းညိုတဲ့ နေရာတဝိုက်မှာ ကပ်ထားပေးပါ။ အေးလာတဲ့အထိပဲ ရပါတယ်။ ဒီလိုလေး လုပ်ပေးမယ်ဆိုရင် မျက်ကွင်းညိုတာ သက်သာစေမှာပါ။

အရေးအကြောင်း

အသက်အရွယ်အရ အရေးအကြောင်းတွေ ဖြစ်လာတာကို ရှောင်လွှဲလို့ မရပေမယ့် အရွယ်မတိုင်ခင်ကတည်းက အရေးအကြောင်းတွေ မဖြစ်အောင်တော့ လုပ်ဆောင်လို့ ရနိုင်ပါတယ်။ ဒိ့အတွက် ရေခဲက စွမ်းဆောင်နိုင်ပါတယ်။ မျက်နှာကို ရေနွေးနွေး ဒါမှမဟုတ် ရေအေးလေး သုံးပြီးတော့ မျက်နှာသစ်လိုက်ပါ။ ပြီးရင်တော့ ရေခဲတုံးလေးတွေကို အဝတ်စလေးနဲ့ ထုပ်ပြီး အရေးအကြောင်းရှိတဲ့ နေရာတွေမှာ ညင်ညင်သာသာလေး ရွေ့လျားပေးပါ။ တစ်ပတ်ကို (၂) ကြိမ်လောက်ဆိုရင်တောင် သိသာပါတယ်။

မိတ်ကပ်

မိတ်ကပ်လေး တစ်နေကုန် မျက်နှာမှာ ရှိနေစေချင်တယ်ဆိုရင်တော့ ရေခဲလေး သုံးလို့ ရပါသေးတယ်။ အောက်ခံမိတ်ကပ်မလိမ်းခင်မှာ primer လိမ်းကြသလိုမျိုးပါပဲ မိတ်ကပ်မလိမ်းခင်မှာ ရေခဲလေး မျက်နှာမှာ ကပ်ထားပေးပါ။ ဒီလို လုပ်ပေးတာက ချွေးပေါက်တွေကို ကျဉ်းစေပြီး အဆီမပြန်စေတာမို့ မိတ်ကပ်ကွက်ခြင်း၊ ပျက်ခြင်းမရှိဘဲ တစ်နေကုန် လှပနေမှာပါ။

မျက်နှာအဆီပြန်ခြင်း

မျက်နှာအဆီတဝင်းဝင်း ဖြစ်လို့ မလှဘူး ထင်နေရင်တော့ အဆီပြန်ခြင်းတွေကို နှုတ်ဆက်လိုက်ဖို့ ဝန်မလေးသင့်ပါဘူး။ အဆီပြန်တဲ့ အသားအရေက ဝက်ခြံလည်း ဖြစ်စေနိုင်ပါတယ်။ ရေခဲတုံးလေးတွေကို ထုပ်ပြီး မျက်နှာမှာ ကပ်ပေးပါ။ အထူးသဖြင့် T zone မှာပါ။ ခပ်အေးအေးလေး ဖြစ်တဲ့အထိ ကပ်ထားပေးပါ။ ဒါဆိုရင် အဆီပြန်ခြင်းတွေ ကင်းဝေးမှာပါ။ အကယ်လို့ မျက်နှာကို စိုစိုအိအိလေး ဖြစ်ချင်တယ်ဆိုရင်တော့ အစိုဓါတ်ထိန်းခရင်မ်လေး လိမ်းပေးပါ။

ဝက်ခြံနဲ့ အမာရွတ်

ရေခဲကတော့ ဝက်ခြံကြောင့် ယောင်ရမ်းတာတွေနဲ့ ဝက်ခြံထပ်မထွက်စေဖို့ အစွမ်းဆောင်ပေးနိုင်ဆုံး ပစ္စည်းပါပဲ။ ပြင်ပဒဏ်ရာကြောင့် ဖြစ်တဲ့ အမာရွတ်တွေကိုလည်း ပျောက်စေပါတယ်။ သတိထားရမှာကတော့ ဝက်ခြံက ဘက်တီးရီးယားတွေကြောင့် ပြည်တည်သလို အဆံဖြူဖြူတွေ ရှိနေပြီး ယောင်ရမ်းနေတယ်ဆိုရင် ရေခဲကပ်တဲ့အခါမှာ အထူးသတိထားပါ။ ဝက်ခြံအတွက် ရေခဲကပ်မယ်ဆိုရင်တော့ ကြာချိန်(၁) မိနစ်ထက် မပိုပါစေနဲ့နော်။ တစ်မိနစ်လောက် ကပ်ပြီးတဲ့အခါမှာ ကိုယ်နဲ့တည့်တဲ့ အဆီလေး တစ်မျိုးမျိုး လိမ်းထားတာမျိုး လုပ်နိုင်ပါတယ်။

