(Zawgyi)
ကားအမည္ေပါက္ ေျပာင္းမည္ဆိုလွ်င္ ေယာင္ခ်ာခ်ာမျဖစ္ေအာင္ ယူေဆာင္သြားရမည့္ အခ်က္အလက္မ်ား
(သိၿပီးေသာသူမ်ားအတြက္ မဟုတ္ပါ။ စမ္းတဝါးဝါးျဖင့္ ဘယ္သြားၿပီး ဘာလုပ္ရမလဲဟု သိခ်င္ေနသူမ်ားအတြက္သာ ျဖစ္သည္။ ခက္ခဲသည့္ကိစၥ မဟုတ္ေသာ္လည္း procedure ကို မသိပါက ႀကိတ္ႀကိတ္တိုးေနေသာ ကညန႐ုံးတြင္ ၂ ခါျပန္ တန္းစီရလွ်င္ပင္ အေတာ္ပင္ပန္းၿပီး စိတ္ပ်က္ရပါသည္။ ကြၽန္ေတာ္လဲ စမ္းတဝါးဝါးျဖင့္ လုပ္ခဲ့ရပါသည္။
ကညနတြင္ ခ႐ိုင္ဦးစီးမႉးႏွင့္ေတြ႕ရန္ အခ်ိန္အေတာ္ၾကာ တန္းစီခဲ့ရၿပီး အလွည့္ေရာက္ခါနီးတြင္ စာေရးက ကြန္ပ်ဴတာခန္းမွာ အရင္သြားစစ္ေဆးပါဟု ဆိုသျဖင့္ ကြန္ပ်ဴတာခန္းသို႔ ေျပးၿပီး ယာဥ္ စစ္ရသည္။ ထို႔ေနာက္ ဦးစီးမႉးႏွင့္ ေတြ႕ရန္ ထပ္မံတန္းစီရာ အလွည့္ေရာက္ခါနီးမွ ထမင္းစားခ်ိန္ နားသျဖင့္ တစ္နာရီ ထပ္မံေစာင့္ရျပန္ပါသည္။ ထိုသို႔ မျဖစ္ရေလေအာင္ ႀကဳံေတြ႕ခဲ့ရသည္မ်ားကို မွ်ေဝေပးျခင္းသာ ျဖစ္ပါသည္။ )
မိမိကား အမည္ေဖာက္လုပ္ရန္အတြက္ အရင္ဆုံး မိမိေနထိုင္ရာ ၿမိဳ႕နယ္ အခြန္႐ုံးသို႔ ေအာက္ပါ စာ႐ြက္စာတမ္းမ်ားႏွင့္အတူ သြားေရာက္ ေလွ်ာက္ထားရပါမည္။
၁။သန္းေခါင္စာရင္း (မူရင္း၊ မိတၱဴ)
၂။မွတ္ပုံတင္ (မူရင္း၊ မိတၱဴ)
၃။အံုနာဘုတ္(မူရင္း၊ မိတၱဴ)
၄။၀ွီးတက္(မူရင္း၊ မိတၱဴ)
၅။အေရာင္းအဝယ္စာခ်ဳပ္ (မူရင္း၊ မိတၱဴ) (အေရာင္းအဝယ္စာခ်ဳပ္သည္ အမည္ေပါက္ႏွင့္ မိမိ တိုက္႐ိုက္ခ်ဳပ္ဆိုထားေသာ စာခ်ဳပ္ျဖစ္ရပါမည္။)
၆။ကားဓာတ္ပုံ ( ေရွ႕ပုံ၊ အေနာက္ပုံ၊ ေဘးတိုက္ပုံ အားလုံးေပါင္း ၃ ပုံ။ ဓာတ္ပုံကို မိမိကိုယ္တိုင္ ဖုန္းျဖင့္႐ိုက္၍ ဓာတ္ပုံဆိုင္မွာ သြားကူးပါ။)
(ကားဓာတ္ပုံမွအပ က်န္စာ႐ြက္စာတမ္းမ်ားအား မိတၱဴ ၂ စုံ ကူးပါ။ အခြန္႐ုံးအတြက္ တစ္စုံ၊ ကညန ႐ုံးအတြက္တစ္စုံ)
