(Zawgyi)
အလုပ္ပိတ္ရက္မွာ ဆိုင္သြားမစားပဲ ေၾကးအိုးကို အိမ္မွာ လုပ္စားၾကစို႔
ေၾကးအိုးက ဆိုင္မွာ စားရသလို တူပါ့မလားဆိုတဲ့ စိုးရိမ္မႈပါဘဲ။ စိတ္မပူပါနဲ႔။ ဟင္းရည္က အဓိကက်တာမို႔ အခုေပးထားတဲ့ ခ်က္နည္းအတိုင္းသာ ခ်က္ပါ။ တထပ္တည္း မက်ရင္ေတာင္ စားရတာ စိတ္တိုင္းေတာ့ က်ပါမယ္။ အသားလုံးတဲ့ အခါမွာလည္း တ႐ုပ္မဆလာ ႀကိဳက္ရင္ ထည့္ၿပီး ႏွပ္ထားႏိုင္ပါတယ္။ အသားလုံးကို ငါးဖယ္ထည့္လုံးႏိုင္ရင္ေတာ့ အေကာင္းဆုံးပါဘဲ။ ငါးဖယ္ ဝယ္မရႏိုင္ခဲ့ရင္ေတာ့ ေကာ္မႈန႔္ ႏိုင္ႏိုင္ေလးနဲ႔ လုံးေပးပါ။
ပါဝင္ပစၥည္းမ်ား-
ၾကက္႐ိုး (သို.မဟုတ္)
ဝက္႐ိုး အူစုံ ၊ အသည္းစုံ ေတာက္ေတာက္စင္းထားေသာ အသား
ငုံးဥ
ပဲျပား
မုန္ညင္းစိမ္း
ဆန္ျပား၊ ၾကာဆံ
ဘဲငန္းပ်ံ င႐ုပ္ဆီ
ရွာလကာရည္
င႐ုပ္သီးစိမ္း
ၾကက္သြန္ျဖဴ
ဟင္းရည္
အ႐ိုးကို ေရေဆးၿပီး အိုးႀကီးႀကီးထဲတြင္ ေရ႐ိုး႐ိုးႏွင့္ ထည့္ျပဳတ္ပါ။ ဆား၊ အခ်ိဳမႈန႔္သုံးလိုလွ်င္ အခ်ိဳမႈန႔္ထည့္လို႔ ရတယ္။ဒါေပမဲ့ ၾကက္သားမႈန႔္ မထည့္ပါနဲ႔။ အရသာကို ေျပာင္းသြားႏိုင္လို႔ပါ။ ေနာက္ၿပီး သၾကားကို ခ်ိန္ဆၿပီးထည့္ပါ။ အခ်ိဳေလးေလး ျဖစ္ေအာင္ ခ်ိန္ဆထည့္ပါ။ အ႐ိုးမ်ား ႏူးေနသည္အထိ ျပဳတ္ေပးပါ။
သတိျပဳရန္မွာ- အထက္ပါ အစာပလာမ်ားမွလြဲၿပီး တျခား ေကာင္းႏိုင္မည္ထင္သည့္ အရာမ်ား ေလွ်ာက္မထည့္ပါနဲ႔။အထူးသျဖင့္ ဂ်င္း၊ တ႐ုပ္နံနံ လုံး၀ မထည့္ရ။
အသားႏွင့္ အ႐ြက္မ်ား ျပင္ဆင္ျခင္း
ေတာက္ေတာက္စင္းထားေသာ အသားမ်ားကို ေကာ္မႈန႔္၊ ဆား၊ အခ်ိဳမႈန႔္၊ ၾကက္ဥ အကာ( ႏွေျမာလွ်င္ အႏွစ္ပါထည့္)၊ တ႐ုပ္ၾကက္သြန္မိတ္၊ င႐ုပ္ေကာင္းတို႔ႏွင့္ နယ္ၿပီး ႏွပ္ထားပါ။
မုန္ညင္းစိမ္းကို အ႐ြက္ေခြၽထားပါ။ အသည္းအျမစ္၊ အူစုံ အသည္းစုံကို ေရစင္စင္ေဆး၊ အေနေတာ္လွီးၿပီး ဆား၊ အခ်ိဳမႈန႔္တို႔ႏွင့္ နယ္ထားပါ။ အမ်ိဳးအစား တစ္ခုခ်င္းစီကို ေရလဲၿပီး တခုခ်င္းစီ ျပဳတ္ပါ။ ဗန္းထဲတြင္ အသင့္ျပင္ထားပါ။
( ဟင္းရည္ထဲတြင္ အလြယ္ ထည့္မျပဳတ္ပါႏွင့္)
ငုံးဥကို ျပဳတ္၊ အခြံႏြာ အသင့္ျပင္ထား။ ပဲျပားကို လိုသေလာက္ လႊာထားပါ။ ဆန္ျပားႏွင့္ ၾကာဆံကို ေရစိမ္ၿပီ စစ္ထား၊ ၿပီးရင္ ဗန္းထဲတြင္ ခင္းထားပါ။