ကဲ..အခုဆိုရင် ရေခဲက ပေးစွမ်းနိုင်တဲ့ အလှအပတွေကို သိရပြီဆိုတော့ မျက်နှာလေး လှပသွားအောင် အိမ်မှာ လုပ်ကြည့်ဖို့ တိုက်တွန်းလိုက်ပါတယ်နော်။

===========

ရေးသားသူ Phyo Pyae Pyae
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

Mizzima – News in Burmese

 

သင့်မှာ ခဏခဏ ခေါင်းကိုင်တာ၊ ကိုယ်အလေးချိန်တက်တာ၊ ဆံပင်ကျွတ်တာနဲ့ အရေပြားဆိုင်ရာ တခြားပြဿနာတွေရှိနေရင် သင့်အနေနဲ့ လျစ်လျူမရှု့သင့်ပါဘူး။ ပေါက်ပေါက်စုပ်တွေကို စားမယ့်အစား ဆဲလ်မွန်ငါးကို အစားထိုး စားသုံးဖို့ အကြံပြုချင်ပါတယ်။ ဆဲလ်မွန်ငါးဟာ ကျန်းမာရေးစေတဲ့ အာဟာရဓာတ်တွေ အများကြီးပါဝင်နေတဲ့ အစားအစာဖြစ်ပါတယ်

အမေရိကန် နှလုံးကျန်းမာရေးအသင်းက ဆဲလ်မွန်ငါးကို တစ်ပတ် ၂ ကြိမ်အနည်းဆုံး စားသင့်တယ်လို့ဆိုပါတယ်။ ဆဲလ်မွန်ငါးမှာ Omega 3 Fatty Acids, ပရိုတင်း, ဗီတာမင် နဲ့ သတ္တုဓာတ်ကြွယ်ဝတာမို့ ရောဂါအမျိုးမျိုးကို ကာကွယ်ပေးနိုင်ပါတယ်။ ဆဲလ်မွန်ငါး စားသင့်တဲ့ အဓိက အကြောင်းရင်းတွေကို မျှဝေပေးပါမယ်။

၁။ နှလုံးအတွက်ကောင်းမွန်ခြင်း

Omega 3 Fatty Acids ပါဝင်မှု မြင့်မားတဲ့ ဆဲလ်မွန်ငါးဟာ နှလုံးသွေးကြော ရောဂါနဲ့ ဆီးချိုရောဂါ ဖြစ်ပွားခြင်းကနေ ကာကွယ်ပေးနိုင်ပါတယ်။

၂။ ကိုယ်အလေးချိန် လျှော့ချဖို့ ကူညီပေးခြင်း

ဆဲလ်မွန်ငါးဟာ ကျန်းမာရေးအတွက် လိုအပ်တဲ့ အဆီပါဝင်လို့ ကိုယ်အလေးချိန် လျှော့ချဖို့ အကူအညီဖြစ်စေပါတယ်။ သွေးလည်ပတ်မှုကို ကောင်းမွန်စေပြီး ဇီဝဖြစ်စဉ်ကို မြင့်တင်ပေးနိုင်ပါတယ်။

၃။ ဦးနှောက်စွမ်းဆောင်ရည်

Omega 3 Fatty ဟာ ဥာဏ်ရည်ဖွံ့ဖြိုးမှုနဲ့ ဦးနှောက်စွမ်းဆောင်ရည်အတွက် အဓိကလိုအပ်တဲ့ အာဟာရဓာတ်ဖြစ်ပါတယ်။ ကလေးငယ်တွေအတွက်ရော အသက်ကြီးတဲ့ အမျိုးသမီးတွေအတွက်ရော ဦးနှောက်စါမ်းဆော်ငရည် ကောင်းမွန်စေပါတယ်။

