Shangyimm

- လူမႈမီဒီယာမ်ားႏွင့္ အင္တာနက္ေပၚရွိ စိတ္၀င္စားစရာ အေၾကာင္းအရာမ်ားကုိ လူအမ်ား ဖတ္ရႈနုိင္ရန္ တဆင့္ျပန္လည္ တင္ဆက္ေပးျခင္းသာ ျဖစ္ပါသည္္။ သုိ႔ပါ၍ ကူးယူေဖာ္ျပခံရေသာ မီဒီယာမ်ားႏွင့္ စာေရးသူမ်ားကုိ ေလးစားစြာျဖင္႔ Credit ေပးပါသည္။ မူရင္းပိုင္ရွင္မ်ား အေနျဖင့္ မိမိတုိ ့Content မ်ားကုိ shangyimm.com တြင္ ကူးယူေဖာ္ျပျခင္းအား ကန္ ့ကြက္လုိပါက shangyimm2017@gmail.com သို႕ေပးပုိ ့ကန္ ့ကြက္ႏိုင္ပါတယ္ ခင္ဗ်ာ။ ေလးစားစြာျဖင့္…

Author: Shangyi

ချစ်ဇနီးနဲ့သားသမီးတွေက သူနဲ့အတူ ဆင်းရဲ၊ချမ်းသာမရွေးရှိပေးနိုင်ပြီး စိတ်တူကိုယ်တူအနစ်နာခံပေးနိုင်တာကိုသိခွင့်ရခဲ့တယ်ဆိုတဲ့ မင်းမော်ကွန်း

အကယ်ဒမီမင်းမော်ကွန်းကတော့ ဖေဖော်ဝါရီလ (၁)ရက်နေ့ကတည်းက အမှန်တရားဘက်က‌‌ ‌နေ
ရဲရဲရင့်ရင့်ရပ်တည်ခဲ့တာဖြစ်ပါတယ်။ဒါ့အပြင် အခုချိန်မှာ မိမိတို့အိမ်နဲ့ခွဲခွါလာပြီးတောတောင်ထဲမှာ အဆင်ပြေစွာရုန်းကန်နေရတာဖြစ်ပါတယ်။

မင်းမော်ကွန်းက လူချစ်လူခင်ပေါများတဲ့သူတစ်ယောက်ဖြစ်တာကြောင့် အခုချိန်မှာ သူ့ကို

ကူညီပေးမယ့်သူတွေရှိနေတာတောင် အကူအညီလက်မခံခဲ့ဘဲ ကိုယ်အားကိုယ်ကိုးပြီး

ကြုံလာသမျှကိုရင်ဆိုင်ဖြေရှင်းနေတာဖြစ်ပါတယ်။

မင်းမော်ကွန်းက တောတောင်ထဲမှာ မျှစ်၊မန်းကျည်းသီး၊မှို၊ငှက်ပျော၊ချဉ်ပေါင်ခင်း

စတဲ့အသီးအနှံတွေစုံလင်တာကြောင့် သူတို့မိသားစုရဲ့စားဝတ်နေရေးအတွက် ဘာမှမလိုကြောင်းကိုရေးသားထားတာဖြစ်ပါတယ်

အသားဟင်းစားချင်ရင်လည်း ငါးတွေကတော့ အခုချိန်မှာအရမ်းပေါလို့ ရှာရလွယ်ပြီး

ရွာထဲအမဲပေါ်၊ဝက်ပေါ်ရင်လည်း အပီအပြင်စားလို့ရသေးတာဖြစ်ပါတယ်။

တချို့တွေဆိုရင် မင်းမော်ကွန်းကို ကြက်တွေလက်ဆောင်လာပေးလို့ မသတ်ရက်ဘဲ

မွေးမြူထားသေးတာကြောင့် ကြက်ဥအတွက်လည်းမပူရတာဖြစ်ပါတယ်။

အခုချိန်မှာ ဇနီးနဲ့သားသမီးတွေက သူနဲ့အတူ ဆင်းရဲ၊ချမ်းသာမရွေးအမြဲရှိပေးနိုင်ပြီး

အနစ်နာခံပေးနိုင်တာကိုသိခွင့်ရခဲ့သေးတာဖြစ်ပါတယ်။

အဝတ်အစားကောင်းကောင်းမရှိပေမယ့် နှလုံးသားလှတဲ့သူတွေနဲ့တွေ့ခဲ့ရတာကြောင့်မင်းမော်ကွန်းလည်း

ရဲဘော်ရဲဘက်တွေနဲ့အတူ အသက်နဲ့ရင်းပြီး ချစ်ခင်ကြတာဖြစ်ပါတယ်။

မင်းမော်ကွန်းတို့မိသားစုလေးကတော့ တောတောင်ထဲမှာ နေထိုင်ရတဲ့နေ့ရက်တွေကို အကောင်းဆုံးရင်ဆိုင်ပြီး

ရောင့်ရဲတင်းတိမ်စွာနေထိုင်တတ်ကြောင်းကို ပြန်လည်မျှဝေပေးလိုက်ပါတယ်။

Source Kyaw Kyaw Htay Lwin

မျက်စိပါဝါချနည်း

မျက်စိပါဝါချနည်းက လွန်ခဲ့တဲ့ သုံးနှစ်လောက်က ကိုယ်တိုင်သိပ်သိချင်တဲ့မေးခွန်းတခု ဖြစ်ခဲ့ဖူးတယ်။ အွန်လိုင်းမှာလည်း အမေးများတယ်။ မျက်စိသဘောက စနစ်တကျ မချတတ်ရင် (သို့မဟုတ်) လုပ်နည်းမမှန်ရင် ပါဝါပိုတက်လာတတ်တယ်။ အမှန်တော့ ကျတော်ကိုယ်တိုင်လည်း စာရေးပြီးနောက်ပိုင်း(အထူးသဖြင့် ဝတ္တုရေးပြီးနောက်ပိုင်း)မှာ မျက်စိပါဝါက သိသိသာသာ တက်လာခဲ့တယ်။ ဒါ့ကြောင့် ပါဝါတက်နေသူတွေကို ကျစေချင်တဲ့ စေတနာရှိပါတယ်။

တကယ်တော့မျက်စိပါဝါကျဖို့ဆိုတာ တော်တော်ခက်ခဲတယ်။ လူငယ်အများစုက အဝေးမှုန်သမားတွေ ဖြစ်ကြတယ်။ ဂိမ်း၊ တီဗွီ၊ ကွန်ပျူတာစတဲ့ လျှပ်စစ်ပစ္စည်းတွေရဲ့အကျိုးဆက်ဆိုလည်း မမှားပါ။ ဒီဖက်ခေတ် အွန်လိုင်းနဲ့ ဖေ့စ်ဘွတ်အလွန်အကျွံခေတ်စားလာတာလည်း မီးလောင်ရာ လေပင့်ဆိုသလို ပိုဆိုးလာစေတယ်။ အထူးသဖြင့် ဖုန်းနဲ့စာကြည့်တာ မျက်စိကို ပိုထိခိုက်စေတယ်။ အခု ဒီဆောင်းပါးမှာ မျက်စိပါဝါကျစေဖို့ သာမက ရှောင်ရန်အချက်တွေကိုပါ တခါတည်း ပြောပြသွားမှာ ဖြစ်ပါတယ်။

မျက်စိပါဝါချချင်ဖို့ မျက်စိကို ကောင်းကောင်းအနားပေးဖို့ လိုပါတယ်။ ဖုန်း၊ကွန်ပျူတာ၊ တီဗွီ screenကထွက်တဲ့ အလင်းစူးစူးတွေ ကြည့်လို့မရပါ။ ကွန်ပျူတာ ဖုန်းအကြည့်များသူတွေအနေနဲ့ brightness အလင်းကို တတ်နိုင်သမျှလျှော့ချဖို့ လိုပါတယ်။ အလင်းစူးစူးတွေက မျက်စိကြွက်သားကို ပိုကျုံ့စေတာကြောင့် ပါဝါတက်လာတတ်တယ်။တချို့အွန်လိုင်းစာမျက်နှာတွေမှာ နေကသိုဏ်းရှုဖို့ ပြောတာမျိုး ရှိတယ်။ တကယ်က နေရောင်အပါအဝင် ဘယ်အလင်းစူးစူးကိုမှ စိုက်ကြည့်တာမျိုး မလုပ်သင့်ဘူး။ အဲလိုပြုလုပ်ခြင်းက အတွင်းတိမ်(cataract)ဖြစ်စေရုံမက macular degeneration ခေါ်တဲ့ မျက်စိအမြင်အာရုံကို တဖြည်းဖြည်း ပျက်စီးစေနိုင်တယ်။ အပြင်သွားတဲ့အခါလည်း UVA and UVB rays 99% နဲ့ 100% ကြား ကာကွယ်တဲ့ မျက်မှန်မျိုး တပ်ထားရမယ်။

အိပ်ရေးမဝတာကလည်း မျက်စိကိုထိခိုက်စေတဲ့ အကြောင်းတခုဖြစ်တယ်။ ဒါ့ကြောင့် အိပ်ချိန်ကောင်းကောင်းပေးဖို့လိုတယ်။ နောက်တခုက စိတ်ဖိစီးမှုပါ။ စိတ်ဖိစီးမှုက ဇီဝကမ္မပြောင်းလဲစေရုံသာမက မျက်စိကြွက်သားတင်းပြီး မျက်စိပါဝါတက်လာစေတယ်။ စိတ်ရော မျက်စိကိုရော အနားပေးပါ။ မျက်စိသဘောက ဆယ်မိနစ်တခါအနားပေးရပါတယ်။ ဒီနေရာမှာ မျက်စိအထူးကု Arun Sethi ပြောတဲ့ အကြံပြုချက်လေးက သိပ်ကောင်းတယ်။ ဒီနေ့ခေတ် လူငယ်တွေဟာ ကွန်ပျူတာ၊ဖုန်းစတဲ့ လျှပ်စစ်ပစ္စည်းတွေ အလုပ်တွေကြားကရုန်းမထွက်နိုင်ကြဘူးတဲ့။ အဲဒီအတွက် အကောင်းဆုံးအကြံပေးချင်တာက တခုတည်းပါ။ မျက်စိအားစိုက်ရတဲ့ အလုပ်မျိုးမှာ ခေါင်းငုံ့ ခေါင်းမော့ လေ့ကျင့်ခန်းလေး အကြိမ်နှစ်ဆယ်လောက် လုပ်ပေးပါတဲ့။ ဒီလေ့ကျင့်ခန်းက မျက်စိနဲ့ လည်ပင်းကို သွေးလျှောက်အားကောင်းစေပြီး မျက်စိပါဝါချရာမှာ အထောက်ကူပြုပါတယ်။

