ေဒးဗစ္ဘက္ခမ္းေက်ာင္းအပါအဝင္ ထိုင္းႏိုင္ငံက ထင္ရွားတဲ့ ဘုန္းႀကီးေက်ာင္းမ်ား

(Zawgyi)

ေဒးဗစ္ဘက္ခမ္းေက်ာင္းအပါအဝင္ ထိုင္းႏိုင္ငံက ထင္ရွားတဲ့ ဘုန္းႀကီးေက်ာင္းမ်ား

ထိုင္းႏိုင္ငံဟာ ဗုဒၶဘာသာႏိုင္ငံျဖစ္တာနဲ႔အညီ ထင္ရွားတဲ့ ဗုဒၶဘာသာေက်ာင္းေတာ္ႀကီးေတြလည္း အမ်ားႀကီး ရွိပါတယ္။ အဲဒီထဲကမွ ထင္ရွားတဲ့ ေနရာေတြကို ေဖာ္ျပေပးခ်င္ပါတယ္။

(၁) Wat Phra Dhammakaya , Pathum Thani

ဒီေက်ာင္းေတာ္ႀကီးကေတာ့ ထိုင္းႏိုင္ငံေျမာက္ပိုင္းက Khlong Luang မွာ တည္ရွိၿပီး ထိုင္းႏိုင္ငံရဲ႕အႀကီးဆုံး ေက်ာင္းေတာ္ႀကီးတေက်ာင္းပါ။ ဒီေက်ာင္းေတာ္ႀကီးကေတာ့ ေရွး႐ိုးစြဲလက္ရာေတြကိုသာ ဦးစားေပး တည္ေဆာက္တတ္တဲ့ ထိုင္းႏိုင္ငံမွာ ထူးထူးျခားျခား ေခတ္သစ္ ဗိသုကာပညာေတြနဲ႔ တည္ေဆာက္ထားပါတယ္။ ေနာက္ၿပီး ဒီေက်ာင္းေတာ္ႀကီးဟာ တရား ရိပ္သာတခုလည္း ျဖစ္ပါတယ္။

ဗုဒၶ႐ုပ္ပြားေတာ္ေပါင္း ၃၀၀၀၀၀ ကို ပူေဇာ္ထားရွိၿပီး ရဟန္းေပါင္း ၁ ေထာင္ေက်ာ္က တပါးေက်ာင္းေတြမွာ အသီးသီး သီတင္းသုံးၾကပါတယ္။ မ်ားျပားတဲ့ ေယာဂီရဟန္းေတြ အတြက္ ႀကီးမားတဲ့ ဓမၼာ႐ုံႀကီးကို တည္ေဆာက္ထားပါေသးတယ္။ တရားရိပ္သာျဖစ္တာေၾကာင့္ တျခား ထိုင္းႏိုင္ငံက ဘုန္းႀကီးေက်ာင္းေတြလို မဟုတ္ဘဲ အၿမဲလိုလို တိတ္ဆိတ္ေနတတ္ပါတယ္။

(၂) Wat Samphran , Nakon Pathom

၁၉၈၅ ခုႏွစ္မွာ တည္ေဆာက္ခဲ့တဲ့ Wat Samphran လို႔ေခၚတဲ့ ဒီနဂါး႐ုံဘုရားဟာ ဘန္ေကာက္ၿမိဳ႕နဲ႔ ၄၀ကီလိုမီတာ အကြာမွာ ရွိပါတယ္။ ျမင့္မားတဲ့ ပန္းေရာင္ စက္ဝိုင္းပုံစံ အေဆာက္အဦတခုလုံးကို နဂါးႀကီးတေကာင္က ပတ္ေခြပတ္ထားပါတယ္။ နဂါးအတြင္းပိုင္း ကိုယ္ထည္ကေတာ့ အေပၚတက္ဖို႔ ေလွကားထစ္ေတြပါ။