၎။ ကင်ဆာ တိုက်ဖျက်ပေးနိုင်ခြင်း

ကင်ဆာဟာ ခန္ဓာကိုယ်အတွင်း Omega 3 နဲ့ Omega 6 Fatty Acids ပါဝင်မှု မညီမျှလို့ ဖြစ်ရတာပါ။ သင်စားနေတဲ့ အစားအစာထဲမှာ ဆဲလ်မွန်ငး ထည့်စားမယ်ဆိုရင် ကင်ဆာဖြစ်ပွားမှုကို ကြိုတင်ကာကယ်ပေးနိုင်ပါတယ်။

၅။ ဗီတာမင်D နဲ့ ပရိုတင်းကြွယ်ဝတယ်

ဗီတာမင် D နဲ့ ပရိုတင်းဓာတ်ကြွယ်ဝလို့ အရိုးကို သန်မာစေသလို နှလုံးရောဂါကိုလည်း ကာကွယ်ပေးနိုင်ပါတယ်။ ကြွက်သားကိုလည်း သန်မာစေပြီး ဆံပင်ကျွတ်ခြင်းကို သက်သောစသလို အသားအရေနဲ့ ဆံကေသာအတွက်လည်း ကောင်းမွန်ပါတယ်။

၆။ စိတ်ခံစားချက်ကို ကောင်းမွန်စေခြင်း

ဆဲလ်မွန်ငါးကို စားပေးတာဟာ စိတ်ခံစားမှုနဲ့ ဆိုင်တဲ့ ကျန်းမာရေးကို ထောက်ပံ့ပေးပြီး စိတ်ခံစားချက်ကို ကောင်းမွန်စေပါတယ်။ စိတ်ဖိစီးမှုခံစားနေရတဲ့ သူတွေအတွက်လည်း ဆဲလ်မွန်ငါးကို စားပေးတာဟာ ကောင်းမွန်ပါတယ်။

လူတစ်ယောက်ရဲ့ကျန်းမာရေးဟာ သူတစ်နေ့တာသောက်သုံးနေတဲ့ ရေပမာဏအပေါ်လည်းမူတည်နေပါတယ်။ အိပ်ယာထပြီးတာနဲ့ ရေနှစ်ခွက်ပုံမှန်သောက်ပေးခြင်းဖြင့် ခန္ဓာကိုယ်ကျန်းမာရေးကို အထူးကောင်းမွန်စေတယ်ဆိုတာကို ကြားဖူးကြမှာပါ။ ဒီအတိုင်းဆို လူကြီးတွေမကြာခဏပြောလေ့ရှိတဲ့ မနက်စောစော ရေနွေးသောက်ပေးခြင်းရဲ့ကောင်းကျိုးတွေက ဘာတွေများဖြစ်မလဲနော်။ ဆက်ဖတ်ကြည့်လိုက်ပါဦး။

၁။အရွယ်မတိုင်မီအိုမင်းရင့်ရော်ခြင်းမှကာကွယ်ပေးပါတယ်။

ဘယ်သူကမှ အသက်အရွယ်ငယ်ငယ်နဲ့ ရုပ်ရင့်တာမျိုးကို လိုလားကြမှာမဟုတ်ပါဘူး။ ခန္ဓာကိုယ်မှာရှိတဲ့ အဆိပ်အတောက်တွေကြောင့် ရှိရင်းစွဲအသက်ထက် ပိုပြီး ရုပ်ရင့်လာစေပါတယ်။ ရေနွေးသောက်ပေးခြင်းဖြင့် ခန္ဓာကိုယ်က အဆိပ်အတောက်တွေကို ဖယ်ရှားပေးတာကြောင့် မျက်နှာပြင်လေးကို တင်းရင်းဝင်းပစေခြင်းဖြင့်နုပျိုစေပါတယ်