မျက်စိအနားပေးတဲ့အခါ rule of 20 ဆိုတဲ့ ဥပဒေသတခု ရှိတယ်။ ဒီဥပဒေသအရ သင်ဟာ အာရုံစူးစိုက်ရတဲ့ အရာတခုကို အချိန်ကြာ ကြည့်မယ်ဆိုရင် မိနစ်နှစ်ဆယ်ပြည့်တိုင်း ပေ (၂၀) မှာရှိတဲ့ ပစ္စည်းတခုကို စက္ကန့်(၂၀)ကြာ ကြည့်ပေးပါတဲ့။ ဆိုလိုချင်တာက မိနစ် (၂၀)တခါ ခပ်လှမ်းလှမ်းက အရာဝတ္တုကို စက္ကန့်(၂၀) ကြည့်ပြီး အကြောဖြေရမှာဖြစ်ပါတယ်။ ဒီနည်းက အမြင်အာရုံကို သိသိသာသာတိုးတက်လာစေတယ်။

နောက်အရေးကြီးတဲ့တချက်က မျက်စိ ရေဓာတ်အားဖြည့်ဖို့ ဖြစ်တယ်။ ရေဓာတ်ခမ်းခြောက်မှုက မျက်စိခြောက်ကပ်တာ၊ မျက်လုံးဝါးတာဖြစိနိုင်တယ်။ အစိုဓာတ်ပြည့်ဝနေဖို့ ရေများများသောက်သင့်တယ်။ ဒီနေရာမှာ အများစု မှားနေတာလေးတခုကို ဖော်ပြပါရစေ မနက် အိပ်ရာထထချင်း မျက်နှာကို အရင်ဆုံးသစ်တာ မျက်စိအတွက်တော့ လုံးဝမကောင်းဘူး။ တကယ် လုပ်သင့်တာက ပါးစပ်ထဲရေတလုပ်အရင်ငုံလိုက်၊ နောက်ပြီးမှ မျက်လုံးကို ဖွင့်ပြီး ရေနဲ့ပက်ဖြန်းရမှာ ဖြစ်ပါတယ်။ ဒီလိုပြုလုပ်ခြင်းအားဖြင့် မျက်စိကို အေးမြစေတယ်။ အအေးဓာတ်က တင်းရင်းနေတဲ့ မျက်စိကြွက်သားကို ပြေလျှော့စေတာမို့ မျက်စိပါဝါကျဆင်းလာနိုင်တယ်လို့ ဆိုတယ်။ ဒီအလေ့အကျင့်မျိုးကို မနက်အိပ်ရာထတိုင်းလုပ်ဖို့ လိုပါတယ်။

မျက်စိပါဝါကျဖို့ လေ့ကျင့်ခန်းတွေ ရှိပါတယ်။ eye relaxation exerciseလို့ ခေါ်တယ်။ အရင်ဆုံး မိမိလက်ဖဝါးနှစ်ဖက်ကို ပူလာအောင် အချင်းချင်းပွတ်ပါ။ ပြီးရင် မျက်စိကိုပိတ်ပြီး ပူလာတဲ့လက်ဖဝါးကို မျက်လုံးပေါ်ဖိတင်ထားပါ။ စိတ်ထဲက မျကိစိကြွက်သားတွေ လျှော့နေပြီလို့ ကိုယ့်ဘာသာ သဘောထားပါ။ ဒီလေ့ကျင့်ခန်းမျိူးက အချိန်မပေးနိုင်ဘူးဆိုတဲ့ အိုင်တီသမားတွေ၊ကွန်ပျူတာရှေ့ နာရီပေါင်းများစွာ ထိုင်နေသူတွေအတွက် အလွန် ကောင်းပါတယ်။ စာရေးတဲ့အခါ ကျတော်ကိုယ်တိုင် ဒီလိုအလေ့အကျင့်လုပ်ထားတယ်။

မျက်မှန်သမားတွေ တကယ်လုပ်ရမယ့် လေ့ကျင့်ခန်းက အခုမှပြောမှာပါ။ လေ့ကျင့်ခန်းက သိပ်မခက်ပါ။ မျက်လုံးကို အထက်အောက်၊ဘယ်ညာ ကစားပေးရမှာဖြစ်တယ်။ အဲလိုလုပ်ဖို့ အရင်ဆုံး မျက်လုံးကို အပေါ်လှန်ကြည့်ပါ။ပြီးရင် နာရီလက်တံလည်သလို စက်ဝိုင်းပုံဖြည်းဖြည်းချင်း လှည့်ပြီး ကစားပါ။ (၁၀) ကြိမ်ရအောင် အရင်လုပ်ပါ။ ပြီးရင် အပေါ်ကိုကြည့်ပြီး နာရီလက်တံပြောင်းပြန် လားရာအတိုင်း မျက်လုံးကို လှည့်ကစားပါ။ (၁၀)ကြိမ်ပဲ လုပ်ရမှာဖြစ်တယ်။ ပါဝါသိပ်မတက်သေးသူတွေအနေနဲ့ မျက်မှန်တချိန်လုံး တပ်မထားသင့်ပါ။ သဘာဝအမြင်ကိုလည်း အားကိုးသင့်တယ်။အဆိုပါအချက်က မျက်မှန်ပါဝါသမားတွေ မကြာခဏမေးလေ့ရှိတဲ့ အမြဲတပ်ထားရမှာလား မေးခွန်းအတွက် အဖြေလည်းဖြစ်နေပြန်တယ်။ တခါတရံ မျက်မှန်ချွတ်ထားသင့်တယ်။

ဆက်ပြောမှာက အစားအသောက်ရွေးချယ်မှုပါ။ မျက်စိလည်း အာဟာရဓာတ်ပြည့်ဝဖို့ လိုပါတယ်။ Vitamin A, Vitamin C, lutein နဲ့ beta carotene ကြွယ်ဝတာတွေက မျက်စိ အားကောင်းစေတယ်။ ငါးကြီးဆီ၊ သင်္ဘောသီး၊ ထောပတ်၊ ဖရုံ၊ တရုတ်ဇီးသီး နဲ့ စပျစ်သီး များများစားပါ။ ဝါတဲ့ နီတဲ့ သစ်သီးများများစားရမယ်။

ခါကြက်ဥ(မုန်လာဥနီ)ထဲမှာ မျက်စိအားကောင်းစေတဲ့ beta-carotene ဆိုတဲ့ဓာတ်ပါတယ်။ ခါကြက်ဥ များများစားပါ။ ဖျော်ရည်လည်း လုပ်သောက်နိုင်တယ်။ အာနိသင်ကတော့ အစိမ်းလိုက်ဝါးစားတာလောက် မကောင်းပါ။ အခွံမာသီးနဲ့ ငါးအဆီမှာ Omega 3 ဆိုတဲ့ဓာတ် ပါတယ်။ အိုမီဂါသရီးက အသက်အရွယ်ကြောင့်ဖြစ်တဲ့ မျက်စိမှုန်တာအတွက် ကောင်းပါတယ်။ ဘယ်ရီသီးတွေက သွေးလည်ပတ်မှုအားကောင်းစေတယ်။ မျက်စိသွေးလျှောက်မှုက ပါဝါကျနိုင်တယ်။ ပါဝါသမားတွေ ရှောင်ရမှာက ချိုတာတွေဖြစ်ပါတယ်။ သကြားဓာတ်က မြင်လွှာကို ပိုမိုပျက်ဆီးစေတယ်။ ဒါ့ကြောင့် အဆာပြေမုန့်ပဲသွားရေစာ၊ ဆီကြော်စာ၊ အာလူးကြော်၊ ကွတ်ကီးတွေ ရှောင်ပါ။ ဆေးလိပ်၊ အရက်က လုံးဝမသောက်ပါနဲ့။

မျက်စိပါဝါကျစေတဲ့ အိမ်သုံးနည်းက သခွားသီးကပ်တာဖြစ်ပါတယ်။ ညအိပ်ခါနီးတိုင်း ရေခဲသေတ္တာထဲထည့်ထားတဲ့ သခွားသီးကို ပါးပါးလှီးပြီး မျက်လုံးပေါ်တင်အိပ်ပါ။ အေးတဲ့ဓာတ်က မျက်စိကြွက်သားပြေလျှော့စေပြီး မနက်ပိုင်း အိပ်ရာထမှာ မျက်လုံးကို ကြည်လင်နေမှာ ဖြစ်ပါတယ်။ အနှစ်ချုပ်လိုက်ရင် မျက်စိအားကောင်းစေဖို့ အစားအသောက်ရွေးချယ်တတ်ရမှာဖြစ်ပြီး မျက်စိလေ့ကျင့်ခန်း လုပ်ဖို့ဖြစ်ပါတယ်။ အထူးသဖြင့် နေ့စဉ် ကြက်ဥတလုံး၊ ချဉ်တဲ့သစ်သီးတမျိုးမျိုး (သံပုရာသီး၊လိမ္မော်သီး၊ရှောက်သီး)၊ မုန်လာဥနီတတောင့်နဲ့ စပျစ်သီးတတွဲ စားပေးခြင်းအားဖြင့် မျက်စိပါဝါသိသိသာသာကျဆင်းလာတာ တွေ့ရမှာ ဖြစ်ပါတယ်။

Credit-ဒေါက်တာ အေးမင်းထူး

ကြာစွယ် စားပေးခြင်းရဲ့ ကျန်းမာရေးအကျိုးကျေးဇူး

ကြာာစွယ် ဟာ အရသာလည်းရှိသလို ကျန်းမာရေး အတွက်လည်း အကျိုးကျေးဇူးများစွာရှိနေပါတယ်။

၁။ သွေးလည်ပတ်မှုကိုကောင်းမွန်စေခြင်း

ကြာစွယ် ကိုစားပေးတာဟာ သွေးလည်ပတ်မှုကိုကောင်းမွန်စေ ပါ တယ်။ ကြေးနီနဲ့ သံဓာတ်ပါဝင်လို့ သွေးနီဆဲလ်တွေ ထုတ်လုပ်မှုကို မြင့်တက်စေပြီး သွေးအားနည်းရောဂါဖြစ်ပွားမှုကို ကာကွယ်ပေးပါတယ်။

၂။ နှလုံးကျန်းမာရေး

သွေးလည်ပတ်မှုကိုကောင်းမွန်စေပြီး သွေးဖိအား ကိုထိန်းပေးသလို နှလုံးသွေးကြော ကျန်းမာရေး ကိုလည်း ကောင်းမွန်စေပါတယ်။ နှလုံးကိုကျန်းမာစေတဲ့ အစားအစာလည်းဖြစ်ပါတယ်။

၃။ အစာချေစနစ်

အမျှင်ဓာတ်တွေကြွယ်ဝစွာပါဝင်ပြီး ပုံမှန်စားပေးရင် အစာချေစနစ် ကို ကောင်းမွန်စေလို့ ဝမ်းချုပ်ခြင်းကို သက်သာစေပါတယ်။ ဝမ်းလျှောတာမျိုးလည်းမဖြစ်စေပါဘူး။

