ကိုယ်ဝန်သည်များ ခွဲမွေးခြင်း၏ အကျိုး၊ အပြစ်ကို သိထားသင့်သော အချက်အလက်များ
ရိုးရိုးကလေးမွေးခြင်းနှင့် ယှဉ်ပါက ခွဲစိတ်၍ ကလေးမွေးခြင်း ကြောင့် မိခင်နှင့်ကလေး နှစ်ဦးစလုံးအပေါ် ဖြစ်ပေါ်လာနိုင်သည့် ရေရှည်ကျန်းမာရေးအကျိုးကျေးဇူးများနှင့် အန္တရာယ်များကို ဗြိတိန် နိုင်ငံ ဧဒင်ဘာ့ဂ်တက္ကသိုလ်မှ သုတေသီများက လေ့လာကာ PIOS ဆေးပညာဂျာနယ်တွင် ဖော်ပြထားသည်။
C-section ဟုခေါ်သော ဗိုက်ခွဲ၍ ကလေးမွေးသောနည်းကို အမျိုးသမီးများ ပိုရွေးချယ်လာပြီး ၎င်းတို့ကို ယင်းနည်းလမ်း ရွေးချယ်စေရေး ဆေးပညာအကြံပေးခြင်း များများစားစား မရှိသော် လည်း ရွေးချယ်မှုပိုများလာသည်။ ဥရောပတွင် ကလေးမွေးဖွားမှု များ၏ ၂၅ ရာခိုင်နှုန်းနှင့် မြောက်အမေရိကန်တွင် ကလေးမွေးဖွားမှုများ၏ ၄၁ ရာခိုင်နှုန်းသည် ခွဲမွေးခြင်းဖြစ်သည်။
ကိုယ်ဝန်ဆောင်အမျိုးသမီးများအား ခွဲမွေးခြင်း၏ ကာလတို ဖြစ်ပေါ်လာနိုင်သော အခြေအနေကို ကောင်းစွာအကြံပေးခြင်း ရှိ တတ်သော်လည်း ရေရှည်ထိခိုက်မှုများနှင့်ပတ်သက်၍ ကလေးနှင့် မိခင်အပေါ် သက်ရောက်မှုများနှင့် နောက်ထပ်ကိုယ်ဝန်ဆောင်မှု များအပေါ် သက်ရောက်မှုများအကြောင်း အသိပေးမှုနည်းပါးသည် ဟု သုတေသီများကပြောသည်။
ခွဲမွေးခြင်းကြောင့် မိခင်တွင် ဆီးခုံပြဿနာများ ကြုံနိုင်ပြီး မွေး လာသောကလေး အဝလွန်ခြင်းနှင့် ပန်းနာရင်ကျပ်ခြင်း ဖြစ်နိုင် ကြောင်း သုတေသီများကပြောသည်။
ထို့အပြင် ခွဲမွေးခြင်းကြောင့် နောက်ထပ်ကိုယ်ဝန်ဆောင်မှုများအတွက် ရှုပ်ထွေးမှုများ ဖြစ်ပေါ်နိုင်သည့် အန္တရာယ်ရှိသည်ဟုသုတေသီများက ပြောသည်။ နောက်ထပ်ကိုယ်ဝန်ဆောင်ချိန်၌ အားလျော့ခြင်းဖြစ်နိုင်သည်။
ထို့ကြောင့် ခွဲမွေးလိုသော အမျိုးသမီးများအား ခွဲမွေးခြင်း၏ ရေရှည်ထိခိုက်နိုင်မှုများ၊ အကျိုးကျေးဇူးများနှင့် ပတ်သက်၍ ကောင်းစွာအသိပေးရန် လိုအပ်သည်ဟု သုတေသီများက ပြော သည်။ ဝင်ငွေမြင့်မားသော နိုင်ငံများတွင် ကလေးများကို ရိုးရိုးမွေးခြင်းထက် ခွဲမွေးခြင်း ပိုများလာသည်ဟု သုတေသီများက ပြော သည်။
crd; copy