၂။နာကျင်ကိုက်ခဲမှုတွေကိုပြေပျောက်စေပါတယ်။

အမျိုးသမီးတွေ ရာသီလာတဲ့အခါ ဗိုက်နာတစ်ဝိုက်နာကျင်မှုကိုခံစားကြရပါတယ်။ အိပ်ယာထထချင်း ရေနွေးသောက်ပေးလိုက်တဲ့အခါ အဲ့ဒီ့နာကျင်မှုတွေကို တော်တော်ကြီးသက်သာစေပါတယ်။ ဒီ့အပြင် အခြားသော ကြွက်သားပိုင်းဆိုင်ရာနာကျင်မှုတွေအတွက်လည်းသက်သာစေပါတယ်။

၃။ဝိတ်ကျစေတယ်။

မနက်စောစောရေနွေးတစ်ခွက် ပုံမှန်သောက်ပေးရင် ဝိတ်ကျစေတယ်ဆိုတာ မှန်တဲ့အချက်ဖြစ်ပါတယ်။ ရေနွေးသောက်ပေးခြင်းက ခန္ဓာကိုယ်အပူချိန်ကိုတိုးမြှင့်လာစေတာကြောင့် ဇီဝကမ္မဖြစ်နှုန်းကိုလည်းမြင့်တက်လာစေပါတယ်။ ဇီဝဖြစ်နှုန်းမြင့်တက်လာခြင်းဖြင့် ခန္ဓာကိုယ်တွင်းအဆီတွေကိုလောင်ကျွမ်းစေပါတယ်။

၎။အစာချေစနစ်ကိုကောင်းစေတယ်။

မနက်စောစောရေနွေးသောက်ပေးခြင်းက ခန္ဓာကိုယ်တွင်းအစာချေစနစ်ကိုကောင်းမွန်စေပြီး အစာတွေချေဖျက်ရာမှာလွယ်ကူစေပါတယ်။ အစာစားပြီးတိုင်းရေနွေးသောက်ပေးခြင်းကတော့ သူနဲ့ပြောင်းပြန်ပါ။ အစာထဲက အဆီတွေကို ခဲစေတာကြောင့် အစာချေဖျက်ရာမှာ ခက်ခဲစေပါတယ်။ ဒါကြောင့် ရေအေးအစား ရေနွေးလေးသောက်ပေးပါ။

၅။သွေးလည်ပတ်မှုကို ကောင်းစေပါတယ်။

ရေနွေးသောက်ပေးခြင်းဖြင့် ခန္ဓာကိုယ်တွင်းအဆိပ်အတောက်ကိုဖယ်ရှားပေးပါတယ်။ဒါကြောင့်မို့လည်း သွေးလည်ပတ်နှုန်းကိုအားကောင်းစေပါတယ်။ အဲ့ဒီ့အပြင် ကြွက်သားတွေကိုပြေလျော့စေကာ သွေးစီးဆင်းမှုကို ထောက်ပံ့ပေးပါတယ်။

၆။ဝမ်းချုပ်ခြင်းကို သက်သာစေတယ်။

ဝမ်းချုပ်ရခြင်းရဲ့ အဓိကအကြောင်းအရင်းကတော့ ခန္ဓာကိုယ်မှာ ရေဓာတ်နည်းလို့ပါ။ အိပ်ယာထထချင်း ဘာအစာမှမစားသေးပဲ ရေနွေးသောက်ပေးလိုက်တဲ့အခါမှာတော့ အူမကြီးရဲ့လှုပ်ရှားမှုကို တိုးတက်စေတာကြောင့် ဝမ်းချုပ်ခြင်းကို သက်သာစေပါတယ်။

၇။အိပ်ပျော်စေတယ်။

အစာစားပြီးတိုင်း၊ အထူးသဖြင့်ညစာစားပြီးတိုင်း၊ အိပ်ယာမဝင်ခင်တိုင်းမှာ ရေနွေးသောက်ပေးလိုက်မယ်ဆိုရင်အညောင်းအညာပြေစေပြီး အာရုံကြောတွေကိုလည်းပြေလျော့စေတာကြောင့် နှစ်နှစ်ခြိုက်ခြိုက်အိပ်ပျော်စေပါတယ်။ နောက်တစ်နေ့နိုးတဲ့အခါမှာလည်းလန်းဆန်းစေပါတယ်။

