(Unicode)
ညစာစားရင် မိသားစုတွေ အတူတကွလက်ဆုံစားပါ
================================
ဒီခေတ်မှာ အရွယ်ရောက်ပြီးသူတိုင်း အလုပ်ကိုယ်စီနဲ့မို့ နေ့လည်စာစားတဲ့အခါ အလုပ်ခွင်မှာပဲ စားကြရတာပါ။ ဒါပေမဲ့ ညဘက်အိမ်ပြန်ရောက်လို့ ညစာစားတဲ့အခါမှာတော့ မိသားစုဝင်တွေအားလုံး အတူလက်ဆုံစားဖြစ်အောင်စားပေးပါ။
တစ်အိမ်ထဲမှာ နေထိုင်တဲ့ မိသားစု အတူတကွ ညစာသုံးဆောင်ခြင်း အလေ့အထက ကိုယ်စားလိုက်တဲ့ အစားအစာများရဲ့ အာဟာရဓာတ်တန်ဖိုးထက် ပို၍အကျိုးကျေးဇူးရှိပါတယ်တဲ့။
ကလေးတွေမှာ
မိသားစုနဲ့အတူ ညစာစားလေ့ရှိတဲ့ ကလေးများဟာ ကျောင်းမှာပို၍ စာလိုက်နိုင်ပြီး၊ ဆေးလိပ်သောက်ခြင်း၊ အရက်သောက်ခြင်း၊ မူး ယစ်ဆေးဝါးသုံးစွဲခြင်း၊ အခြားသူများနှင့် ရန်ဖြစ်ခြင်းစတဲ့ အပြုအမူများ ပို၍နည်းပါးတာကို တွေ့ရပါတယ်။
သူတို့ဘာသာသူတို့ ညစာစားရတဲ့ ကလေးများမှာတော့ ဖော်ပြခဲ့တဲ့ အပြုအမူများ ပိုပြီးတွေ့ရပါတယ်။
ညစာစားဖြစ်အောင် ဒီလိုစီမံပါ
မိသားစုဝင်တွေနေ့တိုင်းညစာကိုအတူမစားနိုင်ရင်တောင်မှ တစ်ပတ်လျှင် (၅) ညစားပါ။ အဲဒီနေ့တွေမှာ မိသားစုဝင်တွေကို ထမင်းစားခန်းထဲမှာ ညနေ (၆) နာရီ (သို့) (၇) နာရီတိတိမှာ စုဝေးဖို့မှာထားပါ။
ညစာအတူတူမစားဖြစ်လျှင်
မိသားစုဝင်တွေအားလုံး ညနေပိုင်းမှာ အတူဆုံဖို့မလွယ်ဘူးဆိုရင် နံနက်စာကို မိသားစုဝင်တွေအတူစားပါ။ (သို့မဟုတ်) ရုံးပိတ်ရက်တွေမှာ စားဖြစ်အောင်စားပါ။
အဓိကကျတဲ့အချက်ကတော့ ပုံမှန်အတူတကွစားသောက်လေ့ရှိတဲ့ အကျင့်ပြုလုပ်ရန် နဲ့ ထိုအကျင့် စွဲမြဲသွားရန် လုပ်ဖို့ဖြစ်ပါတယ်။
ရင်ဖွင့်ကြပါ
ညနေစာကို အတူတူမျှဝေပြီး စားကြသလို မိသားစုဝင်တွေ အနေနဲ့ တစ်နေ့တာ ဘဝ လှုပ်ရှားမှုများနဲ့ ပတ်သက်ပြီး အတွေ့အကြုံများ၊ သတင်းအချက်အလက်များကို မျှဝေပြောဆိုကြပါ။
ညစာစားနေတဲ့အချိန်မှာ ဘာတွေကို စားနေတယ်ဆိုတာကအကြောင်း မဟုတ်ပါဘူးတဲ့။ ဖြည်းဖြည်းနဲ့ အချိန်ယူပြီး စားခြင်းဖြင့် မိသားစု နဲ့အတူတူ တွေ့ဆုံရတဲ့အချိန်ကို များများရအောင်လုပ်ပေးခြင်းကအဓိကကျတယ်လို့ ဆိုပါတယ်။
(Zawgyi)
