(Unicode)

သင်ထင်မထားတဲ့ ငှက်ပျောရွက်ရဲ့ အကျိုးအာနိသင်

ငှက်ပျောရွက်က စားစရာတစ်ခုမဟုတ်သလို ဆေးဖက်ဝင်မယ်လို့လည်း ဘယ်သူမှထင်ထားလောက်မှာမဟုတ်ပါဘူး။ ထုပ်ပိုးမှုအတွက် သုံးတာကလွဲလို့ ငှက်ပျောရွက်ကို စားဖို့ ဒါမှမဟုတ် ဆေးဖက်ဝင်တဲ့အရာတစ်ခုအနေနဲ့ အသုံးပြုလို့ရမယ်ရယ်လို့ ထင်မထားဘူးဟုတ်။

ချောင်းဆိုးရင်ကြပ်-

ငှက်ပျောရွက်ကို လွန်ခဲ့တဲ့နှစ်ပေါင်းများစွာကတည်းက ရင်ကြပ်ချောင်းဆိုးသက်သာစေဖို့အတွက် အသုံးပြုခဲ့ကြတာပါ။ လေ့လာမှုတွေအရ ငှက်ပျောရွက်ဟာ ကိုယ်ခံအားကိုတိုးစေနိုင်သလို၊ ချေင်းဆိုးသက်သာစေပြီး နာကျင်ရောင်ရမ်းမှုကို လျော့ပါးစေနိုင်ပါတယ်။ အသက်ရှုလမ်းကြောင်း အထက်ပိုင်းမှာရောဂါပိုးတွေ ဝင်ရောက်ကူးစက်တာကိုလည်း အထိရောက်ဆုံး သက်သာစေနိုင်ပါတယ်။

အအေးမိဖျားနာတာကိုဖြစ်စေနိုင်တဲ့ ဘက်တီးရီးယားတွေ ဗိုင်းရပ်စ်တွေကို တိုက်ဖျက်နိုင်တဲ့ အာနိသင်ရှိပါတယ်။ ချွဲတွေကိုပျော်စေနိုင်ပြီး လည်ချောင်း ယားယံခြင်းကို သက်သာစေနိုင်ပါတယ်။ ငှက်ပျောရွက်ကို အရည်ညှစ်ပြီး ရေနဲ့ရောလို့ ၁၀ မိနစ်လောက်ကျိုပေးပါ။ ပြီးရင်ပျားရည်လေးနဲ့ရောပြီး သောက်ပေးလို့ရပါတယ်။

လေပြွန်ရောင်ရမ်းနာ-

သင်မှာ နာတာရှည်ချောင်းဆိုးကြောင့် လေပြွန်ရောင်ရမ်းနာများရှိမယ်ဆိုရင် သဘာဝဆေးအနေနဲ့ ငှက်ပျောရွက်ကို အသုံးပြုပေးလို့ရပါတယ်။ ကူးစက်ရောဂါပိုးတွေကြောင့်ဖြစ်တဲ့ လေပြွန်ရောင်ရမ်းခြင်းကိုသာမကဘဲ ချွဲကျပ်ပြီး ဆိုးတဲ့ချောင်းကိုပါ သက်သာစေနိုင်ပါတယ်။ polysaccharides ဒြပ်ပေါင်းပါဝင်နေတာကြောင့် ချွဲဖြစ်ပြီး ချောင်းဆိုးတာကို သက်သာစေနိုင်ပါတယ်။ ချောင်းခြောက်ဆိုးတာကို သက်သာစေနိုင်ပါတယ်။

ငှက်ပျောရွက်ကို ရေစင်အောင်ဆေးပြီး ရေနွေးထဲမှာ ၁၀ မိနစ်ကနေ ၁၅ မိနစ်လောက်စိမ်လို့ ပေါင်းခံရည်ယူပါ။ ပြီးရင်စိမ်ထားတဲ့အရည်ကိုသောက်ပေးပါ။ တစ်နေ့ကို ၃ ခွက်လောက်အထိသောက်ပေးလို့ရပါတယ်။

