(Unicode)
အရေးပေါ်အခြေအနေ ကားထဲမှာ ပိတ်မိနေရင် ဘယ်လိုလွတ်မြောက်အောင် ကြိုးစားမလဲဆိုတာကို ကားနည်းပညာရှင်တွေဘက်က သုံးသပ်ချက်တွေ ဖြစ်ပါတယ်။ “ဖြစ်စဉ်မှာ ကားတစ်စီးလုံး အမြန်ပေါက်ကွဲ လောင်ကျွမ်းတာမျိုးဖြစ်လို့ ဝါယာရှော့(တ်)ဖြစ်သွားပြီး ခလုတ်တွေ လော့ခ် ကျသွားတာ ဖြစ်နိုင်တယ်၊ အဲဒီအတွက် တံခါးအားလုံးဖွင့်မရတော့ဘဲ ပိတ်မိသွားတဲ့ အနေအထားဖြစ်တယ်၊ တစ်ခုတည်းသော လွတ်မြောက်မှုက မှန်ကိုခွဲပြီး ထွက်ဖို့ပဲရှိတယ်”လို့ KKK Automotives Diagnostic & Repair Center က အော်တိုမိုတစ်ပညာရှင် ကိုကျော်ကိုကျော်က ပြောပါတယ်။
ကားမှန်ကို ဘယ်လိုခွဲမလဲ
အဲသည်လို ကားတံခါးတွေက လော့ခ်ကျပြီးခလုတ်တွေက ပျက်စီးသွားတဲ့အတွက် ကားတံခါးဖွင့်ဖို့ ကြိုးစားလို့ မရတော့ပါဘူး။ အချိန်ကလည်း အရေးပေါ် အခြေအနေဆိုတော့ ဘယ်လိုပဲဖြစ်ဖြစ် မှန်တွေ ခွဲထွက်ဖို့ အမြန်ဆုံးဖြတ်ရပါမယ်။ အံစာတုံးကားရဲ့ ထိုင်ခုံခေါင်းတင်အုံးကို ဖြုတ်လိုက်ရင် အောက်ခြေက သံချောင်းနှစ်ချောင်းဟာ အရေးပေါ်မှန်တွေ ခွဲထွက်ဖို့ အဆင်သင့်ပြုလုပ်ထားတာ ဖြစ်တယ်လို့ ကား နည်းပညာရှင် ဦးစန်းဦးက ပြောပါတယ်။ အဲသည် ခေါင်းတင်အုံး အောက်ခြေနဲ့ ကားမှန်နဲ့ ဘောင်ကိုဆက်စပ်တဲ့ လိုင်နာဖုံးအုပ်ထားတဲ့ အစပ်နေရာကို အားနဲ့ထိုး ကလော်လိုက်ရင် ကားမှန်တွေ အလွယ်တကူ ကွဲကြေပြီး ဖွင့်ထွက်နိုင်တယ်လို့ ဆိုပါတယ်။
ကိုကျော်ကိုကျော်ကတော့ ခေါင်းတင်အုံးနဲ့ ထိုးခွဲလို့ရတာကို ကြိုတင် သိရှိထားရင်တော့ ဖြစ်နိုင်ပါတယ်။ သူက ကျွန်တော့် ဝပ်ရှော့မှာ ကားလာပြင်တဲ့သူတွေထဲမှာ တစ်ဖက်က အသွားပါတဲ့ ရဲဒင်းကို ကားတံခါးဘေးမှာ ထည့်ပြီး ဆောင်ထားတတ်တာ တွေ့ဖူးပါတယ်။ အဲသည် ရဲဒင်းလေးက တစ်ပေသာသာပဲရှိတယ်။ အရေးပေါ်ကားထဲမှာ ပိတ်မိရင် ခွဲထွက်ဖို့လို့ ဆိုပါတယ်။ နောက်ခါးပတ် ဖြတ်တဲ့ ဓားလည်း ဆောင်ထားပါတယ်။ အဲဘက် ပွင့်ထွက်သွားပြီးရင် ခါးပတ်ကို အလွတ်တကူ ဖြုတ်လို့မရဘဲ ဖြစ်တတ်ပါတယ်။
