အရပ်ရှည် ချင်တဲ့သူတွေ ဆန္ဒပြည့်ဝအောင် မဖြစ်မနေဆော့ပေးသင့်တဲ့အားကစား နဲ့ လေ့ကျင့်ခန်း ( ၅ ) မျိုး
=======================
=======================
အရပ်ရှည် ရှည်၊ ဘော်ဒီ အကိတ် နဲ့ ချောမောလှပနေတာမျိုးကိုဘယ်သူကမလိုချင်ပဲနေမလဲနော့ ..။ လူတိုင်းလိုချင်ကြတာချည်းပဲ။ ဒါမဲ့ ခက်တာ လူတွေကအရပ်တော့ရှည်ချင်ကြတယ်။ အရပ်ရှည် ဖို့ လေ့ကျင့်ခန်း လုပ်ရမှာကျ ပျင်းကြတယ်။
အဲ့လို လေ့ကျင့်ခန်းလုပ်ရမှာပျင်းတဲ့သူလေးတွေအတွက် အလွယ်ကူဆုံး၊ အထိရောက်ဆုံးဖြစ်စေမယ့် လေ့ကျင့်ခန်းလေး ( ) ခုကို ရွေးချယ်ပြီး မျှဝေပေးလိုက်ပါတယ်။ ကစားနည်း ပုံစံလေးတွေလည်းဖြစ်တာမို့လို့ လေ့ကျင့်ခန်းတစ်ခုလိုသဘောမထားပဲလိုက်လုပ်ကြည့်လို့ရတာပေါ့နော် …။
( ၁ ) ဘားခို
အရပ်ရှည်ချင်ဘားဆွဲတို့၊ ဘားခို တို့လို့ပြောတာတကယ်မှန်တဲ့အရာပါ။ ကိုယ်တို့ရဲ့ခန္ဓာကိုယ်ပေါ်ကိုသက်ရောက်နေတဲ့ ဆွဲငင်အားတစ်ခုကို လွန်ဆန်ပြီး ခန္ဓာကိုယ်ထဲက အဆစ်တွေ နဲ့ ကျောရိုးမကြီးကို ဆန့်ထုတ်တဲ့နည်း နဲ့ အရပ်ကိုရှည်ထွက်လာအောင်လုပ်လို့ရပါတယ်။ ကိုယ့်အရပ်ထက်အနည်းငယ်မြင့်နေတဲ့နေရာမှာ ဆွဲကွင်းကောင်းကောင်း၊ ဘားတန်းခိုင်ခိုင်လေးတစ်ခု လုပ်ပြီး တစ်ကြိမ်ကို စက္ကန့် ၂၀ နဲ့ သုံးခေါက်တိတိ ( အဲဒီအတိုင်းတစ်ရက်မှာ သုံးကြိမ် ) လုပ်ပေးနိုင်တယ်။ အဲဒီနည်းကတော့ အရပ်ကိုရှည်ထွက်လာစေဖို့အထောက်အကူပြုနိုင်ပါတယ်။ အနည်းဆုံး ၂ လက်မကနေ ၄ လက်မ လောက်ထိရှည်ထွက်လာစေဖို့အာမခံတဲ့ လေ့ကျင့်ခန်းလည်းဖြစ်ပါတယ်တဲ့။
( ၂ ) ခန္ဓာကိုယ်ကို ကိုင်းပြီးခြေဖျားကိုထိထားတဲ့နည်း
နေရာကောင်းကောင်းတစ်ခုမှာ ခြေဆင်းပြီးထိုင်၊ ခြေထောက်တွေကို ရှေ့ဘက်ကိုဖြောင့်နေအောင် ဆန့်တန်းထား၊ ပြီးရင်ခန္ဓာကိုယ်ကိုနည်းနည်းလေးကွေးပြီးလက်တွေနဲ့ခြေဖျားကိုထိထားရမယ်။ နောက်ပိုင်းကိုယ့်အနေနဲ့ ခန္ဓာကိုယ်ကိုကွေးနိုင်သမျှကွေးပြီး ခြေဖဝါးအလယ်လောက်ထိရောက်အောင်ထိကြည့်ဖို့ကြိုးစားကြည့်လို့လည်းရပါတယ်။ အစပိုင်းမှာခက်သလိုလိုရှိတဲ့အပြင် ကျောကုန်းနဲ့ခါးတွေအရမ်းနာကျင်ပေမယ့် နောက်ပိုင်းလုပ်ကျင့်ရှိသွားပြီဆိုရင် အရပ်ရှည်ဖို့အတွက်ရော၊ ခါးနဲ့ကျောကုန်းအတွက်ပါ အရမ်းကောင်းတဲ့လေ့ကျင့်ခန်းလေးဖြစ်ပါတယ်။ ဒီနည်းလေးကိုတော့ နေ့စဉ်ရေချိုးခါနီးတိုင်း တစ်ကြိမ်ကို စက္ကန့် ၂၀ နဲ့ သုံးကြိမ်လုပ်ပေးနိုင်တယ်။
