Author: shangyi

အခုလို စပျစ်သီး ပေါတဲ့ ရာသီမှာ အိမ်မှာပဲ စပျစ်သီးကို ဖျော်ရည် လုပ်သောက်ကြည့်ရအောင်ပါ။ စပျစ်သီး ဖျော်ရည် ပြုလုပ်ဖို့ဆိုတာ လွယ်ကူပါတယ်။ အဓိက လိုအပ်တာတွေကတော့ စပျစ်သီး၊ သကြားအနည်းငယ်၊ သံပုရာသီး၊နဲ့ ရေတို့ပါ။
ပထမဦးစွာ စပျစ်သီးကို အညှာတွေ ချွေပါ။ ဓာတုဗေဒဆေးဝါးတွေ ပြောင်သွားအောင် စပျစ်သီးအလုံးတွေကို ရေခပ်နွေးနွေးနဲ့ ဆေးပါ။ ပြီးရင် ကြိတ်စက်ထဲ ထည့်မွှေလိုက်ပါ။
သကြား လက်ဖက်ရည်ဇွန်းဝက်လောက်ထည့်ပါ။ ဆားပါတယ်ဆိုရုံထည့်ပါ။
သံပုရာသီး တစ်စိပ် ညှစ်ပေးပါ။ ရေအနည်းငယ်ထည့်ပြီး မွှေပါ။ အအေး သောက်ချင်ရင်တော့ ရေခဲတုံးလေးတွေ ထည့်ပါ။ ဒါမှမဟုတ် ရေခဲသေတ္တာထဲ အအေးခံပြီးမှ သောက်ပါ။
စပျစ်သီးဖျော်ရည်ဟာ ခံတွင်းကို မြိန်စေတဲ့ ဖျော်ရည်တစ်မျိုးပါ။ သူ့မှာ အဆီဓာတ် လုံးဝ မပါဝင်ပါဘူး။ ပရိုတင်းပါဝင်မှုလည်း နည်းပါးတာကြောင့် ပိန်လိုသူတွေ အတွက် အကောင်းဆုံးပါ။ ဗီတာမင်စီနဲ့ ဗီတာမင်ဘီတို့ ပါဝင်တာကြောင့် ကူးစက်ရောဂါတွေရဲ့ ရန်ကနေ ကာကွယ်ပေးနိုင်ပါတယ်။ စပျစ်သီး ဖျော်ရည်ကို မှန်မှန် သောက်ပေးမယ်ဆိုရင်တော့ အသည်းနဲ့ ပတ်သက်တဲ့ ရောဂါတွေကနေ ကင်းဝေစေမှာပါ။
Ref: aboutjuice , spiceupthecurry

သင်ဟာ အပူအစပ် အစားအစာတွေကို ကြိုက်နှစ်သက်သူ တစ်ယောက်ပါလား? ဒါဆိုရင်တော့ သတင်းကောင်းတစ်ခု ရှိပါတယ်။ လေ့လာတွေ့ရှိချက်အသစ်အရ ဂျင်းနဲ့ ငရုတ်သီးအတွဲဟာ ကင်ဆာအကျိတ်တွေကို ရပ်တန့်ပစ်နိုင်တယ်လို့ ဆိုပါတယ်။ ဒီ ဟင်းခတ် ၂မျိုးလုံးမှာလည်း ကျန်းမာရေးကောင်းကွက်တွေ ကိုယ်စီ ရှိပြီးသားပါ။ အဓိကကတော့ သွေးလည်ပတ်မှုကို ပုံမှန်ဖြစ်စေပြီး ကိုယ်ခံအား ကောင်းစေပါတယ်။

အမေရိကန်ဓာတုဗေဒပညာရှင်အချို့ရဲ့ စမ်းသပ်ချက်တစ်ခုမှာတော့ ကြွက်နဲ့ စမ်းသပ်ခဲ့ရာမှာ ဂျင်း ၆တက်ဟာ ကင်ဆာ ဆဲလ်တွေကို လျှော့ချပေးနိုင်တယ်လို့ ဖော်ပြထားပါတယ်။ အာရှနိုင်ငံတွေမှာတော့ ဂျင်းနဲ့ ငရုတ်သီးကို ဟင်းခတ် အတွဲအဖြစ် အသုံးများကြပါတယ်။ ကင်ဆာတွေထဲမှာမှ အဓိက အစာအိမ်ကင်ဆာ၊ အဆုတ်ကင်ဆာတွေ အတွက် အထူးကောင်းမွန်စေပါတယ်။

လေ့လာသူတွေကတော့ ကင်ဆာအကျိတ်ရဲ့ ၂၀%ကို လျှော့ချပေးနိုင်ပြီး ရောဂါကြီးထွားမှုတွေကနေ ရပ်တန့်နိုင်ကြောင်း ယုံကြည်ကြပြီး ပုံမှန်တွဲဖက်ပြီး စားသုံးသင့်ကြောင်း အဆိုပြုထားပါတယ်။

သတိထားရမှာကတော့ ငရုတ်သီးကို သန့်အောင် ဂရုစိုက်ပြီး စားဖို့ လိုပါတယ်။ ဂျင်းရော ငရုတ်မှာပါ မကောင်းတဲ့ မှိုတွေ ကပ်နေမယ်ဆိုရင်တော့ မစားသင့်ပါဘူး။
Ref: zeenews

မြန်မာနိုင်ငံနဲ့ အရှေ့တောင်အာရှနိုင်ငံတွေမှာ ဆန်ကို အဓိကထား စားသုံးကြသလို အနောက်နိုင်ငံတွေမှာလည်း ဂျုံဟာ အသက်သွေးကြောပါပဲ။ ဂျုံကနေ ရရှိတဲ့ ပေါင်မုန့်ကိုလည်း အနောက်တိုင်းသားတွေဟာ ရှေးနှစ်ပေါင်းများစွာကနေ ယနေ့အထိ အဓိက အစားအစာ အဖြစ် စားသုံးနေကြဆဲ ဖြစ်ပါတယ်။

မြေအောက်မှာ ရာစုနှစ်ပေါင်းများစွာက လူတွေ စားသုံးခဲ့ကြတာ ဖြစ်ပြီး ကျောက်ခေတ်လူတွေကတည်းက စားခဲ့ကြတယ်လို့ အနောက်နိုင်ငံတွေက အထောက်အထားတွေနဲ့ ပြောဆိုထားကြပါတယ်။ ကျောက်ခေတ်လူတွေဟာ အလွန်ကြမ်းတမ်းတဲ့ မုယောနဲ့ လုပ်တဲ့ ပေါင်မုန့်တွေကို စားခဲ့တယ်ဆိုတဲ့ အထောက်အထားကို ဆွစ်ဇာလန်နိုင်ငံ ဒေသအချို့မှာ တူးဖော်တွေ့ရှိထားပါတယ်။ အီဂျစ်မှာတော့ လွန်ခဲ့တှဲ့စ်ပေါင်း ၅၀၀၀ခန့်ကပင် ပေါင်မုန့် အဖြူတွေကို စားသုံးခဲ့ကြပါတယ်။