အဲသည်အချိန်မျိုးမှာ ဓားနဲ့ ခါးပတ်ကို ဖြတ်ထွက်လို့ရအောင် ဆောင်ထားသင့်တာပါ။ ကားပစ္စည်းဆိုင်တွေမှာ kid box တစ်ခုထဲမှာ အဲသည် ပစ္စည်းအစုံအလင်နဲ့ ဝယ်ယူရရှိနိုင်ပါတယ်။ အဲသည် ကစ်ဘောက်စ်လေး ဆောင်ထားရင်တော့ ကားထဲမှာ ပိတ်မိတာကို အလွယ်တကူ ဖြေရှင်းနိုင်ပါတယ်။
ကားမီးလောင်နိုင်တဲ့အချက်
အင်ဂျင်ကို ဆီပေးတဲ့စနစ်တွေ ချို့ယွင်းချက်ကြောင့် ကားမီးလောင်တာ များပါတယ်။ ယာဉ်တိုက်မှုကြောင့် ဆီတိုင်ကီကွဲပြီး မီးလောင်နိုင်သလို ဆီတိုင်ကီအနားမှာ ပွတ်တိုက်မှုဖြစ်ပြီး ဖြစ်ပေါ်လာတဲ့ မီးပွားလေးတွေကြောင့်လည်း ဓာတ်ဆီက ပေါက်ကွဲစေနိုင်တယ်။
ဓာတ်ဆီကားနဲ့ ဒီဇယ်ကား အမျိုးအစားမှာ ဓာတ်ဆီက ပိုပြီး မီးလောင်စေနိုင်ပါတယ်။ အဲဒါက ခုနောက်ပိုင်း အဆင့်မြင့်လာတဲ့ ဆီဖျန်းတဲ့ စနစ်ကြောင့်ပါပဲ။ အရင် ကားဟောင်းတွေမှာပါတဲ့ ကာဘရိုက်တာ စနစ်က အဲသည်လို မီးလောင်တာ နည်းပါတယ်၊ ဝါယာရှော့(တ်)ဖြစ်ရင်လည်း သိတာနဲ့ မီးမလောင်အောင် ကြိုတင်ကာကွယ်ချိန်ရတယ်၊ အခုအဆင့်မြင့်လာတဲ့ ဆီဖျန်းတဲ့စနစ်က အတိမ်းအစောင်း ဖြစ်တာနဲ့ အင်ဂျင်တစ်ခုလုံးကို နေရာအနှံ့ ဆီဖျန်းလိုက်သလိုဖြစ်ပြီး ဝါယာရှော့(တ်) ဖြစ်တာနဲ့ ဝုန်းကနဲ မီးထတောက်တဲ့ အနေအထားမျိုး ဖြစ်နေတာပါ၊ ဆီပို့တဲ့စနစ်မှာလဲ ရော်ဘာပိုက်နဲ့ ချိတ်ဆက်ပို့တာတွေက safe မဖြစ်တဲ့သဘောပါ၊ ကာဘရိုက်တာစနစ်မှာ အရင်က ဆီပို့တာကို ကြေးပိုက်တွေ အသုံးပြုခဲ့တာပါ။
ယာဉ်မောင်းသူအနေနဲ့ အင်ဂျင် အပူလွန်ကဲနေပြီလား၊ အင်ဂျင်အအေးပေး စနစ်တွေ ပုံမှန်ဖြစ်ရဲ့လား အမြဲစစ်ဆေးနေရပါမယ်၊ အေးတဲ့အရပ်မှာသုံးတဲ့ ကားတွေကို ဝယ်သုံးနေကြတယ်ဆိုတာကိုလဲ ခေါင်းထဲမှာ ထည့်ထားရမှာဖြစ်တယ်။ အဲဒါကြောင့် ဆီပေးတဲ့စနစ်က သူတို့လို အေးတဲ့ဒေသတွေမှာ Safe ဖြစ်ပေမဲ့ သည်ကအပူချိန်မှာ Safe မဖြစ်နိုင်ဘူး ဆိုတာကိုလည်း သိထားပြီး အင်ဂျင်အပူရှိန် လွန်ကဲတာ (over heat) မဖြစ်အောင် အမြဲဂရုစိုက်သင့်တယ်လို့ ကိုကျော်ကိုကျော်က ပြောပါတယ်။
Author အောင်ထွန်းဦး
Credit – Kumudra