ဒီအေဆာက္အဦကို ဘယ္သူက ဒီဇိုင္းဆြဲခဲ့တယ္ဆိုတာ မသိရေပမယ့္ နဂါးနဲ႔ ပတ္သက္တဲ့ ပုံျပင္ေပါင္းကေတာ့ ၁၇ ပုဒ္ေလာက္ ရွိပါတယ္။ ဒီေက်ာင္းေတာ္ရဲ႕ အျပင္ဘက္မွာဆိုရင္ ေ႐ႊေရာင္ဝင္းတဲ့ ေစတီေတာ္ႀကီးတဆူအျပင္ အတြင္းပိုင္းမွာေတာ့ ေျမာက္ျမားလွတဲ့ ဆင္းတုေတာ္ေတြကို ထုလုပ္ ကိုးကြယ္ထားပါတယ္။

(၃) Wat Pa Phu Kon , Udon Thani

ထိုင္းႏိုင္ငံ ေျမာက္ဖက္စြန္းပိုင္းမွာရွိတဲ့ Wat Pa Phu Kon ကေတာ့ တိတ္ဆိတ္ေအးခ်မ္းတဲ့ ေတာေတာင္ေတြထဲမွာ တည္ရွိပါတယ္။ ေဒသခံေတြကေတာ့ Wat Phu Phu လို႔လည္း ေခၚတတ္ပါေသးတယ္။ ေက်ာင္းအေဆာက္အဦပုံစံကလည္း လွပခန႔္ညားသလို အတြင္းပိုင္းမွာဆိုရင္ေတာ့ စက်င္ေက်ာက္နဲ႔ထုလုပ္ထားတဲ့ ေလ်ာင္းေတာ္မူဗုဒၶ႐ုပ္ပြားေတာ္ကိုလည္း ၾကည္ညိဳစဖြယ္ ဖူးေျမႇာ္ႏိုင္ပါေသးတယ္။

ဒီေက်ာင္းေတာ္ႀကီးကိုေတာ့ ထိုင္းဘတ္ေငြ သန္းေပါင္း ၃၂၀ေက်ာ္ အကုန္အက်ခံ တည္ေဆာက္ခဲ့တာျဖစ္ၿပီး ၂၀၁၀ နဲ႔ ၂၀၁၃ ခုႏွစ္အတြင္းမွာ တည္ေဆာက္ခဲ့ပါတယ္။ ဒီေက်ာင္းေတာ္ႀကီးရဲ႕ က်န္က်ေငြအားလုံးကိုေတာ့ ၂၀၁၆ ခုႏွစ္က ကြယ္လြန္သြားခဲ့တဲ့ ထိုင္းဘုရင္ Bhumibol Adulyadej က လႉဒါန္းခဲ့တာ ျဖစ္ပါတယ္။ ဗိမာန္ေတာ္ႀကီးရဲ႕ ေကာင္းမြန္လွပတဲ့ဒီဇိုင္းျဖစ္တဲ့အျပင္ ထိုင္းဘုရင္ကိုယ္တိုင္ လႉဒါန္းခဲ့တဲ့ ေက်ာင္းျဖစ္တာေၾကာင့္လည္း ထင္ရွားပါတယ္။

(၄) Wat Pariwat , Bangkok

ဒီေက်ာင္းေတာ္ႀကီးကေတာ့ အံ့အားသင့္စရာပါ။ ဘာလို႔လဲ ဆိုေတာ့ မန္ခ်က္စတာယူႏိုက္တက္ အသင္းသားျဖစ္သလို အဂၤလန္ေဘာလုံး လက္ေ႐ြးစင္လည္းျဖစ္တဲ့ ေဒးဗစ္ဘက္ခမ္းပုံေတြကိုပါ ေက်ာင္းအတြင္းမွာ ထည့္သြင္းထုလုပ္ထားတဲ့ အတြက္ေၾကာင့္ပါ။ ေဒသခံေတြနဲ႔ ခရီးသြားဧည့္သည္ေတြကေတာ့ ဒီေက်ာင္းကို ေဒးဗစ္ဘက္ခမ္းေက်ာင္းလို႔ပဲ ေခၚၾကပါတယ္။