ပေါင်မုန့်ကို ပြုလုပ်ရာမှာ အဓိက ဂျုံစေ့နဲ့ ကြိတ်ထားတဲ့ ဂျုံမုန့်ကနေ ပြုလုပ်တာဖြစ်ပါတယ်။ ဂျုံမရနိုင်တဲ့နေရာတွေမှာ ရိုင်းစပါး၊ မုယော၊ မြင်းစားဂျုံ၊ အာလူး၊ ပြောင်းဆန်တွေနဲ့ ပြုလုပ်ကြပါတယ်။ ရှေးကျတဲ့လူမျိုးတွေကတော့ အလေ့ကျပေါကတဲ့ အသီးအနှံ အစေ့ဆန်တွေ သစ်ဥတွေကနေ အမှုန့်ကြိတ်ပြီး ပေါင်မုန့် ပြုလုပ်ကြပါတယ်။ အာဖရိကတိုက်မှာ ရှိတဲ့ လူရိုင်းအချို့ကတော့ မျောက်ဥတွေနဲ့ ပေါင်မုန့်ပြုလုပ်ကြပါတယ်။ အမေရိကန်ပြည်မှာတော့ တိုင်းရင်းသားအချို့ကတော့ ၀က်သစ်ချစေ့နဲ့ ပေါင်မုန့် ပြုလုပ်ကြပါတ်။ ပေါင်မုန့် ပြုလုပ်ရမှာ ဂျုံနဲ့ ရိုင်းစပါးဖြင့် ပြုလုပ်ထားတဲ့ ပေါင်မုန့်က ပေါ့ပြီး ပွတာကြောင့် စားသုံးဖို့ အအကောင်းဆုံး ပါပဲ။

ပေါင်မုန့်ပြုလုပ်ရာမှာ အချဉ်ဖောက်ပြီး ပြုလုပ်တဲ့ ပေါင်မုန့်နဲ့ အချဉ်မဖောက်ဘဲ ပြုလုပ်တဲ့ ပေါင်မုန့်ဆိုပြီး နှစ်မျိုး ရှိပါတယ်။ အချဉ်ဖောက်ပြီး ပြုလုပ်တဲ့ ပေါင်မုန့်ဟာ ကြာရှည်တော့ အထားမခံပါဘူး။ အချဉ်မဖောက်ဘဲ ပြုလုပ်တဲ့ ပေါင်မုန့်ဟာ စားလို့ သိပ်မကောင်းလှပေမယ့် ကြာရှည်ခံပါတယ်။ ခရီးဝေး သွားလာသူတွေ အတွက် အသုံးတည့်လှတဲ့ နည်းပါ။

ပေါင်မုန့်ဟာ လူတို့ရဲ့ အင်အားဖြစ်စေတဲ့ အစားအစာ တစ်ခု ဖြစ်ပါတယ်။ ပေါင်မုန့်ဖြူ တစ်လုံးမှာ ကာဗိုဟိုက်ဒရိတ်၊ ရေဓာတ်၊ ပရိုတင်းဓာတ်၊ ပြာဓာတ်၊ အဆီဓာတ်၊ အမျှင်ဓာတ်တို့ ပါဝင်ပါတယ်။ ပေါင်မုန့်မှာ ပါဝင်တဲ့ ဖြည့်စွက်အစာတွေကြောင့်လည်း ဗီတာမင်နဲ့ သတ္တုဓာတ်တွေကို ထပ်မံ ရနိုင်ပါသေးတယ်။ ပဲနဲ့လုပ်တဲ့ ပေါင်မုန့်ကတော့ ကျန်းမာရေးနဲ့ အလွန်ပြည့်စုံစေတဲ့ ပေါင်မုန့်အမျိုးအစားပဲ ဖြစ်ပါတယ်။

ပေါင်မုန့်ကို အဓိက အစာအဖြစ် စားကြတဲ့ နိုင်ငံတွေမှာတော့ ကျန်းမာရေးနဲ့ ညီညွှတ်စေရန် လိုအပ်တဲ့ ပမာဏတွေကို အချိုးကျ အမှန်အကန် ပါဝင်စေဖို့ ဥပဒေများနဲ့ သတ်မှတ်ထားကြပါတယ်။
Credit: Wiki

မုန်ညင်းပင်ကို ဟင်းသီးဟင်းရွက်အဖြစ် လူသိများကြပြီး ၀ါတွင်းကာလတွေမှာ အသားရှောင်လိုသူတွေ အတွက် အကြိုက်တွေ့စေတဲ့ ဟင်းရွက်တစ်မျိုးပါ။ အရွက်ပေါများသော မုန်ညင်းပင်သည် ကမ္ဘာ့သမပိုင်းဒေသများတွင် စိုက်ပျိုးကြပါတယ်။ မြန်မာနိုင်ငံမှာတော့ သမမျှတတဲ့ ရာသီဥတုရှိတဲ့ နေရာတွေမှာ စိုက်ပျိုးကြပြီး ရေနိုင်နိုင် လောင်းပေးရင် စိုက်လို့ ရတဲ့ ဟင်းရွက်မျိုးပါ။ မုန်ညင်းပင်မှာ ရတဲ့ မုန်ညင်းစေ့ဟာလည် ဟင်းလျာခတ် အမွှေးအကြိုင်အနေနဲ့ အသုံးပြုကြပြီး ဘယဆေးအဖြစ်လည်း အသုံးပြုကြပါတယ်။

မုန်ညင်းရွက်ဟာ လွှသွားပုံအချွန်လေးတွေ ရှိပြီး အစိမ်းရင့်ရောင် ဖြစ်ပါတယ်။ အရွက်နုများကို ခူးပြီး ဟင်းရွက်အဖြစ် စားကြသလို အရင့်ခံထား အစေ့ကို ယူကြပါတယ်။ မုန်ညင်းသည် စိုက်ပျိုးရန် လွယ်ကူတဲ့ အပင်မျိုးဖြစ်ပါတယ်။ မိုးကုန်ခါနီးတွေမှာ အစေ့တွေကို ကြဲပြီး စိုက်ပျိုးလေ့ ရှိပါတယ်။ မုန်ညင်း အမည်း နဲ့ အဖြူ နှစ်မျိုးစလုံးသည်တစ်နှစ်ခံပင်များ ဖြစ်ပြီး အစေ့မှ စိုက်ပျိုးရပါတယ်။

မုန်ညင်းရွက်များတွင် အကောင်းဆုံး ဗီတာမင်ဓာတ်များ ပါရှိပါတယ်။ အမျှင်များနဲ့ ပင်စည် အပွင့်တွေဟာ ၀မ်းပျော့စေတတ်ပါတယ်။ အစေ့တွေကို ကြိတ်ပြီး ရတဲ့ အဆီတွေဟာ အနံ့အရသာကောင်းတဲ့ အပြင် အိမ်တွင်းသုံး ဆေးအဖြစ်ဖြင့် အသုံးပြုကြပါတယ်။

ဆီကြိတ်ပြီး ကျန်နေတဲ့ မုန်ညင်းဖတ်တွေကို အခြောက်ခံပြီး အမှုန့်ဖြစ်လာအောင် ထောင်းရပါတယ်။ အဲ့ဒီ မုန်ညင်းစေ့မှုန့်ဟာ အဆိပ်အတောက် စားမိတဲ့အခါ အော့အန်စေတဲ့ ဆေးအဖြစ် အသုံးပြုနိုင်ပါတယ်။ မုန်ညင်းဖြူများကို လယ်မြေများတွင် မြေသြဇာကျွေးပြီး စိုက်ပျိုးကြပါတယ်။ ထယ်ထိုးပြီး လယ်မြေမှာ စိုက်ကြပါတယ်။ မုန်ညင်းအမည်း အစေ့တွေကိုတော့ ဟင်းလျာခတ်  အမွေးအကြိုင် အဖြစ် အသုံးပြုရန် စိုက်ပျိုးလေ့ ရှိကြပါတယ်။

မုန်ညင်းရွက်ကို မုန်ညင်းချဉ် ပြုလုပ်ရာမှာ သုံးသလို ကြံမဆိုင်ပြုလုပ်ရမှာလည်း အသုံးပြုကြပါတယ်။ ကြော်စား၊ ပေါင်းစားကြတာကတော့ အလွယ်တကူနဲ့ စားလို့ ရတဲ့ ဟင်းလျာတစ်မျိုးပါ။ မုန်ညင်းဟာ မိုးရာသီမှာ ပေါများတဲ့ အသီးအရွက်မဟုတ်ပေမယ့် ၁၂ရာသီ စားသုံးကြတဲ့ အရွက်ပါ။