အရေပြား ယားယံတာကို သက်သာစေနိုင်တယ်-

အရေပြားမှာ ရောင်ရမ်းတာ၊ ယားယံတာ နဲ့ နာကျင်တာတွေသက်သာစေဖို့အတွက်လည်း ငှက်ပျောရွက်ကို အသုံးပြုပေးလို့ ရပါတယ်။ ငှက်ပျောရွက်မှာ အရေပြားကို ယားယံမှုသက်သာစေပြီး အသားအရေချောမွေ့လို့ ကျန်းမာတဲ့ အရေပြားတစ်ရှုးတွေကို ဖြစ်ပေါ်စေနိုင်တဲ့ allantoin ဒြပ်ပေါင်းကြွယ်ဝစွာပါဝင်နေပါတယ်။ နေလောင်ဒဏ်ကနေ ကာကွယ်ပေးနိုင်သလို ဝက်ခြံတွေကို သက်သာစေနိုင်ပါတယ်။ အသားအရေကို ကြည်လင်စေနိုင်ပါတယ်။ငှက်ပျောရွက်ကိုစင်အောင်ဆေး အရည်ညှစ်ပြီး အရေပြားမှာ စွတ်ပေးရုံပါ။

အနာတွေကို သက်သာစေနိုင်ပါတယ်-

ထိခိုက်ဒဏ်ရာတွေအတွက်လည်း ငှက်ပျောရွက်ကို အသုံးပြုပေးလို့ရပါတယ်။ အနာကျက်စေနိုင်တဲ့ အာနိသင်ရှိနေပါတယ်။ allantoin ပါဝင်တဲ့အတွက် အနာကျက်စေနိုင်ပြီး အသေးစားပြတ်ရှဒဏ်ရာ၊ အနာ၊ ပျားတုပ်တာ၊ ပိုးကောင်ကိုက်တာတွေကို သက်သာစေနိုင်ပါတယ်။ငှက်ပျောရွက်ကြိတ်ရည်ကို ပျားရည်နဲ့ရောစပ်ပြီး အနာကိုလူးပေးလို့ရပါတယ်။ ငှက်ပျောရွက်ကို ရေစင်အောင်ဆေးပေးပြီး အနာပေါ်မှာ ကပ်ပေးလို့လည်းရပါတယ်။

ခံတွင်းအနာကို သက်သာစေနိုင်တယ်-

ခံတွင်းထဲကအနာတွေ သက်သာစေဖို့အတွက်လည်း ငှက်ပျောရွက်ကို အသုံးပြုပေးလို့ရပါတယ်။ နာကျင်ရောင်ရမ်းမှုကို သက်သာစေနိုင်တဲ့ ငှက်ပျောရွက်က ခံတွင်းအနာတွေကို သိသိသာသာသက်သာစေနိုင်ပါတယ်။ ငှက်ပျောရွက်ကို အခြောက်ခံလို့ အမှုန့်ကြိတ်ပြီး ပျားရည်လေးနဲ့ရောလို့ အစားမစားခင်စားပေးပါ။

ဝမ်းချုပ်သက်သာစေနိုင်ပါတယ်-

နာတာရှည်ဝမ်းချုပ်တာကိုသက်သာစေနိုင်တဲ့ အာနိသင်ရှိပါတယ်။ ဝမ်းပျော့ပျော့သွားစေနိုင်ပါတယ်။ ငှက်ပျောရွက်တင် မဟုတ်ပါဘူး။ ဝမ်းမှန်စေဖို့အတွက်လည်း စားသုံးပေးလို့ရပါတယ်။ ငှက်ပျောရွက်ကို ပြုတ်ပြီး ပြုတ်ရည်ကိုသောက်ပေးပါ။ ငှက်ပျောရွက်၊ ရှောက်ရွက်ကိုအခြောက်ခံလို့ အမှုန့်ကြိတ်ပြီး ဆတူရောပါ၊ ရေဆူဆူထဲကို အမှုန့်တွေကိုထည့်ပြီး ၅ မိနစ်က နေ ၁၀ မိနစ်လောက်အထိထားပေးပါ။ ဒီအရည်ကိုသောက်သုံးတာက အစာအိမ်နာတာကိုပါသက်သာစေနိုင်ပါတယ်။ အစာခြေစနစ်ကိုလည်း ကျန်းမာစေနိုင်ပါတယ်။

