သံချေးတက်ခြင်းမှ ကာကွယ်ဖို့ ဘာတွေ လုပ်ဆောင်ပေးသင့်သလဲ

မော်တော်ယာဉ်တစ်စီးမှာ ကြုံတွေ့ရလေ့ရှိတဲ့ ပြဿနာတွေထဲမှာ သံချေးတက်ခြင်းဟာလည်း တစ်ခုအပါအဝင်ပါပဲ။

သံချေးတက်တာဟာ ကားကိုအကြည့်ရဆိုးစေတဲ့အပြင် ဘော်ဒီပဲ့ထွက်တာတွေတောင် ဖြစ်လာနိုင်စေပါတယ်။

ဒါကြောင့် မိမိရဲ့ကားလေး သံချေးမတက်အောင် ဘာတွေ လုပ်သင့်တယ် မလုပ်သင့်ဘူးဆိုတာ ဖော်ပြပေးလိုက်ပါတယ်နော်။

ကားကို ပုံမှန်ရေဆေးပါ

ကားကိုလုံးဝညစ်ပတ်ပြီး ကြည့်ရဆိုးလာတဲ့အချိန်ရောက်မှ ရေဆေးတာမျိုးမလုပ်ဘဲ ပုံမှန်တစ်ပတ် တစ်ကြိမ်လောက်ပဲဖြစ်ဖြစ် ရေဆေးပေးသင့်ပါတယ်။

ဒီလိုကားကို ပုံမှန်ရေဆေးပေးမှ ကားပေါ်မှာကပ်နေတဲ့ သံချေးတက်စေမယ့်အရာတွေကို သံချေးမတက်နိုင်ခင် ကြိုတင်ဖယ်ရှားပြီးသား ဖြစ်သွားကြမှာပါ။

ရေဝပ်သောနေရာတွင် ကားမရပ်ပါနဲ့

ရေထိပါများရင်သံချေးတက်လွယ်လာပါတယ်။ ဒါ့ကြောင့်ကားကိုရပ်မယ်ဆိုရင် ရေမဝပ်တဲ့နေရာမျိုးတွေမှာသာရွေးပြီးရပ်ပါ။ ကုန်းမြင့်ပိုင်းတွေမှာ ကားကိုရပ်တာ စိတ်အချရဆုံးပါ။

Wax ကို တစ်နှစ်မှာ နှစ်ကြိမ်ခန့် လုပ်ပါ

ကားကို wax လုပ်တာ ဖရောင်းသွင်းတာဟာ ကားကိုတောက်ပြောင်ပြီး လှပနေစေရုံတင် အကျိုးပြုတာ မဟုတ်ပါဘူး။ ကားဆေးရောင်မှိန်ခြင်းကိုလည်း ကာကွယ်ပေးနိုင်သလို သံချေးတက်ခြင်းမှလည်း ကာကွယ်ပေးနိုင်ပါသေးတယ်။ ဒါ့ကြောင့် တစ်နှစ်ကို အနည်းဆုံး၂ကြိမ်ခန့်တော့ waxing လုပ်ပေး သင့်ပါတယ်။

Rust arrestor အသုံးပြုခြင်း

ကားမှာ သံချေးနဲနဲစတက်လာတာတွေ့ပေမယ့် ဆိုင်သွားပြီးသံချေးချွတ်ဖို့က အဆင်မပြေသေးဘူးဆိုရင် rust arrestor အသုံးပြုပြီးသံချေး မပျံ့နှံ့အောင် လုပ်ထားလို့ရပါတယ်။ ကားပစ္စည်း အရောင်းဆိုင်တွေမှာ အလွယ်တကူ ရရှိနိုင်သလို အသုံးပြုရလည်း အင်မတန်လွယ်ကူပါတယ်။ rust arrestor ကို စုတ်တံလေးအသုံးပြုပြီး သံချေးတက်နေတဲ့နေရာ တစ်ဝိုက်ကို သုတ်ပေးပါ။ သေချာခြောက် သွားပြီဆိုတော့မှ ထုတ်စီးပါ။ နေရောင်ထဲမှာ ထုတ်ထားရင် မြန်မြန်ခြောက်ပါတယ်။

သံချေး မပျံ့ခင်ပဲ ကြိုတင် ရှင်းလင်းလိုက်ပါ

သံချေးတစ်နေရာလေးမှာစတက်လာပြီဆိုရင် ထိုနေရာတစ်ဝိုက်မှာ သံချေးတွေ ပျံ့နှံ့လာတတ်ပါတယ်။ ဒီလိုမပျံ့နှံ့သွားခင် ကြိုတင်တွေ့ရှိထားရင် ငွေအကုန်အကျနည်းနည်းနဲ့ သံချေးပြသနာကို ဖြေရှင်းနိုင်ပါတယ်။

သံချေးကွက် သေးသေးလေးပါဆိုပြီးအထင်တော့မသေးလိုက်နဲ့

အချိန်တိုအတွင်း မှာ ဘေးပါတ်ပါတ်လည်ကပါ သံအကောင်းတွေကို သံချေးတွေ ပျံ့နှံ့လာနိုင်တဲ့အတွက်သင့် ကားဘော်ဒီမှာသံချေး ရှိ မရှိ မကြာခဏစစ်ဆေးသင့်ပါတယ်။ ကားဘော်ဒီအပြင်ဘက်က သံချေးတွေကပဲ အရေးကြီးတာမဟုတ်ပါဘူး။ ကားဘော်ဒီ အောက်ပိုင်းမှာ သံချေးတွေတက်လာရင်လည်း ပြသနာကြီးတစ်ခုဖြစ်လို့ ကားတစ်ကားလုံးကိုစစ်ဆေးပါ။

Credit, automobiledirectory