ကမ္ဘာပေါ်မှာ အရေးအပါဆုံး ကောက်ပင်တစ်မျိုးမှာ ပြောင်းပင်ပဲ ဖြစ်ပါတယ်။ စပါးပြီးရင် ပြောင်းပင်ဟာ အဓိကကျတဲ့ ကောက်ပင်အဖြစ် တန်းတူရှိနေပါတယ်။ ဒါကြောင့်ပဲ ပြောင်းပင်ကို ကမ္ဘာအရပ်ရပ်မှာ စိုက်ပျိုးကြပါတယ်။

ပြောင်းပင်ရဲ့ မူလပင်ရင်းဒေသကတော့ အမေရိကတိုက်ဖြစ်ပြီး ၁၅ရာစုနှစ်မှာ ရှာဖွေတွေ့ရှိခဲ့ပြီး ကမ္ဘာအရပ်ရပ်ကို ပျံ့နှံ့ခဲ့ပါတယ်။

ပြောင်းပင်ဟာ တစ်နှစ်တစ်ခါ စိုက်ပျိုးရတဲ့ ကောက်ပဲသီးနှံမျိုး ဖြစ်ပြီး တောင့်တင်း ကြံ့ခိုင်တဲ့ မြက်တစ်မျိုးလည်း ဖြစ်ပါတယ်။

အခြားကောက်ပင်များနည်းတူ အစေ့ကို ပျိုးပြီး စိုက်ပျိုးရပါတယ်။ ဖူးစားပြောင်း တစ်ပင်တည်းမှာ အဖိုပွင့် အမပွင့်ဆိုပြီး နှစ်မျိုးနှစ်စား ပါရှိပါတယ်။ အနောက်နိုင်ငံတွေမှာတော့ အထွက်ကောင်းအောင် မျိုးစပ်စိုက်ပျိုးခြင်းတွေလည်း ပြုလုပ်ကြပါတယ်။

ဖူးစားပြောင်း အထွက်အများဆုံး နိုင်ငံကတော့ အမေရိကန် ဖြစ်ပြီး တောင်အမေရိကနဲ့ အာဂျင်တီးနားတို့က ဒုတိယ လိုက်ပါတယ်။

မြန်မာနိုင်ငံမှာတော့ မိုးပါးရေရှားတဲ့ ဒေသတွေမှာ ပြောင်းဆန်ကို စားသုံးနေကြပါသေးတယ်။ ပြောင်းဆန်ကို နိုင်ငံခြား ပို့ကုန်အနေနဲ့လည်း ရောင်းချပါသေးတယ်။ မြန်မာနိုင်ငံမှာ ဖူးစားပြောင်းကို အမျိုးအစား ခွဲခြား ထားပါသေးတယ်။ တစ်မျိုးမှာ ဖက်ပြောင်းဖြစ်ပြီး အခြားတစ်မျိုးမှာ စားပြောင်း ဖြစ်ပါတယ်။
ပြောင်းဖူးဖက်လိပ်တဲ့ ဖက်တွေကို ဖက်ပြောင်းကနေ ရပါတယ်။ ယောဖက်လို့လည်း ခေါ်ပါတယ်။

ဖက်ပြောင်းကနေ ရတဲ့ ပြောင်းဆန်ကို ပေါက်ပေါက်ဖောက်ရာမှာ အသုံးပြုသလို ပေါက်ပေါက်ဆုပ် လုပ်ရာမှာလည်း အသုံးပြုပါတယ်။ စားပြောင်းကတော့ ပြုတ်စား၊ ဖုတ်စား၊ ကြော်စား စားသုံး ကြပါတယ်။ မြန်မာတွေ နှစ်သက်တဲ့ အစားအစာတစ်မျိုးပါ။

ပြောင်းဖူးမှာ အာဟာရဓာတ် များစွာပါဝင်တာကြောင့် ကျန်းမာရေး အကျိုးကျေးဇူးတွေ ရရှိနိုင်ပါတယ်။ ပြောင်းဖူးမှာ ဗီတာမင် B1 ပါဝင်ပြီး ဗီတာမင် B5 ၊ ဖောလိပ်၊ ဗီတာမင် စီတို့ အကျိုးညီစွာ ပါဝင်ပါတယ်။ နှလုံးသွေးကြောဆိုင်ရာ ကျန်းမာရေးကို ကောင်းမွန်စေပါတယ်။ ကင်ဆာရောဂါကို ကာကွယ်ပေးပါတယ်။ မှတ်ဥာဏ်ကို အားကောင်းစေပါတယ်။