ႏွမ္းဆီ င႐ုပ္ေကာင္း ျပင္ဆင္ထားျခင္း – ႏွမ္းဆီကို ပူေအာင္ ဒယ္အိုးမွာ တည္၊ ခြက္ထဲမွာ င႐ုပ္ေကာင္း ေလွာ္ေထာင္းကို ထည့္ထား၊ ေနာက္ ဆီပူေလာင္းထည့္ၿပီး ပြဲျပင္မည့္ နားတြင္ အဆင္သင့္ ျပင္ထားပါ။
ပြဲျပင္နည္း
သီးသန႔္ လက္ကိုင္အိုးထဲတြင္ တပြဲစာ ဟင္းရည္ထည့္၊ ပြက္ေအာင္တည္၊ တည္ေနခ်ိန္တြင္အသားကို လုံးၿပီးထည့္၊ အူစုံ အသည္းစုံထည့္၊ ၾကာဆံ (သို.) ဆန္ျပားကို အလိုရွိသေလာက္ ထည့္ျပဳတ္၊ ပဲျပား၊ ငုံးဥထည့္၊ အ႐ြက္စိမ္း ေနာက္ဆုံးမွ ထည့္၊ ပြက္ပြက္ဆူလာလွ်င္ အသားက်တ္မက်တ္ ခ်ိန္ဆၿပီးမွ ပန္းကန္ထဲကို ေလာင္းထည့္ပါ။ ၿပီးရင္ ႏွမ္းဆီ င႐ုပ္ေကာင္း (သို႔) င႐ုပ္ေကာင္း ေလွာ္ေထာင္းကို လိုသေလာက္ထည့္ၿပီး စားပါ။
ခ်ဥ္ရည္ ျပင္ဆင္နည္း-
င႐ုပ္သီ စိမ္းကို ပါးပါးလွီး
ရွာလကာရည္ ၃ ဇြန္း
သၾကား တဇြန္း
ဆား အနည္းငယ္
ငံျပာရည္ အနည္းငယ္ႏွင့္ ေရအနည္းငယ္ထည့္ ( ေရက်တ္ေအး)
အားလုံးကိုထည့္ေမႊ၊ ၿပီးလွ်င္ အခ်ဥ္နဲ႔ အေပါ့ကို ျမည္း၊ လိုတာ ထပ္ထည့္။ င႐ုပ္ဆီႏွင့္ တြဲၿပီး ေၾကးအိုးကို စားႏိုင္ပါၿပီ။
Credit: Original Uploader
(Unicode)
အလုပ်ပိတ်ရက်မှာ ဆိုင်သွားမစားပဲ ကြေးအိုးကို အိမ်မှာ လုပ်စားကြစို့
ကြေးအိုးက ဆိုင်မှာ စားရသလို တူပါ့မလားဆိုတဲ့ စိုးရိမ်မှုပါဘဲ။ စိတ်မပူပါနဲ့။ ဟင်းရည်က အဓိကကျတာမို့ အခုပေးထားတဲ့ ချက်နည်းအတိုင်းသာ ချက်ပါ။ တထပ်တည်း မကျရင်တောင် စားရတာ စိတ်တိုင်းတော့ ကျပါမယ်။ အသားလုံးတဲ့ အခါမှာလည်း တရုပ်မဆလာ ကြိုက်ရင် ထည့်ပြီး နှပ်ထားနိုင်ပါတယ်။ အသားလုံးကို ငါးဖယ်ထည့်လုံးနိုင်ရင်တော့ အကောင်းဆုံးပါဘဲ။ ငါးဖယ် ဝယ်မရနိုင်ခဲ့ရင်တော့ ကော်မှုန့် နိုင်နိုင်လေးနဲ့ လုံးပေးပါ။
ပါဝင်ပစ္စည်းများ-
ကြက်ရိုး (သို.မဟုတ်)
ဝက်ရိုး အူစုံ ၊ အသည်းစုံ တောက်တောက်စင်းထားသော အသား
ငုံးဥ
ပဲပြား
မုန်ညင်းစိမ်း
ဆန်ပြား၊ ကြာဆံ
ဘဲငန်းပျံ ငရုပ်ဆီ
ရှာလကာရည်
ငရုပ်သီးစိမ်း
ကြက်သွန်ဖြူ
ဟင်းရည်
အရိုးကို ရေဆေးပြီး အိုးကြီးကြီးထဲတွင် ရေရိုးရိုးနှင့် ထည့်ပြုတ်ပါ။ ဆား၊ အချိုမှုန့်သုံးလိုလျှင် အချိုမှုန့်ထည့်လို့ ရတယ်။ဒါပေမဲ့ ကြက်သားမှုန့် မထည့်ပါနဲ့။ အရသာကို ပြောင်းသွားနိုင်လို့ပါ။ နောက်ပြီး သကြားကို ချိန်ဆပြီးထည့်ပါ။ အချိုလေးလေး ဖြစ်အောင် ချိန်ဆထည့်ပါ။ အရိုးများ နူးနေသည်အထိ ပြုတ်ပေးပါ။