ဒီေက်ာင္းကိုတည္ေဆာက္ခဲ့တဲ့ ဘုန္းေတာ္ႀကီးကလည္း ေဒးဗစ္ဘက္ခမ္း ပရိသတ္ျဖစ္တဲ့အတြက္ ဒီေက်ာင္းေတာ္ကို ေဆာက္လုပ္ေတာ့ ေဒးဗစ္ဘက္ခမ္းပုံေတြ ထည့္သြင္းေဆာက္လုပ္ခဲ့တာ ျဖစ္ပါတယ္။

(၅) Wat Yannawa , Bangkok

Wat Yannawa ကိုေတာ့ ေဖာင္ေတာ္ဦးပုံစံ တည္ေဆာက္ထားတာျဖစ္ၿပီး ဘုရားဖူးခရီးသြား ဧည့္သည္ေတြဟာ ေဖာ္ေတာ္ဦးထဲမွာ လည္ပတ္ၿပီး ဘုရားဖူးႏိုင္ပါတယ္။ Chao Phraya ျမစ္တဖက္ကမ္းမွာ တည္ရွိၿပီး Loy Krathong လို႔ေခၚတဲ့ မီးထြန္းပြဲကာလ ေရာက္ၿပီးဆိုရင္ေတာ့ ေဒသခံေတြဟာ ဘုရားဖူးဖို႔ ေလွငယ္ကေလးေတြနဲ႔ လာေရာက္ေလ့ ရွိၾကပါတယ္။

ဘုရင္ Rama III ဟာ အတိတ္တုန္းဆီက သူ႔ျပည္သားေတြအတြက္ ရတနာေတြကို သေဘၤာနဲ႔ ယူေဆာင္ေပးခဲ့တယ္ဆိုတဲ့ အျဖစ္အပ်က္ကို လူေတြ အမွတ္ရေနေစဖို႔အတြက္ ဒီေက်ာင္းေတာ္ကို ေဆာက္လုပ္ခဲ့တယ္လို႔ ဆိုပါတယ္။

Ref : Thailand.tripcanvas

Credit-ညီညီသူ(ဧရာဝတီ), The Irrawaddy – Burmese Edition

(Unicode)

ဒေးဗစ်ဘက်ခမ်းကျောင်းအပါအဝင် ထိုင်းနိုင်ငံက ထင်ရှားတဲ့ ဘုန်းကြီးကျောင်းများ

ထိုင်းနိုင်ငံဟာ ဗုဒ္ဓဘာသာနိုင်ငံဖြစ်တာနဲ့အညီ ထင်ရှားတဲ့ ဗုဒ္ဓဘာသာကျောင်းတော်ကြီးတွေလည်း အများကြီး ရှိပါတယ်။ အဲဒီထဲကမှ ထင်ရှားတဲ့ နေရာတွေကို ဖော်ပြပေးချင်ပါတယ်။

(၁) Wat Phra Dhammakaya , Pathum Thani

ဒီကျောင်းတော်ကြီးကတော့ ထိုင်းနိုင်ငံမြောက်ပိုင်းက Khlong Luang မှာ တည်ရှိပြီး ထိုင်းနိုင်ငံရဲ့အကြီးဆုံး ကျောင်းတော်ကြီးတကျောင်းပါ။ ဒီကျောင်းတော်ကြီးကတော့ ရှေးရိုးစွဲလက်ရာတွေကိုသာ ဦးစားပေး တည်ဆောက်တတ်တဲ့ ထိုင်းနိုင်ငံမှာ ထူးထူးခြားခြား ခေတ်သစ် ဗိသုကာပညာတွေနဲ့ တည်ဆောက်ထားပါတယ်။ နောက်ပြီး ဒီကျောင်းတော်ကြီးဟာ တရား ရိပ်သာတခုလည်း ဖြစ်ပါတယ်။