သွေးတွင်းကိုလက်စထရောကို ကျစေနိုင်ပါတယ်-

ငှက်ပျောရွက်က သွေးတွင်းကိုလက်စထရောကို ကျဆင်းစေနိုင်ပါတယ်။ လေ့လာမှုတစ်ရပ်အရ ငှက်ပျောရွက်ပြုတ်ရည်ကို တစ်နေ့နှစ်ကြိမ် ပုံမှန်သောက်သုံးပေးသူတွေက သွေးတွင်းကိုလက်စထရောကျဆင်းတာကို တွေ့ရှိခဲ့ရပါတယ်။ သွေးတွင်းကိုလက်စထရောများသူတွေအတွက် စားသုံးပေးသင့်တဲ့ သဘာဝဆေးဖက်ဝင်အပင်တစ်မျိုးပေါ့။

ဆီးချိုသက်သာစေနိုင်တယ်-

သွေးတွင်းသကြားဓာတ်ကို ထိန်းညှိပေးနိုင်ပါတယ်။ ရေမှာပျော်ဝင်လွယ်တဲ့ အမျှင်ဓာတ်က သွေးတွင်းသကြားဓာတ်ကို ကျဆင်းစေနိုင်သလို ကာဗိုဟိုက်ဒရိတ်စုပ်ယူမှုကိုလျော့ကျစေနိုင်ပါတယ်။ အမျိုးအစား -၂ ဆီးချိုရောဂါရှိသူတွေအနေနဲ့ ငှက်ပျောရွက်ပြုတ်ရည်ကို တစ်နေ့နှစ်ကြိမ်သောက်သုံးပေးတာက သွေးတွင်းသကြားဓာတ်ကိုကျဆင်းစေနိုင်တယ်လို့ လေ့လာမှုအရ သိရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

ရေးသားသူ Aye Thi Mon

Credit-Helloဆရာဝန်

(Zawgyi)

သင္ထင္မထားတဲ့ ငွက္ေပ်ာ႐ြက္ရဲ႕ အက်ိဳးအာနိသင္

ငွက္ေပ်ာ႐ြက္က စားစရာတစ္ခုမဟုတ္သလို ေဆးဖက္ဝင္မယ္လို႔လည္း ဘယ္သူမွထင္ထားေလာက္မွာမဟုတ္ပါဘူး။ ထုပ္ပိုးမႈအတြက္ သုံးတာကလြဲလို႔ ငွက္ေပ်ာ႐ြက္ကို စားဖို႔ ဒါမွမဟုတ္ ေဆးဖက္ဝင္တဲ့အရာတစ္ခုအေနနဲ႔ အသုံးျပဳလို႔ရမယ္ရယ္လို႔ ထင္မထားဘူးဟုတ္။

ေခ်ာင္းဆိုးရင္ၾကပ္-

ငွက္ေပ်ာ႐ြက္ကို လြန္ခဲ့တဲ့ႏွစ္ေပါင္းမ်ားစြာကတည္းက ရင္ၾကပ္ေခ်ာင္းဆိုးသက္သာေစဖို႔အတြက္ အသုံးျပဳခဲ့ၾကတာပါ။ ေလ့လာမႈေတြအရ ငွက္ေပ်ာ႐ြက္ဟာ ကိုယ္ခံအားကိုတိုးေစႏိုင္သလို၊ ေခ်င္းဆိုးသက္သာေစၿပီး နာက်င္ေရာင္ရမ္းမႈကို ေလ်ာ့ပါးေစႏိုင္ပါတယ္။ အသက္ရႈလမ္းေၾကာင္း အထက္ပိုင္းမွာေရာဂါပိုးေတြ ဝင္ေရာက္ကူးစက္တာကိုလည္း အထိေရာက္ဆုံး သက္သာေစႏိုင္ပါတယ္။

အေအးမိဖ်ားနာတာကိုျဖစ္ေစႏိုင္တဲ့ ဘက္တီးရီးယားေတြ ဗိုင္းရပ္စ္ေတြကို တိုက္ဖ်က္ႏိုင္တဲ့ အာနိသင္ရွိပါတယ္။ ခြၽဲေတြကိုေပ်ာ္ေစႏိုင္ၿပီး လည္ေခ်ာင္း ယားယံျခင္းကို သက္သာေစႏိုင္ပါတယ္။ ငွက္ေပ်ာ႐ြက္ကို အရည္ညႇစ္ၿပီး ေရနဲ႔ေရာလို႔ ၁၀ မိနစ္ေလာက္က်ိဳေပးပါ။ ၿပီးရင္ပ်ားရည္ေလးနဲ႔ေရာၿပီး ေသာက္ေပးလို႔ရပါတယ္။

