ခန္ဓာကိုယ်က မလိုအပ်တဲ့ အဆီပိုတွေကို အလျင်အမြန် ဖယ်ရှားပေးနိုင်မယ့် Detox Water (၃) မျိုး
Wednesday ,May 16,2018
သဘာဝအသီးအနှံတွေနဲ့ ရေကိုအဓိကထားပြီး ရောစပ်ထားတဲ့ Detox Water တွေက ကျန်းမာရေးအတွက် အကျိုးကျေးဇူးတွေ များပြားပါတယ်.
သဘာဝအသီးအနှံတွေနဲ့ ရေကိုအဓိကထားပြီး ရောစပ်ထားတဲ့ Detox Water တွေဟာ ပြုလုပ်ရလွယ်ကူသလို ကျန်းမာရေးအတွက် အကျိုးကျေးဇူးတွေလည်း များပြားလှတာကြောင့် ခန္ဓာကိုယ်က ပိုလျှံနေတဲ့ အဆီပိုတွေကို အလွယ်တကူပဲ ဖယ်ရှားပေးနိုင်မယ့် Detox Water ပြုလုပ်နည်း ၃ မျိုးကို ဧရာဝတီ စာဖတ်ပရိသတ်တွေ အတွက် ဖော်ပြပေးလိုက်ပါတယ်။
(၁) ပန်းသီးတလုံးကို ခပ်ပါးပါးလှီးပြီး Detox Water လုပ်မယ့် ဖန်ခွက် ဒါမှမဟုတ် ဘူးထဲထည့်ပေးပါ။ ပျားရည် လက်ဖက်ရည်ဇွန်း ၂ ဇွန်းခန့်ကို ရောစပ်ပေးပါ။ ပြီးရင်တော့ သစ်ကြံပိုးခေါက်မှုန့် အနည်းငယ်ထည့်ပြီး ရေ ဒါမှမဟုတ် ရေခဲတုံးတွေထည့်ပြီး ရေခဲသေတ္တာထဲမှာ ခဏလောက် ထားပေးရုံနဲ့ အဆီပိုတွေကို အလျင်အမြန် လောင်ကျွမ်း စေနိုင်မယ့် Apple,Cinnamon Detox Water ကိုရရှိမှာပဲ ဖြစ်ပါတယ်။
(၂) ဒုတိယတမျိုးကတော့ Gym ဆော့ပြီးချိန်မှာ သောက်သုံးသင့်တဲ့ အဆီပိုတွေကို ဖယ်ရှားပေးနိုင်မယ့် Detox အမျိုး အစားပဲ ဖြစ်ပါတယ်။ သံပရိုသီးတလုံးနဲ့ နာနတ်သီး နှစ်စိတ်လောက်ကို ပါးပါးလှီးပြီး ပူစီနံရွက်အနည်းငယ်ကို ချေပြီး ထည့်ပေးပါ။ ပြီးရင်တော့ ရေတလီတာလောက်ကို အပေါ်ကနေ လောင်းချပေးပြီး ရေခဲသေတ္တာထဲမှာ ခဏလောက်ထား ပေးရုံနဲ့ Pineapple, Lemon Detox Water ကိုရရှိမှာပဲ ဖြစ်ပါတယ်။ ဒီ Detox Water အမျိုးအစားကိုတော့ အထိုင်များ သူတွေနဲ့ စိတ်ဖိစီးမှုများတဲ့သူတွေလည်း ပုံမှန် သောက်သုံးပေးသင့်ပါတယ်။
(၃) နောက်ထပ်တမျိုးကတော့ ဖရဲသီးကို Blender နဲ့ချေပြီး စတော်ဘယ်ရီသီးကို အခြမ်းလေးတွေခြမ်းပြီး ရောစပ်ပေးပါ။ ပူစီနံရွက် အနည်းငယ်ကိုချေပြီး မသောက်ခင် ၁ နာရီလောက်အလိုမှာ ရေခဲသေတ္တာထဲ ထည့်ထားပေးရုံနဲ့ အဆီပိုတွေကို သာမက ခန္ဓာကိုယ်က အဆိပ်အတောက်တွေကို ဖယ်ရှားပေးနိုင်တဲ့ Strawberry,Watermelon Detox Water အမျိုးအစားကို ရရှိမှာပဲ ဖြစ်ပါတယ်။ ဒီ Detox Water ကိုတော့ မကြာခဏ သွေးပေါင်ကျတတ်သူတွေနဲ့ ကိုယ်လက် လှုပ်ရှားမှု များများပြုလုပ်ရသူတွေ သောက်သုံးပေးသင့်ပါတယ်။
ဆက်စပ်သတင်းလင့်ခ် – ကျန်းမာရေးအတွက် Detox Water သောက်သုံးသင့်တဲ့ အချက် ၃ ချက်
The Irrawaddy – Burmese Edition