အမြင်အာရုံ ကောင်းမွန်ဖို့ ကူညီပေးပါတယ်။ သွေးတွင်းက ကိုလက်စထောတွေကို ကျစေပါတယ်။

ပြောင်းဖူးဟာ အခြား ဟင်းသီးဟင်းရွက်တွေထက် အာဟာရဓာတ် ပိုမို ပါဝင်ပါတယ်။ ပြောင်းဖူးကို ဆီတွေ သကြားတွေနဲ့ ချက်စားတာထက် စာရင် ပြုတ်စားတာက ပိုပြီး အကျိုးရှိစေပါတယ်။

Credit: Good Health , wiki

အစာ မြန်မြန်စားခြင်းနဲ့ နှလုံး ကျန်းမာရေး

==================
==================

ကလေးဘဝကစပြီး လူကြီးဘဝထိတိုင်အောင် အစာ မြန်မြန်မစားရဘူးဆိုတဲ့ စကားကို မကြာခဏ ကြားဖူးကြမှာပါ။ ဒါဟာ အင်မတန်အရေးကြီးတဲ့စကားပဲ ဖြစ်ပါတယ်။

တစ်ခါတလေ မနက်ခင်း အိပ်ရာထနောက်ကျလို့ မနက်စာ ကမန်းကတန်း စားရတာ၊ သို့မဟုတ် ကိုယ်ကိုယ်တိုင်က အစားပြိုင်သမား ဖြစ်နေတာ အစာကို ခပ်မြန်မြန် စားရလေ့ရှိတာ၊ ဘာကြောင့်ပဲဖြစ်ဖြစ် ဒီလိုအမြန်စားတာဟာ ကိုယ့်မှာ အကျင့်ကြီးမဖြစ်သွားအောင် သတိထားရပါမယ်။

လတ်တလောမှာ ပြုလုပ်ထားတဲ့ လေ့လာမှုတစ်ခုအရ အစား အမြန်စားခြင်း၊ ကိုယ်အလေးချိန် တိုးခြင်းနဲ့ နှလုံးရောဂါတို့ဟာ အဆက်အစပ် ရှိနေတာကို တွေ့ရပါတယ်။ လူ စုစုပေါင်း 1083 ယောက်၊ အမျိုးသား 642 ယောက်၊ အမျိုးသမီး 441 ယောက်တို့ကို 3 ပိုင်း ပိုင်းပြီး အမြန်၊ ပုံမှန်နဲ့ အနှေး အစားသမားဆိုပြီး ခွဲလေ့လာထားတာပါ။ 5 နှစ်အတွင်းမှာ ဒီလူတွေရဲ့ ကျန်းမာရေးကို တောက်လျှောက် လေ့လာကြပါတယ်။ အထူးသဖြင့် သွေးတိုး၊ ဆီးချို၊ ခါးတစ်ဝိုက် အဆီပို၊ သွေးတွင်း ကိုလက်စထရောနဲ့ triglyceride အဆီဓာတ် ပုံမမှန်ခြင်းတွေ စုပုံပြီး ဖြစ်တတ်တဲ့ metabolic syndrome ဇီဝကမ္မဖြစ်စဉ် ကမောက်ကမရောဂါစုကို ဦးစားပေးကြည့်ကြပါတယ်။ ဒီဇီဝကမ္မဖြစ်စဉ် ကမောက်ကမရောဂါစုဟာ နှလုံးရောဂါ၊ လေဖြတ် လေဖြန်းနဲ့ ဆီးချိုရောဂါတွေဖြစ်နှုန်း ပိုများလာစေနိုင်ပါတယ်။