၄။ မျက်လုံး ကျန်းမာရေး

ဗီတာမင် A ကြွယ်ဝစွာပါဝင်ပြီး အမြင်အာရုံကို ကောင်းမွန်စေပါတယ်။

၅။ ကိုယ်ခံအားစနစ်မြင့်တင်ပေးခြင်း

ဗီတာမင် C ပါဝင်လို့ ကိုယ်ခံအားစနစ်ကို ကောင်းမွန်စေပြီး အအေးမိ၊ တုတ်ကွေး၊ ဖျားနာအပါအဝင် တခြားရောဂါအမျိုးမျိုးမှလည်း ကာကွယ်ပေးနိုင်ပါတယ်။

၆။ ကင်ဆာ ဖြစ်ပွားမှုကို လျော့ကျစေခြင်း

ဗီတာမင် C ဆိုတဲ့ Antioxidant ကြွယ်ဝစွာပါဝင်လို့ ကျန်းမာရေး အတွက် သင့်တော်သလို ကင်ဆာ ရောဂါကိုလည်း ကြိုတင်ကာကွယ်ပေးနိုင်ပါတယ်။

Credit ,Copy

ပန်းနာ ရင်ကြပ် နဲ့ ဆီးချို အတွက် အစာလည်းဆေးဆေးလည်အစာဖြစ်တဲ့ ရုံးပတီသီး

ပန်းနာရင်ကျပ်သမားတွေအတွက် မိတ်ဆွေကောင်း

ပန်းနာရင်ကျပ် ရောဂါဆိုတာ အဆုတ်လေပြွန်တွေ ရောင်ရမ်းပြီး အသက်ရှူရခက်တဲ့ ရောဂါတစ်မျိုးပါ။ ရုံးပတီသီးမှာပါတဲ့ အင်တီအောက်စီဒန့်၊ ဘီတာမင် စီနဲ ရောင်ရမ်းမှုကို သက်သာစေတဲ့ ဓာတ်တွေကြောင့် ပန်းနာရင်ကျပ် ရောဂါကို သက်သာစေပြီး ရင်ကျပ်တဲ့ အကြိမ်အရေအတွက်ကို လျော့ချပေးနိုင်ပါတယ်။

အသက်ရှူလမ်းကြောင်းဆိုင်ရာ ဝေဒနာတွေကို သက်သာစေခြင်း

ရုံးပတီပင်က အပွင့်နဲ့ သစ်ရွက်တွေကို ပြုတ်ပြီး သောက်ရင် အသက်ရှူလမ်းကြောင်း ရောင်ရမ်းတာ၊အဆုတ်ရောင်ရောဂါ နဲ့ အအေးမိတုတ်ကွေးရောဂါ တွေကို သက်သာစေတယ်လို့ တိုင်းရင်းဆေးဆရာတွေက ဆိုကြပါတယ်။

ကိုယ်ခံအားစနစ်တိုးတက်ကောင်းမွန်စေခြင်း

ရုံးပတီသီးမှာ ဗီတာမင် စီ ကြွယ်ဝစွာပါဝင်တာကြောင့် ခန္ဓါကိုယ်ရဲ့ ခုခံစွမ်းကိုတိုးတက်စေနိုင်ပါတယ်။ ဗီတာမင် စီက ကိုယ်ခံအားစနစ်ကိုသွေးဖြူဥဆဲလ်တွေကို ထုတ်လွှတ်ပေးဖို့ လှုံ့ဆော်ပေးပြီး ကိုယ်ခံအားစနစ်ကိုကောင်းမွန်စေနိုင်ပါတယ်။

ဆီးချိုသမားတွေအတွက် သဘာဝဆေးစွမ်းကောင်းတစ်လက်
ရုံးပတီသီးမှာ အင်ဆူလင်ဆေးလို အစွမ်းသတ္တိ တွေရှိနေပါတယ်။ အင်ဆူလင်ဆေးဆိုတာ ဆီးချိုသမားတွေမှာ အသုံးပြုတဲ့ ထိုးဆေးပါ။ ရုံးပတီသီးမှာပါတဲ့ Eugenol ဆိုတဲ့ အမျှင်ဓာတ်ဟာ အူအတွင်းမှ သကြားဓာတ် စုပ်ယူမှုကို ထိန်းသိမ်းပေးကာ သွေးတွင်းရှိ သကြားဓာတ် လွန်ကဲစွာ မြင့်တက်လာခြင်းကို ကာကွယ်တားဆီးပေးပါတယ်။

အပူဒဏ်ကြောင့်ဖြစ်တဲ့ နွမ်းနယ်ခြင်းတွေ ကင်းဝေစေခြင်း

ရုံးပတီသီးမှာပါတဲ့ ဒြပ်ပေါင်းတွေက အပူဒဏ်ကြောင့်ဖြစ်တဲ့ ပင်ပန်းနွမ်းနယ်ခြင်း၊ အားအင်ကုန်ခမ်းခြင်း၊ နဲ့ စိတ်ဓာတ်ကျခြင်းတွေကို သက်သာစေပါတယ်။

အမြင်အာရုံတိုးတက်ကောင်းမွန်စေခြင်း

ရုံးပတီသီးမှာ ဗီတာမင်အေ (vitamin A) ကြွယ်ဝစွာပါဝင်သလို ဗီတာကယ်ရိုတီးနွိုက်၊xanthein နဲ့ lutein တို့လိုမျိုး ဓါတ်တိုးဆန့်ကျင် ပစ္စည်းတွေကြွယ်ဝစွာပါဝင် တာကြောင့် နေ့စဉ်စားသုံးပေးမယ်ဆိုရင် မျက်လုံးကြွက်သားတွေပျက်စီးတာနဲ့ အတွင်းတိမ်ဖြစ်တာတွေမဖြစ်အောင်ကာကွယ်ပေးပါတယ်။

အရေပြားကိုကျန်းမာစေနိုင်ခြင်း

ဗီတာမင်အေ ဓါတ်တိုးဆန့်ကျင်ပစ္စည်းတွေက အရေပြားကျန်းမာအောင် ကာကွယ်ပေးသလို အနာကျက်မြန်စေတဲ့ အပြင် ဝက်ခြံတွေနဲ့အမာရွတ်ဖြစ်တာတွေကိုလည်းလျှော့ချပေးပါတယ်။ မျက်နှာပေါ်က အရေးအကြောင်းတွေကိုလည်းလျော့ပါးသက်သာစေပါတယ်။

သွေးပေါင်ချိန်ကိုကျဆင်းစေနိုင်ခြင်း

ရုံးပတီသီးမှာ လူ့ကျန်းမာရေးအတွက် မရှိမဖြစ်လိုအပ်တဲ့ ပိုတက်ဆီယမ် အပါအဝင် ခန္ဓါအတွက်မရှိမဖြစ်လိုအပ်တဲ့ ဗီတာမင် နဲ့ သတ္တုဓါတ်တွေကြွယ်ဝစွာပါဝင်ပါတယ်။ ပိုတက်ဆီယမ်က ခန္ဓါကိုယ်တွင်းက ဆိုဒီယမ်ပမာဏကို ထိန်းညှိပေးတာကြောင့်ကိုယ်တွင်း အရည်ဓါတ်ကို ဟန်ချက်ညီအောင်ထိန်းညှိပေးရာမှာ အရေးပါလှပါတယ်။ ပိုတက်ဆီယမ်ကသွေးလွှတ်ကြောတွေနဲ့ သွေးပြန်ကြောတွေကိုပြေလျော့စေနိုင်တာကြောင့်သွေးဖိအားကို ကျဆင်းစေနိုင်ပါတယ်။ နှလုံးသွေးကြောစနစ်ကို တင်းအားလျော့ကျစေနိုင်ပါတယ်။သွေးကြောတွေထဲမှာသွေးခဲပိတ်ဆို့နိုင်ခြေကိုလည်း လျှော့ချပေးနိုင်ပါတယ်။

အသည်းရောဂါတွေကို ကာကွယ်ပေးနိုင်ခြင်း

လေ့လာမှုတစ်ရပ်မှာ ရုံးပတီသီးက ဓါတုပစ္စည်းတွေကြောင့် အသည်းအဆိပ်သင့်တာတွေကိုလျော့ပါးသက်သာစေနိုင်တယ်လို့တွေ့ရှိခဲ့ရပါတယ်။နေ့စဉ်စားသုံးတဲ့အစားအသောက်တွေထဲမှာ ရုံးပတီသီးကို ထည့်သွင်းစားသုံးပေးမယ်ဆိုရင် free radicalsတွေကြောင့် အသည်းရောဂါဖြစ်ပေါ်ခ့စားရမှုကိုလျှော့ချပေးမှာဖြစ်ပါတယ်။ ရုံးပတီသီးကfree radicalsတွေကိုတိုက်ထုတ်ပေးပြီး အသည်းရဲ့ ဆဲလ်အမြှေးပါးတွေကိုလည်း ကျန်းမာအောင် ထိန်းညှိပေးပါတယ်။

အာရုံကြောထိခိုက်ပျက်စီးမှုဖြစ်နိုင်ခြေတွေကိုလျော့ပါးသက်သာစေနိုင်ခြင်း

ရုံးပတီသီးက အယ်လ်ဇိုင်းမားရောဂါဖြစ်နိုင်ခြေတွေကိုလျှော့ချပေးနိုင်ပါတယ်။oxidative stressတွေကြောင့်ဖြစ်တဲ့ အာရုံကြောဆိုင်ရာရောဂါတွေမဖြစ်ပေါ်အောင်လည်းကာကွယ်ပေးပါတယ်။နေ့စဉ်စားသုံးတဲ့ အစားအငောက်တွေထဲမှာ ရုံးပတီသီးကို ထည့်သွင်းစားသုံးပေးမယ်ဆိုရင် အာရုံကြောဆိုင်ရာရောဂါတွေဖြစ်ပေါ်ခံစားရမှုကနေ ကာကွယ်ပေးနိုင်မှာဖြစ်ပါတယ်။

ရင်သားကင်ဆာဆဲလ်တွေကို တိုက်ဖျက်ပေးနိုင်ခြင်း

ရုံးပတီသီးမှာပါတဲ့lectin isolated ကရင်သားကင်ဆာဆဲလ်တွေကို တိုက်ဖျက်ပေးနိုင်စွမ်းရှိပါတယ် လို့လေ့လာမှုတစ်ရပ်အရသိရပါတယ်။ ရင်သားကင်ဆာအကျိတ်ဆဲလ်တွေရဲ့ကြီးထွားမှုကို ၆၃ ရာခိုင်နှုန်းအထိလျော့ချပေးနိုင် ပါတယ်။

နေ့စဉ်စားသုံးမယ့် အစားအသောက်တွေထဲမှာ ရုံးပတီသီးကို ထည့်သွင်းစားသုံးပေးမယ်ဆိုရင် ရင်သားကင်ဆာ ခံစားရနိုင်ခြေကို သိသိသာသာလျော့ကျစေ နိုင်မှာဖြစ်ပါတယ်။

