ပျားရည် တိုက်မလား ချောင်းဆိုးပျောက်ဆေးရည် တိုက်မလား

ပျားရည် တိုက်မလား ချောင်းဆိုးပျောက်ဆေးရည် တိုက်မလား
➖➖➖➖➖➖➖➖➖➖➖➖➖➖➖➖

✳️ကလေးများ မကြာခဏ အအေးမိ।နှာစေး। ချောင်းဆိုးဖြစ်ကြသည်။ အသက် ရှူလမ်းကြောင်း အထက်ပိုင်းတွင်ဖြစ်သောသာမန်ဗိုင်းရပ်ပိုးများကြောင့် နှာစေးချောင်းဆိုး ဖြစ်တာပိုများကြသည်။

✳️မိဘများကတော့ အဖျားသက်သာအောင် ပါရာစီတယ်မောလ် တိုက်ပေးကြသလို ချောင်းဆိုးသက်သာရန်လည်း ချောင်းဆိုးပျောက် ဆေးရည်များ ဝယ်တိုက်ချင်ကြသည်။ယေဘုယျအားဖြင့် ချောင်းဆိုးပျောက်ဆေးများ တိုက်စရာမလိုပါ။ ချောင်းဆိုးစေသော အကြောင်းရင်းပျောက်သွားသည် နှင့် ချောင်းလည်း တဖြည်းဖြည်းပျောက်သွားပါလိမ့်မည်။ ချောင်းဘာကြောင့်ဆိုးလဲဆိုတာကိုသာ ဆရာဝန်နှင့် စမ်းသပ်ဆွေးနွေးပါ။သို့သော်ချောင်းဆိုးခြင်းက ညဘက်အိပ်လို့မရလောက်အောင် ဒုက္ခပေးနေပါက ချောင်းဆိုးသက်သာဆေးများ သုံးနိုင်ပါသည်။ သို့သော် ၆-နှစ်အောက်ကလေးကတော့ မသောက်သင့်ပါ။ အသက် ရှူလမ်းကြောင်း အထက်ပိုင်းတွင်ဖြစ်သောသာမန်ဗိုင်းရပ်ပိုးများကြောင့် ဖြစ်သော ချောင်းဆိုးခြင်းများကိုသာ တိုက်ရန်ရည်ရွယ်ပါသည်။

✳️ချောင်းဆိုးပျောက်ဆေးရည်ဟု စာရေးသူမသုံးချင်ပါ။ သောက်ပြီးလျှင် ချောင်းမပျောက်ပါ။ သို့သော် သက်သာနိုင်ပါသည်။ ဆေးသုတေသနတွေ့ရှိချက်အရ ချောင်းဆိုးသက်သာဆေးရည်များနှင့်တန်းတူ အာနိသင်ရှိသော ချောင်းဆိုးသက်သာဆေးရည်တခုမှာ ပျားရည်ဖြစ်သည်။

✳️ချောင်းဆိုးသက်သာဆေးရည်များက တိုက်တာ ပမာဏများသွားလျှင် ကလေးအတွက် အန္တာရယ်ရှိနိုင်သည်။ ၆-နှစ်အောက် ကလေးများကို မတိုက်သင့်။ ပျားရည်ကျတော့ ပမာဏများမိသွားသော် ပူစရာမလို။ ပြီးတော့ ၁-နှစ်အထက်မှ စ၍ တိုက်နိုင်သည်။ ၁-နှစ် အောက် ကလေးများကိုတော့ ပျားရည်မတိုက်ပါနှင့်။ Botulism ဆိုသော ပိုးတမျိုးမှထုတ်သည့် အဆိပ်ကြောင့် အာရုံကြောထိခိုက်သွားနိုင်၍ ဖြစ်သည်။ ရှားတော့ရှားပါသည်။ ရှားသော်လည်း ၁-နှစ်အောက်ကို မတိုက်ပါနှင့်။ ပျားရည်၏ နောက်တခု ဆိုးကြိုးကတော့ ရေရှည်တိုက်လျှင် ကလေးသွားကျန်းမာရေးထိခိုက်ကောင်းထိခိုက်နိုင်သည်။ ထို့ကြောင့် ရေရှည်တော့ မတိုက်ပါနှင့်။ ချောင်းဆိုးပျောက်လျှင် ရပ်နိုင်ပါသည်။

✳️တခါတိုက်လျှင် လက္ဘက်ရည်ဇွန်း တဝက် မှ ၂-ဇွန်းအထိတိုက်နိုင်သည်။ ရိုးရိုးသောက်လည်းရသည်။ ရေနွေးလေးဖြင့် သောက်လျှင် လည်းရသည်။ ဟိုမရော ဒီမရောထားသော ပျားရည်စစ်စစ်တော့ ဖြစ်ပါစေ။

✳️အချုပ်ပြောချင်တာက ကလေးများ ချောင်းဆိုးလျှင် ချောင်းဆိုးပျောက်ဆေးရည်များ တိုက်စရာမလိုပါ။ ချောင်းဆိုးခြင်းသည် ကလေး၏ အသက်ရှူလမ်းကြောင်းမှ ချွဲများကို ထုတ်ပေးဖို့ ကူညီနေခြင်းဖြစ်သည်။ ကူညီနေခြင်းကို သွားပြီး မပိတ်ပင်ပါနှင့်။ သို့သော် ချောင်းဆိုးခြင်းက ညဘက်အိပ်လို့မရအောင် အပြင်းအထန် ဆိုးနေပြီ ဆိုရင်တော့ ၆-နှစ်အထက်ကလေးများကို ချောင်းဆိုးသက်သာဆေးရည်များ ပေးဖို့စဉ်းစားနိုင်ပါသည်။ ပျားရည်စစ်စစ်သည် ချောင်းဆိုသက်သာဆေးရည်နှင့် တန်းတူအာနိသင်ရှိကြောင်း ဆေးသုတေသနက တွေ့ရှိထား၍ ကလေး ၁-နှစ်အထက်မှ စ၍ တိုက်ပေးနိုင်သည်။ ( မှတ်ချက်။ ပျားရည် နှင့် Pollen လုံးဝမတူပါ)

မေတ္တာဖြင့်
စိုးမိုးကျော် ( Child Health Myanmar Page )
Ref: HANDI, RACGP
Photos: Google