(Zawgyi)
အေရးေပၚအေျခအေန ကားထဲမွာ ပိတ္မိေနရင္ ဘယ္လိုလြတ္ေျမာက္ေအာင္ ႀကိဳးစားမလဲဆိုတာကို ကားနည္းပညာရွင္ေတြဘက္က သုံးသပ္ခ်က္ေတြ ျဖစ္ပါတယ္။ “ျဖစ္စဥ္မွာ ကားတစ္စီးလုံး အျမန္ေပါက္ကြဲ ေလာင္ကြၽမ္းတာမ်ိဳးျဖစ္လို႔ ဝါယာေရွာ့(တ္)ျဖစ္သြားၿပီး ခလုတ္ေတြ ေလာ့ခ္ က်သြားတာ ျဖစ္ႏိုင္တယ္၊ အဲဒီအတြက္ တံခါးအားလုံးဖြင့္မရေတာ့ဘဲ ပိတ္မိသြားတဲ့ အေနအထားျဖစ္တယ္၊ တစ္ခုတည္းေသာ လြတ္ေျမာက္မႈက မွန္ကိုခြဲၿပီး ထြက္ဖို႔ပဲရွိတယ္”လို႔ KKK Automotives Diagnostic & Repair Center က ေအာ္တိုမိုတစ္ပညာရွင္ ကိုေက်ာ္ကိုေက်ာ္က ေျပာပါတယ္။
ကားမွန္ကို ဘယ္လိုခြဲမလဲ
အဲသည္လို ကားတံခါးေတြက ေလာ့ခ္က်ၿပီးခလုတ္ေတြက ပ်က္စီးသြားတဲ့အတြက္ ကားတံခါးဖြင့္ဖို႔ ႀကိဳးစားလို႔ မရေတာ့ပါဘူး။ အခ်ိန္ကလည္း အေရးေပၚ အေျခအေနဆိုေတာ့ ဘယ္လိုပဲျဖစ္ျဖစ္ မွန္ေတြ ခြဲထြက္ဖို႔ အျမန္ဆုံးျဖတ္ရပါမယ္။ အံစာတုံးကားရဲ႕ ထိုင္ခုံေခါင္းတင္အုံးကို ျဖဳတ္လိုက္ရင္ ေအာက္ေျခက သံေခ်ာင္းႏွစ္ေခ်ာင္းဟာ အေရးေပၚမွန္ေတြ ခြဲထြက္ဖို႔ အဆင္သင့္ျပဳလုပ္ထားတာ ျဖစ္တယ္လို႔ ကား နည္းပညာရွင္ ဦးစန္းဦးက ေျပာပါတယ္။ အဲသည္ ေခါင္းတင္အုံး ေအာက္ေျခနဲ႔ ကားမွန္နဲ႔ ေဘာင္ကိုဆက္စပ္တဲ့ လိုင္နာဖုံးအုပ္ထားတဲ့ အစပ္ေနရာကို အားနဲ႔ထိုး ကေလာ္လိုက္ရင္ ကားမွန္ေတြ အလြယ္တကူ ကြဲေၾကၿပီး ဖြင့္ထြက္ႏိုင္တယ္လို႔ ဆိုပါတယ္။
ကိုေက်ာ္ကိုေက်ာ္ကေတာ့ ေခါင္းတင္အုံးနဲ႔ ထိုးခြဲလို႔ရတာကို ႀကိဳတင္ သိရွိထားရင္ေတာ့ ျဖစ္ႏိုင္ပါတယ္။ သူက ကြၽန္ေတာ့္ ဝပ္ေရွာ့မွာ ကားလာျပင္တဲ့သူေတြထဲမွာ တစ္ဖက္က အသြားပါတဲ့ ရဲဒင္းကို ကားတံခါးေဘးမွာ ထည့္ၿပီး ေဆာင္ထားတတ္တာ ေတြ႕ဖူးပါတယ္။ အဲသည္ ရဲဒင္းေလးက တစ္ေပသာသာပဲရွိတယ္။ အေရးေပၚကားထဲမွာ ပိတ္မိရင္ ခြဲထြက္ဖို႔လို႔ ဆိုပါတယ္။ ေနာက္ခါးပတ္ ျဖတ္တဲ့ ဓားလည္း ေဆာင္ထားပါတယ္။ အဲဘက္ ပြင့္ထြက္သြားၿပီးရင္ ခါးပတ္ကို အလြတ္တကူ ျဖဳတ္လို႔မရဘဲ ျဖစ္တတ္ပါတယ္။