မြန်မာလူမျိုးတို့ အဖို့ နေ့စဉ် အဓိကထား စားသုံးရတဲ့ အစားအစာကို ပြောပါဆိုရင် ထမင်းပါ။ အာရှသားတွေထဲမှာ ထမင်းကို အဓိကထား စားတဲ့အထဲ မြန်မာက ထိပ်ဆုံးလို့တောင်  ဆိုရပါမယ်။ ထမင်းစားချိန်တွေမှာ အခြား တစ်ခုခု စားရင်တောင် တင့်တိမ်ရောင့်ရဲနိုင်ခြင်း မရှိကြပါ။ ထမင်းလေး စားလိုက်ရမှ အာသာပြေတယ်လို့ ပြောကြပါတယ်။ မြန်မာနိုင်ငံမှာတော့ အဓိကထား စားတဲ့ ထမင်းကို ဆန်ကနေ ရရှိတယ်ဆို သိကြမှာပါ။

အခု စိုက်ပျိုးနေတဲ့ စပါးမှာ မျိုးကွဲပေါင်း ၂၅မျိုး ရှိတယ်လို့ ဆိုကြပါတယ်။ အပူပိုင်းနဲ့ အပူလျော့ပိုင်းဒေသတွေမှာ စိုက်ပျိုးကြပြီး မျိုးစိတ်တွေကို အာရှတိုက်နဲ့ အာဖရိက တိုက်မှာရိတဲ့ ပင်ရင်း မျိုးစိတ်ကနေ ဆင်းသက်လာတယ်လို့ ယူဆကြပါတယ်။ ဆန်ကို လွန်ခဲ့သော နှစ်ပေါင်း ၅၀၀၀ ခန့်ကပင် အစာအဖြစ် စားသုံးခဲ့ကြပါတယ်။ စတင် စိုက်ပျိုးသည့် နိုင်ငံကို အတိအကျ မသိခဲ့ပေမယ့် အာရှတိုက်ကနေ ပြန့်နှံ့ခဲ့တယ်လို့ ယူဆနိုင်ပါတယ်။

ဆန်ဟာ နေရာအနှံ့အပြားမှာ ရာသီဥတု အခြေအနေ အမျိုးမျိုးနဲ့  လိုက်ဖက်ပြီး မျိုးကွဲပေါင်းများစွာ ရှိပါတယ်။ အချို့ စပါးတွေဟာ မိုးခေါင်ခြင်းကို ခံနိုင်ရည် ရှိပါတယ်။ အချို့တွေကတော့ ရေလွှမ်းပေမယ့် ရှင်သန်နိုင်ကြပါတယ်။ အချို့တွေကတော့ ရေချိုနဲ့မှ စိုက်ပျိုးလို့ ဖြစ်ထွန်းသလို အချို့ကတော့ ရေငန်မှ စိုက်ပျိုးလို့ ရတာတွေ ရှိပါတယ်။ မြန်မာနိုင်ငံမှာတော့  ဆန်စပါးနဲ့ ကောက်ညှင်းစပါးဆိုပြီး စိုက်ပျိုးကြပါတယ်။ ဆန်မှာတော့ အသုံးအနှုန်းအရ ၅မျိုး အဓိကခွဲထားပါတယ်။ ငစိန်၊ မီးတုံး၊ ဧည့်မထ၊ ပေါ်ဆန်း၊ တောင်ပျံ၊ လက်ရွေးဆန်နဲ့ ဗျတ် တို့ ဖြစ်ပါတယ်။

ဆန်မှာ ပရိုတင်းဓာတ် အဓိက ပါဝင်ပြီး ဂျုံထဲမှာ ရှိတဲ့ ပရိုတင်းဓာတ်ထက် ပိုပြီး အာနိသင် ရှိပါတယ်။ အဆီဓာတ် အနည်းငယ် ပါရှိပြီး ကယ်လ်ဆီယမ်ခေါ် ထုံးဓာတ် အနည်းငယ်သာ ပါရှိပါတယ်။ သံဓာတ်နဲ့ ဗီတာမင်ဘီလည်း ပါဝင်ပါတယ်။ ဆန်နှစ်ကို ဖုံးထားတဲ့ အမြှေးမှာ အာဟာရဓာတ်များစွာ ပါဝင်ပြီး ဆန်နှစ်မှာတော့ ပါဝင်မှု နည်းပါတယ်။ ဖြူအောင်ကြိတ်ထားတဲ့ ဆန်တွေမှာ ဆန်နှစ်ပဲ ကျန်တော့တာမို့ ကာဗိုဟိုက်ဒရိတ်ဓာတ်တွေသာ အများဆုံး ပါဝင်နေပါတယ်။
ဆန်ကို ချက်မစားဘဲ ပေါင်းစားခြင်းဟာ အာဟာရဓာတ်တွေကို ပိုပြီး ရရှိစေနိုင်ပါတယ်။ ဆွတ်ဆွတ်ဖြူတဲ့ ဆန်ကို ရေဆေးလိုက်တဲ့ အခါ အာဟာရဓာတ်တွေဟာ တဖြည်းဖြည်း နည်းသွားပါတယ်။ ဆန်ကို ချက်ရာမှာ ရေခန်းချက်နည်း၊ ပေါင်းနည်းနဲ့ ရေငှဲ့ချက်နည်းဆိုပြီး ရှိပါသေးတယ်။ ရေခန်းချက်နည်းကတော့ အိုးတည်ဆန်ခတ်ပြီး ရေတွေ ကုန်အောင် ချက်တဲ့ နည်းပါ။ ပေါင်းနည်းကတော့ ရေငွေ့နဲ့ ပေါင်းတာ ရှိသလို ပေါင်းအိုးနဲ့ ပေါင်းစားကြတာလည်း ရှိပါတယ်။ ရေငှဲ့ ချက်နည်းကတော့ ဆန်ကို ပြုတ်ပြီး ပျော့လာချိန်မှာ ရေတွေငှဲ့လိုက်ပြီး ပြန်နှပ်ပြီး ချက်တဲ့ နည်းပါ။ ထမင်းလုံးလေးတွေ စီပြီး လှတဲ့ ချက်နည်းပါ။
ဗီတာမင်ဘီဝမ်း ဟာ ရေမှာပျော်ဝင်နိုင်တာကြောင့် ဆန်ကို အထပ်ထပ်ပွတ် တိုက်ဆေးခြင်းမျိုးမလုပ်ဘဲ၊ ဦးစွာ ဆန်ထဲ မှာပါတဲ့ ဖုန်၊ သဲ တို့ ကိုပြာထုတ်၍ ခဲ(ဂဲ) တို့ ကိုလက်နဲ့ ကောက်ယူပြီး အများဆုံး ၂-ကြိမ်ခန့် သာ ရေဖြင့် အသာအ ယာ ဆေးကြောပေးရပါမယ်။ ဆန်ကနေ ထမင်းဖြစ်လာအောင်ချက်တဲ့အခါ၊ ဆန်ထဲက ကာဗိုဟိုက်ဒရိတ် နဲပရိုတင်းအာဟာရတွေ လျော့မသွားပေ မယ့်၊ ဗီတာမင်အချို့ လျော့သွားပါတယ်။ ဒါ့ပြင် ထမင်းရည်ဌဲ့ ထုတ်ခြင်းက ဗီတာမင်ဘီဝမ်းများ ထပ်မံဆုံးရှုံးရပြန်တာကြောင့် ထမင်းရေခန်းသာ ချက်စားသင့်ပါတယ်။

