- Protein Supplement တွေ ကို ဘယ်လောက် အထိသောက်နေကြလဲ????
၂၁ ရာစု မှာ ကျန်းမာရေး ကို လူတော်တော်များများ အထူးသတိပြု လာကြတာ ကို Gym တွေ မှာ လူတွေ များနေတာ ကို ကြည့်ခြင်းအားဖြင့် သိနိုင်ပါတယ်။ Gym မှာ လေ့ကျင်းခန်း လုပ်တာ ကောင်းပါ တယ် ဒါပေမဲ့ အဲ့ဒါတွေ ရဲ့ နောက်ဆက်တွဲ မှာ ဆိုးကျိုးတွေ လည်းတော်တော် များပါတယ်။
အကြောင်းအရင်း ကတော့ Gym မှာ လေ့ကျင့်ခန်း လုပ်ရတဲ့ ရည်ရွယ်ချက် က နှစ်မျိုး ရှိပါတယ်။ တစ်မျိုးကတော့ ဝိတ်ကျချင်တာရယ် နောက်တစ်မျိုး ကတော့ ကြွက်သားတက်ချင်တာရယ် ဆိုပြီး အဓိကရည်ရွယ်ကြီး နှစ်မျိုးပါ။
ကြွက်သားတက် ချင်လို့ ဆိုပြီး လွဲမှားနေတဲ့ အစားအသောက်ပုံစံ တွေ supplement တွေ ကို လိုတာထက်အဆမတန် သောက်နေတာတွေ ကို ဒီရက်ပိုင်း မှာ တော်တော် များများ တွေ့ လာရပါတယ်။ ဒါကြောင့် ဒီတစ်ခေါက် ဆောင်းပါး မှာ ကြွက်သား တက်အောင် ကျန်းမာရေး နှင့် အညီ ဘယ်လို စားသောက် ရမလဲ ဆိုတာ ကို အလေး ပေးဖော်ပြပေးသွားပါမယ်။
အရင်ဆုံး supplement မလိုဘဲ အစားအသောက် ကနေ protein အသားဓါတ် ကို ပြည့်ဝအောင် ကျန်းမာရေး နှင့် အညီ အလွန်အကျွံ မဖြစ်အောင် ဘယ်လို စားကြမလဲ ကို သိဖို့လိုပါမယ်။
တနေ့ကို အသားဓါတ်အနေ နဲ့ ဘယ်လောက်စားရင် လုံလောက်မလဲ????
မိမိကိုယ် အလေးချိန် (Kilogram) ကို 1.5 (သို့) 2 gram နဲ့မြှောက်ပြီးစားပေးလို့ရပါတယ်။
ဥပမာ – အလေးချိန် 60 kg ရှိတဲ့ သူ အနေနဲ့ဆို အသားဓါတ် (1.5 gram နဲ့မြှောက်ရင်) 90 gram စားပေးလို့ရသလို (2 gram နဲ့မြှောက်ရင်) 120 gram အထိ စားပေးလို့ရပါတယ်။ ဒီထက်ပို ပြီး မစားသင့်ပါဘူး။ ဒါက အလေးတွေ မပြီး ကြွက်သားတက်အောင် ကစားနေတဲ့ သူတွေ အတွက် စားရမယ့် ပမာဏပါ။ ပုံမှန် လူတွေ အနေနဲ့ ကတော့ အာပာာရ ပြည့်အောင် ဆိုရင် ကိုယ် အလေးချိန် (kilogram) ကို 0.8 gram (သို့) 1 gram နဲ့ မြှောက်ပါ။ ဥပမာ – အလေးချိန် 60 kg ရှိတဲ့ သူဆိုရင် အသားဓါတ် 48 gram ကနေ 60 gram အထိစားလို့ရပါတယ်။
ဘယ်အသားတွေ မှာ အသားဓါတ် ဘယ်လောက် gram တွေပါနေလဲ????
