သက်သတ်လွတ်သမားများ အားထားစရာ ပဲပုပ်ဟင်းလျာ
မြန်မာပြည်တွင် ပဲပုပ်ကို မည်သည့် သက္ကရာဇ်တွင် စတင်စိုက်ပျိုးခဲ့သည်ကို သီးနှံသမိုင်းတွင် မတွေ့ ရသော်လည်း ဂန္ဓာလရာဇ်ပြည် ရှေးဟောင်း စာပေများတွင် ထိုတိုင်းပြည်၌ ပဲပုပ်ပင်အမြောက်အမြား စိုက်ပျိုး၍ အလွန်အဖိုးထိုက်တန်သော အစားအစာ တစ်ခုအဖြစ် လူတို့ စားသုံးခဲ့ကြောင်း ရေးသားဖော်ပြထားတာကို လေ့လာ မှတ်သား ရပါတယ်။ ပဲပုပ်မှာ အရောင် အသွေးအမျိုးမျိုးရှိရာ အဝါရောင်၊ အညိုရောင်၊ အနက်ရောင်နှင့် အစိမ်းရောင် ရှိသော ပဲမျိုးမှာ လူသိအများဆုံး ဖြစ်ပြီး အထူးသဖြင့် အဝါရောင်နှင့် အစိမ်းရောင်ပဲမျိုးကို စားသုံးမှု ပိုပါတယ်။ ပဲပုပ်ကို ပြည်ထောင်စုဖွား ရှမ်းတိုင်းရင်းသားများ အလွန်ကြိုက်နှစ်သက်စွာ စားလေ့ရှိသော အစားအစာ တစ်မျိုး ဖြစ်တာကြောင့် ”ရှမ်းရိုးရာအစားအစာ”ဟူ၍ လူသိ များခဲ့သော်လည်း ယနေ့ခေတ်မှာတော့ ရှမ်းတိုင်းရင်းသားများ သာမက တိုင်းရင်းသား လူမျိုးစုံ နှစ်ခြိုက်စွာ စားသုံးလာသော အစားအစာဖြစ်လို့ နေပါပြီ။ ပဲပုပ်အမျိုးမျိုးရှိတဲ့ အနက် ”ရွှေဝါ”ခေါ် ပဲပုပ်မျိုးဟာ ပိုမွှေး ပိုဆိမ့်သော အရသာ ထူးတာကြောင့် ရှမ်းပြည်နယ်တွင် ၁၉၅၅ ခုနှစ်မှာ တိုးချဲ့စိုက်ပျိုး ခဲ့ပါတယ်။ ပဲပုပ်ဆိုသည့် အတိုင်း သူ့အမည် နှင့်လိုက်အောင် (မကြိုက်တတ်သူများအတွက်) ပုပ်အဲ့အဲ့ အနံ့ ရှိသော်လည်း၊ ကြိုက်တတ်သူများ အတွက်မူ ထိုအနံ့ကပင် ပဲပုပ်၏ အရည်အသွေး တစ်ရပ်ဖြစ်ပါတယ်။ ပဲပုပ်ကို အချပ်လိုက် အခြောက်လှန်းထားသော ပဲပုပ်ချပ်အချို သို့မဟုတ် ပဲပုပ်ချပ်အစပ် အဖြစ်လည်းကောင်း၊ ခပ်ပျော့ပျော့ ပဲငပိ အဖြစ် တစ်ဖုံ ဝယ်ယူရရှိနိုင်ပါတယ်။ ပဲပုပ်နှင့် နိုင်ငံတကာပဲပုပ်၏ ဇာတိမှာ တရုတ်၊ မန်ချူးရီးယားနှင့် ဂျပန်တို့ ဖြစ်ကြပြီး ထိုနိုင်ငံများတွင် ရာဇဝင် မပေါ်ခင်ခေတ်ကပင် ပဲပုပ်ကို စိုက်ပျိုး စားသုံးခဲ့ကြပါတယ်။ ပဲပုပ်၏ အာဟာရဓာတ် ပေါကြွယ်ဝပုံကို တစ်စထက်တစ်စ သိရှိ လာကြရာ အမေရိကန်၊ ဥရောပ၊ အာဖရိက၊ အီဂျစ်၊ ရုရှား၊ မြန်မာနှင့် နီပေါ စတဲ့နိုင်ငံ တွေမှာပါ စိုက်ပျိုးလျက် ရှိနေကြပါတယ်။ ရှေးယခင်ကမူ တရုတ်နှင့် မန်ချူးရီးယား တို့ဟာ ကမ္ဘာပေါ်မှာ ပဲပုပ်အများဆုံး ထွက်ရှိသော နိုင်ငံများဖြစ်ကြသော်လည်း၊ မျက်မှောက်ခေတ်မှာတော့ အမေရိကန်နိုင်ငံ က ထိုနှစ်နိုင်ငံများ ထက်ပင် ပိုမို၍သာလွန်စွာ ထွက်ရှိနေကြပါပြီ။ ဆန်းစစ်မှုမှတ်တမ်းများအရ ၁၉၅ဝ ပြည့်နှစ်တွင် အမေရိကန်ပြည်ထောင်စု မှ ပဲပုပ်တင်းပေါင်း သန်း ၃ဝဝဝ မျှ ထွက်ရှိ ခဲ့ရာ ထိုခေတ်ကာလ ပေါက်ဈေးနှုန်းအရ မြန်မာငွေ ကုဋေ ၃၅ဝ ခန့်ဖြစ်ကြောင်း သိရပါတယ်။ ပဲပုပ်ကို နိုင်ငံတကာစားသုံးမှုနှင့် ပတ်သက်၍ ဗဟုသုတတစ်ရပ် အနေဖြင့် ဝေမျှရပါလျှင်- * တရုတ်ပြည်ကြီး၏ ယဉ်ကျေးမှုနှင့် ဆက်စပ်လျက်ရှိသော မွန်မြတ်သည့် သီးနှံငါးမျိုးတွင် ပဲပုပ်သည် တစ်မျိုး အပါအဝင်ဟု ဆိုထားပါတယ်။ * ဒုတိယကမ္ဘာစစ်ကြီးအတွင်းက ဂျာမနီတွင် ပဲပုပ်မှ အာဟာရဖြစ်စေတတ်သည့် ဓာတ်များကို သိပ္ပံနည်းဖြင့် ထုတ်ယူပြီး ဆေးလုံးကလေးများ ကဲ့သို့  ကယ်လိုရီ ၁၅ဝဝ ခန့်ပါရှိသော ရိက္ခာလုံးကလေးများ ပြုလုပ်ကာ”နာဇီရိက္ခာလုံးကလေး” ဟု အမည်ပေး၍ ဂျာမန်စစ်တပ်အတွက် ထုတ်ဝေပေးခဲ့ကြောင်း၊ စစ်သား တစ်ယောက်အဖို့ ၄င်းရိက္ခာလုံးကလေး နှစ်လုံး သို့မဟုတ် သုံးလုံးစားထားလျှင် တစ်နေ့တာလုံး အင်အားမဆုတ်ယုတ်ဘဲ နေနိုင်ကြောင်း သိရပါတယ်။ * ရုရှား-ဂျပန် စစ်ပွဲကြီးတွင်လည်း ဂျပန် စစ်သားများ စစ်မြေပြင်တွင် ခံနိုင်ရည် ရှိရေးအတွက် ဂျပန်အစိုးရက ပဲပုပ်ပင် ကို အများဆုံး အားထားခဲ့ရကြောင်း သိရပါတယ်။ * ပဲပုပ်ကို လူသားတို့အာဟာရသီးနှံအဖြစ်စားသုံးရုံမျှမက အမေရိကန်ပြည်တွင် ပဲပုပ်မှ ဆော့စ်၊ နို့၊ ဒိန်ခဲ၊ ကော်ဖီ၊ ကိတ်၊ စည်သွတ်ဘူးများအပြင် တိရစ္ဆာန်အစား အစာများ သာမက၊ ပဲပုပ်ဆီဖြင့် စာရေးမင်၊ ပုံနှိပ်မင်၊ ဆပ်ပြာ၊ ရော်ဘာတု၊ ဓာတ်ဆီ၊ ပလတ်စတစ်၊ ခဲတံ၊ အရောင်တင်ဆီ၊ အလှကုန်ပစ္စည်း အမျိုးမျိုး၊ ပိုးမွှားသတ်ဆေး၊ ကြွေဆေး၊ ဆီစိမ်စက္ကူ၊ သားရေတု၊ ဖယောင်းတိုင်၊ သိုးမွေးတု၊ သုတ်ဆေး၊ သကြားလုံး စသည်ဖြင့် လူ့အသုံး အဆောင်ပစ္စည်း အမျိုးပေါင်း ၂ဝဝဝ တို့ကိုလည်း ထုတ်လုပ်နိုင်ပါတယ်။ တရုတ်၊ မန်ချူးရီးယားနှင့် ကိုရီးယားနိုင်ငံတို့တွင် ပဲပုပ်ပင်အမြစ်နှင့် အရိုးများကို ထင်း အဖြစ်လည်းကောင်း၊ အရွက်ကို အခြောက် လှန်း၍ ဆေးလိပ် လိပ်သောက်ကြပါတယ်။ အင်ဒိုနီးရှားနိုင်ငံမှာတော့ ကြံခင်း များတွင် ပဲပုပ်ဖြင့် မြေသြဇာကောင်း အောင် ပြုပြင် စိုက်ပျိုးကြပါတယ်။ ပဲပုပ်နှင့်ကျန်းမာရေး (၁) ပဲပုပ်တွင် ခွန်အားနှင့် သွေးနီအားကို တိုးတက်စေသော သံဓာတ်တွေ အလုံအလောက်ပါရှိနေတာကြောင့် သက်သတ်လွတ် စားသူများအတွက် သံဓာတ် ဖြည့်စွက်စာ အဖြစ် အားကိုးထိုက်ပါတယ်။ (၂) ပဲပုပ်တွင်ပါရှိသော အသားဓာတ် (ခေါ်) ပရိုတင်းဓာတ်ဟာ အခြားသော သီးနှံပင်များထဲရှိ ပရိုတင်းဓာတ်မျိုးနှင့် မတူဘဲ သာလွန် ကောင်းမြတ်သော ပထမတန်းစား ပရိုတင်း ဓာတ်ဖြစ်ပါတယ်။ (၃) ပဲပုပ်တွင်ပါရှိသော ပရိုတင်းဓာတ်ဟာ အမဲသား၊ ကြက်ဥနှင့် နွားနို့တို့တွင် ပါရှိသော ပရိုတင်းဓာတ်နှင့် အမျိုးအစား တူညီရုံ မျှမက ပဲပုပ်မှာပရိုတင်း ဓာတ်ပါဝင်မှု ပိုများပါတယ်။ ထူးခြားချက်မှာ ပဲပုပ်တွင် ပါရှိသော ပရိုတင်း ပမာဏများဟာ အမဲသားထက် နှစ်ဆ၊ ကြက်ဥ ထက် သုံးဆ၊ နွားနို့ထက် ၁၁ ဆ ပိုမို ပါဝင်ပါတယ်။ (၄) ပဲပုပ်တွင် ကစီဓာတ်ပါဝင်မှု လွန်စွာနည်းတာကြောင့် အဝလွန်သူများ နှင့် ဆီးလွန် ရောဂါ ရှိသူတွေအတွက် ကောင်းကျိုးပြုပါတယ်။ (၅) ပဲပုပ်က ပိန်သောသူကို ဝဖြိုးစေခြင်း၊ အသားအရေကို အရွယ်တင် နုပျိုစိုပြည်စေခြင်း၊ ဝမ်းချုပ်ရောဂါကို ကုသနိုင်ခြင်း၊ ကြွက်သား၊ အရေပြားနှင့် အကြော များကို