အာဟာရဖြစ်စေတဲ့ ဆန်ကို တန်ဆေး လွန်ဘေး ဆိုတဲ့ အတိုင်း ချင့်ချိန်ပြီး စားသုံးသင့်ပါတယ်။ သတိပြုရမယ့် အချက်ကတော့ ထမင်းတွေ ကျန်တဲ့ အခါ ထပ်ခါ ထပ်ခါ နွှေးမစားမိစေဖို့ပါပဲ။ ၁-ကြိမ်လောက် ပြန်နွှေးစားခြင်းက ပြဿနာမရှိသော်လဲ၊ မကုန် နိုင်၍ ၁-ကြိမ်ထက်ပိုပြီး အပူပြန်နွှေးတဲ့အခါ ထမင်းထဲရှိ အာဟာရဓာတ် အားလုံး ဆုံးရှုံးသွားပါပြီ။

Ref: pyayhtaungsu newspaper & healthy tips

လူတေ်ာတော်များများ နှစ်ခြိုက်စွာ စားနေကြတဲ့ ကျောက်ပွင့်သုပ်မှာ ပါတဲ့ ကျောက်ပွင့်ဟာ ပင်လယ်ထဲက ရတဲ့ ရေညှိ အမျိုးအစားတစ်ခုတော့ မဟုတ်လှပါဘူး။ မှိုအမျိုးအစား တစ်မျိုးဖြစ်ပြီး တရုတ်ပြည်မှာတော့ လူကြိုက်များလှတဲ့ အသီးအရွက်တစ်မျိုးလို့ ပြောကြပါတယ်။ အရောင်မှာ အဖြူရောင် ရှိပြီး သုပ်စား၊ ဟင်းရည် ချက်စားတဲ့အခါ သုံးကြပါတယ်။

တရုတ်ပြည်နဲ့ ဂျပန်မှာတော့ လွန်ခဲ့တဲ့ နှစ်ပေါင်း ၂၀၀၀ ခန့်ကပင် ကျောက်ပွင့်ကို စားသုံးခဲ့ကြတာ ဖြစ်ပါတယ်။ ကျောက်ပွင့်ကို Wood Ear လို့လည်း ခေါ်ပါသေးတယ်။ ကျောက်ပွင့်ဟာ ကိုယ်ထဲက ရေဓာတ်ကို မြင့်တက်စေပြီး ချောင်းခြောက် ဆိုးတဲ့ အခါ စားပေးရင် သက်သာစေနိုင်ပါတယ်။ ကျောက်ပွင့် မှာ အရည်ပျော်လွယ်တဲ့အမျှင်တွေရှိပြီး ပရိုတင်းဓာတ်ပေါများစွာပါဝင်ပါတယ်။

အစာကြေမှုနှေးကွေးစေပြီး သွေးအတွင်း သကြားဓာတ်နဲ့ ဆာလောင်မှုကိုထိန်းချုပ်ပေးပါတယ်။ဒါကြောင့် ဒီကျောက်ပွင့်တွေကို  အသုပ်သုပ်စားခြင်းဖြင့် ဗိုက်ပြည့်စေပြီး အဆာခံစေပါတယ်။ ကျောက်ပွင့်ဟာ ဆီးနဲ့ ပတ်သက်တဲ့ ရောဂါတွေကို သက်သာစေနိုင်ပါတယ်။ နူနာနဲ့ အဆိပ်နာ အမျိုးမျိုးကိုလည်း ကင်းပစေနိုင်ပါတယ်။

ကျောက်ပွင့်ကို စားတဲ့အခါ ဖွာလာအောင် ရေစိမ်ပြီး အထဲက အမှိုက်လေးတွေ ရှိခဲ့ရင် ထွက်သွားအောင် ခါပြီး ဆေးကြောပေးရပါတယ်။  ဂေါ်ဖီ၊ ခရမ်းချဉ်သီး၊ ကြက်သွန်နီ၊ ငရုတ်သီး၊ ကျောက်ပွင့်၊ ရှောက်ရွက်တို့ကို ပါးပါးလှီး၍ ငရုတ်ဆီ၊ သံပရာရည်၊ ငံပြာရည်တို့နှင့် သုပ်စားရင် ခံတွင်ျးြမိန်စေတဲ့ ကျောက်ပွင့်သုပ်ကို ရစေပါတယ်။ ကျောက်ပွင့်ကို အခြား မုန်လာဥနီ၊ တရုတ်ဆီးသီးခြောက်၊ တို့နဲ့ ရောပြီး ဟင်းချိုအဖြစ်လည်း ချက်စားကြပါတယ်။
Ref: wiki
PhotoCredit: vietnamtravelbudget.com

အရသာ ချိုလွန်းလို့ တစ်ချို့ကတော့ သိပ်ကြိုက်လှပါဘူး။ အချိုဓာတ်ဟာ သဘာဝ အတိုင်း အပြည့်အ၀ ပါဝင်တာကြောင့် ဟင်းခတ်မလိုတဲ့ ဟင်းသီးဟင်းရွက် တစ်မျိုးကတော့ ဂေါ်ရခါးသီး ခေါ် စူကာသီးပဲ ဖြစ်ပါတယ်။ အနွယ်ပင်တွေကနေ သီးလာတဲ့ ဆူးခပ်ပါးပါးနဲ့ အသီးဟာ စားတဲ့ အခါ အရသာ အလွန်ရှိလှတာ မငြင်းနိုင်ပါဘူး။ အနောက်နိုင်ငံတွေမှာ လူကြိုက်များတဲ့ အသီးဖြစ်ပြီး မြန်မာနိုင်ငံမှာလည်း အများစု စားကြပါတယ်။

အေးမြတဲ့ ဒေသတွေမှာ ဖြစ်ထွန်းတဲ့ ဂေါ်ရခါးသီးကို ရှမ်းပြည်ဘက်မှာ တစ်နှစ်ပေါက်လုံး ပေါက်ရောက်ပါတယ်။ ဂေါ်ရခါးညွှန့်ကိုလည်း ကြော်စား ချက်စား စားကြပြီး အသီးကတော့ ဈေးချိုလှပါတယ်။ အရည်ရွှမ်းတဲ့ စူကာသီးကို ကြက်ဥနဲ့ ရောမွှေကြော်စားလေ့ ရှိပြီး အခြား နှစ်သက်တဲ့ အသားတွေနဲ့လည်း ရောနှော ချက်ပြုတ်လေ့ ရှိကြပါတယ်။ ချဉ်ရည်ချက်စားကြသလို အတို့အမြုပ်အနေနဲ့လည်း စားကြပါသေးတယ်။

ဂေါ်ရခါးသီးမှာ ကစီဓာတ်၊ ပရိုတင်း၊ အဆီဓာတ်၊ အမျှင်ဓာတ်၊ ဖောလိပ်၊ နီအာစင်၊ ပန်တိုသနစ်၊ ဗီတာမင် စီ၊ အီး၊ကေနဲ့ ဆိုဒီယမ်၊ ပိုတက်ဆီယမ်၊ ကယ်လ်ဆီယမ်၊ သံဓာတ်နဲ့ အခြားအကျိုးပြုဓာတ်တွေ ပါဝင်ပါတယ်။ ဂေါ်ရခါးသီးမှာ ဖောလိပ်ဓာတ် ပါရှိတာကြောင့် ကိုယ်ဝန်ဆောင်တွေအနေနဲ့ မဖြစ်မနေ စားသုံးသင့်ပါတယ်။ မွေးလာတဲ့ ကလေးကို အာရုံကြောရောဂါတွေ ကင်းဝေစေပြီး ကျန်းမာစေပါတယ်။

အမျှင်ဓာတ်နဲ့ ရေဓာတ် စွမ်းအင်ပြည့်ပါဝင်တာကြောင့် ကိုယ်အလေးချိန် ထိန်းသူတွေ အတွက်တော့ လက်တွဲဖော်ပါပဲ။ ကင်ဆာကို ဆန့်ကျင်ပေးတဲ့ ဓာတ်တွေ စုဝေးထားတာကြောင့် အစာအိမ်၊ရင်သားနဲ့ အခြားကင်ဆာဆဲလ်တွေကို တားဆီးပေးပါတယ်။