အထက္ေဖာ္ျပပါ စာ႐ြက္စာတမ္းမ်ား ျပည့္စုံပါက အခြန္႐ုံးရွိ မိမိရပ္ကြက္ကို ကိုင္ေသာ စာေရး ထံတြင္တင္ရပါမည္။စာေရးမွ မိမိကားအား ရာျဖတ္မွ သတ္မွတ္ေပးထါးေသာ ဇယားတြင္ တန္ ဖိုးကို ၾကည့္၍ ၃ ရာခိုင္ႏႈန္းတြက္ခ်က္ပါသည္။ ထို႔ေနာက္ ဘဏ္သို႔ ေငြသြင္းခ်လန္ ရရွိရန္ ေစာင့္ရပါသည္။ ခ်လန္ရရွိပါက ျမန္မာ့စီးပြားေရး ဘဏ္တြင္ ေငြသြားသြင္းရပါသည္။ (ေတာင္ဥကၠလာအတြက္ သရက္ေတာ မွတ္တိုင္ရွိ ျမန္ မာ့စီးပြားဘဏ္)
(ဘဏ္ေငြသြင္းရာတြင္ ေငြသြင္းခ်လန္စာ႐ြက္၏ ေနာက္ေက်ာတြင္ သြင္းမည့္ေငြတြင္ ၅၀၀၀ တန္ ဘယ္န႐ြက္၊ တစ္ေသာင္းတန္ ဘယ္န႐ြက္ စသျဖင့္ အတိအက်ေရးထားေပးပါ။) ဘဏ္တြင္ ေငြသြင္းၿပီးပါက ေငြသြင္းေျပစာကို မိတၱဴတစ္႐ြက္ကူး၍ အခြန္႐ုံးစာေရးထံသို႔တခါ သြားေရာက္ေပးအပ္ရပါမည္။အခြန္႐ုံးမွ အခြန္စိမ္းစာ႐ြက္ ၂ ႐ြက္ ထုတ္ေပးပါမည္။မူူရင္းဟု ေရးထားေသာစာ႐ြက္မွာ ကညန ႐ုံးသို႔ ေပးရပါမည္။
ပ-မူရင္းဟု ေရးထားေသာစာ႐ြက္ႏွင့္ ဘဏ္ေငြသြင္းခ်လန္မွာ မိမိသိမ္းထားရပါမည္။ တစ္ရက္ ကုန္သြားပါမည္။ (ေစာေစာၿပီးသူမ်ားပင္ ေန႔ခင္း ၁နာရီခန႔္မွ ၿပီးပါသည္။)( အခြန္စိမ္းစာ႐ြက္သည္ ကားျပန္ေရာင္းသည့္အခါ ထည့္မေပးရပါ။ မိမိကိုယ္တိုင္ အခြန္ေဆာင္ထားေသာ စာ႐ြက္ျဖစ္သျဖင့္ မိမိႏွင့္သာ သက္ဆိုင္သည္။)
ေနာက္တစ္ေန႔တြင္ သင္၏ကား ယခင္သက္တမ္းတိုးခဲ့ဖူးေသာ ကညန႐ုံးသို႔ စာရင္း အထြက္ သြားလုပ္ပါ။ (ဥပမာ ယခင္အမည္ေပါက္သူသည္ လႈိင္ၿမိဳ႕နယ္လိပ္စာျဖစ္ပါက အင္းစိန္ ကညန သို႔သြားရပါမည္။ )
ေအာက္ပါစာ႐ြက္စာတမ္းမ်ား လိုအပ္ပါသည္။
သန္းေခါင္စာရင္း (မူရင္း၊ မိတၱဴ)၊ မွတ္ပုံတင္ (မူရင္း၊ မိတၱဴ)၊ အံုနာဘုတ္(မူရင္း၊ မိတၱဴ)၊ ၀ွီးတက္(မူရင္း၊ မိတၱဴ)၊ အေရာင္းအဝယ္စာခ်ဳပ္ (မူရင္း၊ မိတၱဴ)၊ အခြန္႐ုံးကထုတ္ေပးလိုက္ေသာ မူရင္း ဟုေရးထားေသာ အခြန္စိမ္းစာ႐ြက္ (မူရင္း)