( ၃ ) တစ်တီတူးနည်း
လွယ်သလိုထင်ရပေမယ့် တကယ်တမ်းတော့ အတော်လေးလုပ်ယူရမယ့် လေ့ကျင့်ခန်းလေးတစ်ခုပါ။ ခန္ဓာကိုယ်ကို လှဲထားပြီး ခြေထောက်တွေကို မိုးပေါ်ထောင်ထားတဲ့နည်းလေးပါ။ ပိန်တဲ့သူတွေအတွက်ကိစ္စမရှိပေမယ့် ဝတဲ့သူလေးတွေအတွက်တော့ နည်းနည်းလေးအခက်အခဲရှိစေတဲ့နည်းပါပဲ။ ခြေထောက်တွေကို မြှောက်လိုက်ပြီဆိုတာနဲ့ လက်နှစ်ဖက်နဲ့ခါးကိုထိန်းထားပြီး ဟန်ချက်ကိုထိန်းပေးထားလို့ရပါတယ်။ ဒီအတိုင်းတစ်ရက်ကို သုံးကြိမ်နဲ့တစ်ခါလုပ်ရင် ဆယ်စက္ကန့်ကနေ စက္ကန့် ၂၀ အထိလုပ်ပေးလို့ရပါတယ်။
( ၄ ) ခြေထောက်ကန်တဲ့နည်း
ခြေဖျားလေးကိုခါပြီး အဖြစ်လေးပဲကန်တာမဟုတ်ဘူးနော်။ တကယ်ကို အားနဲ့မာန်နဲ့ လွှဲပြီးကန်တာ၊ ခြေကိုအဖြောင့်ထားပြီးကန်တာမျိုးတွေပါ။ လုပ်ရမယ့်နည်းကတော့ ခြေထောက်နှစ်ဖက်ကိုစုံရပ်ပြီး တစ်ဖက်ကမြေကြီးပေါ်မှာအားပြုထား၊ နောက်တစ်ချောင်းနဲ့လေပေါ်ကို မြှောက်နိုင်သမျှ မြှောက်ပြီးကန်တဲ့နည်းဖြစ်တယ်။ ဟန်ချက်လေး ဂရုစိုက်ရမှာကလွဲလို့ ကျန်တာကတော့ ခြေသလုံး၊ ပေါင် နဲ့ ဗိုက်ကြွက်သားတွေသန်မာစေရုံတင်မဟုတ်ပဲ အရပ်ကိုပါရှည်ထွက်လာနိုင်စေတဲ့နည်းလေးဖြစ်ပါတယ်။ ဒီနည်းကတော့ အချိန်၊ နေရာမရွေးပါဘူး။ လမ်းလျှောက်ရင်း၊ ပြေးရင်းလုပ်နိုင်သလို၊ ရေချိုးခါနီးလည်း လုပ်နိုင်ပါတယ်။ ပိုသေချာအောင် သဲအိတ်တစ်အိတ်ဝယ်ထားပြီး leg kick လေ့ကျင့်ပေါ့။
( ၅ ) ရေကူးတာ
ရေကူးတာဟာ အရပ်ကိုရှည်ထွက်လာစေတဲ့အကောင်းဆုံးနည်းတစ်ခုဖြစ်သလို၊ လူတိုင်းသဘောကျကြတဲ့အားကစားတစ်ခုလည်းဖြစ်တယ်။ ရေကူးတာဟာ ခန္ဓာကိုယ်ကို အလျားလိုက်ထားပြီး လက်တွေကိုဆန့်ထုတ်ရတာဖြစ်လို့ ခန္ဓာကိုယ်ထဲကအကြောတွေ၊ ကျောရိုးမကြီးကို နဂိုအနေအထားထက် ပိုပြီးရှည်ထွက်လာစေတဲ့ နည်းတစ်ခုဆိုလည်းမမှားပါဘူး။ ရေကူးတိုင်းအရပ်ရှည်တာလားဆိုတော့လည်းမဟုတ်ပါဘူး။ ရေထဲမှာပဲ အားနေထိုင်စိမ်နေတာမျိုးနဲ့တော့ အရပ်ရှည်ချင်လို့ဘယ်ရမလဲ။ သေသေချာချာမှန်ကန်တဲ့နည်းစနစ်တွေ၊ သင်တန်းတွေမှာသင်ကြားရင်း ကိုယ့်ရဲ့အားလပ်ချိန်တွေကို အပန်းဖြေလို့ရသလို၊ ကျန်းမာရေးအတွက်လည်းကောင်းတဲ့ကစားနည်းလေးတစ်ခုဖြစ်ပါတယ်။
ကဲ .. နဂိုထက် ပိုပြီးအရပ်ရှည်၊ ပိုလှပြီး ကိုယ့်ကိုကိုယ်ယုံကြည်မှုရှိတဲ့ သူတွေဖြစ်နိုင်ကြပါစေ။
Credit : we
==============
Buzz Myanmar