လေ့လာမှု စတင်ချိန်မှာ အစမ်းသပ်ခံသူတွ အကုန်လုံးမှာ ဇီဝကမ္မဖြစ်စဉ် ကမောက်ကမရောဂါစု မရှိပေမယ့် 5 နှစ်ပြည့်တဲ့အခါ လေ့လာအစမ်းသပ်ခံသူများထဲက 84 ယောက်မှာ ဒီရောဂါစုဖြစ်နေပြီး အစား အမြန်စားတဲ့အုပ်စုထဲက အများဆုံး ဖြစ်နေတာကိုလည်း တွေ့ရပါတယ်။ အစာစားတာ နှေးတဲ့အုပ်စုထဲက 2.3% လောက်ပဲဖြစ်ပြီး ပုံမှန်စားသူတွေမှာ 6.5% လောက် တွေ့ရပါတယ်။ အမြန် စားတတ်သူတွေမှာတော့ 11.6% တောင် ဖြစ်တတ်ပါတယ်။

ဒီလိုဖြစ်ရခြင်းရဲ့ အဓိကတရားခံကတော့ သွေးတွင်းအချိုဓာတ်ပဲ ဖြစ်ပါတယ်။ အစာ အမြန်စားခြင်းက သွေးတွင်းအချိုဓာတ်ကို အတက်အကျ အမြန်ဖြစ်စေပြီး အင်ဆူလင်ဓာတ် လက်ခံမှုကို ဟန့်တားစေနိုင်တာကြောင့် ဆဲလ်တွေထဲကို အချိုဓာတ် မဝင်နိုင်တော့ပါဘူး။ ဒီအခါမှာ ခန္ဓာကိုယ်က အင်ဆူလင်ဓာတ်ကို ပိုမိုထုတ်ပေးပြီး ဆီးချိုအမျိုးအစား ၂ နဲ့ နှလုံးရောဂါတွေကို ဖြစ်လာစေနိုင်ပါတယ်။

ဒါကြောင့် ဇီဝကမ္မဖြစ်စဉ် ကမောက်ကမရောဂါစုကို ကာကွယ်ဖို့နဲ့ နောက်ဆက်တွဲဆိုးကျိုးတွေ မဖြစ်စေဖို့ နောက်တစ်ကြိမ် ထမင်းစားတဲ့အခါ အချိန်ယူပြီး ဖြည်းဖြည်း စားပေးသင့်ပါတယ်။

Dr. Mya Phoo Ngon

===========

DrMyanmar

လူတွေတော်တော်များများက ကော်ဖီတစ်ခွက်၊ ဒိန်ချဉ် နဲ့ လိမ္မော်သီး စားရုံနဲ့ အာဟာရပြည့်ဝပြီး ပြီးပြည့်စုံတဲ့ မနက်စာလို့ထင်နေကြတာများပါတယ်။ ဒါပေမယ့် တချို့အစားအစာတွေက ခန္ဓာကိုယ်အတွက် အကျိုးရှိပေမယ့် မနက်မိုးလင်း အစာအိမ်ထဲမှာ အစာမရှိခင် မစားသုံးသင့်ပါဘူး။

ဒိန်ချဉ်

ဒိန်ချဉ်ကို မနက်မိုးလင်းမှာ အစာအိမ်ထဲမှာ ဘာမှမရှိခင်စားလိုက်ရင် အစာအိမ်ထဲမှာရှိနေတဲ့ Hydrochloric အက်ဆစ်တွေကို ဒိန်ချဉ်ထဲမှာပါတဲ့ ကျန်းမာရေးအတွက်ကောင်းတဲ့ lactic အက်ဆစ် ဘက်တီးရီးယားတွေကို သတ်လိုက်ပါတယ်။ ဒါကြောင့် မနက်စာမှာစားချင်ရင်တောင် သူ့အရှေ့မှာ တခြား အစားအစာတွေ စားသင့်ပါတယ်။

သစ်တော်သီး

သစ်တော်သီးမှာရှိတဲ့ Curde အမျှင်တွေက အစာအိမ်ထဲမှာ ဘာမှမရှိဘူးဆိုရင် အစာအိမ်ရဲ့ Mucous Membranes ကို ထိခိုက်စေပါတယ်။

ခရမ်းချဉ်သီး

အစာအိမ်ထဲမှာ အစာမရှိရင် ခရမ်းချဉ်သီးမှာ Tannic အက်ဆစ်ပါဝင်တာကြောင့် အစာအိမ်ထဲရှိ အက်ဆစ်ပမာဏကို တိုးစေကာ အစာအိမ်မှာအနာ ဖြစ်တတ်ပါတယ်။