မူရင္းမ်ားကို ေတာင္းၾကည့္မွ ထုတ္ျပပါ။
ယာဥ္အား စစ္ေဆးမည္မဟုတ္ပါ။ ကားကို မယူသြားလဲရပါသည္။ အံုနာဘုတ္ႏွင့္ ၀ွီးတက္တြင္ ပိုင္ရွင္ အမည္ႏွင့္ ေနရပ္လိပ္စာေျပာင္းေပး႐ုံသာျဖစ္သည္။ ၀ွီးတက္အသစ္ ထုတ္ေပးပါသည္။
ကညန ႐ုံးတြင္ ကားအမည္ေျပာင္းအတြက္ဟုေျပာကာ ေဖာင္ထုတ္ယူပါ။ ေဖာင္ျဖည့္ၿပီး Computer ဌာနတြင္ စစ္ပါ။ ထို႔ေနာက္ ခ႐ိုင္ဦးစီးမႉးႏွင့္ ဝင္ေတြ႕ပါ။ တန္းစီေစာင့္ရသည္။ လူမ်ားလွ်င္ အေတာ္ၾကာ ၾကာ ေစာင့္ရပါသည္။ ထို႔ေနာက္ ေငြတြက္ေကာင္တာတြင္ သြင္းရမည့္ေငြကို တြက္ပါ။ (ေကာင္တာမ်ားတြင္ ကားနံပါတ္ ေရွ႕အကၡရာမ်ား ေရးထားပါသည္။ မိမိကားနံပါတ္အကၡရာရွိေသာ ေကာင္ တာသို႔ သြားပါ။) ေငြသြင္းေကာင္တာတြင္ ေငြသြင္းပါ။ ေျပစာရမည္။ေငြတြက္ခဲ့ေသာ ေကာင္တာသို႔ ျပန္သြားတင္ပါ။
ေတာ္ၾကာၾကာေစာင့္ၿပီးေနာက္ အံုနာဘုတ္ (အတြင္းစာမ်က္ႏွာတြင္ သင္၏ အမည္ပါၿပီး)၊ ၀ွီးတက္အသစ္(သင္၏ အမည္ျဖင့္)၊ အထြက္စာ ၂ ေစာင္တို႔ကို ထုတ္ေပးပါသည္။ ဝင္စာထြက္စာ ေကာင္တာသို႔သြားပါ။ မွတ္တမ္း စာအုပ္တြင္ စာရင္းသြင္းၿပီး အထြက္စာ တစ္ေစာင္ကို သိမ္းယူခဲ့ကာ က်န္တစ္ေစာင္ကို စာအိတ္ျဖင့္ တုံးထုပိတ္ၿပီး ျပန္ေပးပါသည္။ ေငြတြက္ခဲ့ေသာ ေကာင္တာသို႔ ျပန္သြားပါ။ သူတို႔စီစစ္ စာရင္းသြင္းၿပီးပါက အထြက္ကိစၥ ျပီးပါၿပီ။ အံုနာဘုတ္၊ ၀ွီးတက္အသစ္ႏွင့္ စာအိတ္ထဲထည့္ထားေသာ အထြက္စာ၊ ကညန ေငြသြင္းခ်လန္တို႔ကို ျပန္ေပးပါသည္။
တစ္ေန႔ကုန္သြားပါသည္။ ေနာက္တစ္ေန႔တြင္ သင္ေနထိုင္ရာ လိပ္စာ၏ အပိုင္ ကညန႐ုံးသို႔ အထြက္႐ုံးကေပးလိုက္ေသာ စာ႐ြက္စာတမ္းမ်ားျဖင့္သြားကာ အဝင္စာရင္းသြင္းရပါသည္။ လက္ရွိ လုပ္ထုံးလုပ္နည္းမ်ားႏွင့္ ကိုယ္တိုင္ႀကဳံေတြ႕ သိရွိလာရသည္မ်ားကို မွ်ေဝျခင္းသာ ျဖစ္ပါသည္။ အားလုံး အဆင္ေျပႏိုင္ၾကပါေစ။
Credit-Thein Zaw
(Unicode)