ညစာစားရင္ မိသားစုေတြ အတူတကြလက္ဆုံစားပါ
================================
ဒီေခတ္မွာ အ႐ြယ္ေရာက္ၿပီးသူတိုင္း အလုပ္ကိုယ္စီနဲ႔မို႔ ေန႔လည္စာစားတဲ့အခါ အလုပ္ခြင္မွာပဲ စားၾကရတာပါ။ ဒါေပမဲ့ ညဘက္အိမ္ျပန္ေရာက္လို႔ ညစာစားတဲ့အခါမွာေတာ့ မိသားစုဝင္ေတြအားလုံး အတူလက္ဆုံစားျဖစ္ေအာင္စားေပးပါ။
တစ္အိမ္ထဲမွာ ေနထိုင္တဲ့ မိသားစု အတူတကြ ညစာသုံးေဆာင္ျခင္း အေလ့အထက ကိုယ္စားလိုက္တဲ့ အစားအစာမ်ားရဲ႕ အာဟာရဓာတ္တန္ဖိုးထက္ ပို၍အက်ိဳးေက်းဇူးရွိပါတယ္တဲ့။
ကေလးေတြမွာ
မိသားစုနဲ႔အတူ ညစာစားေလ့ရွိတဲ့ ကေလးမ်ားဟာ ေက်ာင္းမွာပို၍ စာလိုက္ႏိုင္ၿပီး၊ ေဆးလိပ္ေသာက္ျခင္း၊ အရက္ေသာက္ျခင္း၊ မူး ယစ္ေဆးဝါးသုံးစြဲျခင္း၊ အျခားသူမ်ားႏွင့္ ရန္ျဖစ္ျခင္းစတဲ့ အျပဳအမူမ်ား ပို၍နည္းပါးတာကို ေတြ႕ရပါတယ္။
သူတို႔ဘာသာသူတို႔ ညစာစားရတဲ့ ကေလးမ်ားမွာေတာ့ ေဖာ္ျပခဲ့တဲ့ အျပဳအမူမ်ား ပိုၿပီးေတြ႕ရပါတယ္။
ညစာစားျဖစ္ေအာင္ ဒီလိုစီမံပါ
မိသားစုဝင္ေတြေန႔တိုင္းညစာကိုအတူမစားႏိုင္ရင္ေတာင္မွ တစ္ပတ္လွ်င္ (၅) ညစားပါ။ အဲဒီေန႔ေတြမွာ မိသားစုဝင္ေတြကို ထမင္းစားခန္းထဲမွာ ညေန (၆) နာရီ (သို႔) (၇) နာရီတိတိမွာ စုေဝးဖို႔မွာထားပါ။
ညစာအတူတူမစားျဖစ္လွ်င္
မိသားစုဝင္ေတြအားလုံး ညေနပိုင္းမွာ အတူဆုံဖို႔မလြယ္ဘူးဆိုရင္ နံနက္စာကို မိသားစုဝင္ေတြအတူစားပါ။ (သို႔မဟုတ္) ႐ုံးပိတ္ရက္ေတြမွာ စားျဖစ္ေအာင္စားပါ။
အဓိကက်တဲ့အခ်က္ကေတာ့ ပုံမွန္အတူတကြစားေသာက္ေလ့ရွိတဲ့ အက်င့္ျပဳလုပ္ရန္ နဲ႔ ထိုအက်င့္ စြဲၿမဲသြားရန္ လုပ္ဖို႔ျဖစ္ပါတယ္။
ရင္ဖြင့္ၾကပါ
ညေနစာကို အတူတူမွ်ေဝၿပီး စားၾကသလို မိသားစုဝင္ေတြ အေနနဲ႔ တစ္ေန႔တာ ဘဝ လႈပ္ရွားမႈမ်ားနဲ႔ ပတ္သက္ၿပီး အေတြ႕အႀကဳံမ်ား၊ သတင္းအခ်က္အလက္မ်ားကို မွ်ေဝေျပာဆိုၾကပါ။
ညစာစားေနတဲ့အခ်ိန္မွာ ဘာေတြကို စားေနတယ္ဆိုတာကအေၾကာင္း မဟုတ္ပါဘူးတဲ့။ ျဖည္းျဖည္းနဲ႔ အခ်ိန္ယူၿပီး စားျခင္းျဖင့္ မိသားစု နဲ႔အတူတူ ေတြ႕ဆုံရတဲ့အခ်ိန္ကို မ်ားမ်ားရေအာင္လုပ္ေပးျခင္းကအဓိကက်တယ္လို႔ ဆိုပါတယ္။
Crd, Health Digest