အကျဉ်းချုပ်ပြီး ကောင်းကျိုးတွေကို ပြောရမယ်ဆိုရင်ကတော့
.ကိုယ်အလေးချိန်ကို လျော့ကျဖို့ ကူညီနိုင်ပါတယ်
.ကျန်းမာတဲ့ ကလေးမွေးဖို့ ကူညီပါတယ်
.ကိုလက်စထရောကို ကျစေပါတယ်
.ကင်ဆာမဖြစ်စေပါဘူး
.ရင့်ရော်ခြင်းကို တားဆီးပေးပါတယ်
Antioxidants ရင်းမြစ်လို့တောင် ပြောလို့ရပါတယ်
.ကျောက်ကပ်ထဲ ကျောက်တည်ခြင်းကို ကုသနိုင်ပါတယ်
.သွေးပေါင်တက်ခြင်းကို ချပေးနိုင်ပါတယ်
.နှလုံးရောဂါမဖြစ်အောင် တားဆီးပေးပါတယ်
ကဲ ဈေးချိုပြီး အကျိုးများလှတဲ့ ဂေါ်ရခါးသီးအကြောင်း သိပြီမို့ ဟင်းတစ်ခွက် အမြန် ချက်လိုက်ကြစို့နော်။
Credit: vegetafruit

ဟင်းခတ် အမွှေးအကြိုင် အဖြစ် အသုံးများတဲ့ လေးညှင်းဟာ မွှေးပျံ့စေဖို့ ကူညီပေးပါတယ်။ တရုတ် ဟင်းလျာတွေမှာ အသုံးများပါတယ်။ သူရဲ့ အနံ့စူးစူးဟာ တော်ရုံ အညှီနံ့ကို ပျောက်သြွးစေပါတယ်။ ပုံသဏ္ဍာန်ခပ်သေးသေးနဲ့ လေးညှင်းမှာ ဆေးဖက်ဝင် အာနိသင်နဲ့ အာဟာရတန်ဖိုးကတော့ ခပ်များများပါပဲ။ သူ့မှာ ပရိုတင်းဓာတ်၊ သံဓာတ်၊ ကာဗိုဟိုက်ဒရိတ်၊ ကယ်လ်စီယမ်၊ပိုတက်စီယမ်၊ ဆိုဒီယမ်နဲ့ ဟိုက်ဒိုကလိုရစ် အက်စစ်တွေ အများအပြား ပါဝင်ပါတယ်။ ဒါ့အပြင် ဗီတာမင် အုပ်စုနဲ့ အမျှင်ဓာတ်လည်း ပါဝင်ပါသေးတယ်။
လေးညှင်းရဲ့ မူလဇာစ်မြစ်ကတော့ အင်ဒိုနီးရှားက Maluka ကျွန်းစုတွေပါပဲ ဖြစ်ပါတယ်။ ဘင်္ဂလားဒေရှ်၊ အင်ဒိုနီးရှား၊ အိန္ဒ်ိယ၊ သိရိလင်္ကာ၊ ပါကစ္စတန် တို့မှာ တစ်နှစ်ပတ်လုံး စိုက်ပျိုးထွက်ရှိပါတယ်။ လေးညှင်း ကို အာရှ၊ အာဖရိကနဲ့ အရှေ့အလယ်ပိုင်းတွေမှာ ဟင်းခတ် အမွှေးအကြိုင်အဖြစ် အသုံးပြုကြပြီး အသားတွေနဲ့ ရောပြီး ချက်ပြုတ်ကြပါတယ်။ အင်ဒိုနီးရှားမှာ Kretek ဆိုတဲ့ စီးကရက်ကတော့ လေးညှင်းနဲ့ လုပ်ထားတဲ့ စီးကရက်ပါ။ သွားတိုက်ဆေး အဖြစ်လည်း ထုတ်ပြီး အသုံးပြုကြပါသေးတယ်။
လေးညှင်းမှာ ကျန်းမာရေးနဲ့ ညီညွှတ်တဲ့ အကြောင်းရင်းတွေလည်း ရှိနေပါသေးတယ်

၁။ သွားနာခြင်းနဲ့ သွားကိုက်ခြင်းတို့ကို သက်သာစေပါတယ်။
လေးညှင်းမှာ ပါဝင်တဲ့ ယူဂျီနော အဆီကြောင့် နာကျင်ခြင်းနဲ့ အကိုက်အခဲတွေကို သက်သာစေပါတယ်။ သွားကိုက်တဲ့ အခါ လေးညှင်းဆီကို ဂွမ်းနဲ့ တို့ပြီး သွားကိုက်တဲ့ နေရာဖိထားပေးရင် သက်သာပါတယ်။ ခံတွင်း အနံ့ကို မွှေးစေတဲ့ အတွက် ပလုတ်ကျင်းဆေးရည်နဲ့ သွားတိုက်ဆေးတွေ အဖြစ် သုံးကြပါတယ်။ သွားဖုံး ကိုက်ခဲခြင်းနဲ့ နာကျင်ခြင်းတို့ကိုပါ သက်သာစေနိုင်တဲ့ အစွမ်းရှိပါတယ်။

၂။ အစာချေစနစ်ကို ကောင်းမွန်စေနိုင်
လေးညှင်းဟာ အစာချေစနစ်ကို ထောက်ပံ့မှုတွေ ပေးပါတယ်။ အစာမကြေ၊ ရင်ပြည့်ရင်ကယ်၊ ပျို့အန်ချင်တာတွေကို သက်သာစေပါတယ်။ ၀မ်းပျက်ဝမ်းလျှောခြင်းနဲ့ ဗိုက်ကယ်ပြီး အောင့်တာတွေကိုပါ သက်သာစေနိုင်ပါတယ်။

၃။ ကင်ဆာကို တားဆီးပေး
အထူးသဖြင့် အစာအိမ်ကင်ဆာ၊ အူကင်ဆာ၊ အဆုတ်ကင်နဲ့ အရေပြားကင်ဆာတို့ကို မဖြစ်စေဖို့ တားဆီးပေးပါတယ်။

၎။ ကိုယ်ခံစွမ်းအားကို တိုးစေနိုင်
သွေးလည်ပတ်မှုကို ကောင်းမွန်စေပြီး ရောဂါတွေကို တိုက်ထုတ်နိုင်တဲ့ ကိုယ်ခံစွမ်းအား စနစ်ကို ထောက်ပံ့ပေးပါတယ်။

၅။ ရောင်ရမ်းမှုကို သက်သာစေနိုင်
လေးညှင်းဆီကို ကြွက်သားတွေမှာ လိမ်းပြီး နှိပ်ပေးရင် ရောင်ရမ်းတာ နာကျင်တာတွေ သက်သာစေနိုင်ပါတယ်။
Credit: mbg