ကားအမည်ပေါက် ပြောင်းမည်ဆိုလျှင် ယောင်ချာချာမဖြစ်အောင် ယူဆောင်သွားရမည့် အချက်အလက်များ
(သိပြီးသောသူများအတွက် မဟုတ်ပါ။ စမ်းတဝါးဝါးဖြင့် ဘယ်သွားပြီး ဘာလုပ်ရမလဲဟု သိချင်နေသူများအတွက်သာ ဖြစ်သည်။ ခက်ခဲသည့်ကိစ္စ မဟုတ်သော်လည်း procedure ကို မသိပါက ကြိတ်ကြိတ်တိုးနေသော ကညနရုံးတွင် ၂ ခါပြန် တန်းစီရလျှင်ပင် အတော်ပင်ပန်းပြီး စိတ်ပျက်ရပါသည်။ ကျွန်တော်လဲ စမ်းတဝါးဝါးဖြင့် လုပ်ခဲ့ရပါသည်။
ကညနတွင် ခရိုင်ဦးစီးမှူးနှင့်တွေ့ရန် အချိန်အတော်ကြာ တန်းစီခဲ့ရပြီး အလှည့်ရောက်ခါနီးတွင် စာရေးက ကွန်ပျူတာခန်းမှာ အရင်သွားစစ်ဆေးပါဟု ဆိုသဖြင့် ကွန်ပျူတာခန်းသို့ ပြေးပြီး ယာဉ် စစ်ရသည်။ ထို့နောက် ဦးစီးမှူးနှင့် တွေ့ရန် ထပ်မံတန်းစီရာ အလှည့်ရောက်ခါနီးမှ ထမင်းစားချိန် နားသဖြင့် တစ်နာရီ ထပ်မံစောင့်ရပြန်ပါသည်။ ထိုသို့ မဖြစ်ရလေအောင် ကြုံတွေ့ခဲ့ရသည်များကို မျှဝေပေးခြင်းသာ ဖြစ်ပါသည်။ )
မိမိကား အမည်ဖောက်လုပ်ရန်အတွက် အရင်ဆုံး မိမိနေထိုင်ရာ မြို့နယ် အခွန်ရုံးသို့ အောက်ပါ စာရွက်စာတမ်းများနှင့်အတူ သွားရောက် လျှောက်ထားရပါမည်။
၁။သန်းခေါင်စာရင်း (မူရင်း၊ မိတ္တူ)
၂။မှတ်ပုံတင် (မူရင်း၊ မိတ္တူ)
၃။အုံနာဘုတ်(မူရင်း၊ မိတ္တူ)
၄။ဝှီးတက်(မူရင်း၊ မိတ္တူ)
၅။အရောင်းအဝယ်စာချုပ် (မူရင်း၊ မိတ္တူ) (အရောင်းအဝယ်စာချုပ်သည် အမည်ပေါက်နှင့် မိမိ တိုက်ရိုက်ချုပ်ဆိုထားသော စာချုပ်ဖြစ်ရပါမည်။)
၆။ကားဓာတ်ပုံ ( ရှေ့ပုံ၊ အနောက်ပုံ၊ ဘေးတိုက်ပုံ အားလုံးပေါင်း ၃ ပုံ။ ဓာတ်ပုံကို မိမိကိုယ်တိုင် ဖုန်းဖြင့်ရိုက်၍ ဓာတ်ပုံဆိုင်မှာ သွားကူးပါ။)
(ကားဓာတ်ပုံမှအပ ကျန်စာရွက်စာတမ်းများအား မိတ္တူ ၂ စုံ ကူးပါ။ အခွန်ရုံးအတွက် တစ်စုံ၊ ကညန ရုံးအတွက်တစ်စုံ)
