နိုင်ငံသားစိစစ်ရေးကတ်ပြားတစ်ခုလျှင် SIM ကတ် နှစ်ခုသာကိုင်ဆောင်ခွင့်ပြုမည်

 

 နိုင်ငံသားစိစစ်ရေးကတ်ပြားတစ်ခုလျှင် SIM ကတ် နှစ်ခုသာကိုင်ဆောင်ခွင့်ပြုမည်

အများပြည်သူလုံခြုံရေး ထိရောက်စွာကာကွယ်ရန် ဧပြီလ ၁ရက်နေ့မှာစ၍ ပြည်သူတစ်ဦးလျှင် နိင်ငံသားစိစစ်ရေးကတ်ပြားဖြင့် SIM ကတ် နှစ်ခုသာကိုင်ဆောင်ခွင့်ပြုတော့မည်ဖြစ်ကြောင်း ဆက်သွယ်ရေးညွှန်ကြားမှု ဦးစီးဌာနက သတင်းထုတ်ပြန်ထားသည်။

နိုင်ငံသားစိစစ်ရေးကတ်ပြားတစ်ခုလျှင် SIM ကတ်နှစ်ခုထက်ပို၍ မှတ်ပုံတင်ထားခြင်းများကိုလည်း ပိတ်သိမ်းသွားမည်ဖြစ်ကြောင်း အဆိုပါဌာနက ကြေညာထားသည်။ သို့သော် ပြည်တွင်းအော်ပရေတာလေးခုမှု အဆိုပါကိစ္စနှင့်ပတ်သက်၍ ကြေညာချက်များထုတ်ပြန်ခြင်းမရှိသေးပေ။

လက်ရှိအချိန်တွင် ပြည်တွင်း၌ဆက်သွယ်ရေးလုပ်ကိုင်နေသည့် အော်ပရေတာများသည့် SIM ကတ် အများအပြားကို နိုင်ငံသားစိစစ်ရေးကတ်ပြားတစ်ခုတည်းဖြင့် မှတ်ပုံတင်ရောင်းချနေသဖြင့်
ပြည်သူများလုံခြုံရေးကို အကာအကွယ်ပေးနိုင်ရန်ခက်ခဲနေခြင်းကြောင့် ကန့်သတ်ရခြင်းဖြစ်ကြောင်း သိရသည်။

စိစစ်ရေးကတ်ပြားတစ်ခုလျှင် SIM ကတ် နှစ်ခုထက်ပိုပြီး မှတ်ပုံတင်ထားသည့် SIM ကတ် အသစ်များအား ပိတ်သိမ်းသွားမည်ဖြစ်ပြီး သုံးစွဲသူ ပြည်သူများအနေဖြင့် SIM ကတ်များ စနစ်တကျမှတ်ပုံတင်နိုင်းရေးအတွက် ပူးပေါင်းပါဝင်ပေးကြရန် ဆက်သွယ်ရေးညွှန်ကြားမှုဦးစီးဌာနမှ တိုက်တွန်းထားသည်။

SIM ကတ်များ မှတ်ပုံတင်ခြင်းပြုလုပ်ရန်အတွက် အမည် ၊နိုင်ငံသားစိစစ်ရေးကတ်ပြားအမှတ် (သို့) ကျောင်းသားကတ်၊ ယာဉ်မောင်းလိုင်စင်ကတ်၊ နိုင်ငံခြားသားများအတွက် Passport No. ၊ ကတ်ပြားမူရင်း နှင့် မိတ္တူ အဘအမည် မွေးသက္ကရာဇ် (ရက်/လ/ခုနှစ်) လူမျိုး/ နိုင်ငံသား နေရပ်လိပ်စာ အစရှိသည်တို့ လိုအပ်မည်ဖြစ်သည်။

“၀ယ်တဲ့သူတွေက အမည်ပေါက်ပြောင်းလို့ရပေမယ့် အလုပ်ရှူပ်ခံပြီးမပြောင်းကြတော့ နောက်ပိုင်းဒီနံပါတ်က ဘယ်သူကိုင်လို့ ကိုင်မှန်းမသိတာတို့၊ နိုင်ငံတွင်းလုံခြုံရေးနဲ့ပတ်သက်ပြီးအလုပ်လုပ်တဲ့အခါကျတော့ အမှုတစ်ခုခုဖြစ်လို့ နံပါတ်အပေါ်မူတည်ပြီးလိုက်ရင် ဒီနံပါတ်ကဘယ်သူကိုင်တာလဲဆိုပြီးလိုက်ရင် တကယ့်လူကရှောင်သွားလို့ရတယ်”ဟု ဆိုက်ဘာလုံခြုံရေးနည်းပညာရှင် ကိုရန်နိုင်မြင့်က ပြောသည်။

ထို့အပြင် SIM ကတ် နှစ်ကတ်ကိုင်ဆောင်ခွင့်ဆိုသည်မှာ ပြည်တွင်းအော်ပရေတာ လေးခုစလုံး၏ ကတ်နှစ်ကတ် (သို့မဟုတ်)အော်ပရေတာတစ်ခုတည်းမှကတ် နှစ်ကတ် (သို့မဟုတ်) အော်ပရေတာအားလုံပေါင်းအနက် ကတ်နှစ်ခုကိုင်ဆောင်ရမည်လားကို ဆက်သွယ်ရေးဝန်ကြီးဌာနက ရှင်းရှင်းလင်းလင်းထုတ်ပြန်ထားခြင်းမရှိသေးပေ။

သတင်း-မေဘယ်လ်
ဓာတ်ပုံ – ကိုကျော်


Leave a Reply

Your email address will not be published. Required fields are marked *

*