အူမကြီးကင်ဆာဖြစ်ပွားနှုန်း လျော့နည်းစေခြင်း

ရုံးပတီသီးမှာပါတဲ့ အမျှင်ဓာတ် တွေကြောင့် ဝမ်းမှန်စေကာ အူမကြီးကင်ဆာ ဖြစ်ပွားနှုန်းကို လျော့ချပေးပါတယ်။ ရုံးပတီသီးမှာပါတဲ့ အင်တီအောက်စီဒန့်တွေက ကင်ဆာဖြစ်စေနိုငိတဲ့ ဆဲလ်များပြောင်းလဲမှုကို တားဆီးကာကွယ်ပေးပါရုံသာမက ကိုယ်ခံအားကို တိုးပွားစေကာ ရောဂါပေါင်းစုံမှ ကာကွယ် ပေးနိုင်ပါတယ်။

အဝလွန်ခြင်းမှ ကင်းဝေးစေခြင်း

ရုံးပတီသီးမှာ ကယ်လိုရီ အနည်းငယ်သာ ပါဝင်ပြီး အမျှင်ဓာတ် များစွာ ပါဝင်ပါတယ်။ အမျှင်ဓာတ်တွေက အစာမွတ်သိပ်မှုကို တားဆီးပေးပြီး မကြာခဏ အစာစားချင်စိတ်ဖြစ်ခြင်းမှ ကင်းဝေးစေပါတယ်။

သွေးအတွင်းအဆီ ကျစေခြင်း
ရုံးပတီသီးမှာပါဝင်တဲ့ Pectin ဆိုတဲ့ အမျှင်ဓာတ်က ခန္ဓာကိုယ်တွင်းက မကောင်းတဲ့ အဆီတွေကို ကျစေကာ သွေးကြောကျစ်မာခြင်း၊ သွေးတွင်းအဆီ ပိတ်ခြင်းတွေကို တားဆီးပေးခြင်း အားဖြင့် နှလုံးရောဂါ ဖြစ်ပွားနှုန်းကို လျော့ကျစေပါတယ်။

အစာကြေ ဝမ်းမှန်စေခြင်း

ရုံးပတီသီးမှာ အမျှင်ဓာတ်များစွာနဲ့ ပျစ်ချွဲရည်တွေ ပါဝင်ပါတယ်။ ရုံးပတီသီးကို စားခြင်းအားဖြင့် အစားအစာ တွေကို ကြေညက်စေပြီး အစာမကြေတာကို သက်သာကာ ဝမ်းမှန်စေပါတယ်။ ရုံးပတီသီးမှာပါတဲ့ Pectin ဆိုတဲ့ အမျှင်ဓာတ်ကြောင့် အူတွင်းက အညစ်အကြေးတွေရဲ့ ရွေ့လျားမှုကို အဆင်ပြေချောမွေ့စေပြီး ဝမ်းချုပ်ခြင်းမှ ကာကွယ်ပေးပါတယ်။ရုံးပတီသီးက သဘာဝကပေးတဲ့ ဝမ်းမှန်ဆေးပါပဲ။

ကိုယ်ဝန်ဆောင်တွေ နေ့စဉ် စားသုံးသင့်တဲ့မီးဖိုချောင်မှ ဆေးတစ်လက်

ရုံးပတီသီးမှာ ပါဝင်တဲ့ ဖောလစ်ဓာတ်နဲ့ အာဟာရတန်ဖိုးတွေက ကိုယ်ဝန်ရခြင်းကို ကူညီပေးနိုင်သလို သန္ဓေသားရဲ့ ဦးနှောက် ဖွံ့ဖြိုးခြင်းကို ကူညီပေးရုံသာမက ကိုယ်ဝန်ပျက်ကျခြင်းကို တားဆီးပေးပြီး ကလေးတွေမွေးလာတဲ့အခါ အာရုံကြောဆိုင်ရာ ချွတ်ယွင်းချက်တွေ ပါမလာအောင် တားဆီးကာကွယ်ပေးနိုင်ပါတယ်။ကိုယ်ဝန်ဆောင်စဉ် ရုံးပတီသီးကို ပုံမှန်စားရင် ဝမ်းချုပ်ခြင်းကို သက်သာစေပါတယ်။

အရိုးတွေကို သန်မာစေခြင်း

ရုံးပတီသီးမှာပါတဲ့ ကယ်လ်စီယမ်၊ ဘီတာမင် ကေ နဲ့ ဖော့လိတ်ဓာတ်တွေကြောင့် အရိုးတွေရဲ့ သိပ်သည်းဆကို မြင့်မားစေပြီး အရိုးတွေကို သန်မာစေကာ အရိုးပွရောဂါ မှ ကာကွယ် တားဆီးပေးပါတယ်။

မြန်မာဆေးကျမ်းအလိုအားဖြင့် ရုံးပတီသီးသည် ကျိချွဲ၏။ လေ၊ သလိပ်ကို ပျက်စေတတ်၏။အကြောအခြင်တို့ကို လေးလံတောင့်တင်းစေတတ်၏ဟု ဆိုလေသည်။

ရုံးပတီသီး မှာoxalate များစွာပါဝင်တာကြောင့် သည်းခြေကျောက်တည်တာနဲ့ကျောက်ကပ်ကျောက်တည်တဲ့ဝေဒနာခံစားနေရသူတွေအနေနဲ့ ရှောင်သင့်ပါတယ်

Crd, သဘာဝတိုင်းရင်းဆေး

၃၀ ပြည့်မွေးနေ့မှာ ဆုတောင်းပေးကြသူများရဲ့မေတ္တာများရရှိပီး ချမ်းမြေ့ရပါတယ်

၃၀ ပြည့်မွေးနေ့မှာ ဆုတောင်းပေးကြသူများရဲ့မေတ္တာများရရှိပီး ချမ်းမြေ့ရပါတယ်

ယနေ့မွေးနေ့အဖြစ် ဥပုသ် သီလ ယူဖြစ်ပါတယ်

မသေခင်စပ်ကြား ရှင်သန်ရဦးမယ့်နေ့ရက်တွေကို
အကောင်းမြင်တတ်ခြင်းနဲ့ ဖြတ်သန်းတတ်ဖို့လေ့ကျင့်သင်ကြားနေတုန်းပါ….

ယနေ့အထိ သွန်သင်ပေးတဲ့ မိဘဆရာ မိတ်ဆွေကောင်းတွေရဲ့ကျေးဇူး… အထူးသဖြင့် မေမေ့ကျေးဇူး… စိတ်ချမ်းသာအောင်ထားပေးတဲ့ Ninians တွေ ပရိသတ်တွေရဲ့ကျေးဇူးပါ….

အားလုံးအတွက် စစ်မှန်သော အမှန်တရား ကြီးစိုးရပါစေ….. ကျန်းမာလို့ အမြန်ဆုံးစိတ်ချမ်းသာရပါစေသား ~~~

#30thBirthday

#NiNiKhinZaw

လူသိနည်းသည့် အရက်ပြန်အသုံးပြုနည်း လျို့ဝှက်ချက်များ

အရက်ပြန်ကိုအသုံးချနိုင်သော အံ့သြဖွယ်ရာနည်းလမ်းများ

အရက်ပြန်က အိမ်တိုင်းရဲ့ ဆေးသေတ္တာထဲမှာ ထားထားသင့်တဲ့ ပစ္စည်းပါ။ သူက ပိုးသတ်တာ၊ ချွေးပေါက်ကျဉ်းတာ၊ လင်နမင်လိုမျိုး အသုံးဝင်တာ၊ ပစ္စည်း မျက်နှာပြင်ပေါ်က ပိုးတွေကို သေစေတာတွေအတွက် ထိထိရောက်ရောက် အသုံးဝင်ပါတယ်။

သူက အခြေခံအားဖြင့် ပျော်ဝင်ပစ္စည်းဖြစ်တဲ့အတွက် ဖုန်မှုန်နဲ့ အဆီတွေကိုလည်း ပျော်ဝင်စေနိုင်ပါတယ်။ Isopropyl alcohol ၇၀ ရာခိုင်နှုန်းနဲ့ ရေ ၃၀ ရာခိုင်နှုန်း ရောစပ်ထားပြီး ဆေးရုံသုံးပစ္စည်းအပြင် အိမ်သုံးပစ္စည်းအဖြစ်လည်း အောက်ပါတို့အတွက် အသုံးပြုနိုင်ပါတယ်။

Swimmer Ear ကို ကာကွယ်ပေးခြင်း

အတွင်းနားထဲကို ရေဝင်တဲ့အခါမှာ ရေပြန်ထွက်အောင် လုပ်ဖို့အတွက် ခက်ခဲနိုင်တာကြောင့် နားထဲကို ရောဂါပိုးတွေ ဝင်ရောက်နိုင်ခြေများကာ Swimmer Ear (နားပြည်တည်)ဖြစ်လာပါတယ်။ ဒီလိုမဖြစ်အောင် အရက်ပြန်က ကာကွယ် ပေးနိုင်ပါတယ်။ အရက်ပြန်က ရေထက် အငွေ့ပြန်လွယ်တာကြောင့်ပါ။ ရေဝင်တဲ့ နားထဲကို အရက်ပြန်အနည်းငယ် ထည့်ပေးလိုက်ရင် ရေနဲ့ အရက်ပြန်ရောပြီး အငွေ့ပြန်သွားတဲ့အတွက် နားက ခြောက်သွေ့သွားပြီး ရောဂါပိုးမဝင်အောင် ကာ ကွယ်ပေးပါတယ်။

ပြုလုပ်ပုံ ရေဝင်နေတဲ့ နားကို အပေါ်ဘက် ထားပြီး ဘေးစောင်းအိပ်ပါ။ အရက်ပြန်နဲ့ ရှလကာရည်ကို တစ်ဆစီ ရောထားတဲ့ အရည်ကို နားအစက်ချပြွန်နဲ့ နားထဲကို နှစ်စက်မှ လေးစက် ထည့်ပြီး ၁၀ မိနစ်စောင့်ပါ။ ပြီးရင် ရေထွက်အောင် နားကို တစ်ဖက်ပြန်စောင်းလိုက်ပါ။

ကုတ်ရာခြစ်ရာနှင့်ပြတ်ရှဒဏ်ရာကိုသန့်စင်နိုင်ခြင်း

အရက်ပြန်က ပိုးသတ်နိုင်တဲ့ဂုဏ်သတ္တိရှိတဲ့အတွက် ဒဏ်ရာမျက်နှာပြင်ပေါ်က ဘက်တီးရီးယားတွေ ထပ်မံပေါက်ဖွားမှုမရှိအောင် ကာကွယ်ပေးနိုင်ပြီး ရှိပြီးသား ဘက်တီးရီးယားတွေကိုလည်း သေစေနိုင်ပါတယ်။ ကျုံ့စေတဲ့ ဂုဏ်သတ္တိလည်း ရှိတဲ့အတွက် သွေးတိတ်စေနိုင်ပါတယ်။