ဗုဒ္ဓရုပ်ပွားတော်ပေါင်း ၃၀၀၀၀၀ ကို ပူဇော်ထားရှိပြီး ရဟန်းပေါင်း ၁ ထောင်ကျော်က တပါးကျောင်းတွေမှာ အသီးသီး သီတင်းသုံးကြပါတယ်။ များပြားတဲ့ ယောဂီရဟန်းတွေ အတွက် ကြီးမားတဲ့ ဓမ္မာရုံကြီးကို တည်ဆောက်ထားပါသေးတယ်။ တရားရိပ်သာဖြစ်တာကြောင့် တခြား ထိုင်းနိုင်ငံက ဘုန်းကြီးကျောင်းတွေလို မဟုတ်ဘဲ အမြဲလိုလို တိတ်ဆိတ်နေတတ်ပါတယ်။

(၂) Wat Samphran , Nakon Pathom

၁၉၈၅ ခုနှစ်မှာ တည်ဆောက်ခဲ့တဲ့ Wat Samphran လို့ခေါ်တဲ့ ဒီနဂါးရုံဘုရားဟာ ဘန်ကောက်မြို့နဲ့ ၄၀ကီလိုမီတာ အကွာမှာ ရှိပါတယ်။ မြင့်မားတဲ့ ပန်းရောင် စက်ဝိုင်းပုံစံ အဆောက်အဦတခုလုံးကို နဂါးကြီးတကောင်က ပတ်ခွေပတ်ထားပါတယ်။ နဂါးအတွင်းပိုင်း ကိုယ်ထည်ကတော့ အပေါ်တက်ဖို့ လှေကားထစ်တွေပါ။

ဒီအဆောက်အဦကို ဘယ်သူက ဒီဇိုင်းဆွဲခဲ့တယ်ဆိုတာ မသိရပေမယ့် နဂါးနဲ့ ပတ်သက်တဲ့ ပုံပြင်ပေါင်းကတော့ ၁၇ ပုဒ်လောက် ရှိပါတယ်။ ဒီကျောင်းတော်ရဲ့ အပြင်ဘက်မှာဆိုရင် ရွှေရောင်ဝင်းတဲ့ စေတီတော်ကြီးတဆူအပြင် အတွင်းပိုင်းမှာတော့ မြောက်မြားလှတဲ့ ဆင်းတုတော်တွေကို ထုလုပ် ကိုးကွယ်ထားပါတယ်။

(၃) Wat Pa Phu Kon , Udon Thani

ထိုင်းနိုင်ငံ မြောက်ဖက်စွန်းပိုင်းမှာရှိတဲ့ Wat Pa Phu Kon ကတော့ တိတ်ဆိတ်အေးချမ်းတဲ့ တောတောင်တွေထဲမှာ တည်ရှိပါတယ်။ ဒေသခံတွေကတော့ Wat Phu Phu လို့လည်း ခေါ်တတ်ပါသေးတယ်။ ကျောင်းအဆောက်အဦပုံစံကလည်း လှပခန့်ညားသလို အတွင်းပိုင်းမှာဆိုရင်တော့ စကျင်ကျောက်နဲ့ထုလုပ်ထားတဲ့ လျောင်းတော်မူဗုဒ္ဓရုပ်ပွားတော်ကိုလည်း ကြည်ညိုစဖွယ် ဖူးမြှော်နိုင်ပါသေးတယ်။