ကင်ပွန်းချဉ်ရဲ့အံ့မခမ်း အစွမ်း ဒီလောက်စွမ်းမှန်း ခုသိရပြီဗျာ ..
? ? ?
ကျောက်ကပ် နှလုံး အသည်းရောဂါတွေတောင် ပျောက်စေလို့ သိမ်းထားပါ
ပူပြင်း ခြောက်သွေ့သော နွေကာလနှင့် လိုက်ဖက်သော အစာလည်းဆေး၊ ဆေးလည်း အစာ တစ်မျိုးမှာ ကင်ပွန်းချဉ် ဖြစ်သည်။
ကျန်းမာသူ အတွက် အာဟာရဖြစ်ပြီး မကျန်းမာသူ အတွက် ဆေးဝါးဓာတ်စာ ဖြစ်သည့် ကင်ပွန်းချဉ်ကို အဖိုးနည်းဝန်ပါ သူသူငါငါ လွယ်ကူစွာ စားသုံး နိုင်သည်။
ကင်ပွန်းချဉ်ပင်သည် နွယ်ယောင်ပင်ယောင်ချုံပင်မျိုးဖြစ်သည်။
ပျော့ပျောင်းသော ပင်စည်နှင့် အရွက်တံတို့တွင် ဆူးရှိသည်။
အခက်စိမ်းများ၌ နီမှိုင်းမှိုင်း အရောင်အဆင်း ရှိသည်။
အရွက် သေး ငယ်ပြီး ရွက်ထိပ် ဝိုင်းသည်။
အသီးမှာ သီးတောင့်ရှည် မျိုးပြား၍ ဖြောင့်သည်။
အစေ့များ ကြားတွင် အဆစ်များ ဖြစ်ကာ ချိုင့်ဝင်နေသည်။
မြန်မာနိုင်ငံ အနှံ့အပြား သဘာဝ အလျောက် အလေ့ကျ ပေါက်သော စားသုံးပင် ဖြစ်သည်။
ကင်ပွန်းချဉ်သည်အသည်းအတွက် အစွမ်းထက်အသုံးဝင်သည်။
ကင်ပွန်းချဉ်ကို ဟင်းချို ချက်သောက်ခြင်း၊ အချဉ်ချက်ပြုတ် စားခြင်း၊ ကြော်စားခြင်း၊ မီးကင်စားခြင်းများ ပြုနိုင်သည်။
အရွက်နုကိုငရုတ်ကောင်း အရည်တွင်စိမ်၍ ဆား၊မန်းကျည်းသီး၊ ငရုတ်သီးနှင့် ရောထောင်းပြီး တိုက်ကျွေးလျှင်
အသည်းရောင်အသား ဝါရောဂါ၊
သည်းခြေ ရောဂါတို့ကို သက်သာ စေသည်။
အရွက်နုကို ကြိတ်ပြီး အသည်းရောင်သည့် နေရာကို စိတ်ရှည် လက်ရှည် လိမ်းပေးပါက ရောဂါ သက်သာသည်။
အရွက်နုကိုညက်အောင်ထောင်း တစ်ညသိပ်ပြီးသကြားအနည်း
ငယ် ထည့်၍ ရေကျက် အေးနှင့် နေ့စဉ်မှန်မှန်သောက်ပေးလျှင် အဖျဉ်း(ရေဖျဉ်း)ရောဂါ ပျောက်သည်။
ကိုယ်ဖော ကိုယ်ရောင် အူရောင် မြင်းသရိုက် လေနာမြစ်
ခြောက်နာ စသည် တို့ကိုလည်း နိုင်သည်။
ကင်ပွန်းချဉ်ရွက်ကို ရေနွေးဖျောပြီး သောက်က ဝမ်းချုပ်လေချုပ် ပျောက်ကင်း၍ ဝမ်းပျော့ ဝမ်းမှန် စေသည်။
ဝမ်းဗိုက်လေပွ လေထခြင်းကို တန့်စေသည်။
လေနာ လေအောင့်လေထိုး လေစူး သက်သာသည်။
ကင်ပွန်းရွက် ဟင်းချိုသည် လူနှင့် အခါခပ်သိမ်း တည့်သည်။
ကိုယ်တွင်း အပူကို ငြိမ်းစေသည်။
ကျောက်ကပ်ကို အားပေးသဖြင့် ဆီးရွှင်သည်။
ဆီးပူဆီး အောင့်ညောင်းကျ ပန်းသေ ပန်းညှိုးမှ အစကောင်းမွန်သည်။
သွေးသားကို သန့်စင်စေသဖြင့် ရုပ်ဆင်းအင်္ဂါနုပျိုကြည်လင်
ကာ အဆီကျ ပေါ့ပါး စေပါသည်။
ငှက်ဖျားရောဂါ၊ အစာအိမ်ရောဂါ၊ သွေးနှင့် ဆိုင်သော ရောဂါ၊ အဖြူကွက်ထ ရောဂါရှိသူတို့ အနေဖြင့် ကင်ပွန်းချဉ် အမြဲစားသုံး သင့်သည်။
နှလုံးရောဂါ ရှိသူအား ကင်ပွန်းချဉ် ငါးကျပ်သား၊ ထန်းလျက်
၁ဝ ကျပ်သား၊ ဆားအသင့်အတင့်နှင့် ကျို၍ တစ်နေ့သုံးကြိမ်
မှီဝဲ စေသင့်သည်။
နာလန်ထစ လူမမာအား ကင်ပွန်းရွက်ဟင်းချိုနှင့်ထမင်းပူပူတွင် နှပ်ထားသော ငါးပုပ်ခြောက်တို့ အတူ ကျွေးပါကစားရသူလူမမာ အလွန်အဆင် ပြေသည်။
ကင်ပွန်းရွက်ကို အသားငါး တစ်မျိုးမျိုးနှင့်ရောနှော၍ကြော်စား
လျှင် ထမင်းမြိန်ပါသည်။
အစာလမ်းကြောင်း မကောင်းသူများ၊ အစာမကြေ ရောဂါ ရှိသူများနှင့် အူရောင်ရောဂါ ရှိသူများ အတွက် ကင်ပွန်းချဉ်ကို အချဉ်ချက်ပြုတ် စားပေးရန် လိုသည်။
ကင်ပွန်းရွက်နုကို အမှုန့်ရအောင် လှီးပြီး ကြက်သွန်ဖြူ၊ ဆိတ်ဖူး၊ နနွင်း၊ ဆား၊ ငါးပိ၊ ပုစွန် ခြောက်မှုန့်၊ သီဟိုဠ်စေ့ သင့်ရုံထည့်၍ ဆီဖြင့် နှံ့အောင်နယ်ပါ။
ဂျုံမှုန့်နှင့် အနေတော် ဆုပ်နယ်၍ မီးပြထားသော ရဲယိုရွက်နှင့် ထုပ်ပါ။
ငှက်ပျောရွက်ဖြင့် ထပ်မံ ထုပ်ပြီးနောက် ညှပ်ဖြင့် အထက်အောက်
လှန် မီးကင်လျှင် အနံ့သင်းသင်း ကင်ပွန်းရွက်ကင်ကို ရသည်။
နေမကောင်းသူများ၊ ခံတွင်း ပျက်သူများကို ဓာတ်စာဆေးဝါး အဖြစ် စားသုံး စေနိုင်သည်။
Crd: မြန်မာ့ဆေးစွမ်းနှင့်အိမ်တွင်းဆေးမြီးတိုများ

ကမ္ဘာ့အသက်အရှည်ဆုံး သတ္တ၀ါတွေအကြောင်းကို မျှဝေပေးသွားပါမယ်။ ဒီအထဲမှာ အများစုဟာ ရေနေသတ္တ၀ါတွေဖြစ်ကြပါတယ်။ အသက် အရှည်ဆုံး သတ္တ၀ါ ၁၀ မျိုးကတော့