ပြုလုပ်ပုံ ဝါဂွမ်းအသုံးပြုပြီး ဒဏ်ရာပေါ်ကို အရက်ပြန်သုတ်လိမ်းပါ။ မိနစ် အနည်းငယ်ခန့်ထားပြီး အစိုဓာတ်လိမ်းဆေး ထပ်မံလိမ်းပေးပါ။ (အရက်ပြန်က အရေပြားခြောက်သွေ့နိုင်တဲ့အတွက် အစိုဓာတ်လိမ်းခရင်မ်ကို အသုံးပြုရပါမယ်)

ဝက်ခြံကိုကာကွယ်နိုင်ခြင်း

အရက်ပြန်ရဲ့ ရောဂါပိုးသေစေတာနဲ့ အေးစေတဲ့ ဂုဏ်သတ္တိကြောင့် ဝက်ခြံမဖြစ်အောင် ကာကွယ်နိုင်ပါတယ်။ မွေးညင်းပေါက်တွေကို ပိတ်ဆို့ထားတဲ့ ဖုန်မှုန့်တွေကို ဖယ်ရှားဖို့ အရက်ပြန်က ကူညီပေးနိုင်ပါတယ်။

ပြုလုပ်ပုံ … ဝက်ခြံဖုပေါက်တာကို သတိထားမိမိချင်း အဖုပေါ်မှာ အရက်ပြန် တို့လိုက်ပြီး ၁၀ မိနစ်ခန့်ထားထားပါ။ ပြီးရင် ရေနွေးနဲ့ ရေဆေးကြောပြီး အစိုဓာတ် ထိန်းခရင်မ်လိမ်းပေးပါ။ တစ်နေ့ နှစ်ကြိမ် အသုံးပြုနိုင်ပါတယ်။

IVY အဆိပ်တက်ခြင်းအတွက် ကုသနိုင်ခြင်း

IVY အပင် ဒါမှမဟုတ် တခြားနွယ်ပင်တွေကြောင့် အရေပြားယားယံပြီး နီရဲလာရင် အရက်ပြန်ကို အသုံးပြုနိုင်ပါတယ်။ အရက်ပြန်က အေးစေတဲ့ ဂုဏ်သတ်္တိရှိပြီး အရေပြားပေါ်မှ ပိုးတွေ သေစေနိုင်တဲ့အတွက် တခြားရောဂါပိုး တွေ မဝင်ရောက်အောင်လည်း ကာကွယ်နိုင်ပါတယ်။

ပြုလုပ်ပုံ စက္ကူပေါ်မှာ အရက်ပြန်ဆွတ်ပြီး အဆိပ်မိနေတဲ့ အရေပြားပေါ်မှာ သုတ်လိုက်ပါ။ အရေပြား လုံးဝခြောက်သွေ့သွားရင် ရေနွေးဆပ်ပြာနဲ့ ဆေးကြောပါ။ နှစ်ရက်၊ သုံးရက်အထိ ပြုလုပ်ပေးနိုင်ပါတယ်။

ခြေသည်းမှိုပိုးဝင်ခြင်းအတွက်ကုသနိုင်ခြင်း

ပိုးသေစေတဲ့ ဂုဏ်သတ္တိရှိတဲ့အတွက် ခြေသည်းမှိုရောဂါအတွက်လည်း ကုသနိုင်ပါတယ်။ ခြောက်သွေ့လွယ်တဲ့အတွက် ပူနွေးစွတ်စိုတဲ့ ပတ်ဝန်းကျင်ကို နှစ်ခြိုက်ကြတဲ့ ဖန်းဂတ်စ်ပိုးတွေ ပေါက်ဖွားမှုကိုလည်း တားမြစ်ပေးနိုင်ပါတယ်။

ပြုလုပ်ပုံ အရက်ပြန်နဲ့ ရှလကာရှည်ကို ဆတူရောထားပါ။ အဲဒီအရည်ကို ဝါဂွမ်းဆွတ်ပြီး မှိုရှိနေတဲ့ ခြေသည်းပေါ်မှာ တင်ထားပါ။ ဝါဂွမ်းနေရာမရွေ့အောင် ပတ်တီးနဲ့ ထိန်းထားပေးပါ။ မိနစ် ၃၀-၄၅ ခန့် ထားပြီး ခြေသည်းကို အမွေးနု သွားပွတ်တံနဲ့ ပွတ်တိုက်ကာ ရေဆေးချပါ။

ဦးခေါင်းမှသန်းများသေစေနိုင်ခြင်း

အရက်ပြန်က သန်းတွေကို ထိထိရောက်ရောက် သေစေနိုင်တဲ့ ဂုဏ်သတ်္တိရှိပါတယ်။

ပြုလုပ်ပုံသန်းရှိတဲ့ ဆံပင်ပေါ်ကို အရက်ပြန် အနည်းငယ် လောင်းချပါ။ ပြီးရင် သင့်လက်တွေနဲ့ ဦးခေါင်းအရေပြားနဲ့ ဆံပင်ပေါ် အရက်ပြန်တွေ နှံ့သွားအောင် ပွတ်ပေးပါ။ ၅-၁၀ မိနစ်ခန့် ထားပြီး ဆံပင်ပျော့ဆေးကို ဦးရေပြားအနှံ့ ပွတ်ပေးပါ။ ပြီးရင် ဘီးနဲ့ ဖြီးချကာ ခေါင်းလျှော်လိုက်ပါ။ တစ်ပတ် တစ်ကြိမ် ပြုလုပ်ပေးနိုင်ပါတယ်။

ခြင်ကိုက်ရာအတွက် အယားသက်သာစေခြင်း

အရက်ပြန်ဟာ ခြင်ကိုက်ဒဏ်ရာအတွက်လည်း အသုံးဝင်ပါတယ်။ ယားယံတာ၊ ရောင်ရမ်းတာနဲ့ နာကျင်မှုဝေဒနာတွေ သက်သာစေတဲ့အပြင် ခြင်ကိုက်ဖုလည်း အမြန်လျော့ကျသွားနိုင်ပါတယ်။

ပြုလုပ်ပုံ ခြင်ကိုက်ဒဏ်ရာပေါ်မှာ အရက်ပြန်နဲ့ တစ်မိနစ်ခန့် နှိပ်ပြီး ပွတ်ပါ။ ၁၀ မိနစ်ခန့်ထားပြီး ရေအေးနဲ့ ဆေးချပါ။ ပြီးရင် အစိုဓာတ်ထိန်းခရင်မ်လိမ်းပေးပါ။

ကြွက်သားနာကျင်ခြင်းအတွက်ကုသနိုင်ခြင်း

အရက်ပြန်ကို လင်နမင်လို အသုံးပြုနိုင်တဲ့အတွက် ကြွက်သားကိုက်ခဲတာ ဒါမှမဟုတ် အဆစ်နာကျင်တာတွေအတွက်လည်း အလွန်အသုံးဝင်ပါတယ်။ ဒဏ်ရာရတဲ့ကြွက်သား ဒါမှမဟုတ် အဆစ်နေရာကို သွေးလှည့်ပတ်မှုကောင်းမွန်စေတဲ့အတွက် ဝေဒနာသက်သာသွားတာပါ။

ပြုလုပ်ပုံ နာကျင်တဲ့ ကြွက်သားပေါ်မှာ အရက်ပြန်ပွတ်လိမ်းပါ။ ၁၀ မိနစ်ခန့် စက်ဝိုင်းပုံသဏ္ဌာန်နှိပ်ပေးပြီး မျက်နှာသုတ်ပဝါနဲ့ မိနစ် ၃၀ ခန့် ပတ်ထားပေးပါ။ တစ်နေ့ကို ၂-၃ ကြိမ် ပြုလုပ်နိုင်ပါတယ်။

မင်စွန်းရာကိုဖျက်နိုင်ခြင်း

အရက်ပြန်ဟာ အဝတ် ဒါမှမဟုတ် ကော်ဇောပေါ်မှ မင်စွန်းရာတွေကိုလည်း ဖယ်ရှားပေးနိုင်ပါတယ်။

ပြုလုပ်ပုံ မင်စွန်းနေတဲ့နေရာမှ စက်္ကူနဲ့ မင်စုပ်သွားအောင် ဖိကပ်ပေးပါ။ ပြီးရင် အရက်ပြန်ဆွတ်ပေးပါ။ အရက်ပြန်ဆွတ်လိုက်၊ စက္ကူနဲ့ ဖိပြီး စုပ်ယူလိုက်နဲ့ အဝတ်မှာ မင်တွေ ကုန်စင်သွားတဲ့အထိ ပြုလုပ်ပေးပါ။ ပြီးရင် ရေအေးနဲ့ လျှော်ချလိုက်ပါ။ ကော်ဇောပေါ်မှ မင်စွန်းရာကို ဖယ်ရှားလိုရင် ဆပ်ပြာရည် နှစ်ဆ၊ အရက်ပြန် တစ်ဆ ရောစပ်ပြီး အသုံးပြုရပါမယ်။

မှန်များကိုကြည်လင်စေနိုင်ခြင်း

အရက်ပြန်ဟာ ခြောက်သွေ့နှုန်းမြန်ဆန်ပြီး စွန်းထင်းရာတွေ မကျန်နိုင်တဲ့အတွက် မှန်တွေကို ကြည်လင်စေဖို့ အသုံးပြုနိုင်ပါတယ်။ လက်ပ်တော့၊ ကီးဘုတ်နဲ့ ဖုန်းမျက်နှာပြင်တွေကိုလည်း အရက်ပြန်အသုံးပြုပြီး သန့်စင်နိုင်ပါတယ်။

ပြုလုပ်ပုံ ရေ နှစ်ခွက်၊ အရက်ပြန် ခွက်ရဲ့ လေးပုံတစ်ပုံနဲ့ ရှလကာရည် ခွက်ရဲ့ လေးပုံတစ်ပုံတို့ ရောစပ်ထားတဲ့ အရည်ကို သင် သန့်စင်ချင်တဲ့ မှန်၊ ဖန်ခွက် အစရှိတာ တွေပေါ်မှာ ဖျန်းပြီး သတင်းစာ စက္ကူနဲ့ သုတ်ပေးပါ။

Credit, ဒေါက်တာခင်မိုးမိုး

ရည်းစားဟောင်း ရဲရင့်အောင်နဲ့ လမ်းခွဲလိုက်တဲ့ အံ့ဩဖွယ်အကြောင်းကိုပြောပြလာတဲ့ ဧငြိမ်းဖြူ