အခု ဖော်ပြထားတဲ့ အသားဓါတ် ပမာဏ တွေ က အသား ၁၀၀ ဂရမ် (6ကျပ်သား) မှာ ပါတဲ့ ပမာဏတွေ ဖြစ်ပါတယ်။
1. ကြက်သား – 20 gram
2. ဝက်သား – 24 gram
3. အမဲသား – 24 gram
4. ဆိတ်သား – 33 gram
5. ဘဲသား – 19 gram
6. ကြက်ဥ တစ်လုံး – 6 gram
7. ဆော်လမွန်ငါး – 21 gram
8. ငါးသေတ္တာ – 21 gram
9. တူနာငါး – 24 gram
10. ငါးကြင်း – 16 gram
11. ငါးခူ – 15 gram
12. တီလားဗီယား – 20 gram
13. ကကတစ်ငါး – 20 gram
14. နွားနို့ (240 ml) – 8 gram
အခုနောက်ပိုင်း မှာ အစားအသောက် တွေ အပြင် ကြွက်သား မြန်မြန် တက်အောင် ဆိုပြီး ဖြည့်စွက် ပရိုတင်း မှုန့်တွေပါ သောက်လာကြပါတယ်။ ပရိုတင်းပါဝင် မှု့ ကတော့ brand တစ်မျိုး နဲ့ တစ်မျိုး မတူကြပါဘူး။ ဒါကြောင့် မိမိသောက်နေတဲ့ ပရိုတင်းမှုန့် ဘူးမှာ ပါတဲ့ nutrition label (အာပာာရ အညွှန်း) ကို သေချာဖတ်ကြည့်ဖို့လိုပါတယ်။ ဥပမာ- protein supplement powder 1 scoop မှာ protein 20 gram ပါတယ်ဆိုရင် တစ်နေ့ နှစ်ခွက် လောက် သောက်ဖြစ်ရင် နောက်ထပ် အစားအစာ ကနေ ရမယ့် protein အသားဓါတ် ပမာဏ ကို လျှော့စားပေးဖို့လိုပါတယ်။ ဥပမာ – protein 120 gram စားလို့ရတဲ့ သူတစ်ယောက်အနေနဲ့ ဆိုရင် protein supplement powder 2 scoop သာက်ဖြစ်နေတယ် ဆိုရင် အစားအစာ ကနေ protein ပမာဏ ကို 80 gram ပဲ စားလို့ရပါမယ်။
အသားဓါတ်တွေ ကို လိုတာထက် ပို ပြီးစားမိရင် ဘာတွေ ဖြစ်လာမလဲ????
အသားဓါတ် များများ စားလေလေ စွန့်ပစ် ပစ္စည်းဂဖြစ်တဲ့ Urea (ယူရီးယား) ဓါတ်တွေ များလာတဲ့ အတွက် ကျောက်ကပ် က ပို အလုပ်လုပ် ရပါတယ်။ ဒါကြောင့် muscle build ကစားနေသူများ အတွက် ရေကို သာမန် ထက်ပိုပြီးသောက်ဖို့လိုလာပါတယ်။ အဲ့ဒီလို မသောက်ပဲ နေတာကြာရင် ကျောက်ကပ် ကလည်း အညစ်အကြေး များကို ကောင်းကောင်း မစွန့်ထုတ် နိုင်တော့ပဲ နောက်ဆုံး မှာ ကျောက်ကပ်ရောဂါ ဖြစ်တဲ့ ရာခိုင်နှုန်း အရမ်းမြင့်တက်သွားပါတယ်။ ဆေးပညာ စကား အရ ဆို renal failure ဝင်ပြီး အခြေအနေ အရမ်းဆိုးပါက အသက်ပါဆုံးရှုံး နိုင်ပါတယ်။
ဒါကြောင့် ကြွက်သားတက်အောင် (Muscle Build/ Weight Gain) ကစားနေသူတွေ အတွက် ရေကို သတိတရ နဲ့ သောက်ပေးဖို့ အကြံပြုချင်ပါတယ်။
လေးစားစွာဖြင့်
ဒေါက်တာ ညီညီကျော်
Photo from internet source