သတိပြုရန်မှာ- အထက်ပါ အစာပလာများမှလွဲပြီး တခြား ကောင်းနိုင်မည်ထင်သည့် အရာများ လျှောက်မထည့်ပါနဲ့။အထူးသဖြင့် ဂျင်း၊ တရုပ်နံနံ လုံး၀ မထည့်ရ။
အသားနှင့် အရွက်များ ပြင်ဆင်ခြင်း
တောက်တောက်စင်းထားသော အသားများကို ကော်မှုန့်၊ ဆား၊ အချိုမှုန့်၊ ကြက်ဥ အကာ( နှမြောလျှင် အနှစ်ပါထည့်)၊ တရုပ်ကြက်သွန်မိတ်၊ ငရုပ်ကောင်းတို့နှင့် နယ်ပြီး နှပ်ထားပါ။
မုန်ညင်းစိမ်းကို အရွက်ချွေထားပါ။ အသည်းအမြစ်၊ အူစုံ အသည်းစုံကို ရေစင်စင်ဆေး၊ အနေတော်လှီးပြီး ဆား၊ အချိုမှုန့်တို့နှင့် နယ်ထားပါ။ အမျိုးအစား တစ်ခုချင်းစီကို ရေလဲပြီး တခုချင်းစီ ပြုတ်ပါ။ ဗန်းထဲတွင် အသင့်ပြင်ထားပါ။
( ဟင်းရည်ထဲတွင် အလွယ် ထည့်မပြုတ်ပါနှင့်)
ငုံးဥကို ပြုတ်၊ အခွံနွာ အသင့်ပြင်ထား။ ပဲပြားကို လိုသလောက် လွှာထားပါ။ ဆန်ပြားနှင့် ကြာဆံကို ရေစိမ်ပြီ စစ်ထား၊ ပြီးရင် ဗန်းထဲတွင် ခင်းထားပါ။
နှမ်းဆီ ငရုပ်ကောင်း ပြင်ဆင်ထားခြင်း – နှမ်းဆီကို ပူအောင် ဒယ်အိုးမှာ တည်၊ ခွက်ထဲမှာ ငရုပ်ကောင်း လှော်ထောင်းကို ထည့်ထား၊ နောက် ဆီပူလောင်းထည့်ပြီး ပွဲပြင်မည့် နားတွင် အဆင်သင့် ပြင်ထားပါ။
ပွဲပြင်နည်း
သီးသန့် လက်ကိုင်အိုးထဲတွင် တပွဲစာ ဟင်းရည်ထည့်၊ ပွက်အောင်တည်၊ တည်နေချိန်တွင် အသားကို လုံးပြီးထည့်၊ အူစုံ အသည်းစုံထည့်၊ ကြာဆံ (သို.) ဆန်ပြားကို အလိုရှိသလောက် ထည့်ပြုတ်၊ ပဲပြား၊ ငုံးဥထည့်၊ အရွက်စိမ်း နောက်ဆုံးမှ ထည့်၊ ပွက်ပွက်ဆူလာလျှင် အသားကျတ်မကျတ် ချိန်ဆပြီးမှ ပန်းကန်ထဲကို လောင်းထည့်ပါ။ ပြီးရင် နှမ်းဆီ ငရုပ်ကောင်း (သို့) ငရုပ်ကောင်း လှော်ထောင်းကို လိုသလောက်ထည့်ပြီး စားပါ။
ချဉ်ရည် ပြင်ဆင်နည်း-
ငရုပ်သီ စိမ်းကို ပါးပါးလှီး
ရှာလကာရည် ၃ ဇွန်း
သကြား တဇွန်း
ဆား အနည်းငယ်
ငံပြာရည် အနည်းငယ်နှင့် ရေအနည်းငယ်ထည့် ( ရေကျတ်အေး)
အားလုံးကိုထည့်မွှေ၊ ပြီးလျှင် အချဉ်နဲ့ အပေါ့ကို မြည်း၊ လိုတာ ထပ်ထည့်။ ငရုပ်ဆီနှင့် တွဲပြီး ကြေးအိုးကို စားနိုင်ပါပြီ။
Credit: Original Uploader