သူမသေလောက်အောင်ချစ်ရတဲ့ ရည်းစားဟောင်း အဆိုတော်ရဲရင့်အောင်နဲ့ လမ်းခွဲလိုက်တဲ့အကြောင်းကို ပြောပြလာတဲ့ သရုပ်ဆောင်အေငြိမ်းဖြူ

သရုပ်ဆောင်အေငြိမ်းဖြူကတော့ချောမောလှပပြီးသရုပ်ဆောင်မှုတွေမှာပီပြင်တာ.ကြောင့်ပရိတ်သတ်တွေ.ရဲ့အားပေးမှုကိူအခိုင်အမာရရှိထားတဲ့မင်းသမီးပဲဖြစ်ပါ.တယ်၊အေငြိမ်းဖြူကမကြာခဏ.ဆိုသလိုသုမတတ်နိုင်တဲ့ဘက်ကနေအလှူအတန်းတွေလဲပြုလုပ်တတ်သေး.ပါတယ်၊သူမကတော်လှန်ရေးကြီးမှာလဲပြည်သူတွေနဲ့.အတူအမှန်တရားဘက်က.ပါဝင်ပြီးလမ်းထွက်ကာလူထု လှုပ်ရှားမှုတွေမှာလဲအားတက်သရော ပါဝင်ခဲ့ပါတယ်။

အေငြိမ်းဖြူကတော့အဆိုတော်ရဲရင့်အောင်ရဲ့ချစ်သူဆိုတာကိုပရိတ်သတ်ကြီးတွေကသိပြီး သားပဲဖြစ်မှာပါနော်၊ဒီကနေ့မှာဆိုရင်Aငြိမ်းဖြူ ကတော့လေးနှစ်ကျော်တွဲလာပီးmမှလမ်းခွဲnလိုက်ရတဲ့အကြောင်းကိုစိတ်မကောင်း၊.ဝမ်းနည်းစွာနဲ့ကိုပြောပြလာခဲ့ပါတယ်နော်။အေငြိမ်းဖြူကသေလောက်အောင်ချစ်ခဲ့ရတဲ့သူမို့လမ်းခွဲတဲ့အချိန်မှာလဲသေလောက်အောင်နာကျင်ရပါတယ်၊Aသူ့ကိုဘယ်လောက်နာကျည်းနေပါစေဒါပေမဲ့Aတို့နှစ်ယောက်ကိုအခြားသူတွေအမြင်မှာ ကောင်းသောအမှတ်တရလေးတွေနဲ့ပဲကျန်ခဲ့စေချင်လို့ပါ။

သရုပ်ဆောင်အေငြိမ်းဖြူကတော့ချောမောလှပပြီးသရုပ်ဆောင်မှုတွေမှာပီပြင်တာကြောင့်ပရိတ်သတ်တွေရဲ့အားပေးမှုကိူအခိုင်အမာရရှိထားတဲ့မင်းသမီးပဲဖြစ်ပါတယ်၊အေငြိမ်းဖြူကမကြာခဏဆိုသလိုသုမတတ်နိုင်တဲ့ဘက်ကနေအလှူအတန်းတွေလဲပြုလုပ်တတ်သေးပါတယ်၊သူမကတော်လှန်ရေးကြီးမှာလဲပြည်သူတွေနဲ့.အတူအမှန်တရားဘက်ကပါဝင်ပြီးလမ်းထွက်ကာလူထုလှုပ်ရှားမှုတွေမှာလဲအားတက်သရော ပါဝင်ခဲ့ပါတယ်။

အေငြိမ်းဖြူကတော့အဆိုတော်ရဲရင့်အောင်ရဲ့ချစ်သူဆိုတာကိုပရိတ်သတ်ကြီးတွေကသိပြီး.သားပဲဖြစ်မှာပါနော်၊ဒီကနေ့မှာဆိုရင်Aငြိမ်းဖြူကတော့လေးနှစ်ကျော်တွဲလာပီးmမှလမ်းခွဲnလိုက်ရတဲ့အကြောင်းကိုစိတ်မကောင်း၊ဝမ်းနည်းစွာနဲ့ကိုပြောပြလာခဲ့ပါတယ်နော်

‌အေငြိမ်းဖြူကသေလောက်အောင်ချစ်ခဲ့ရတဲ့သူမို့.လမ်းခွဲတဲ့အချိန်မှာလဲသေလောက်အောင်နာကျင်ရပါတယ်၊Aသူ့ကိုဘယ်လောက်နာကျည်းနေပါစေ၊ဒါပေမဲ့Aတို့နှစ်ယောက်ကိုအခြားသူတွေအမြင်မှာ ကောင်းသောအမှတ်တရလေးတွေနဲ့.ပဲကျန်ခဲ့စေချင်လို့ပါ။

အဲ့ကြောင့်Aဒီလမ်းခွဲတဲ့ကိစ္စနဲ့ပက်သက်ပြီးနောက်ထပ်ဘာမှထပ်ပြောတော့မှာမဟုတ်ပါဘူးနော်၊လေးနှစ်ကျော်လုံးဘယ်တော့မှလွှတ်မချ နိုင်ခဲ့ပဲမရရအောင်ဆုပ်ကိုင်ခဲ့တဲ့လက်တစ်စုံနောက်ဆုံးတော့လွှတ်ချနိုင်ခဲ့ပါပြီ၊အခြားသူအတွက်ပေးဆပ်ရင်းကိုယ့်အတွက်ကိုယ်အသက်ရှုဖို့တောင်မေ့နေခဲ့တဲ့သူမို့ရှေ့ဆက်ရမဲ့ဘဝမှာကိုယ့်ကိုကိုယ်အများကြီးပြန်ကြည့်ပေးပြီးကြိုးစားနေထိုင်သွားမှာပါ။ဒီကာလကြီးမှာဒီလိုကိစ္စမျိုးအသိပေးရတဲ့အတွက်လည်းတကယ်တောင်းပန်ပါတယ်ဆိုပြီးဝမ်းနည်းစွာရေးသားဖော်ပြလာပါတယ်။

CREDIT, COPY CELE

ဂျပန်တွေက ကြက်မတစ်ကောင်ကို တစ်နေ့ ၂ လုံး ဥအောင် လုပ်လိုက်ပြီ

အောင်မြင်တယ် တစ်နေ့ ၂ လုံးဥတယ် ဘယ်လိုလုပ်သလဲဆိုတော့ တစ်နေ့တာ ၂၄ နာရီကို တစ်နေ့ ၁၂ နာရီ လုပ်လိုက်တယ်။ ဥကြက်မတွေကို ပြင်ပလောကနဲ့ ပေးမတွေ့ဘူး။ အလုံလုပ်ထားတယ်။ ၆ နာရီ အလင်းရောင် ပေးတယ်။ ၆ နာရီ အမှောင်ချထားလိုက်တယ်။

ကြက်မတွေက တစ်နေ့မိုးချုပ်ပြီထင်ပြီး ဥတစ်လုံး ဥချလိုက်တယ်။ ပြန်ပြီး မိုးလင်း လာသယောင်ယောင် ၆ နာရီ အလင်းရောင်ထပ်ပေးတယ်။ ပြီးရင် ပြန်အမှောင်ချတယ်။ နောက်တစ်နေ့ထင်ပြီး ကြက်မတွေက ဥတစ်လုံး ထပ်ဥတယ်။ ကဲ

ငယ်ငယ်က (အလိုကြီး အရနည်း) ဆိုပြီး တစ်နေ့ ရွှေဥတစ်လုံး တစ်လုံး ဥတဲ့ ငန်းကို တခါတည်း ဥတွေအများကြီးလိုချင်လို့ သတ်ပြီး ငန်းဗိုက်ထဲမှာ ဥတွေရှာတော့…, တစ်လုံးမှမရတော့တဲ့အကြောင်း သင်ခဲ့ရဖူးတယ်။

အဲ့ဒီသင်ခန်းစာမှာ ကျွန်တော်တို့ကိုပေးတဲ့ message က လောဘမကြီးရဘူး၊ အလိုကြီးရင် အရနည်းတက်တယ်၊ ဒီအသိကိုပေးတာ။ အမှန်က… ”လိုလျှင်ကြံဆ နည်းလမ်းရ” ဆိုတဲ့ အသိကိုပေးရမှာ။

သစ်ကုလားအုပ်ကို ရေခဲသေတ္တာထဲ ထည့်လို့ရသလား… ဆိုရင် ကျွန်တော်တို့အများစုက “မရဘူး” ဆိုတဲ့ သမရိုးကျ အယူအဆသာ ရှိကြတဲ့လူတွေ။

အမှန်တော့ ရေခဲသေတ္တာဟာ ဘယ်အရွယ် ဘယ် size ပဲ လုပ်ရမယ်လို့ သတ်မှတ်ချက်မှမရှိတာ။ သစ်ကုလားအုပ် ထည့်ချင်ရင် ထည့်လို့ရမယ့်အရွယ် ရေခဲသေတ္တာအကြီးကြီးလုပ်ပေါ့။ ဒါပဲလေ။

ရွှေဥတစ်လုံး တစ်လုံး ဥတဲ့ငန်း ဂျပန်တွေကိုပေးလိုက်။ တစ်နေ့တည်း ၂ လုံးဥအောင် သူတို့လုပ်လိုက်လိမ့်မယ်။ အဲ့ဒါပညာပဲ။ ဘယ်တက္ကသိုလ် ဘယ်ကောလိပ်ကမှ မသင်ကြားပေးနိုင်တဲ့ပညာ။

တရုတ်ပြည်မှာ မြွေတွေ တအားစားတယ်။ မြွေဆိုရင် ဈေးကောင်းတယ်။ ရေမြွေ မွေးမြူရေးသမား တစ်ယောက်နဲ့ interview ထားတာ ကျွန်တော်ဖတ်ခဲ့ဖူးတယ်။

သူဖြေထားတာက…

”ရေမြွေမွေးဖို့ အရှည်တစ်မိုင်ရှိတဲ့ ရေစီးကြောင်းလိုအပ်တယ်။ ကျွန်တော် အဲ့ဒီလောက် ကျယ်တဲ့ခြံ ဘယ်လိုလုပ်ပြီး ဝယ်နိုင်မှာလည်းဗျာ့။ အဲ့တော့ ကျွန်တော့်ရှိတဲ့ခြံထဲမှာပဲ ကွန်ကရစ်ဘောင်တွေနဲ့ပဲ စီးဆင်းနေတဲ့ရေမြောင်းပုံစံ တစ်မိုင်အရှည်ရအောင် ကွေ့ဝိုက်ပြီး ဟိုကနေဒီ, ဒီကနေဟို စီးဆင်းတဲ့ပုံ ဖန်တီးရတာပေါ့”

သူလည်း အောင်မြင်သွားတယ်။

နောက်ပြီးသူက ခိုနဲ့ ငါးလည်း မွေးတယ်။ ခိုအတွက်ပဲ အစာဝယ်ကျွေးတယ်။ ငါး’အတွက် အစာဝယ်မကျွေးဘူး။ ခိုရဲ့ချီးကို ငါးစာပြန်လုပ်ပြီး ငါးတွေကို ကျွေးတယ်။