အထက်ဖော်ပြပါ စာရွက်စာတမ်းများ ပြည့်စုံပါက အခွန်ရုံးရှိ မိမိရပ်ကွက်ကို ကိုင်သော စာရေး ထံတွင်တင်ရပါမည်။စာရေးမှ မိမိကားအား ရာဖြတ်မှ သတ်မှတ်ပေးထါးသော ဇယားတွင် တန် ဖိုးကို ကြည့်၍ ၃ ရာခိုင်နှုန်းတွက်ချက်ပါသည်။ ထို့နောက် ဘဏ်သို့ ငွေသွင်းချလန် ရရှိရန် စောင့်ရပါသည်။ ချလန်ရရှိပါက မြန်မာ့စီးပွားရေး ဘဏ်တွင် ငွေသွားသွင်းရပါသည်။ (တောင်ဥက္ကလာအတွက် သရက်တော မှတ်တိုင်ရှိ မြန် မာ့စီးပွားဘဏ်)
(ဘဏ်ငွေသွင်းရာတွင် ငွေသွင်းချလန်စာရွက်၏ နောက်ကျောတွင် သွင်းမည့်ငွေတွင် ၅၀၀၀ တန် ဘယ်နရွက်၊ တစ်သောင်းတန် ဘယ်နရွက် စသဖြင့် အတိအကျရေးထားပေးပါ။) ဘဏ်တွင် ငွေသွင်းပြီးပါက ငွေသွင်းပြေစာကို မိတ္တူတစ်ရွက်ကူး၍ အခွန်ရုံးစာရေးထံသို့တခါ သွားရောက်ပေးအပ်ရပါမည်။အခွန်ရုံးမှ အခွန်စိမ်းစာရွက် ၂ ရွက် ထုတ်ပေးပါမည်။မူူရင်းဟု ရေးထားသောစာရွက်မှာ ကညန ရုံးသို့ ပေးရပါမည်။
ပ-မူရင်းဟု ရေးထားသောစာရွက်နှင့် ဘဏ်ငွေသွင်းချလန်မှာ မိမိသိမ်းထားရပါမည်။ တစ်ရက် ကုန်သွားပါမည်။ (စောစောပြီးသူများပင် နေ့ခင်း ၁နာရီခန့်မှ ပြီးပါသည်။)( အခွန်စိမ်းစာရွက်သည် ကားပြန်ရောင်းသည့်အခါ ထည့်မပေးရပါ။ မိမိကိုယ်တိုင် အခွန်ဆောင်ထားသော စာရွက်ဖြစ်သဖြင့် မိမိနှင့်သာ သက်ဆိုင်သည်။)
နောက်တစ်နေ့တွင် သင်၏ကား ယခင်သက်တမ်းတိုးခဲ့ဖူးသော ကညနရုံးသို့ စာရင်း အထွက် သွားလုပ်ပါ။ (ဥပမာ ယခင်အမည်ပေါက်သူသည် လှိုင်မြို့နယ်လိပ်စာဖြစ်ပါက အင်းစိန် ကညန သို့သွားရပါမည်။ )
အောက်ပါစာရွက်စာတမ်းများ လိုအပ်ပါသည်။
သန်းခေါင်စာရင်း (မူရင်း၊ မိတ္တူ)၊ မှတ်ပုံတင် (မူရင်း၊ မိတ္တူ)၊ အုံနာဘုတ်(မူရင်း၊ မိတ္တူ)၊ ဝှီးတက်(မူရင်း၊ မိတ္တူ)၊ အရောင်းအဝယ်စာချုပ် (မူရင်း၊ မိတ္တူ)၊ အခွန်ရုံးကထုတ်ပေးလိုက်သော မူရင်း ဟုရေးထားသော အခွန်စိမ်းစာရွက် (မူရင်း)