၁. Immortal Jellyfish
နာမည်ကိုကတည်းက မသေနိုင်သောဂျယ်လီငါးပါတဲ့။ အရမ်းရှားပါးပြီး ထူးဆန်းတဲ့ ဒီဂျယ်လီငါးတွေဟာ သူတို့အရွယ်မရောက်ခင်အချိန်တွေမှာ အနာတရတစ်ခုခုရတာနဲ့ ပြန်ကောင်းအောင်လုပ်နိုင်ကြတဲ့အစွမ်းရှိပါတယ်။ တကယ်မသေနိုင်ပါဘူး။ ဇီဝဗေဒပညာရှင်တို့ လက်တွေ့ကျကျ လေ့လာမှု အရ ဓာတ်ခွဲခန်းမှာ စောင့်ကြည့်တာတောင် တစ်ကောင်မှ မသေဖူးပါဘူးလို့ ဆိုပါတယ်။ အရွယ်အစားလည်း သေးပါတယ်။ အချင်း ၀.၁၈ လက်မ က အကြီးဆုံးပါပဲ။ အငယ်ဆုံးကတော့ ၂ မီလီမီတာလောက်ထိ ရှိနိုင်ပါတယ်။
ပင်လယ်ကြမ်းပြင် မှာ လင်းလိုက်၊ မှိန်လိုက်နဲ့ သွားနေတဲ့အထဲမှာ ယင်း ဂျယ်လီ ငါးသေးသေးလေးများ ပါဝင်နေမှာ ဖြစ်ပါတယ်။ သူတို့ဟာ ပုံမှန်အတိုင်းနေမယ်ဆိုရင်တော့ အမြဲတမ်းအသက်ရှင်သန်နိုင်မှာဖြစ်ပေမယ့် တခြားသတ္တ၀ါတွေရဲ့အစားခံရခြင်းနဲ့ အခြားပယောဂအချို့တို့ကြောင့်တော့ သေဆုံးနိုင်ပါတယ်။ ဒီငါးတွေမှာရှိတဲ့ သေပြီးသွားတဲ့ ဆဲလ်နေရာမှာ ဆဲလ် အသစ် ပြန်ပြန်အစားထိုးသွားတဲ့ ဖြစ်စဉ်ကို ဆေးသိပ္ပံပညာရှင်တို့က လေ့လာပြီး လူသားများ အကျိုးဆောင်ရွက်နိုင်ဖို့ ကြိုးပမ်းလျှက်ရှိပါတယ်။

၂. Ocean Quahog
သိပ္ပံအမည် Arctica islandica လို့ခေါ်တဲ့ ပင်လယ်ခုံးကောင်လေးတွေဖြစ်ပါတယ်။ ဒီခုံးတွေရဲ့ ပျမ်းမျှသက်တမ်းက နှစ်ပေါင်း ၄၀၀ကျော်ဖြစ်ပါတယ်။ Ming (သို့) Hafrún လို့ခေါ်တဲ့ ခုံးကောင်လေးကတော့ နှစ်ပေါင်း ၅၀၇နှစ်အထိ အသက်ရှည်ခဲ့ပါတယ်။ တရုတ်မင်းဆက်အချိန်ကနေစလို့ ၂၀၀၆ခုနှစ်အထိ အသက်ရှင်ခဲ့တဲ့ခုံးကောင်လေးဖြစ်ပါတယ်။
အစပထမတော့ ဒီခုံးကောင်လေးရဲ့သက်တမ်းကို နှစ်ပေါင်း ၄၀၀လို့ခန့်မှန်းကြပေမယ့် အတိအကျတွက်ချက်ကြည့်ကြပြီးတဲ့နောက်မှာ ၅၀၇နှစ် ဆိုတာကို အတည်ပြုခဲ့ကြပါတယ်။ ကံဆိုးတာကတော့ ဒီခုံးကောင်လေးကို တွေ့ရှိချိန် ၂၀၀၇ခုနှစ်မှာ ဒီခုံးကောင်လေးဟာ အသက်မရှိတော့ပါဘူး။ ဒါပေမယ့် ခုံးတွေ အသက်အရှည်ဆုံး တိရစ္ဆာန်တစ်မျိုးဖြစ်တယ်ဆိုတာကိုတော့ မှတ်တမ်းတင်နိုင်ခဲ့ကြပါတယ်။

၃. Greenland Shark
ဂရင်းလန်အနီးမှာ ကျက်စားကြတဲ့ ဒီဧရာမငါးမန်းတွေဟာ အသားစား ငါးမန်းမျိုးနွယ်တွေထဲမှာ အကြီးဆုံးလည်း ဖြစ်ပါတယ်။ ဒါ့အပြင် သွားလာကူးခတ်မှု အနှေးဆုံး ငါးမန်းမျိုးနွယ်လည်း ဖြစ်ပါတယ်။ သက်တမ်းကလည်း အသက် ၂၀၀ ကနေ ၄၀၀ အတွင်းဖြစ်ပါတယ်တယ်။ ဒီငါးမန်းအမျိုးအစားတွေဟာ ကြီးထွားမှုနှုန်း အရမ်းနှေးကွေးကြပြီး တစ်နှစ်မှာ ၁စင်တီမီတာလောက်ပဲ ကြီးထွားကြပါတယ်။ ဒါဟာ ဒီငါးမန်းတွေ အသက်ရှည်ရခြင်းရဲ့ အဓိကအချက်တစ်ချက်ဖြစ်ပါတယ်။

၎. Bowhead Whale
ဝေလငါးအမျိုးအစားဖြစ်တဲ့ Bowhead ဝေလငါးဟာ ဝေလငါးပြာတွေ ပြီးရင် ပေ၆၀ ၀န်းကျင်အရှည်ရှိပြီးကမ္ဘာပေါ်မှာအကြီးဆုံး နို့တိုက်သတ္တ၀ါလည်း ဖြစ်ပါတယ်။ ဒီဝေလငါးအမျိုးအစားတွေရဲ့ ပျမ်းမျှသက်တမ်းကတော့ နှစ် ၂၀၀ ဖြစ်ပါတယ်။ သူတို့ဒီလောက်အထိ အသက်ရှည်တာကို စတင်ရှာတွေ့ခဲ့တာကတော့ ဒီလိုပါ။
အသက်ရှိနေသေးတဲ့ ဝေလငါးတစ်ကောင်ဟာ မှိန်းနဲ့ထိုးခံထားရပြီး အဲ့ဒီ့မှိန်းဟာ သူ့အရေပြားပေါ်မှာ စိုက်ဝင်နေတာ နှစ်ပေါင်း ၁၀၀ကျော် သက်တမ်းရှိနေတာကြောင့်ဖြစ်ပါတယ်။ သိပ္ပံပညာရှင်တွေခန့်မှန်းထားတဲ့ Bowhead ဝေလငါးရဲ့အရှည်ဆုံးသက်တမ်းက ၂၂၇ နှစ် ဖြစ်ပါတယ်။

၅. Galapagos Giant Tortoise
ဂလားပါဂိုစ့်ကျွန်းက ကမ္ဘာလိပ်ကြီးတွေဟာ အသက်ရှည်ကြတယ်ဆိုတာ လူအများစု သိကြပြီးဖြစ်မှာပါ။ ပစိဖိတ်သမုဒ္ဒရာအတွင်း ဂလာပါဂိုစ့်ကျွန်းအနီးမှာ တွေ့ရတဲ့လိပ်ကြီးတွေဖြစ်တဲ့အတွက် ဒီနာမည်တွင်တာဖြစ်ပါတယ်။ အကြီးဆုံးကုန်းလိပ်အမျိုးအစားဖြစ်ပြီး ပျမ်းမျှအနေနဲ့ အရှည် ၄ပေခန့် နဲ့ ပေါင် ၆၀၀ ခန့်အထိအလေးချိန်ရှိပါတယ်။
ဒီလိပ်ကြီးတွေရဲ့ ပျမ်းမျှသက်တမ်းဟာ နှစ်ပေါင်း ၁၀၀ ၀န်းကျင်ဖြစ်ပါတယ်။ နှစ်ပေါင်း ၁၀၀ကျော်လိပ်ကြီးတွေအများအပြားရှိတဲ့အနက် အသက်အရှည်ဆုံးစံချိန်တင်ခဲ့တဲ့ လိပ်ကြီးကတော့ Adwaita ဆိုတဲ့လိပ်ကြီးပါ။ ဒီလိပ်ကြီးရဲ့အသက်ကတော့ ၁၇၅၀ခုနှစ် မွေးပြီး ၂၀၀၆ မတ်လ မှာမှ သေဆုံးခဲ့တာကြောင့် ၂၅၅နှစ်ဖြစ်ပါတယ်။