ခိုက အရင်းပဲရရင်တောင် ငါးက ကျွန်တော့်အတွက် အသားတင်အမြတ်တဲ့။ အဲ့ဒါလည်း ဘယ်တက္ကသိုလ်တွေ ဘယ်ကောလိပ်တွေကမှ သင်ကြားပေးလိုက်တာမဟုတ်တဲ့ ပညာတွေပဲ။

အမေဒေါ်အောင်ဆန်းစုကြည်’ပြောတာ အဲ့ဒါမျိုးတွေနော်။ professional အသက်မွေးဝမ်းကြောင်းမှု အတတ်ပညာတွေဟာ တက္ကသိုလ်ဘွဲ့တွေထက် ပိုအသုံးတည့်မယ် ဆိုတာမျိုးပေါ့ဗျာ။

နောက်ပြီး ထိုင်းမှာ ဖားမွေးမြူရေး။ စားဖားတွေမွေးတာ။ နေရာမလိုဘူး ပညာပဲလိုတယ် တိုက်ခန်းနဲ့နေတဲ့ လူတွေလည်း စီးပွားဖြစ် မွေးလို့ရတယ်။

ပုဂံစင်လိုမျိုး အထပ်အထပ်နဲ့ ရေသန့်ဗူးတွေကိုစီပြီး အဲ့ဒီရေသန့်ဗူးတွေထဲမှာ ဖားတွေမွေးတာ အောင်မြင်တယ်။ ဈေးကောင်းရတယ်။

နောက်တစ်ခု မြန်မာပြည်မှာ ကျွန်တော်ရှိတုန်းက broiler ကြက် (အများအခေါ်/အိမ်ရှင်မတွေအခေါ် cp ကြက်) ပေါ့ဗျာ။ ကျွန်တော်မွေးတယ်။

အောင်မြင်အောင် မွေးနိုင်တဲ့နေရာမှာ cp company က ကောင်တွေလာခဲ့ဦး၊ ကျွန်တော်ဂရုမစိုက်ဘူး။ ကျွန်တော်ဆရာပဲ။

တခြားခြံတွေကတောင် ကျွန်တော့်ဆီမှာ အကြံဉာဏ်လာယူရတယ်။ နည်းစနစ် လာမေးရတယ်။ ရောဂါဝင်ရင်/တစ်ခုခုဖြစ်ရင် diagnosed ဘာမှန်းမသိလို့၊ ဘာရောဂါလဲ၊ ဘယ်လိုဆေးဝါးတွေနဲ့ Treatment လုပ်ရမလဲ၊ ကျွန်တော့်ဆီ အကူအညီတောင်းရတယ်။

ကျွန်တော်ထင်တာ ”ငါ ဆရာကြီးပဲ။ ငါ စောက်ရမ်းကျွမ်းတယ်”လို့ ဘဝင်မြင့်နေတာ။

ဒီ ဘွိုင်လာကြက်တွေရဲ့ နဂိုမူလဇာတိဟာ နယ်သာလန်/ဟော်လန် ပေါ့ဗျာ။ ဘိုင်ယန်မြူးနစ်က တောင်ပံကစားသမား အာဂျန်ရော်ဘင်တို့တိုင်းပြည်။

သူတို့ ဟော်လန်မှာ ဒီ (၄၅)ရက်ကြက် ဘွိုင်လာကြက်တွေကို ဘယ်လိုမွေးနေကြသလဲလို့ Google ကနေ ကျွန်တော်လေ့လာကြည့်တော့… ကျွန်တော်တို့ သိထားတာတွေ၊ ကျွန်တော်တို့ လုပ်နေတာတွေဟာ တအားအကုန်အကျများတယ်။ ထုတ်လုပ်မှုစရိတ် တအားကြီးတဲ့ မွဲဆေးပဲဆိုတာ သိလိုက်ရတယ်။

ကျွန်တော်တို့ သိထားတာက ဘွိုင်လာမွေးမယ်ဆို မြေပြင်ကနေပြီးတော့ ကြမ်းခင်းကို ငါးပေခွဲအမြင့်။ ကြမ်းခင်းကနေ လက်ခံတိုင်ကို ခြောက်ပေခွဲ/ခွန်နှစ်ပေအမြင့်။ ခေါင်အထိဆို ၁၆ ပေလောက်အမြင့်ရှိတဲ့ အဆောက်အဦးတစ်ခုကို မြန်မာငွေ သိန်းသုံးဆယ်၊ သုံးဆယ့်ငါးသိန်းလောက် အကုန်ခံဆောက်ပြီးမှ မွေးလို့ရတယ်ထင်ခဲ့တာ။ မြန်မာတစ်ပြည်လုံးလည်း အခု အဲ့အတိုင်းနဲ့ပဲ မွေးနေကြတာ။

သူတို့ နယ်သာလန်မှာ ဒီအတိုင်းမြေကြီးပြောင်ပေါ်မှာ ဆယ်ပေပတ်လည်ခြံ။ ခါးတိုက်လောက်အမြင့် တာလပတ်အမိုးလေးနဲ့ မွေးနေကြတာ။

ဒီနေရာမှာ ကြက်ချေးတွေ အညစ်အကြေးတွေနဲ့ ညစ်ပတ်သွားပြီဆိုရင် အဲ့ဒီ ဆယ်ပေပတ်လည်ခြံလေးကို မိန်းကလေးနှစ်ယောက် အသာလေး မ’ရွှေ့လိုက်တယ်။ တဖြည်းဖြည်းနဲ့ပေါ့ ကြက်တွေပါ ပါလာအောင်။ ပြီးရင် နေရာဟောင်းက ကြက်ချေးတွေ အညစ်အကြေးတွေကို သိမ်းလိုက်တယ်။

ဟိုနေရာက မြေကြီးညစ်ပတ်သွားရင် ဒီနေရာပြန်ရွှေ့။ ဒီနေရာကမြေကြီးညစ်ပတ်သွားရင် ဟိုနေရာပြန်ရွှေ့။ အဲ့လိုနဲ့ သူတို့မွေးနေတာ အောင်မြင်သလား, မအောင်မြင်ဘူးလားတော့ မမေးနဲ့ဗျာ။ ကြက်တစ်ကောင် နှစ်ပိဿငါးဆယ်/သုံးပိဿလောက်ရှိတယ်။ ဟဲဗီးကြီးတွေပဲ။

အဓိကအချက် ကျွန်တော်ပြောမယ်လေ ကျွန်တော်အပါအဝင် မြန်မာပြည်သားအများစုက သမရိုးကျအတွေးအခေါ်၊ သမရိုးကျအယူအဆတွေနဲ့ပဲ မတိုးတက်နိုင်ကြဘူးဖြစ်နေတာ။

ဆန်းဆန်းပြားပြားတွေးခေါ် မြင့်မြင့်မားမားကြံစည်တဲ့ လူတွေကျတော့ လှောင်ပြောင်ကြတယ်။ ရန်ကုန်မြစ် မြို့လည်ရွှေ့မယ်ဆိုတော့ ဝိုင်းဆဲတယ်။ လှောင်ပြောင်တယ်။

မြစ်ရဲ့ ဟိုဘက်ကမ်းကို ရန်ကုန်မြို့လိုစည်ကားအောင်၊ တိုးတက်အောင် လုပ်လိုက်ရင် ရန်ကုန်မြစ်ဟာ အလိုလို မြို့လည်ခေါင်ရောက်လာမယ်ဆိုတာ ဉာဏ်မမှီတော့ မတွေးခေါ်နိုင်ကြဘူး။

ဒါကြောင့်… ဦးနှောက်ကို ဘောင်ခတ်မထားကြနဲ့။ ဒီလိုလုပ်မှရတယ်လို့ တရားသေမတွေးနဲ့။ သူတပါးတွေရဲ့ ဆန်းသစ်တဲ့အတွေး၊ မြင့်မားတဲ့ အကြံအစည်ကို မလှောင်ပြောင်နဲ့။

ကျွန်တော်ကိုယ်တိုင်လည်း နားမလည်သေးတာတွေ၊ နားလည်ထားမှု လွဲမှားနေတာတွေ အများကြီးကို ပြုပြင်ရဦးမယ်။

Swan Htet
Edit Text & Shared _ အေအန်န်အမ်မ်တီ

မူရင်းရေးသားသူကို ကျေးဇူးတင်ပါတယ်

အချိုမှုန့် အကြောင်း သိကောင်းစရာ

ချိုမှုန့်ဆိုသည်မှာ ဓာတုဗေဒနာမည်အားဖြင့် Monosodium glutamate (MSG) ဟုခေါ်သည့် ဒြပ်ပေါင်းတစ်ခု ဖြစ်သည်။ Glutamic Acid လို့ခေါ်သော Amino Acid တစ်မျိုး ပါဝင်ပြီး စားစရာထဲ ထည့်လိုက်လျှင် Free Glumate တွေ အဖြစ်ကို ပြောင်းလဲသွားကာ အစားအသောက်များ၏ အရသာကို ဓာတုနည်းနှင့် လျှာပေါ်တွင် ဆပွားတိုးပေးလိုက်ခြင်း ဖြစ်သည်။

အချိုမှုန့် စားသုံးမှု ဆိုးကျိုး

(၁) ဆီးချို မဖြစ်အောင် ထိန်းသိမ်းပေးသော အင်ဆူလင်ဟော်မုန်း (Insulin)၏ လုပ်ငန်းဆောင်တာတွင် အနှောင့်အယှက်တစ်ရပ် ဖြစ်၍ ဆီးချိုဖြစ်စေရန် ကောင်းကောင်း အထောက်အကူပြုပါသည်။

(၂) အစာ အလွန်အကျွံစားချင်စိတ်ကို တိုးပွားဖြစ်ပေါ်စေသလို၊ အဝလွန်ခြင်းကို တားဆီးပေးသော ဟော်မုန်းများကိုပါ ပိတ်ဆို့လို့ အဝလွန်ခြင်းကို ဖြစ်စေသည်။ အဝလွန်ခြင်း ဖြစ်လာလျှင် သွေးတိုး၊ ဆီးချို၊ နှလုံးသွေးကြောပိတ် စသည့် ရောဂါများပါ ရလာနိုင်သည်။

(၃) ဦးနှောက်ဆဲလ်များကို မြန်မြန် ပျက်စီးယိုယွင်း စေပါသည်။ မှတ်ဉာဏ်ကို အရွယ်မတိုင်ခင် ပျောက်ဆုံးစေပြီး မေ့တတ်သော ရောဂါများ ဖြစ်စေရန် အလားအလာ အရမ်း များစေပါသည်။ အချိုမှုန့်ကို မွေးကင်းစကတည်းကနေ စပြီး စားသော ကလေးများမှာ ဉာဏ်ရည်ပိုင်း ယုတ်လျော့မှု ရှိတာကို တွေ့ရှိရပါသည်။