အားကောင်းစေခြင်း၊ ခန္ဓာကိုယ်တွင်း အပူဓာတ် ဖြည့်ပေး၍ အားပြည့်စေခြင်း၊ အသည်း၊ ကျောက်ကပ်၊ အဆုတ်နှင့် အစာအိမ်တို့ကို ကျန်းမာစေခြင်း၊ ဗီတာမင်အေ ဓာတ်ကြွယ်ဝ၍ မျက်စိကို အားကောင်းစေခြင်း၊ ဦးနှောက်နှင့် အာရုံကြောများကို အားပေးခြင်း စသည်ဖြင့် ကောင်းကျိုး ပြုပါတယ်။ (၆) ပဲပုပ်က အရိုးနှင့် သွားများကို ခိုင်မာ စေခြင်း၊ အရိုးကြီးထွားမှုကို အားပေးခြင်း၊ ကိုယ်ခန္ဓာ ထွားကျိုင်းစေခြင်း တို့ကြောင့် ကလေးငယ်များနှင့် သက်ကြီး ရွယ်အိုများ အနေဖြင့် မဖြစ်မနေ ပဲပုပ်စားပေးသင့်ပါတယ်။ (၇) ပဲပုပ်ကို အပူပေး၍ ချက်ပြုတ် ထုတ်လုပ်သော ပဲနို့ဒိန်ခဲကို နွားနို့ဒိန်ခဲနှင့်နှိုင်းယှဉ် ကြည့်ပါက ပဲနို့ဒိန်ခဲက အနံ့အရသာမှာ သာလွန် ကောင်းမွန်ပါတယ်။ ပဲနို့ဒိန်ခဲ ကလည်း နွားနို့ဒိန်ခဲနည်းတူ လူသား တို့၏ အစာအိမ်နှင့် အူလမ်းကြောင်းကို အကျိုးပြုပေးသော ပိုးမွှားကလေးတွေပါ ရှိနေပြီး ထူးခြားချက်မှာ ပဲနို့ဒိန်ခဲထဲရှိ ၄င်း အကျိုးပြု ပိုးမွှားကလေးတွေ အရွယ်အစား ပိုကြီးကာ ပို၍လည်းအစွမ်း ထက်မြက်ကြောင်း လေ့လာသိရှိပါတယ်။ သက်သတ်လွတ်သမားများ အားထားစရာ ပဲပုပ်ဟင်းလျာများ ပဲပုပ်စေ့ကို သရေစာအဖြစ် အစိမ်းလိုက် ကြော်၍ စားနိုင်သလို၊ ပြုတ်၍လည်း သုပ်စား၊ချက်စား နိုင်ပါတယ်။ သက်သတ်လွတ် ဟင်းလျာ အဖြစ် ပဲပုပ်ထောင်းကြော်၊ ပဲပုပ်ကြက်သွန်ကြော်၊ ပဲပုပ်မြေပဲကြော်၊ ပဲပုပ် ဂျူးမြစ်ကြော်၊ ပဲပုပ်ကြော်ချက်၊ ပဲပုပ်မြေပဲချက်၊ ပဲပုပ်စေ့ဟင်းချို၊ ပဲပုပ်မီးကင် စသည်ဖြင့် မိမိ နှစ်သက်ရာ ပုံစံအမျိုးမျိုးတို့ဖြင့် ဖန်တီး စားသောက်လို့ ရပါတယ်။ ကချင်ပြည်နယ် မှာတော့ ပဲပုပ်ကို အမဲသားနဲ့ ရော၍ အစပ် ချက်စားလေ့ ရှိပါတယ်။ ဈေးထဲမှာ တရုတ် ပဲပုပ်နှင့် ပဲပုပ်ချဉ်များကိုလည်း ဝယ်ယူရရှိ နိုင်ပါတယ်။ ပဲပုပ်ကြိုက်တတ်သူများကတော့ ပဲပုပ် ခြောက် ၁ဝ ချပ်လောက်ကို မီးအေးအေးတွင် ဝင်းဝါ လာအောင် ကင်၍ အအေးခံကာ ညက်ညက်ထောင်းပြီးနောက် တာရှည်ခံအောင် ဖန်ပုလင်းဘူးထဲတွင် ထည့်ကာ လိုအပ် သလို အသုံးပြုနိုင်ပါတယ်။ မုန်ညင်းရွက် နှင့် ပဲပုပ်ဟာ လွန်စွာလိုက်ဖက်တာကြောင့် မုန်ညင်းဟင်းချိုထဲမှာ ပဲပုပ်မှုန့်ထည့်ခပ်၍ သောက်သုံးခြင်းဖြင့် အရသာထူးလှပါတယ်။ ဒါ့ပြင် ခရမ်းသီးမီးဖုတ်သုပ် သို့မဟုတ် ခရမ်းချဉ်သီး မီးဖုတ်သုပ်ထဲမှာလည်း ပဲပုပ်ထောင်းမှုန့်ကို ထည့်၍ သက်သတ်လွတ်သုပ်စားခြင်း ဖြင့် ထမင်းမြိန်စေပါတယ်။ (သက်သတ်လွတ် မဟုတ်သော ဟင်းလျာများအတွက်ကတော့ ပဲပုပ်သုံးလျှင် ငပိသုံးရန်မလိုပါ။ ဤအရသာ နှစ်မျိုး ပေါင်းစပ်မိပါက အရသာဓာတ် ပျက်ပြယ်သွားပါတယ်) အထက်မှာ ဖော်ပြခဲ့တဲ့အတိုင်း ပဲပုပ် သက်သတ်လွတ် ဟင်းလျာများစွာထဲမှ ပဲ၏ အာဟာရဓာတ် နှစ်မျိုးစလုံးကို ဟင်းလျာ တစ်မျိုးတည်းမှာ တစ်ပြိုင်တည်းရရှိနိုင်တဲ့ ”ပဲပုပ်မြေပဲကြော်” ပြုလုပ်နည်းကို အောက်ပါအတိုင်း အကြံပြုလိုပါတယ်။ ပဲပုပ်မြေပဲကြော် ပြုလုပ်ရန်အတွက်- ·
* မညက်တညက်ထောင်းထားသော ပဲပုပ် ချပ် ငါးချပ်၊ · * မီးကင်ပြီး မှုန့်ညက်အောင်ထောင်း ထားသော ငရုတ်သီးခြောက် ငါးတောင့်၊ ·
* အခွံချွတ်ပြီးသား မြေပဲဆန်(အစိမ်း) လက်ဖက်ရည်ကြမ်း တစ်ပန်းကန်၊ ·
* ဆားတော်သင့်ရုံ၊ ·
* ဆီ ငါးကျပ်သားခန့် စသည်တို့ လိုအပ်ပါတယ်။ · * ပထမဦးစွာ မြေပဲဆန်(အစိမ်း)ကို မကွဲတကွဲ ထောင်း၍ ဆီပူပူတွင် ကြွပ်သည် အထိ ကြော်ပါ။ ·
* မြေပဲဆန်ကျက်သွားပါက မညက်တညက် ထောင်းထားသော ပဲပုပ်ကို ကြော်ပါ။ ·
* ငရုတ်သီးခြောက်မှုန့်နှင့် ဆားတို့ကို ထည့်၍ ပဲပုပ်ကြွပ်လာသည်အထိ ကြော်ပါ။ ·
* ပဲပုပ်ကြွပ်လာပါက မီးဖိုပေါ်မှ ချ၍ အအေးခံပြီး စားသုံးနိုင်ပါပြီ။
မှတ်ချက်။ ချိုသော အရသာ ကြိုက်တတ်သူများအတွက် ဟင်းချိုမှုန့် သို့မဟုတ် သက်သတ် လွတ် dashi ဟင်းခတ်မှုန့် အနည်းငယ်ကို ထည့်၍ အသုံးပြုနိုင်ပါတယ်။ ။
ပေါက်ပေါက်