၆. African Elephant
အာဖရိကဆင်တွေဟာ အကြီးဆုံးကုန်းနေသတ္တ၀ါတွေဖြစ်ကာ ၁၁ပေအထိ အမြင့်ရှိပြီးအာဖိရကတောနက်တွေထဲမှာ နေထိုင်ကြပါတယ်။ အာရှဆင်နဲ့ကွဲတဲ့အချက်ကတော့ အာဖရိကဆင်မျိုးတွေဟာ ဦးထိပ်လုံး၍ နားရွက်ကြီးပြီး နှာမောင်းမှာ ညီညာတဲ့အရစ်တွေပါရှိပါတယ်။ သူတို့ရဲ့ ပျမ်းမျှသက်တမ်းဟာ နှစ်ပေါင်း ၇၀ ဖြစ်ပါတယ်။ အခုလက်ရှိ ဇင်ဘာဘွေနိုင်ငံရဲ့လေ့လာမှုအရ ဆင် အမတွေက အထီးတွေထက်ပိုပြီး သေဆုံးချိန်ထိ ကောင်းမွန်စွာ အသက်ရှည်ရှည်နေထိုင်သွားနိုင်ကြတာကို တွေ့ရတယ်လို့ ဆိုပါတယ်။

၇. Macaw
နောက်တစ်မျိုးကတော့ Macaw ကြက်တူရွေးဖြစ်ပါတယ်။ မြန်မာလို ကြက်တောကြီးလို့လည်းခေါ်ကြပါတယ်။ မကောကြက်တူရွေးတွေဟာ ရိုးရိုးကြက်တူရွေးထက် အကောင်ကြီး ကာ အမြီးရှည်ပြီးလျှက် အရောင်အဆင်းမှာ ပို၍လှပတောက် ပြောင်လေ့ရှိပါတယ်။ မကောကြက်တူရွေးလို့ ခေါ်ခြင်းအကြောင်းကတော့ တောင်အမေရိကတိုက် ဘရာဇီးနိုင်ငံတွင် ပေါက်ရောက်သော မကော ဟုခေါ် သည့် အုန်းပင် တစ်မျိုးမှ အသီးကို အမြဲစားတတ်သောကြောင့် ဖြစ်ပါတယ်။
ဒီကြက်တူရွေးတွေရဲ့သက်တမ်းကတော့ အနှစ် ၆၀ ကနေ ၈၀ အထိနေနိုင်ကြပါတယ်။ သူတို့အသက် ၃၀နှစ် ကနေ ၃၅နှစ် ကြားကတော့ သားပေါက်တဲ့အချိန်ပဲဖြစ်ပါတယ်။ ၀မ်းနည်းစရာတစ်ခုကတော့ သူတို့တွေဟာ တစ်ဖြည်းဖြည်းမျိုးတုန်းပျောက်ကွယ်နီးပါးဖြစ်နေပါပြီ။ ဘာကြောင့်လဲဆိုရင် လူတွေရဲ့တရားမ၀င်ရောင်းဝယ်ဖောက်ကားနေမှုတွေကြောင့် သဘာဝအတိုင်း တောထဲမှာမကျင်လည်ရပဲ အိမ်မွေးတိရိစ္ဆာန်အဖြစ်နေနေကြရလို့ပါပဲ။

၈. Long Finned Eel
Long Finned Eel (မြန်မာအခေါ် ငါးလင်ပန်း) လို့ အမည်ရတဲ့ ငါးဟာ ငါးရှဥ့်မျိုးအုပ်စုမှဖြစ်ပါတယ်။ ရေချိုမှာအများဆုံးတွေနိုင်တဲ့ ငါးအမျိုးအစားဖြစ်ပြီး နယူးဇီလန်နဲ့ သြစတေးလျမှာ အများဆုံးတွေ့ရလေ့ရှိပါတယ်။ ဒီငါးတွေရဲ့သက်တမ်းက တော့ နှစ်ပေါင်း ၆၀ ဖြစ်ပါတယ်။ အသက်အရှည်ဆုံးငါးကတော့ ၁၀၆နှစ်အထိ တောင်ရှိပါတယ်။ သူတို့ဟာ Greenland လို့ခေါ်တဲ့ ငါးမန်းတွေလို ကြီးထွားနှုန်း နှေးကွေးလွန်းတာကြောင့်လည်း အသက်ရှည်ရှည်နေနိုင်ကြခြင်းဖြစ်တယ်လို့ဆိုပါတယ်။

၉. Koi Fish
ငါးမွေးကန်ထဲမှာ ရောင်စုံလှပနေတတ်တဲ့ Koi ငါးလေးတွေကို မကြာခဏမြင်ဖူးကြမှာပါ။ ငါးတွေထဲမှာ ထူးခြားတဲ့အမျိုးအစားဖြစ်ပါတယ်။ သူတို့ရဲ့ အရွယ်အစားဟာ သူတို့နေထိုင်တဲ့ ပတ်ဝန်းကျင်အလိုက် ပြောင်းလဲနေတတ်လို့ပါ။ သူတို့ကို “ဖန်ပုလင်း” ထဲထည့်ရင်(၇ စင်တီမီတာ) ရှိတယ် ၊ ရေကန်ထဲထည့်ရင်(၂၅ စင်တီမီတာ)ရှိပြီး ၊ မြစ်ထဲကိုထည့်မယ်ဆိုရင်(၁၂၀)စင်တီမီတာအထိကြီးထွားသွားမှာ ဖြစ်ပါတယ်။
Koi ငါးတွေရဲ့သက်တမ်းက အများအားဖြင့် နှစ် ၃၀ ကနေ ၆၀ အတွင်းဖြစ်ပေမယ့် တချို့ Koi တွေက နှစ်ပေါင်း၂၀၀ကျော်ထိ ရှင်သန်နိုင်ကြပါတယ်။ Koi ငါးတွေထဲက ကျော်ကြားတဲ့ ငါးတစ်ကောင်ရဲ့နာမည်ကတော့ Hanako ဖြစ်ပြီး သူမက ၁၉၇၇မှာ သေဆုံးခဲ့ပါတယ်။ သေဆုံးတဲ့အခါ သူမရဲ့အသက် ၂၂၅နှစ်ရှိနေပြီဖြစ်ပါတယ်။

၁၀. Red Sea Urchin
Urchin ဆိုတာ ကျွန်တောတို့အခေါ် သံပခြုပ်ကောင်ပါ။ Red Sea Urchin ကတော့ သံပခြုပ်ကောင်အမျိုးအစားများစွာထဲက တစ်မျိုးဖြစ်ပါတယ်။ Red Sea Urchin တွေရဲ့ သက်တမ်းဟာ အလွန်ရှည်လျားလှပါတယ်။ သူတို့ကို မြောက်အမေရိကရဲ့ အနောက်ဘက်ကမ်းရိုးတမ်းတစ်လျှောက် နဲ့ ပစိဖိတ်သမုဒ္ဒရာထဲမှာအများဆုံးတွေ့ရတတ်ပြီး ကျန်ဒေသတွေမှာလည်း ရံဖန်ရံခါတွေ့ရတတ်ပါတယ်။
ရေအောက်အနက်ပေ ၃၀၀ ၀န်းကျင်မှာ နေထိုင်ကြတဲ့အကောင်လေးတွေဖြစ်ပါတယ်။ အရွယ်အစားအားဖြင့် ၃လက်မကနေ ၇လက်မသာ ရှိတာကြောင့် သေးငယ်တဲ့အကောင်လေးတွေလို့ ဆိုရပါမယ်။ ပုံမှန်သက်တမ်းကတော့ နှစ် ၃၀ ၀န်းကျင်သာဖြစ်ပေမယ့် အနည်းငယ်ကတော့ နှစ်ပေါင်း ၂၀၀ကျော်ထိ အသက်ရှည်ကြပါတယ်။