(၄) ဂျာမနီနိုင်ငံတွင် အချိုမှုန့် သုံးစွဲမှုကို လုံးဝဖြတ်တောက်ရှောင်ကြဉ်ဖို့ အမျိုးသားအဆင့် ကြေငြာချက်များ၊ ဥပဒေများ ထုတ်ခဲ့ရဖူးပါသည်။ အချိုမှုန့် စားသော ကိုယ်ဝန်ဆောင်များ မွေးလာသည့် ကလေးများသည် အင်ဆူလင်ဟော်မုန်း စွမ်းရည်ကျဆင်း၍ မတိုးတော့ခြင်း၊ (Insulin-resistant) မွေးရာပါ ဖြစ်လာခြင်း တွေ့ရပါသည်။

ထို့ကြောင့် ထိုကလေးများသည် ကြီးလာလျှင် ဆီးချိုဖြစ်ရန် သေချာသလောက် ဖြစ်ပါသည်။ ထိုအချက်သည် ဖွံ့ဖြိုးဆဲနိုင်ငံများ၏ ဆီးချိုဖြစ်ပွားနှုန်း မြင့်မားနေသော အချက်များထဲမှ တစ်ခု အပါအဝင် ဖြစ်သည်။

(၅) အချိုမှုန့်စားသော ကိုယ်ဝန်ဆောင် မိခင်များမှ မွေးလာသော ကလေးများ၏ medulla oblongata, thalamus, or hypothalamus ဆိုသည့် ဦးနှောက် အစိတ်အပိုင်းများတွင် ရှိသော အာရုံကြောဆဲလ်များကို ပျက်စီးစေပါသည်။

(၆) မျိုးပွားစွမ်းရည် ကျဆင်းခြင်း၊ သားသမီးရနိုင်စွမ်း ကျဆင်းခြင်း ဖြစ်နိုင်ပါသည်။ Chinese Restaurant Syndrome ခေါ် တရုတ်စားတော်ဆက်ရောဂါစု ဖြစ်စေနိုင်ပါသည်။ ထိုရောဂါစုသည် အချိုမှုန့် လွန်ကဲစွာပါသော အစားအသောက် စားပြီးပြီးချင်းတွင် မျက်နှာ၊ လည်ပင်းနှင့် တစ်ကိုယ်လုံးတွင် အနီစက်များ ထွက်လာခြင်း၊ ခေါင်းအရမ်းထိုးကိုက်ခြင်း၊ ခေါင်းမူးခြင်း၊ မျက်နှာတွင် တင်းကြပ်စွာ ခံစားရတတ်ခြင်း၊ မေးလှုပ် ပါးစပ်ဖွင့် လေးခြင်း၊ ဗိုက်အောင့်ခြင်း၊ ခါးနာခြင်းများ ဖြစ်စေသည်။ အချိုမှုန့်နှင့် ဓာတ်မတည့်သည့် ရောဂါ ဖြစ်သည်။

(၇) ပန်ကရိယ ခေါ် မုန့်ချိုအိတ်ရောင်ရောဂါ အပါအဝင် ကိုယ်တွင်းကလီစာ တစ်ခုခု ရောင်ယမ်းတဲ့ ရောဂါ ရှိနေသူတွေ၊ သက်ကြီးရွယ်အိုတွေ၊ စာသင်ကြားနေတဲ့ ကျောင်းသားကျောင်းသူတွေ အထူးရှောင်ကြဉ် သင့်ပါသည်။

(၈) လူအများစုက ဆားကအငန် အချိုမှုန့်က အပေါ့ ဆိုပြီး တလွဲမှတ်ယူထားကြပါတယ်။ ဒီတော့ ဆားထည့်လွန်လို့ ငန်သွားရင် အချိုမှုန့်များများ ထပ်ထည့် ပါတယ်။ အမှန်က ဆားက Sodium chloride ၊ အချိုမှုန့်က Monosodium glutamate ဖြစ်လို့ နှစ်ခုလုံး ဆိုဒီယမ် (Sodium) ဆားဓာတ်ဖြစ်ကာ နှစ်ခု ပြိုင်စားသုံးရင် သွေးတွင်းဆိုဒီယမ် မြင့်တက်မှု အရမ်းများလာစေကာ သွေးတိုးရောဂါကို ဖြစ်စေပါတယ်။ ဒါကြောင့် သွေးတိုးရောဂါ ကာကွယ်လိုသူများနဲ့ ရှိသူများဟာ အချိုမှုန့်ကို အထူးရှောင်ကြဉ်သင့်ပါတယ်။

ဘယ်လို လျော့ချ အမြစ်ဖြတ်ကြမလဲ

(၁) လျော့ချသုံးခြင်းဖြင့် စတင်ပါ။ အချိုမှုန့်ဟာ အသားတွေရဲ့ အရသာကိုသာ မြှင့်တင်ပေးတာ ဖြစ်လို့ အသီးအနှံတွေမှာ လုံးဝမသုံးပါနဲ့။

(၂) ယေဘုယျလမ်းညွှန် (General Guideline) အရ ပြောရရင် အစားအသောက် တစ်ကီလို (၂.၂ပေါင်) ကို အချိုမှုန့် လက်ဖက်ရည်ဇွန်းနဲ့ တစ်ဇွန်းထက် ပိုမသုံးပါနဲ့။ ဒါဆိုရင်တော့ အန္တရာယ် နည်းတယ်လို့ သိရပါတယ်။

(၃) ရယ်ဒီမိတ် အစားအသောက်တွေ အားလုံးနီးပါးမှာ အချိုမှုန့် ပါပြီးသားဆိုတာ သတိထားပါ။ ဘယ်တော့မှ အချိုမှုန့် ထပ်မထည့်ပါနဲ့။

(၄) ရယ်ဒီမိတ် စားစရာတွေ ဝယ်ရင် လေဘယ်လ် ပေါ်မှာ ပါတဲ့ အချိုမှုန့်ပါဝင်မှု ပမာဏကို ရှာဖွေပါ။ အဆင့်အတန်းရှိတဲ့ အစားအသောက်တံဆိပ်တွေ အားလုံးရဲ့ ပါဝင်ဖက်ပစ္စည်းစာရင်း (Ingredient List) ရဲ့ အောက်ဆုံးမှာ အချိုမှုန့် တကယ်သုံးထားရင် သုံးထားကြောင်း ပမာဏ အတိအကျ ပါပါတယ်။

၅) ရိုးရာ ဟင်းခတ်အမွှေးအကြိုင်တွေ (ဥပမာ ပုစွန်ခြောက်၊ ငါးပိ စတာတွေ) ကို ပြန်လည်အစားထိုး သုံးသင့်ပါပြီ။ ကျွန်တော်တို့ရဲ့ ရှေးအစဉ်အဆက် ဘိုးဘွားများဟာ ထွားကျိုင်းသန်မာ ရောဂါကင်းခဲ့တာ အချိုမှုန့် မစားခဲ့ကြတာလည်း ပါပါတယ်။


credit.copy

photo ,crd

ဆေးဘဲဥအစပ်ကြော် (Spicy century egg)

ဒီဆေးဘဲဥ အစပ်ကြော်ဟင်းလေးကတော့ စာအုပ်တစ်အုပ်ထဲက နမူနာယူပြီး ပြန်လုပ်ပြထားတာပါ။

သူ့ထဲက အညွှန်းတွေအတိုင်း အတိအကျမဟုတ်ဘဲ ကျွန်မတို့ ဗမာပါးစပ်နဲ့အဆင်ပြေအောင် ခပ်စပ်စပ်ကလေးလုပ်ထားလို့ ထမင်းဖြူဖြူလေးနဲ့ တွဲစားလိုက်ရင် ထမင်းမြိန်စေပါတယ်။

အသားမပါဘူး မဖြစ်ရအောင် အသားလေးတွေကိုလည်း နုတ်နုတ်စဉ်းပြီးထည့်ထားတော့ အသားအရသာနဲ့ ဆော့စ်အရသာရောပြီး အင်မတန်မှလိုက်ဖက်ညီပါတယ်။ ဒါ့အပြင် ဆေးဘဲဥအရသာ ဆိမ့်ဆိမ့်လေးပါတွဲလိုက်တော့ ပိုပြီးစားကောင်းသွားတာပေါ့နော်။ အသားကတော့ ကြက်သား (သို့) ဝက်သားသုံးနိုင်ပါတယ်။ ဝက်သားနဲ့ဆိုရင်တော့ ပိုလိုက်ဖက်မယ်ထင်ပါတယ်။ လုပ်နည်းလေးကြည့်လိုက်ရအောင်။

ပါဝင်ပစ္စည်းများ

ဆေးဘဲဥ ၂လုံး

ကြက်သား (သို့) ဝက်သား အနည်းငယ် (နုတ်နုတ်စဉ်း)

ခရုဆီ စားပွဲဇွန်း ၁ ဇွန်းလျော့လျော့

ငရုပ်ဆီစားပွဲဇွန်း ၂ ဇွန်း

ပဲငံပျာရည်အကြည် စားပွဲဇွန်း ၁ဇွန်း

ဟင်းခပ်မှုန့် အနည်းငယ်

ချက်ပြုတ်နည်း

ပထမဆုံး ဆေးဘဲဥကို အခွံခွပြီး ရေနွေးဆူဆူမှာ ၅ မိနစ်လောက်စိမ်ထားပေးပါ

ကြက်သားကို ဆားအချိုမှုန့် နယ်ထားပေးပါ

နောက်ဆေးဘဲဥတွေကို ၄ စိတ်စီစိတ်ပြီး ဂျုံမှုန့်လူးပြီး ကြော်ကာ ဆီစစ်ထားပေးပါ။

ဆီစားပွဲဇွန်း ၁ ဇွန်းကိုပူအောင်တည်ပြီး ကြက်သားတွေကိုထည့်ကြော်ပေးပါ တဆက်ထည်းမှာပဲ ခရုဆီ၊ ငရုပ်ဆီ နဲ့ ပဲငံပျာရည်၊ ဟင်းခပ်မှုန့်အနည်းငယ်ကိုထည့်ပြီးရေ တစ်ရုပ်ပန်းကန်လုံး ထက်ဝက်ထည့်ပေးပါ။

ဆော့စ်တွေနဲနဲဆူလာပြီဆိုရင် ကြော်ထားတဲ့ ဆေးဘဲဥလေးတွေထည့်၊ ငရုပ်သီးတစ်တောင့် ပါးပါးလှီးထားတွေထည့်မွှေပြီး မီးပိတ်ပေးလိုက်ပါ။

ဒါဆိုရင်တော့ ထမင်းပူပူလေးနဲ့ တွဲစားဖို့ ဆေးဘဲဥအစပ်ကြော် အဆင်သင့်ဖြစ်ပါပြီ။

Crd.Evy