မူရင်းများကို တောင်းကြည့်မှ ထုတ်ပြပါ။
ယာဉ်အား စစ်ဆေးမည်မဟုတ်ပါ။ ကားကို မယူသွားလဲရပါသည်။ အုံနာဘုတ်နှင့် ဝှီးတက်တွင် ပိုင်ရှင် အမည်နှင့် နေရပ်လိပ်စာပြောင်းပေးရုံသာဖြစ်သည်။ ဝှီးတက်အသစ် ထုတ်ပေးပါသည်။
ကညန ရုံးတွင် ကားအမည်ပြောင်းအတွက်ဟုပြောကာ ဖောင်ထုတ်ယူပါ။ ဖောင်ဖြည့်ပြီး Computer ဌာနတွင် စစ်ပါ။ ထို့နောက် ခရိုင်ဦးစီးမှူးနှင့် ဝင်တွေ့ပါ။ တန်းစီစောင့်ရသည်။ လူများလျှင် အတော်ကြာ ကြာ စောင့်ရပါသည်။ ထို့နောက် ငွေတွက်ကောင်တာတွင် သွင်းရမည့်ငွေကို တွက်ပါ။ (ကောင်တာများတွင် ကားနံပါတ် ရှေ့အက္ခရာများ ရေးထားပါသည်။ မိမိကားနံပါတ်အက္ခရာရှိသော ကောင် တာသို့ သွားပါ။) ငွေသွင်းကောင်တာတွင် ငွေသွင်းပါ။ ပြေစာရမည်။ငွေတွက်ခဲ့သော ကောင်တာသို့ ပြန်သွားတင်ပါ။
တော်ကြာကြာစောင့်ပြီးနောက် အုံနာဘုတ် (အတွင်းစာမျက်နှာတွင် သင်၏ အမည်ပါပြီး)၊ ဝှီးတက်အသစ်(သင်၏ အမည်ဖြင့်)၊ အထွက်စာ ၂ စောင်တို့ကို ထုတ်ပေးပါသည်။ ဝင်စာထွက်စာ ကောင်တာသို့သွားပါ။ မှတ်တမ်း စာအုပ်တွင် စာရင်းသွင်းပြီး အထွက်စာ တစ်စောင်ကို သိမ်းယူခဲ့ကာ ကျန်တစ်စောင်ကို စာအိတ်ဖြင့် တုံးထုပိတ်ပြီး ပြန်ပေးပါသည်။ ငွေတွက်ခဲ့သော ကောင်တာသို့ ပြန်သွားပါ။ သူတို့စီစစ် စာရင်းသွင်းပြီးပါက အထွက်ကိစ္စ ပြီးပါပြီ။ အုံနာဘုတ်၊ ဝှီးတက်အသစ်နှင့် စာအိတ်ထဲထည့်ထားသော အထွက်စာ၊ ကညန ငွေသွင်းချလန်တို့ကို ပြန်ပေးပါသည်။
တစ်နေ့ကုန်သွားပါသည်။ နောက်တစ်နေ့တွင် သင်နေထိုင်ရာ လိပ်စာ၏ အပိုင် ကညနရုံးသို့ အထွက်ရုံးကပေးလိုက်သော စာရွက်စာတမ်းများဖြင့်သွားကာ အဝင်စာရင်းသွင်းရပါသည်။ လက်ရှိ လုပ်ထုံးလုပ်နည်းများနှင့် ကိုယ်တိုင်ကြုံတွေ့ သိရှိလာရသည်များကို မျှဝေခြင်းသာ ဖြစ်ပါသည်။ အားလုံး အဆင်ပြေနိုင်ကြပါစေ။
Credit-Thein Zaw