ေလႁပြန္ေရာင္ရမ္းနာ-

သင္မွာ နာတာရွည္ေခ်ာင္းဆိုးေၾကာင့္ ေလႁပြန္ေရာင္ရမ္းနာမ်ားရွိမယ္ဆိုရင္ သဘာဝေဆးအေနနဲ႔ ငွက္ေပ်ာ႐ြက္ကို အသုံးျပဳေပးလို႔ရပါတယ္။ ကူးစက္ေရာဂါပိုးေတြေၾကာင့္ျဖစ္တဲ့ ေလႁပြန္ေရာင္ရမ္းျခင္းကိုသာမကဘဲ ခြၽဲက်ပ္ၿပီး ဆိုးတဲ့ေခ်ာင္းကိုပါ သက္သာေစႏိုင္ပါတယ္။ polysaccharides ျဒပ္ေပါင္းပါဝင္ေနတာေၾကာင့္ ခြၽဲျဖစ္ၿပီး ေခ်ာင္းဆိုးတာကို သက္သာေစႏိုင္ပါတယ္။ ေခ်ာင္းေျခာက္ဆိုးတာကို သက္သာေစႏိုင္ပါတယ္။

ငွက္ေပ်ာ႐ြက္ကို ေရစင္ေအာင္ေဆးၿပီး ေရေႏြးထဲမွာ ၁၀ မိနစ္ကေန ၁၅ မိနစ္ေလာက္စိမ္လို႔ ေပါင္းခံရည္ယူပါ။ ၿပီးရင္စိမ္ထားတဲ့အရည္ကိုေသာက္ေပးပါ။ တစ္ေန႔ကို ၃ ခြက္ေလာက္အထိေသာက္ေပးလို႔ရပါတယ္။

အေရျပား ယားယံတာကို သက္သာေစႏိုင္တယ္-

အေရျပားမွာ ေရာင္ရမ္းတာ၊ ယားယံတာ နဲ႔ နာက်င္တာေတြသက္သာေစဖို႔အတြက္လည္း ငွက္ေပ်ာ႐ြက္ကို အသုံးျပဳေပးလို႔ ရပါတယ္။ ငွက္ေပ်ာ႐ြက္မွာ အေရျပားကို ယားယံမႈသက္သာေစၿပီး အသားအေရေခ်ာေမြ႕လို႔ က်န္းမာတဲ့ အေရျပားတစ္ရႈးေတြကို ျဖစ္ေပၚေစႏိုင္တဲ့ allantoin ျဒပ္ေပါင္းႂကြယ္ဝစြာပါဝင္ေနပါတယ္။ ေနေလာင္ဒဏ္ကေန ကာကြယ္ေပးႏိုင္သလို ဝက္ၿခံေတြကို သက္သာေစႏိုင္ပါတယ္။ အသားအေရကို ၾကည္လင္ေစႏိုင္ပါတယ္။ငွက္ေပ်ာ႐ြက္ကိုစင္ေအာင္ေဆး အရည္ညႇစ္ၿပီး အေရျပားမွာ စြတ္ေပး႐ုံပါ။

အနာေတြကို သက္သာေစႏိုင္ပါတယ္-

ထိခိုက္ဒဏ္ရာေတြအတြက္လည္း ငွက္ေပ်ာ႐ြက္ကို အသုံးျပဳေပးလို႔ရပါတယ္။ အနာက်က္ေစႏိုင္တဲ့ အာနိသင္ရွိေနပါတယ္။ allantoin ပါဝင္တဲ့အတြက္ အနာက်က္ေစႏိုင္ၿပီး အေသးစားျပတ္ရွဒဏ္ရာ၊ အနာ၊ ပ်ားတုပ္တာ၊ ပိုးေကာင္ကိုက္တာေတြကို သက္သာေစႏိုင္ပါတယ္။ငွက္ေပ်ာ႐ြက္ႀကိတ္ရည္ကို ပ်ားရည္နဲ႔ေရာစပ္ၿပီး အနာကိုလူးေပးလို႔ရပါတယ္။ ငွက္ေပ်ာ႐ြက္ကို ေရစင္ေအာင္ေဆးေပးၿပီး အနာေပၚမွာ ကပ္ေပးလို႔လည္းရပါတယ္။