သခွားသီး

အစာအိမ်ထဲမှာ အစာမရှိရင် သခွားသီးတို့လို ဟင်းသီးဟင်းရွက်အစိမ်းတွေမှာ အမိုင်နို အက်ဆစ်ပါဝင်ပြီး သူတို့က ဗိုက်နာတာ၊ အစာအိမ် အချဉ်ပေါက်တာ တို့ကို ဖြစ်တတ်ပါတယ်။

ငှက်ပျောသီး

ငှက်ပျောသီးမှာ မဂ္ဂနီဆီယမ် ဓာတ်ပါဝင်မှုများတာကြောင့် သွေးထဲမှာ မဂ္ဂနီဆီယမ်ဓာတ်များသွားပြီး နှလုံးကို ထိခိုက်နိုင်ပါတယ်။ဒါကြောင့် အစာအိမ်ထဲမှာ အစာမရှိနေရင် ငှက်ပျောသီးမစားခင် တခြား အစားအစာတစ်ခုကို အရင်စားသင့်ပါတယ်။

အစာအိမ်ထဲမှာ အစာမရှိရင်

အစာအိမ်ထဲမှာ အစာမရှိရင် ကွေကာအုပ်၊ ပြောင်းနဲ့လုပ်ထားတဲ့ အစားအစာများ၊ ဂျုံနဲ့ လုပ်ထားတဲ့ အစားအစာများ၊ ကြက်ဥ နဲ့ ဖရဲသီးတို့ကို အရင်စားသုံးသင့်ပါတယ်။

 

အသုပ်စားတဲ့အခါပဲဖြစ်ဖြစ် တစ်ခုခုစားတဲ့အခါပဲဖြစ်ဖြစ် ချဉ်ချဉ်စပ်စပ်လေးနော်။ စပ်စပ်လေးလုပ်ပေး စသဖြင့်မှာတတ်လား။ ပူပူစပ်စပ်ဆို အရမ်းကြိုက်တဲ့သူတွေ စာဖတ်သူတွေထဲမှာ ရှိမယ်ထင်ပါတယ်။

ရှုးရှုးရှဲရှဲ ပူပူစပ်စပ် အစားအစာတွေကို ကြိုက်နှစ်သက်သူတွေ အတွက်တော့ သတင်းကောင်းတစ်ခုပါပဲ။ အစားအစာတွေမှာ ငရုတ်သီး ထည့်ချက်ပေးတာ ပူပူစပ်စပ် အစားအစာတွေက နှလုံးရောဂါကို တိုက်ဖျက်ပေးနိုင်စွမ်းရှိပါတယ်။ နှလုံးရောဂါဟာ အနောက်တိုင်းမှာ လူသေးဆုံးမှု အများဆုံးဖြစ်ရတဲ့ ရောဂါတွေထဲက တစ်မျိုးဖြစ်ပါတယ်။

ပူပူစပ်စပ် အစားအစာတွေဟာ မကောင်းတဲ့ ကိုလက်စထရော တွေကို လျှော့ကျစေပါတယ်။

တခြားအကျိုးကျေးဇူးတွေလည်း ရှိပါသေးတယ်

ကိုယ်အလေးချိန်ကို လျှော့ကျစေတယ်။

အူတွေကို သန့်စင်ပေးနိုင်တယ်။

ဆီးချိုဖြစ်ပွားမှုကို လျော့နည်းစေတယ်။

Antioxidant နဲ့ ရောင်ရမ်းမှုကို သက်သာစေတဲ့ ဂုဏ်သတ္တိတွေပါဝင်တယ်။

ကိုယ်ခံအားစနစ်ကို မြင့်တင်ပေးနိုင်တယ်။

သွေးဖိအားကျစေတယ်။

ကင်ဆာဖြစ်ပွားမှု လျော့နည်းစေတယ်။

အဆုတ်ရဲ့ လုပ်ဆောင်မှုကို အားကောင်းစေတယ်။

နှလုံးရောဂါဖြစ်ပွားမှု နည်းစေတယ်။

အသက်ရှည်စေတယ်။

တစ်ခုခုမှာစားတဲ့အခါ စပ်စပ်လေးလို့သာ မှာလိုက်ပါ။