အဲသည္အခ်ိန္မ်ိဳးမွာ ဓားနဲ႔ ခါးပတ္ကို ျဖတ္ထြက္လို႔ရေအာင္ ေဆာင္ထားသင့္တာပါ။ ကားပစၥည္းဆိုင္ေတြမွာ kid box တစ္ခုထဲမွာ အဲသည္ ပစၥည္းအစုံအလင္နဲ႔ ဝယ္ယူရရွိႏိုင္ပါတယ္။ အဲသည္ ကစ္ေဘာက္စ္ေလး ေဆာင္ထားရင္ေတာ့ ကားထဲမွာ ပိတ္မိတာကို အလြယ္တကူ ေျဖရွင္းႏိုင္ပါတယ္။
ကားမီးေလာင္ႏိုင္တဲ့အခ်က္
အင္ဂ်င္ကို ဆီေပးတဲ့စနစ္ေတြ ခ်ိဳ႕ယြင္းခ်က္ေၾကာင့္ ကားမီးေလာင္တာ မ်ားပါတယ္။ ယာဥ္တိုက္မႈေၾကာင့္ ဆီတိုင္ကီကြဲၿပီး မီးေလာင္ႏိုင္သလို ဆီတိုင္ကီအနားမွာ ပြတ္တိုက္မႈျဖစ္ၿပီး ျဖစ္ေပၚလာတဲ့ မီးပြားေလးေတြေၾကာင့္လည္း ဓာတ္ဆီက ေပါက္ကြဲေစႏိုင္တယ္။
ဓာတ္ဆီကားနဲ႔ ဒီဇယ္ကား အမ်ိဳးအစားမွာ ဓာတ္ဆီက ပိုၿပီး မီးေလာင္ေစႏိုင္ပါတယ္။ အဲဒါက ခုေနာက္ပိုင္း အဆင့္ျမင့္လာတဲ့ ဆီဖ်န္းတဲ့ စနစ္ေၾကာင့္ပါပဲ။ အရင္ ကားေဟာင္းေတြမွာပါတဲ့ ကာဘ႐ိုက္တာ စနစ္က အဲသည္လို မီးေလာင္တာ နည္းပါတယ္၊ ဝါယာေရွာ့(တ္)ျဖစ္ရင္လည္း သိတာနဲ႔ မီးမေလာင္ေအာင္ ႀကိဳတင္ကာကြယ္ခ်ိန္ရတယ္၊ အခုအဆင့္ျမင့္လာတဲ့ ဆီဖ်န္းတဲ့စနစ္က အတိမ္းအေစာင္း ျဖစ္တာနဲ႔ အင္ဂ်င္တစ္ခုလုံးကို ေနရာအႏွံ႔ ဆီဖ်န္းလိုက္သလိုျဖစ္ၿပီး ဝါယာေရွာ့(တ္) ျဖစ္တာနဲ႔ ဝုန္းကနဲ မီးထေတာက္တဲ့ အေနအထားမ်ိဳး ျဖစ္ေနတာပါ၊ ဆီပို႔တဲ့စနစ္မွာလဲ ေရာ္ဘာပိုက္နဲ႔ ခ်ိတ္ဆက္ပို႔တာေတြက safe မျဖစ္တဲ့သေဘာပါ၊ ကာဘ႐ိုက္တာစနစ္မွာ အရင္က ဆီပို႔တာကို ေၾကးပိုက္ေတြ အသုံးျပဳခဲ့တာပါ။
ယာဥ္ေမာင္းသူအေနနဲ႔ အင္ဂ်င္ အပူလြန္ကဲေနၿပီလား၊ အင္ဂ်င္အေအးေပး စနစ္ေတြ ပုံမွန္ျဖစ္ရဲ႕လား အၿမဲစစ္ေဆးေနရပါမယ္၊ ေအးတဲ့အရပ္မွာသုံးတဲ့ ကားေတြကို ဝယ္သုံးေနၾကတယ္ဆိုတာကိုလဲ ေခါင္းထဲမွာ ထည့္ထားရမွာျဖစ္တယ္။ အဲဒါေၾကာင့္ ဆီေပးတဲ့စနစ္က သူတို႔လို ေအးတဲ့ေဒသေတြမွာ Safe ျဖစ္ေပမဲ့ သည္ကအပူခ်ိန္မွာ Safe မျဖစ္ႏိုင္ဘူး ဆိုတာကိုလည္း သိထားၿပီး အင္ဂ်င္အပူရွိန္ လြန္ကဲတာ (over heat) မျဖစ္ေအာင္ အၿမဲဂ႐ုစိုက္သင့္တယ္လို႔ ကိုေက်ာ္ကိုေက်ာ္က ေျပာပါတယ္။
Author ေအာင္ထြန္းဦး
Credit – Kumudra