ခံတြင္းအနာကို သက္သာေစႏိုင္တယ္-

ခံတြင္းထဲကအနာေတြ သက္သာေစဖို႔အတြက္လည္း ငွက္ေပ်ာ႐ြက္ကို အသုံးျပဳေပးလို႔ရပါတယ္။ နာက်င္ေရာင္ရမ္းမႈကို သက္သာေစႏိုင္တဲ့ ငွက္ေပ်ာ႐ြက္က ခံတြင္းအနာေတြကို သိသိသာသာသက္သာေစႏိုင္ပါတယ္။ ငွက္ေပ်ာ႐ြက္ကို အေျခာက္ခံလို႔ အမႈန႔္ႀကိတ္ၿပီး ပ်ားရည္ေလးနဲ႔ေရာလို႔ အစားမစားခင္စားေပးပါ။

ဝမ္းခ်ဳပ္သက္သာေစႏိုင္ပါတယ္-

နာတာရွည္ဝမ္းခ်ဳပ္တာကိုသက္သာေစႏိုင္တဲ့ အာနိသင္ရွိပါတယ္။ ဝမ္းေပ်ာ့ေပ်ာ့သြားေစႏိုင္ပါတယ္။ ငွက္ေပ်ာ႐ြက္တင္ မဟုတ္ပါဘူး။ ဝမ္းမွန္ေစဖို႔အတြက္လည္း စားသုံးေပးလို႔ရပါတယ္။ ငွက္ေပ်ာ႐ြက္ကို ျပဳတ္ၿပီး ျပဳတ္ရည္ကိုေသာက္ေပးပါ။ ငွက္ေပ်ာ႐ြက္၊ ေရွာက္႐ြက္ကိုအေျခာက္ခံလို႔ အမႈန႔္ႀကိတ္ၿပီး ဆတူေရာပါ၊ ေရဆူဆူထဲကို အမႈန႔္ေတြကိုထည့္ၿပီး ၅ မိနစ္က ေန ၁၀ မိနစ္ေလာက္အထိထားေပးပါ။ ဒီအရည္ကိုေသာက္သုံးတာက အစာအိမ္နာတာကိုပါသက္သာေစႏိုင္ပါတယ္။ အစာေျခစနစ္ကိုလည္း က်န္းမာေစႏိုင္ပါတယ္။

ေသြးတြင္းကိုလက္စထေရာကို က်ေစႏိုင္ပါတယ္-

ငွက္ေပ်ာ႐ြက္က ေသြးတြင္းကိုလက္စထေရာကို က်ဆင္းေစႏိုင္ပါတယ္။ ေလ့လာမႈတစ္ရပ္အရ ငွက္ေပ်ာ႐ြက္ျပဳတ္ရည္ကို တစ္ေန႔ႏွစ္ႀကိမ္ ပုံမွန္ေသာက္သုံးေပးသူေတြက ေသြးတြင္းကိုလက္စထေရာက်ဆင္းတာကို ေတြ႕ရွိခဲ့ရပါတယ္။ ေသြးတြင္းကိုလက္စထေရာမ်ားသူေတြအတြက္ စားသုံးေပးသင့္တဲ့ သဘာဝေဆးဖက္ဝင္အပင္တစ္မ်ိဳးေပါ့။

ဆီးခ်ိဳသက္သာေစႏိုင္တယ္-

ေသြးတြင္းသၾကားဓာတ္ကို ထိန္းညႇိေပးႏိုင္ပါတယ္။ ေရမွာေပ်ာ္ဝင္လြယ္တဲ့ အမွ်င္ဓာတ္က ေသြးတြင္းသၾကားဓာတ္ကို က်ဆင္းေစႏိုင္သလို ကာဗိုဟိုက္ဒရိတ္စုပ္ယူမႈကိုေလ်ာ့က်ေစႏိုင္ပါတယ္။ အမ်ိဳးအစား -၂ ဆီးခ်ိဳေရာဂါရွိသူေတြအေနနဲ႔ ငွက္ေပ်ာ႐ြက္ျပဳတ္ရည္ကို တစ္ေန႔ႏွစ္ႀကိမ္ေသာက္သုံးေပးတာက ေသြးတြင္းသၾကားဓာတ္ကိုက်ဆင္းေစႏိုင္တယ္လို႔ ေလ့လာမႈအရ သိရပါတယ္။

ေဆးပညာပိုင္းဆိုင္ရာတည္းျဖတ္သူ Dr. Thurein Hlaing Win

ေရးသားသူ Aye Thi Mon

Credit-Helloဆရာဝန္