အင်ဒိုနီးရှား ပထမဆုံး မြေအောက်ရထားလမ်း ဖွင့်လှစ်
====================
====================
ဂျကာတာ (အင်ဒိုနီးရှား)-အင်ဒိုနီးရှားနိုင်ငံတွင် အချိန်ကြာမြင့်စွာစောင့်ဆိုင်းခဲ့ရသော ပထမဆုံးမြေအောက်ရထားလမ်းကို ယာဉ်အသွားအလာ ကျပ်တည်းမှုကို ဖြေလျော့စေရန်ရည်ရွယ်ချက်ဖြင့် ဂျကာတာမြို့တော်တွင် မတ် ၂၄ ရက်က ဖွင့်လှစ်လိုက်ပြီဖြစ်သည်။
ဂျကာတာမြို့ထဲမှ တောင်ဘက်ပိုင်းသို့ ပြေးဆွဲမည့် ၁၆ ကီလိုမီတာ (၁၀ မိုင်) ရထားလမ်းအား စတင်ဖွင့်လှစ်ပြီး မိနစ်ပိုင်းအတွင်းမှာပင် သမ္မတ ဂျိုကို ဝီဒိုဒိုက ၂၀၂၄ ခုနှစ်တွင် ပြီးစီးရန် စီစဉ်ထားသည့် မြောက်ဘက်ပိုင်းရှိ ၈ ကီလိုမီတာ (၅ မိုင်) ရှိ ရထားလမ်းကို ဒုတိယအဆင့်စတင်တည်ဆောက်ခြင်း အထိမ်းအမှတ်အဖြစ် ပန္နက်တင်အခမ်းအနားကို ဦးဆောင်ပြုလုပ်ခဲ့သည်။ အဆိုပါ ရထားလမ်းစီမံကိန်းနှစ်ခုကို ဒေါ်လာ ၂ ဒသမ ၆ ဘီလျံ အကုန် အကျခံကာတည်ဆောက်နေပြီဖြစ်သည်။
မတ် ၂၄ ရက်က ဖွင့်လှစ်ခဲ့သည့် ရထားလမ်းတွင် မိုးပျံလမ်း ခုနစ်ခုနှင့် မြေအောက်ဘူတာ ခြောက်ခု ပါဝင်ကာပြည်တွင်းနှင့် ဂျပန်ကုမ္ပဏီတို့ ပူးပေါင်းတည်ဆောက်ခြင်းဖြစ်သည်။ မတ်လကုန်အထိ ခရီးသွားများသည် အခမဲ့စီးနင်းနိုင်မည်ဖြစ်ကာ ထိုကာလကျော်လွန်ပါက လက်မှတ်တစ်စောင်လျှင် ဆင့် ၇၀ နှင့် တစ်ဒေါ်လာကြား ကုန်ကျမည်ဖြစ်သည်ဟု လုပ်ငန်းလုပ်ကိုင်ဆောင်ရွက်သူ ပီတီ အမ်အာတီဂျကာတာကုမ္ပဏီက ပြောကြားခဲ့သည်။
အင်ဒိုနီးရှားနိုင်ငံတွင် ပြန်လည်ရွေးကောက်ခံရန်အတွက် မဲဆွယ်စည်းရုံးနေသော သမ္မတ ဝီဒိုဒိုက ၈၇ ကီလိုမီတာ အကွာအဝေးရှိသည့်အရှေ့အနောက် ဆက်သွယ်သည့် ရထားလမ်းတည်ဆောက်မှု ဒုတိယအဆင့်အားယခုနှစ်တွင်စတင်ရန် ဂျကာတာအုပ်ချုပ်ရေးမှူး အန်နီးဘက်စ်ဝီးန်ကို ညွှန်ကြားထားကြောင်းပြည်သူ လူထုကို ပြောကြားခဲ့သည်။
ကမ္ဘာပေါ်တွင် စတုတ္ထလူဦးရေ အများဆုံးနိုင်ငံဖြစ်သည့် အင်ဒိုနီးရှားနိုင်ငံတစ်ဝန်းရှိ အခြေခံအဆောက်အအုံ တိုးတက်မှုများတွင် ဂျကာတာရှိ ပထမဆုံးမြေအောက်ရထားလမ်းသည် ခေတ်မီဆုံးဖြစ်ကာ အများပြည်သူ သယ်ယူပို့ဆောင်ရေးတွင် ကွာလာလမ်ပူ၊ စင်ကာပူနှင့်ဘန်ကောက်ကဲ့သို့ အရှေ့တောင်အာရှမြို့တော်များနှင့် အမီလိုက်နိုင်ရန် ရည်ရွယ်ထားသည်။ ဂျကာတာတွင် တရားဝင်စာရင်းအရ လူဦးရေ ၁၀ သန်းခန့်နေထိုင်သည် ဟုဆိုသော်လည်း လူဦးရေမှာ သန်း ၃၀ ထိရှိနိုင်သည်။
ဂျပန်နိုင်ငံတကာ ပူးပေါင်းဆောင်ရွက်မှုအေဂျင်စီ ချေးငွေမှတစ်ဆင့် ငွေကြေးပံ့ပိုး တည်ဆောက်သည့် မြေအောက်ရထားလမ်းစီမံကိန်းကို ၁၉၈၀ ပြည့်လွန်နှစ်များကတည်းက စီစဉ်ထားသော်လည်း နိုင်ငံရေးပဋိပက္ခများ၊ ကြိုးနီစနစ်နှင့် ငွေကြေးထောက်ပံ့မှု သဘောထားကွဲလွဲမှုများကြောင့် တည်ဆောက်မှုများ နှောင့်နှေးကြန့်ကြာခဲ့သည်။ ရထားလမ်း တည်ဆောက်မှုစတင်သည့်အောက်တိုဘာ ၂၀၁၃ ခုနှစ်တွင် ဝီဒိုဒိုသည် ဂျကာတာ၏ အုပ်ချုပ်ရေးမှူးဖြစ်သည်။
ပို့ဆောင်ဆက်သွယ်ရေးတွင် ကြီးကြီးမားမား ရင်းနှီးမြှုပ်နှံမှု မရှိပါက ဂျကာတာမြို့သည် ၂၀၂၀ ပြည့်နှစ်တွင်ယာဉ်ကြောပိတ်ဆိုမှု ဒုက္ခကို ရမည်ဟု ဂျပန်နိုင်ငံတကာပူးပေါင်းဆောင်ရွက်မှုအေဂျင်စီက ခန့်မှန်းထားသည်။
ယာဉ်ကြောပိတ်ဆို့မှုကြောင့် နှစ်စဉ်ဆုံးရှုံးမှုများမှာလာမည့်နှစ်တွင် ဒေါ်လာ ၆ ဒသမ ၅ ဘီလျံထိရောက်ရှိမည်ဟုလည်း ကြိုတင်ခန့် မှန်းထားသည်။
==========
The Myanmar Times