ဒီကျောင်းတော်ကြီးကိုတော့ ထိုင်းဘတ်ငွေ သန်းပေါင်း ၃၂၀ကျော် အကုန်အကျခံ တည်ဆောက်ခဲ့တာဖြစ်ပြီး ၂၀၁၀ နဲ့ ၂၀၁၃ ခုနှစ်အတွင်းမှာ တည်ဆောက်ခဲ့ပါတယ်။ ဒီကျောင်းတော်ကြီးရဲ့ ကျန်ကျငွေအားလုံးကိုတော့ ၂၀၁၆ ခုနှစ်က ကွယ်လွန်သွားခဲ့တဲ့ ထိုင်းဘုရင် Bhumibol Adulyadej က လှူဒါန်းခဲ့တာ ဖြစ်ပါတယ်။ ဗိမာန်တော်ကြီးရဲ့ ကောင်းမွန်လှပတဲ့ဒီဇိုင်းဖြစ်တဲ့အပြင် ထိုင်းဘုရင်ကိုယ်တိုင် လှူဒါန်းခဲ့တဲ့ ကျောင်းဖြစ်တာကြောင့်လည်း ထင်ရှားပါတယ်။

(၄) Wat Pariwat , Bangkok

ဒီကျောင်းတော်ကြီးကတော့ အံ့အားသင့်စရာပါ။ ဘာလို့လဲ ဆိုတော့ မန်ချက်စတာယူနိုက်တက် အသင်းသားဖြစ်သလို အင်္ဂလန်ဘောလုံး လက်ရွေးစင်လည်းဖြစ်တဲ့ ဒေးဗစ်ဘက်ခမ်းပုံတွေကိုပါ ကျောင်းအတွင်းမှာ ထည့်သွင်းထုလုပ်ထားတဲ့ အတွက်ကြောင့်ပါ။ ဒေသခံတွေနဲ့ ခရီးသွားဧည့်သည်တွေကတော့ ဒီကျောင်းကို ဒေးဗစ်ဘက်ခမ်းကျောင်းလို့ပဲ ခေါ်ကြပါတယ်။

ဒီကျောင်းကိုတည်ဆောက်ခဲ့တဲ့ ဘုန်းတော်ကြီးကလည်း ဒေးဗစ်ဘက်ခမ်း ပရိသတ်ဖြစ်တဲ့အတွက် ဒီကျောင်းတော်ကို ဆောက်လုပ်တော့ ဒေးဗစ်ဘက်ခမ်းပုံတွေ ထည့်သွင်းဆောက်လုပ်ခဲ့တာ ဖြစ်ပါတယ်။

(၅) Wat Yannawa , Bangkok

Wat Yannawa ကိုတော့ ဖောင်တော်ဦးပုံစံ တည်ဆောက်ထားတာဖြစ်ပြီး ဘုရားဖူးခရီးသွား ဧည့်သည်တွေဟာ ဖော်တော်ဦးထဲမှာ လည်ပတ်ပြီး ဘုရားဖူးနိုင်ပါတယ်။ Chao Phraya မြစ်တဖက်ကမ်းမှာ တည်ရှိပြီး Loy Krathong လို့ခေါ်တဲ့ မီးထွန်းပွဲကာလ ရောက်ပြီးဆိုရင်တော့ ဒေသခံတွေဟာ ဘုရားဖူးဖို့ လှေငယ်ကလေးတွေနဲ့ လာရောက်လေ့ ရှိကြပါတယ်။

ဘုရင် Rama III ဟာ အတိတ်တုန်းဆီက သူ့ပြည်သားတွေအတွက် ရတနာတွေကို သင်္ဘောနဲ့ ယူဆောင်ပေးခဲ့တယ်ဆိုတဲ့ အဖြစ်အပျက်ကို လူတွေ အမှတ်ရနေစေဖို့အတွက် ဒီကျောင်းတော်ကို ဆောက်လုပ်ခဲ့တယ်လို့ ဆိုပါတယ်။

Ref : Thailand.tripcanvas

Credit-ညီညီသူ(ဧရာဝတီ), The Irrawaddy – Burmese Edition